Kuen 20
20
Pi̱ rɛy pa̱a̱m
(Ɣöth 17:1-7)
1Kä cu ji̱ I-thɛ-rɛl diaal ben rɛy dɔaar Dhin kɛ pay in jio̱liɛn, kä cukɛ ben cieŋ kä Ka-dɛc. Kä cu Mir-yam li̱w thi̱n, kä cua jɛ kony thi̱n.
2Kä täämɛ cuɛ thil pi̱w kɛ kui̱ dolä. Kä cukɛ rɔ dol kɛɛl gakɛ kɛ Muthɛ kɛnɛ Ä-ron. 3Kä cukɛ gaak kɛ Muthɛ wäkɛ i̱, “Ci ŋua̱n ni mi ca̱kɔ li̱w, mëë li̱w gaatmanikɔ nhiam Kuɔth Nhial! 4Ɛŋu no̱o̱ŋi nɛɛ Kuɔth Nhial rɛy dɔaarɔ kɛ ɣöö ba̱kɔ ben li̱w thi̱n ɔ, kɔn kɛ ɣɔ̱ɔ̱k ɔ? 5Kä ɛŋu curi kɔ jak kä bä raar kä I-jëp ɔ, a bikɔ nööŋ ɛn guäth ɛ jiääk ɛ mi ɔ? Gua̱a̱th mi thil bɛl, kɛnɛ jiɛɛn ŋɔ̱a̱p, kɛ dɔŋpinyni. Kä thilɛ jɛ pi̱ ti mathkɛ.” 6Kä cu Muthɛ kɛnɛ Ä-ron jiɛɛn rɛy dolä kä cukɛ ben thok kɛmɛkä ro̱mä kɛ Kuoth Nhial, kä cukɛ pal. Kä cu buay Kuɔth Nhial päl kä kɛ. 7Kä cu Kuoth Nhial Muthɛ jiök i̱, 8“Käni kɛɛt, kä wër dol nɛy diaal yɛnɛ dämuɔɔr ni Ä-ron, kä ruacni kɛ päm kä bikɛ pi̱kɛ nɛn kɛ waaŋdiɛn. Inɔ bi pi̱w ka̱m raar rɛy pa̱a̱m. Kä bi nɛy diaal cu maath amäni ɣɔ̱ɔ̱kiɛn.” 9Kä cu Muthɛ kɛɛt ka̱n nhiam Kuɔth Nhial ce̱tkɛ min cɛ la̱r jɛ.
10Kä cu Muthɛ kɛnɛ Ä-ron nɛy diaal mat nhiam pa̱a̱m, kä cuɛ kɛ jiök i̱, “Liɛŋɛ jɛ täämɛ yɛn nɛy ti la malɛ luɔc ti. No̱ŋ nɛy yɛ pi̱w ɛn rɛy pa̱a̱m ɛmɛ?” 11Kä cu Muthɛ päm yɔ̱t kä rɛw kɛ kɛɛtdɛ. Kä cu pi̱w ben raar, kä cu nɛy diaal maath amäni ɣɔ̱ɔ̱kiɛn. 12Kä cu Kuoth Nhial Muthɛ kɛnɛ Ä-ron jiök i̱, “Kɛ ɣöö/ci yɛn ɣä ŋäth, kä /ci yɛn ɣä luth ala mi rɛl gɔɔydɛ rɔ waaŋ ji̱ I-thɛ-rɛl, kɛ kui̱c ɛmɔ /cia nɛy ti̱ti̱ diaal bi naŋ muun in cä ka̱m kɛ.” 13Cu ti̱ti̱ a pi̱ Mɛ-ri-baa mëë gak ji̱ I-thɛ-rɛl kɛ Kuoth Nhial, kä cuɛ rɔ nyoth rɛydiɛn ala mi rɛl gɔɔydɛ rɔ.
