1 Kör 5
5
Rɑ̈ji Burø kì Kɑnïsɑ̀
1 #
Jølø 22.30
Okømmø ɑnɑn, i dɑ orøg kì kelli wun, men-ɑ́ orøg me pɑ cuggi gwøgø yi tyëngpɑth ki Yeud. I dɑ nyel me bëëdø ki cï wïye. 2O wu yöd wu ceg-ɑ thwøgø, ngö wu di ceg-ɑ kïïmø! O nyel-ɑ ɑ́gwøg gïn ni menɑni di ceg yi wun kɑ cyeed wɑ̈g kì kelli wun. 3-5Cɑgg yɑ lɑ̈wi kì buti wun ki dëlɑ, yɑ nud kì kelli wun ki wëy. Nyel-ɑ ɑ́gwøg orøngɑni ɑ́rum ki cɑyø yi yɑn kì ri nyingi Wë Yëso. Keny-ɑ ócïb burø yi wun këti, rum wun kinni, yɑ nud kì kelli wun ceth, o tegi Wë óbëëd e nud thyew. Kɑ̈ɑ̈l nyelɑni wɑ̈g kì kelli tyëng kɑnïsɑ̀, kɑ cïb cingi Cethɑn, jɑngi wëyrijjø kipe kinni o dële thøwe, o wëye óyiel kì cyɑ̈ng-ɑ ódwöög Wë kömi piny.
6 #
Gɑl 5.9
Ri wun ko nyi lejji wun, mɑ́ lejji rek pɑ døj kì bøli Jwøk. Kwïj yi wun kinni, møng-ɑ búr men-ɑ nyi gwøøg ópun nyii twɑgø yi nyɑ kɑmïrɑ̀ me thiinh? 7#Kedhø 12.5 Nyiig wun kɑmïr-ɑ kɑ̈ge dööng, ɑ bɑ mi orøg kì kelli wun, o wu göög wun, wu pɑ̈r ki ɑwɑj me nyɑ̈n, ni kɑ ɑ́ngɑ̈nyɑ wun; mɑ́ Órömi Kwëër Ákɑɑdh miee ɑ́rum ki ngɑlø; en ɑ Mesiy. 8#Kedhø 13.7; Jølø 16.3 Gwøg wɑ Kwëër Ákɑɑdh miee ki ópun me ree bong kɑmïrɑ̀ mi orøøg kɑ̈ge dööng. De gwøg wɑ en ki ópun me ree bong kɑmïrɑ̀; ɑ løg ópuun dhïwø geki dyër.
9Kì yij wɑ̈ny-ɑ ɑ́gwëdɑ wun, wu ɑ́cegɑ kinni, wu ko nyi 'lwööb ki tyëng-ɑ nyi niin ki ngɑn nuti nywøøm gen ri gen. 10Yɑ nuti wɑng-ɑ tyëng kömi piny, møg-ɑ nyi niin ri gen, wɑlɑ̀ møg-ɑ pëthi gen døngø, wɑlɑ̀ møg-ɑ nyi kwɑ̈dø, wɑlɑ̀ møg-ɑ nyi mɑlli ngïjji jwögg. Mɑ́ keløg wu pɑ di cyɑ̈dhi kì kelli tyëngɑni, wu di ceg-ɑ dhwödhø kì kömi piny men. 11De møg-ɑ ɑ́cïgɑ wun bɑ kinni: wu ko nyi cyɑ̈dhi ki ngɑn-ɑ nyi cwølli ree ɑ́ ngɑn-ɑ ɑ́yïëy, keløg e bɑ ngɑn nyi niin ki ngɑn nuti nywøøm gen ri gen, wɑlɑ̀ pyëwe dwøng, wɑlɑ̀ nyi mɑll-ɑ ngïjji jwögg, wɑlɑ̀ bɑ ɑ́leb, wɑlɑ̀ bɑ mɑ̈dhi møgø, wɑlɑ̀ bɑ kur. Wu ko wöl pëggi kej ɑ́kyel ki ngɑn ni menɑni.
12De ngɑn pɑ ying kɑnïsɑ̀, ócɑy kɑ per ngø? Pɑ lɑ̈w keløg wu cɑy-ɑ tyëng-ɑ kɑnïsɑ̀? 13#Jølø 13.5; 17.7 (LXX) Mɑ́ tyëng-ɑ pɑ ying kɑnïsɑ̀ ócɑy-ɑ yi Jwøk, ni kɑ̀ kööb wɑ̈nyi kwërø kinni, “Kɑ̈ɑ̈lu ngɑnrɑj wɑ̈g kì kelli wun.”
