Kuen 5
5
Wuɔ̱c Nɛɛni ti tekɛ juey rɛy wec
1Cu Kuoth Nhial ruac kɛ Muthɛ i̱, 2“Jio̱kni ji̱ I-thɛ-rɛl i̱ ka̱mɛ nɛy tin tekɛ dhɔp raar rɛy wec kɛnɛ tin diaal tin tekɛ löny riɛm jua̱th mi jiääk kɛ tin ca rɔ̱ ya̱r kɛ thi̱epdiɛn kɛ mi ci li̱w. 3Wutni kɛnɛ män bia kɛ ka̱m raar rɛy wec, kɛ ɣöö /ci wecdiɛn bi jiääk, guäth in cieŋä thi̱n.” 4Kä cu ji̱ I-thɛ-rɛl ɛ la̱t ni nɔ, cukɛ kɛ naŋ raar rɛy wec, ce̱tnikɛ min ci Kuoth Nhial ɛ la̱r Muthɛ, cu ji̱ I-thɛ-rɛl ɛ la̱t.
Cut la̱t kä mi jiääk
5Cu Kuoth Nhial ruac kɛ Muthɛ i̱, 6jio̱k ni ji̱ I-thɛ-rɛl i̱, “Mi wä wut kiɛ ciek duer wä la̱t kɛ thil ŋäthädɛ kɛ Kuoth Nhial a bɛ duer ɛn ram ɛ mɔ, 7a jɛ lat duerɛ ɛn ram ɛmɔ, kä a jɛ col duerɛ, a repɛ jɛ kɛ dhieec dhieecni, kä a jɛ kämɛ ram in cɛ due̱r duer. 8Kä mi thilɛ jɛ gua̱n maarä ɛn ram in ca due̱r due̱r mi ba culikä, bi cut ɛmɔ wä kä Kuoth Nhial kä bööth palä, kä ba dɔdɛ̈ɛ̈l luël mat thi̱n min ba luɛl ni gua̱n dui̱rä. 9Kä muc diaal, nyin ji̱ I-thɛ-rɛl tin rɛl gɔɔydiɛn rɔ, tin ba nöŋ bo̱o̱th palä, bi ka nyinkɛ. 10Bi tin gɔw a nyinkɛ, kä tin diaal tin bi raan kɛ thöp bo̱o̱th palä kɛ nyinkɛ.”
Ŋuɔ̱t kɛ kui̱ wutdä mi diiw ciekdɛ
11Cu Kuoth Nhial ruac kɛ Muthɛ, 12jio̱k ni ji̱ I-thɛ-rɛl i̱, “Mi ci ciek wutdä wä, 13mi ci wut dɔ̱diɛn tɔ̱ɔ̱c kɛ kual, kä cɛ tëë kä cɔwdɛ, a /ka̱n ɛ ŋa̱c, kä thilɛ ram mi /ci jɛ nɛn, kä /ka̱n jɛ ka̱p thi̱n. 14Kä bi cɔwdɛ jɛ diw kɛ mi cɛ la̱t, a cäŋ /kenɛ jɛ la̱t bä 15bi wut ciekdɛ nöŋ bo̱o̱th palä, kä bɛ muc nööŋ kɛ kui̱c ciekdɛ, wa̱l wa̱a̱li nuɔ̱p mi /ka̱n moc liɛth kä /ka̱n moc wal ti kɔp, kɛ ɣöö ɛ muc bɛɛl mi diɛw, kɛ kui̱ ti̱mä dui̱rä.