Pen Ɛ-dɔm ji̱ I-thɛ-rɛl wä
14Kä cu Muthɛ naath ja̱k kä Ka-dɛc jäkɛ kɛ kä kuäär Ɛ-dɔm wee i̱, “Nɛmɛ ɛ min laar dämuɔɔr ni I-thɛ-rɛl ɛ. Ji̱n ŋäci bɛ̈c bɛ̈ɛ̈c diaal tëë ca nɛy jek. 15Mëë ci gua̱nikɔ wä kä I-jëp kä ca̱kɔ wä cieŋ ɛn wi̱n ɛ mi kɛ pek mi bäär. Kä cu ji̱ I-jëp nɛy kɛ gua̱nikɔ ciɛŋ a jiäk. 16Kä mëë ca̱kɔ wiee nhiam Kuɔth Nhial, cuɛ jɔwda liŋ, kä cuɛ jääk ja̱k cuɛ nɛy ben ka̱m raar kä I-jëp. Kä kɔn täämɛ te nɛy kä Ka-dɛc, wec ɛ te këth wecdu mi. 17Täämɛ jaknikɔ kä wä kɛ mundu. /Ca̱kɔ bi wä kɛ rɛy kakä kiɛ kak wal kɛ kui̱ kɔaŋ, kä /ca̱kɔ bi maath kɛ pi̱ rɛy jieeriku. Bakɔ wä kɛ duɔ̱p kua̱r in di̱i̱t, /ca̱kɔ rɔ bi riet cuëëc kiɛ caam, amäni mi ca̱kɔ wecdu bäl.” 18Kä cu Ɛ-dɔm ɛ loc i̱, “/Ci bi rët kɛ wecdä, mi wi̱i̱ wä ben kɛ jɛ, bä nyiëëny kɛ ji̱.” 19Kä cu ji̱ I-thɛ-rɛl ɛ jiök i̱, “Bakɔ wä kɛ duɔ̱ɔ̱p in di̱i̱t. Kä mi wä maath kɛ pi̱ kɔnɛ ɣɔ̱ɔ̱kä, bäkɛ pik, jakni ni ɣä kä wä kärɔa a thilɛ mi dɔ̱ŋ.” 20Duundɛ ɣöö cuɛ loc i̱, “/Ci bi wä.” Kä cu Ɛ-dɔm ben raar kä kɛ, kɛ rɛm mi di̱i̱t mi bum bum. 21Kä niɛ mëë ci Ɛ-dɔm kɛ pën wä kɛ wecdɛ. Kä cu ji̱ I-thɛ-rɛl rɔ̱ ri̱t kä kɛ.
Lia̱a̱ Ä-ron
22Kä cu duɔl I-thɛ-rɛl kɛɛliw jiɛɛn kä Ka-dɛc, cukɛ ben kä Päm Ɣor. 23Kä cu Kuoth Nhial ruac kɛ Muthɛ kɛnɛ Ä-ron Pääm Ɣor, këth muɔ̱ɔ̱n Ɛ-dɔm wee i̱, 24“Bi Ä-ron li̱w. Kɛ ɣöö /cɛ bi wä muun in cä ka̱m ji̱ I-thɛ-rɛl, kɛ ɣöö cia ruacdä lo̱k pi̱i̱ni Mɛ-ri-baa. 25Käni Ä-ron kɛnɛ gatdɛ ni Ɛl-a-dhar, kä naŋnikɛ Pääm Ɣor. 26Kä woc bieyni Ä-ron, kä läthnikɛ puɔ̱ny gatdɛ ni Ɛl-a-dhar. Kä bi Ä-ron li̱w ɛn wi̱ni.” 27Kä cu Muthɛ ɛ la̱t ce̱tnikɛ min ci Kuoth Nhial ɛ la̱r jɛ. Kä cukɛ wä pääm Ɣor nhiam nɛɛni diaal. 28Kä cu Muthɛ bieyni Ä-ron ka̱m raar, kä cuɛ kɛ la̱th puɔ̱ny gatdɛ ni Ɛl-a-dhar. Kä cu Ä-ron li̱w nhial wi̱i̱ pa̱a̱m ɛn wi̱ni. Kä cu Muthɛ kɛnɛ Ɛl-a-dhar ben piny wi̱i̱ pa̱a̱m. 29Kä min ci duɔl ɛ nɛn kɛɛliw ɛn ɣöö ci Ä-ron li̱w, cu ji̱ I-thɛ-rɛl diaal Ä-ron par kɛ ni̱n ti jiɛɛn diɔ̱k.
