Kuen Riet in nhiam
Riet in nhiam
Ɛn bok Kuenä nɛmɛ ruacɛ kɛ cäätni kɛ gua̱a̱th mi ci thia̱k ni run ti jiɛn ŋuaan kɛ gua̱a̱th ëë jiɛc kɛ ji̱ I-thɛ-rɛl Pääm Thi-nay amäni mëë cikɛ cop, ni këth kui̱c käny ca̱ŋ muɔ̱ɔ̱n ëë ci Kuoth Nhial ɛ lar i̱ bɛ ka̱m kɛ. Kä ɛn ciötdɛ ɛn bok ɛ mi loocɛ ni ruac cäätdä mi ca lat, min mɔ kuën ji̱ I-thɛ-rɛl mëë lät Muthɛ jɛ kɛ gua̱th ëë /ken kɛ ni jiɛɛn Pääm Thi-nay. Kä cua nyɔk kä Mo-ab, kui̱c kiɛɛr Jɔr-dɛn kɛ kɔr ri̱cä, kä kɛ kam kueni da̱ŋ rɛw cu ji̱ I-thɛ-rɛl wä kä Ka-dɛc-bar-ni-ya kui̱c cuëëc këth Kɛ-naan. Kä /ken kɛ cop muun ëë ca la̱r kɛ ɛ Kuoth Nhial. Kä kɛ mëë cikɛ run ti ŋuan thuk ɛn wi̱ni, cu kɛ wä muun kuec kiɛɛr Jɔr-dɛn. Min cua̱ wec kä tha̱a̱ŋ ji̱ I-thɛ-rɛl kä cu duɔth in dɔ̱ŋ rɔ rialikä kɛ jëthdiɛn kɛ kir Jɔr-dɛn wäkɛ kä Kɛ-naan.
Ɛn bok Kuenä nɛmɛ kuɛɛnɛ ni nɛy tëë dual kɛ ruɔ̱t kä ti bɛ̈c bɛ̈ɛ̈c, tëë gak kɛ Kuoth kɛnɛ Muthɛ min ci Kuoth ɛ mɛk i̱, bia̱ bo̱o̱thdiɛn.
Ɛ bok cäätdä kɛ kui̱ gɔɔyä Kuɔth, kɛnɛ ti̱etdɛ kɛ nɛɛkɛ guäth in thilɛ kɛ lua̱ŋ kɛnɛ gua̱a̱th in thilɛ kɛ luth, kɛ lät Muthɛ tin cuŋ tin ci Kuoth kɛ kään ni jɛ kɛnɛ nɛɛkɛ.
Tin te rɛy buɔk
1. Riali ji̱ I-thɛ-rɛl kɛ rɔ̱ ikä kɛ jiɛndiɛn Pääm Thi-nay 1:1—9:23
a. Kuën nath in nhiam 1:1—4:49
b. Ŋuɔ̱t tin kɔ̱kiɛn 5:1—8:26
c. Cäŋ Bälä min rɛwdɛ 9:1-23
2. Jiɛɛn nath Pääm Thi-nay wädiɛn kä Mo-ab 10:1—21:35
3. Tin ci tuɔɔk kä Mo-ab 22:1—32:42
4. Jiɛɛn ëë jiɛckɛ kɛ kä I-jëp wädiɛn kä Mo-ab 33:1-49
5. Ruaacni a /ka̱n Jɔr-dɛn ni jiɛth 33:50—36:13
Currently Selected:
Kuen Riet in nhiam: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.