16“Kä bi bo̱o̱th palä ciek nööŋ thiekä, kä bɛ jɛ nyuɔ̱r nhiam Kuɔth Nhial. 17Kä bi bo̱o̱th palä pi̱ tin rɛl gɔɔydiɛn rɔ̱ ka̱n rɛy dhar muɔ̱ɔ̱n, kä bɛ tup in te rɛy kɛmɛkä ka̱n kä bɛ jɛ la̱th rɛy pi̱i̱ni. 18Bi bo̱o̱th palä ciek la̱th nhiam Kuɔth Nhial, kä bɛ bi̱i̱ wec ciek woc, kä bɛ muc bɛɛl ti̱mä la̱th tetkädɛ, min la muc di̱wä, kä bi bo̱o̱th palä pi̱ lam ti kɛ̈c kɛ̈ɛ̈c rɔm kɛ tetdɛ. 19Kä bi bo̱o̱th pal ciek jak kä yacɛ rɔ wee i̱, ‘Mi thilɛ wut mi ci tɔ̱ɔ̱c kɛ ji̱, kä /keni wä gekä kä ti jiäk, min ti tetdä cɔadu bi kään pi̱i̱ni ti kɛ̈c kɛ̈ɛ̈c ti nööŋkɛ la̱m ti. 20Duundɛ ɣöö mi ci wä raar, a cäŋ ti tetdä cɔadu, a ci rɔ ya̱r, kä ci tɔ̱ɔ̱c kɛ wut mi dɔ̱diɛn mi /ci mɔ a cɔwdu.’ 21Ɛ ni ɣöö, ‘Bi Kuoth Nhial ji̱ kuɛth kä bɛ ji̱ jak kä cäät rɛy nɛɛniku, mi wä Kuoth Nhial cio̱o̱kdu wä jak kä pɛn kä puɔ̱ɔ̱tdɛ puɔ̱nydu. 22Bi pi̱ la̱m ti̱ti̱ wä jiidu ba jicdu wä puɔ̱t kä ba cio̱o̱kdu ka̱m raar.’ Kä bi ciek wee i̱, ‘Inɔnɔ.’
23“Kɛn lamni ti̱ti̱ bi bo̱o̱th palä kɛ gɔ̱a̱r rɛy buɔk, kä bɛ kɛ lak rɛy pi̱i̱ni tin kɛ̈c kɛ̈ɛ̈c. 24Kä bɛ ciek jak kä maathɛ pi̱ tin kɛ̈c kɛ̈ɛ̈c tin nööŋkɛ lam, bɛ kɛ math kä ba jicdɛ moc bɛ̈c. 25Bi bo̱o̱th muc di̱wä bɛɛl ka̱n tetdä ciek, bɛ muc bɛɛl ŋuëŋ Kuoth Nhial, kä bɛ jɛ nööŋ yi̱kä. 26Bi bo̱o̱th palä jic tetdä kɛl kä nup ka̱n kä muc bɛɛl, ala duŋ ti̱mä, kä bɛ jɛ waŋ wi̱i̱ yi̱kä, kɛ kɔrɛ bɛ ciek cu jak kä maathɛ pi̱. 27Mi wëë thuɔ̱k kɛ ma̱th pi̱i̱ni. Mi cɛ rɔ ya̱r, a cɛ cɔwdɛ la̱t a jiäk, bi pi̱ tin cɛ math tin nööŋkɛ lam jicdɛ jak kä bɛc, kä bɛ puɔ̱nydɛ pua̱a̱t, kä bi cio̱o̱kdɛ ben raar, bi ciek cu tekɛ buar rɛy nɛɛnikɛ. 28Kä mi /kenɛ rɔ ya̱r ɛn ciek a thilɛ mi cɛ la̱t, thilɛ mi bi jɛ jek, kä bɛ gaatkɛ dap.
29“Nɛmɛ ɛ ŋuɔ̱t kä mi tekɛ diɛw, mi te ciek tetdä cɔadɛ, mi wëë wä raar a bɛ rɔ ya̱r, 30kä mi wä wut ciekdɛ wä diw, bɛ jɛ nööŋ nhiam Kuɔth Nhial, kä bi bo̱o̱th palä kɛn ŋuɔ̱t ti diaal ti̱ti̱ lat wi̱i̱dɛ. 31Bi wut te raar kä duer, kä bi ciek riɛkdɛ jek.”
