Kuen 17
17
Kɛɛt Ä-ron
1Kä cu Kuoth Nhial Muthɛ jiök i̱, 2“Ruacni kɛ ji̱ I-thɛ-rɛl a ji̱ muɔckɛ kɛ kɛtni da̱ŋ wäl rɛw, kɛl kä bo̱o̱th thuɔk duëël kä thuk duëli gua̱ni. Kä gɔ̱ri ramɔ ciötdɛ kä kɛɛtdɛ. 3Kä gɔ̱ri ciöt Ä-ron kɛɛtdä Lii-bay. Kɛ ɣöö bi thok duëël kɛl tekɛ kɛɛt. 4Kä läthnikɛ rɛy kɛmɛkä ro̱mä kɛ Kuoth Nhial nhiam thandukä matdä ruac guäth in la jekä kɛ ji̱ thi̱n. 5Kä kɛɛt raam mɔ bä mɛkɔ bɛ piɛr. Inɔ ɣän bä go̱o̱nyni ji̱ I-thɛ-rɛl cu ka̱p cuɔ̱ŋ tin gɔanykɛ ni ji̱.” 6Kä cu Muthɛ ruac kɛ ji̱ I-thɛ-rɛl. Kä cu bööthkiɛn diaal jɛ moc kɛtni, bo̱o̱th ɔ kɛ kɛɛt kɛl ce̱tkɛ thuk duëlikiɛn, cua kɛtni wäl rɛw nööŋ. Kä te kɛɛt Ä-ron rɛydiɛn. 7Kä cu Muthɛ kɛtni la̱th rɛy kɛmɛkä ro̱mä kɛ Kuoth Nhial nhiam thandukä matdä ruac. 8Kä mëë ruɔ̱ndɛ cu Muthɛ wä rɛy kɛmɛkä ro̱mä kɛ Kuoth Nhial. Kä nɛnɛ cu kɛɛt Ä-ron raan thuɔk duëël Lii-bay piɛr a bɛ tekɛ gaakni, kä cu gaaknikɛ rɔ lɛp a bɛ tekɛ dɛy. 9Kä cu Muthɛ kɛtni diaal nööŋ raar nhiam Kuɔth Nhial no̱ŋɛ kɛ ji̱ I-thɛ-rɛl diaal. Kä cu ramɔ kɛɛtdɛ ka̱n. 10Kä cu Kuoth Nhial Muthɛ jiök i̱, “Locni kɛɛt Ä-ron nhiam thandukä matdä ruac, kä ba jɛ tit ala nyuuth go̱o̱nyni, kɛ ɣöö bi go̱o̱nydiɛn te pek kɛ ɣä, kɛ ɣöö /cikɛ bi li̱w.” 11Kä cu Muthɛ jɛ la̱t ce̱tnikɛ min ci Kuoth Nhial ɛ la̱r jɛ.
12Kä cu ji̱ I-thɛ-rɛl Muthɛ jiök i̱, “Nɛnɛ, kɔn ba̱kɔ li̱w, ca̱kɔ bath ni kɔn diaal. 13Kɛn nɛy diaal ti ci ben thiekä kɛmɛkä ro̱mä kɛ Kuoth Nhial ti, bikɛ li̱w. A ba̱kɔ cu li̱w kɔn diaal?”
Currently Selected:
Kuen 17: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