Currently Selected:
Kuen 20: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Kuen 20
20
Pi̱ rɛy pa̱a̱m
(Ɣöth 17:1-7)
1Kä cu ji̱ I-thɛ-rɛl diaal ben rɛy dɔaar Dhin kɛ pay in jio̱liɛn, kä cukɛ ben cieŋ kä Ka-dɛc. Kä cu Mir-yam li̱w thi̱n, kä cua jɛ kony thi̱n.
2Kä täämɛ cuɛ thil pi̱w kɛ kui̱ dolä. Kä cukɛ rɔ dol kɛɛl gakɛ kɛ Muthɛ kɛnɛ Ä-ron. 3Kä cukɛ gaak kɛ Muthɛ wäkɛ i̱, “Ci ŋua̱n ni mi ca̱kɔ li̱w, mëë li̱w gaatmanikɔ nhiam Kuɔth Nhial! 4Ɛŋu no̱o̱ŋi nɛɛ Kuɔth Nhial rɛy dɔaarɔ kɛ ɣöö ba̱kɔ ben li̱w thi̱n ɔ, kɔn kɛ ɣɔ̱ɔ̱k ɔ? 5Kä ɛŋu curi kɔ jak kä bä raar kä I-jëp ɔ, a bikɔ nööŋ ɛn guäth ɛ jiääk ɛ mi ɔ? Gua̱a̱th mi thil bɛl, kɛnɛ jiɛɛn ŋɔ̱a̱p, kɛ dɔŋpinyni. Kä thilɛ jɛ pi̱ ti mathkɛ.” 6Kä cu Muthɛ kɛnɛ Ä-ron jiɛɛn rɛy dolä kä cukɛ ben thok kɛmɛkä ro̱mä kɛ Kuoth Nhial, kä cukɛ pal. Kä cu buay Kuɔth Nhial päl kä kɛ. 7Kä cu Kuoth Nhial Muthɛ jiök i̱, 8“Käni kɛɛt, kä wër dol nɛy diaal yɛnɛ dämuɔɔr ni Ä-ron, kä ruacni kɛ päm kä bikɛ pi̱kɛ nɛn kɛ waaŋdiɛn. Inɔ bi pi̱w ka̱m raar rɛy pa̱a̱m. Kä bi nɛy diaal cu maath amäni ɣɔ̱ɔ̱kiɛn.” 9Kä cu Muthɛ kɛɛt ka̱n nhiam Kuɔth Nhial ce̱tkɛ min cɛ la̱r jɛ.
10Kä cu Muthɛ kɛnɛ Ä-ron nɛy diaal mat nhiam pa̱a̱m, kä cuɛ kɛ jiök i̱, “Liɛŋɛ jɛ täämɛ yɛn nɛy ti la malɛ luɔc ti. No̱ŋ nɛy yɛ pi̱w ɛn rɛy pa̱a̱m ɛmɛ?” 11Kä cu Muthɛ päm yɔ̱t kä rɛw kɛ kɛɛtdɛ. Kä cu pi̱w ben raar, kä cu nɛy diaal maath amäni ɣɔ̱ɔ̱kiɛn. 12Kä cu Kuoth Nhial Muthɛ kɛnɛ Ä-ron jiök i̱, “Kɛ ɣöö/ci yɛn ɣä ŋäth, kä /ci yɛn ɣä luth ala mi rɛl gɔɔydɛ rɔ waaŋ ji̱ I-thɛ-rɛl, kɛ kui̱c ɛmɔ /cia nɛy ti̱ti̱ diaal bi naŋ muun in cä ka̱m kɛ.” 13Cu ti̱ti̱ a pi̱ Mɛ-ri-baa mëë gak ji̱ I-thɛ-rɛl kɛ Kuoth Nhial, kä cuɛ rɔ nyoth rɛydiɛn ala mi rɛl gɔɔydɛ rɔ.