Currently Selected:
Kuen 5: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Kuen 5
5
Wuɔ̱c Nɛɛni ti tekɛ juey rɛy wec
1Cu Kuoth Nhial ruac kɛ Muthɛ i̱, 2“Jio̱kni ji̱ I-thɛ-rɛl i̱ ka̱mɛ nɛy tin tekɛ dhɔp raar rɛy wec kɛnɛ tin diaal tin tekɛ löny riɛm jua̱th mi jiääk kɛ tin ca rɔ̱ ya̱r kɛ thi̱epdiɛn kɛ mi ci li̱w. 3Wutni kɛnɛ män bia kɛ ka̱m raar rɛy wec, kɛ ɣöö /ci wecdiɛn bi jiääk, guäth in cieŋä thi̱n.” 4Kä cu ji̱ I-thɛ-rɛl ɛ la̱t ni nɔ, cukɛ kɛ naŋ raar rɛy wec, ce̱tnikɛ min ci Kuoth Nhial ɛ la̱r Muthɛ, cu ji̱ I-thɛ-rɛl ɛ la̱t.
Cut la̱t kä mi jiääk
5Cu Kuoth Nhial ruac kɛ Muthɛ i̱, 6jio̱k ni ji̱ I-thɛ-rɛl i̱, “Mi wä wut kiɛ ciek duer wä la̱t kɛ thil ŋäthädɛ kɛ Kuoth Nhial a bɛ duer ɛn ram ɛ mɔ, 7a jɛ lat duerɛ ɛn ram ɛmɔ, kä a jɛ col duerɛ, a repɛ jɛ kɛ dhieec dhieecni, kä a jɛ kämɛ ram in cɛ due̱r duer. 8Kä mi thilɛ jɛ gua̱n maarä ɛn ram in ca due̱r due̱r mi ba culikä, bi cut ɛmɔ wä kä Kuoth Nhial kä bööth palä, kä ba dɔdɛ̈ɛ̈l luël mat thi̱n min ba luɛl ni gua̱n dui̱rä. 9Kä muc diaal, nyin ji̱ I-thɛ-rɛl tin rɛl gɔɔydiɛn rɔ, tin ba nöŋ bo̱o̱th palä, bi ka nyinkɛ. 10Bi tin gɔw a nyinkɛ, kä tin diaal tin bi raan kɛ thöp bo̱o̱th palä kɛ nyinkɛ.”
Ŋuɔ̱t kɛ kui̱ wutdä mi diiw ciekdɛ
11Cu Kuoth Nhial ruac kɛ Muthɛ, 12jio̱k ni ji̱ I-thɛ-rɛl i̱, “Mi ci ciek wutdä wä, 13mi ci wut dɔ̱diɛn tɔ̱ɔ̱c kɛ kual, kä cɛ tëë kä cɔwdɛ, a /ka̱n ɛ ŋa̱c, kä thilɛ ram mi /ci jɛ nɛn, kä /ka̱n jɛ ka̱p thi̱n. 14Kä bi cɔwdɛ jɛ diw kɛ mi cɛ la̱t, a cäŋ /kenɛ jɛ la̱t bä 15bi wut ciekdɛ nöŋ bo̱o̱th palä, kä bɛ muc nööŋ kɛ kui̱c ciekdɛ, wa̱l wa̱a̱li nuɔ̱p mi /ka̱n moc liɛth kä /ka̱n moc wal ti kɔp, kɛ ɣöö ɛ muc bɛɛl mi diɛw, kɛ kui̱ ti̱mä dui̱rä.