Currently Selected:
1 Kör 5: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
1 Kör 5
5
Rɑ̈ji Burø kì Kɑnïsɑ̀
1 #
Jølø 22.30
Okømmø ɑnɑn, i dɑ orøg kì kelli wun, men-ɑ́ orøg me pɑ cuggi gwøgø yi tyëngpɑth ki Yeud. I dɑ nyel me bëëdø ki cï wïye. 2O wu yöd wu ceg-ɑ thwøgø, ngö wu di ceg-ɑ kïïmø! O nyel-ɑ ɑ́gwøg gïn ni menɑni di ceg yi wun kɑ cyeed wɑ̈g kì kelli wun. 3-5Cɑgg yɑ lɑ̈wi kì buti wun ki dëlɑ, yɑ nud kì kelli wun ki wëy. Nyel-ɑ ɑ́gwøg orøngɑni ɑ́rum ki cɑyø yi yɑn kì ri nyingi Wë Yëso. Keny-ɑ ócïb burø yi wun këti, rum wun kinni, yɑ nud kì kelli wun ceth, o tegi Wë óbëëd e nud thyew. Kɑ̈ɑ̈l nyelɑni wɑ̈g kì kelli tyëng kɑnïsɑ̀, kɑ cïb cingi Cethɑn, jɑngi wëyrijjø kipe kinni o dële thøwe, o wëye óyiel kì cyɑ̈ng-ɑ ódwöög Wë kömi piny.
6 #
Gɑl 5.9
Ri wun ko nyi lejji wun, mɑ́ lejji rek pɑ døj kì bøli Jwøk. Kwïj yi wun kinni, møng-ɑ búr men-ɑ nyi gwøøg ópun nyii twɑgø yi nyɑ kɑmïrɑ̀ me thiinh? 7#Kedhø 12.5 Nyiig wun kɑmïr-ɑ kɑ̈ge dööng, ɑ bɑ mi orøg kì kelli wun, o wu göög wun, wu pɑ̈r ki ɑwɑj me nyɑ̈n, ni kɑ ɑ́ngɑ̈nyɑ wun; mɑ́ Órömi Kwëër Ákɑɑdh miee ɑ́rum ki ngɑlø; en ɑ Mesiy. 8#Kedhø 13.7; Jølø 16.3 Gwøg wɑ Kwëër Ákɑɑdh miee ki ópun me ree bong kɑmïrɑ̀ mi orøøg kɑ̈ge dööng. De gwøg wɑ en ki ópun me ree bong kɑmïrɑ̀; ɑ løg ópuun dhïwø geki dyër.
9Kì yij wɑ̈ny-ɑ ɑ́gwëdɑ wun, wu ɑ́cegɑ kinni, wu ko nyi 'lwööb ki tyëng-ɑ nyi niin ki ngɑn nuti nywøøm gen ri gen. 10Yɑ nuti wɑng-ɑ tyëng kömi piny, møg-ɑ nyi niin ri gen, wɑlɑ̀ møg-ɑ pëthi gen døngø, wɑlɑ̀ møg-ɑ nyi kwɑ̈dø, wɑlɑ̀ møg-ɑ nyi mɑlli ngïjji jwögg. Mɑ́ keløg wu pɑ di cyɑ̈dhi kì kelli tyëngɑni, wu di ceg-ɑ dhwödhø kì kömi piny men. 11De møg-ɑ ɑ́cïgɑ wun bɑ kinni: wu ko nyi cyɑ̈dhi ki ngɑn-ɑ nyi cwølli ree ɑ́ ngɑn-ɑ ɑ́yïëy, keløg e bɑ ngɑn nyi niin ki ngɑn nuti nywøøm gen ri gen, wɑlɑ̀ pyëwe dwøng, wɑlɑ̀ nyi mɑll-ɑ ngïjji jwögg, wɑlɑ̀ bɑ ɑ́leb, wɑlɑ̀ bɑ mɑ̈dhi møgø, wɑlɑ̀ bɑ kur. Wu ko wöl pëggi kej ɑ́kyel ki ngɑn ni menɑni.
12De ngɑn pɑ ying kɑnïsɑ̀, ócɑy kɑ per ngø? Pɑ lɑ̈w keløg wu cɑy-ɑ tyëng-ɑ kɑnïsɑ̀? 13#Jølø 13.5; 17.7 (LXX) Mɑ́ tyëng-ɑ pɑ ying kɑnïsɑ̀ ócɑy-ɑ yi Jwøk, ni kɑ̀ kööb wɑ̈nyi kwërø kinni, “Kɑ̈ɑ̈lu ngɑnrɑj wɑ̈g kì kelli wun.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.