Pen Ɛ-dɔm ji̱ I-thɛ-rɛl wä
14Kä cu Muthɛ naath ja̱k kä Ka-dɛc jäkɛ kɛ kä kuäär Ɛ-dɔm wee i̱, “Nɛmɛ ɛ min laar dämuɔɔr ni I-thɛ-rɛl ɛ. Ji̱n ŋäci bɛ̈c bɛ̈ɛ̈c diaal tëë ca nɛy jek. 15Mëë ci gua̱nikɔ wä kä I-jëp kä ca̱kɔ wä cieŋ ɛn wi̱n ɛ mi kɛ pek mi bäär. Kä cu ji̱ I-jëp nɛy kɛ gua̱nikɔ ciɛŋ a jiäk. 16Kä mëë ca̱kɔ wiee nhiam Kuɔth Nhial, cuɛ jɔwda liŋ, kä cuɛ jääk ja̱k cuɛ nɛy ben ka̱m raar kä I-jëp. Kä kɔn täämɛ te nɛy kä Ka-dɛc, wec ɛ te këth wecdu mi. 17Täämɛ jaknikɔ kä wä kɛ mundu. /Ca̱kɔ bi wä kɛ rɛy kakä kiɛ kak wal kɛ kui̱ kɔaŋ, kä /ca̱kɔ bi maath kɛ pi̱ rɛy jieeriku. Bakɔ wä kɛ duɔ̱p kua̱r in di̱i̱t, /ca̱kɔ rɔ bi riet cuëëc kiɛ caam, amäni mi ca̱kɔ wecdu bäl.” 18Kä cu Ɛ-dɔm ɛ loc i̱, “/Ci bi rët kɛ wecdä, mi wi̱i̱ wä ben kɛ jɛ, bä nyiëëny kɛ ji̱.” 19Kä cu ji̱ I-thɛ-rɛl ɛ jiök i̱, “Bakɔ wä kɛ duɔ̱ɔ̱p in di̱i̱t. Kä mi wä maath kɛ pi̱ kɔnɛ ɣɔ̱ɔ̱kä, bäkɛ pik, jakni ni ɣä kä wä kärɔa a thilɛ mi dɔ̱ŋ.” 20Duundɛ ɣöö cuɛ loc i̱, “/Ci bi wä.” Kä cu Ɛ-dɔm ben raar kä kɛ, kɛ rɛm mi di̱i̱t mi bum bum. 21Kä niɛ mëë ci Ɛ-dɔm kɛ pën wä kɛ wecdɛ. Kä cu ji̱ I-thɛ-rɛl rɔ̱ ri̱t kä kɛ.
Lia̱a̱ Ä-ron
22Kä cu duɔl I-thɛ-rɛl kɛɛliw jiɛɛn kä Ka-dɛc, cukɛ ben kä Päm Ɣor. 23Kä cu Kuoth Nhial ruac kɛ Muthɛ kɛnɛ Ä-ron Pääm Ɣor, këth muɔ̱ɔ̱n Ɛ-dɔm wee i̱, 24“Bi Ä-ron li̱w. Kɛ ɣöö /cɛ bi wä muun in cä ka̱m ji̱ I-thɛ-rɛl, kɛ ɣöö cia ruacdä lo̱k pi̱i̱ni Mɛ-ri-baa. 25Käni Ä-ron kɛnɛ gatdɛ ni Ɛl-a-dhar, kä naŋnikɛ Pääm Ɣor. 26Kä woc bieyni Ä-ron, kä läthnikɛ puɔ̱ny gatdɛ ni Ɛl-a-dhar. Kä bi Ä-ron li̱w ɛn wi̱ni.” 27Kä cu Muthɛ ɛ la̱t ce̱tnikɛ min ci Kuoth Nhial ɛ la̱r jɛ. Kä cukɛ wä pääm Ɣor nhiam nɛɛni diaal. 28Kä cu Muthɛ bieyni Ä-ron ka̱m raar, kä cuɛ kɛ la̱th puɔ̱ny gatdɛ ni Ɛl-a-dhar. Kä cu Ä-ron li̱w nhial wi̱i̱ pa̱a̱m ɛn wi̱ni. Kä cu Muthɛ kɛnɛ Ɛl-a-dhar ben piny wi̱i̱ pa̱a̱m. 29Kä min ci duɔl ɛ nɛn kɛɛliw ɛn ɣöö ci Ä-ron li̱w, cu ji̱ I-thɛ-rɛl diaal Ä-ron par kɛ ni̱n ti jiɛɛn diɔ̱k.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.