16“Kä bi bo̱o̱th palä ciek nööŋ thiekä, kä bɛ jɛ nyuɔ̱r nhiam Kuɔth Nhial. 17Kä bi bo̱o̱th palä pi̱ tin rɛl gɔɔydiɛn rɔ̱ ka̱n rɛy dhar muɔ̱ɔ̱n, kä bɛ tup in te rɛy kɛmɛkä ka̱n kä bɛ jɛ la̱th rɛy pi̱i̱ni. 18Bi bo̱o̱th palä ciek la̱th nhiam Kuɔth Nhial, kä bɛ bi̱i̱ wec ciek woc, kä bɛ muc bɛɛl ti̱mä la̱th tetkädɛ, min la muc di̱wä, kä bi bo̱o̱th palä pi̱ lam ti kɛ̈c kɛ̈ɛ̈c rɔm kɛ tetdɛ. 19Kä bi bo̱o̱th pal ciek jak kä yacɛ rɔ wee i̱, ‘Mi thilɛ wut mi ci tɔ̱ɔ̱c kɛ ji̱, kä /keni wä gekä kä ti jiäk, min ti tetdä cɔadu bi kään pi̱i̱ni ti kɛ̈c kɛ̈ɛ̈c ti nööŋkɛ la̱m ti. 20Duundɛ ɣöö mi ci wä raar, a cäŋ ti tetdä cɔadu, a ci rɔ ya̱r, kä ci tɔ̱ɔ̱c kɛ wut mi dɔ̱diɛn mi /ci mɔ a cɔwdu.’ 21Ɛ ni ɣöö, ‘Bi Kuoth Nhial ji̱ kuɛth kä bɛ ji̱ jak kä cäät rɛy nɛɛniku, mi wä Kuoth Nhial cio̱o̱kdu wä jak kä pɛn kä puɔ̱ɔ̱tdɛ puɔ̱nydu. 22Bi pi̱ la̱m ti̱ti̱ wä jiidu ba jicdu wä puɔ̱t kä ba cio̱o̱kdu ka̱m raar.’ Kä bi ciek wee i̱, ‘Inɔnɔ.’
23“Kɛn lamni ti̱ti̱ bi bo̱o̱th palä kɛ gɔ̱a̱r rɛy buɔk, kä bɛ kɛ lak rɛy pi̱i̱ni tin kɛ̈c kɛ̈ɛ̈c. 24Kä bɛ ciek jak kä maathɛ pi̱ tin kɛ̈c kɛ̈ɛ̈c tin nööŋkɛ lam, bɛ kɛ math kä ba jicdɛ moc bɛ̈c. 25Bi bo̱o̱th muc di̱wä bɛɛl ka̱n tetdä ciek, bɛ muc bɛɛl ŋuëŋ Kuoth Nhial, kä bɛ jɛ nööŋ yi̱kä. 26Bi bo̱o̱th palä jic tetdä kɛl kä nup ka̱n kä muc bɛɛl, ala duŋ ti̱mä, kä bɛ jɛ waŋ wi̱i̱ yi̱kä, kɛ kɔrɛ bɛ ciek cu jak kä maathɛ pi̱. 27Mi wëë thuɔ̱k kɛ ma̱th pi̱i̱ni. Mi cɛ rɔ ya̱r, a cɛ cɔwdɛ la̱t a jiäk, bi pi̱ tin cɛ math tin nööŋkɛ lam jicdɛ jak kä bɛc, kä bɛ puɔ̱nydɛ pua̱a̱t, kä bi cio̱o̱kdɛ ben raar, bi ciek cu tekɛ buar rɛy nɛɛnikɛ. 28Kä mi /kenɛ rɔ ya̱r ɛn ciek a thilɛ mi cɛ la̱t, thilɛ mi bi jɛ jek, kä bɛ gaatkɛ dap.
29“Nɛmɛ ɛ ŋuɔ̱t kä mi tekɛ diɛw, mi te ciek tetdä cɔadɛ, mi wëë wä raar a bɛ rɔ ya̱r, 30kä mi wä wut ciekdɛ wä diw, bɛ jɛ nööŋ nhiam Kuɔth Nhial, kä bi bo̱o̱th palä kɛn ŋuɔ̱t ti diaal ti̱ti̱ lat wi̱i̱dɛ. 31Bi wut te raar kä duer, kä bi ciek riɛkdɛ jek.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.