Kuen 13
13
Jäkni ji̱ I-thɛ-rɛl kɛ lieem kä Kɛ-naan
(Ŋuɔ̱t 1:19-33)
1Cu Kuoth Nhial Muthɛ jiök i̱, 2“Jäk ni nɛy ti bi ro̱l Kɛ-naan in cä ka̱m ji̱ I-thɛ-rɛl wä lim. Thuk duëli gua̱ni bi ram kɛl min mɔ bo̱o̱th ja̱k.” 3Ni̱nɔ cu Muthɛ kɛ ja̱k däärdɔaar Pa-ran ce̱tkɛ min ci Kuoth Nhial ɛ lar, kä kɛn diaal kɛ bööth ji̱ I-thɛ-rɛl. 4Kä ciöötkiɛn ti̱n, cu pek Rɛ-u-ben cua Cä-muwä gat Dha-kur, 5pek Cim-on cua Ca-pat gat Ɣori, 6pek Juda cua Ka-leb gat Yɛ-pö-nɛ. 7Pek Yi-tha-kar cua Yig-al gat Jo-thɛp. 8Pek Ɛ-pa-rim cua Ɣo-ce-ya gat Nun, 9pek Ben-ya-min cua Pɛ̈l-ti gat Rapu. 10Pek Dhɛ-bu-lun cua Ga-di-el gat Thodi. 11Pek Jo-thɛp thok duëël Ma-na-thɛ cua Gaddi gat Thuthi, 12pek Daan cua A-mi-el gat Gɛ-ma-li, 13pek A-cɛr cua Thɛ-tur gat Mi-ka-el, 14pek Nap-ta-li cua Nabi gat Bɔp-thi, 15pek Gad cua Gɛ-u-el gat Ma-ki. 16Cu tɔ̱tɔ̱ a ciööt nɛɛni tëë ci Muthɛ kɛ ja̱k i̱, ba mun wä lim. Kä cu Muthɛ Ɣo-ce-ya gat Nun ni Jɔ-cua cɔl.
17Kä cu Muthɛ kɛ ja̱k kɛ ɣöö ba mun Kɛ-naan wä lim, jio̱k ɛ kɛ i̱, “Wiaa kä Nɛ-gɛb, kä ra̱thɛ wi̱i̱ päämni, 18kä wiaa guicɛ mun, mi nɛy tin ciaŋkɛ jɛ kɛ nɛy ti buɔ̱m buɔ̱ɔ̱m ŋuankɛ kiɛ kui̱ykɛ, 19kä ɛn mun gɔaa ɛ kiɛ jiäkɛ, kä ti̱eckiɛn kɛ ti̱ec ti buɔ̱m buɔ̱ɔ̱m kiɛ kɛ kɛmɛni, 20ɛ mun mi riäŋ kiɛ canɛ, tëë jiɛɛn kiɛ thil ɛ jiɛɛn. Buɔ̱mɛ rɔ̱, kä nööŋɛ dɛy jiɛɛn thi̱n.” Ɛn täämɛ ɛ gua̱a̱th ciɛkä bɛɛl tin nhiam.
21Ɛ jɛn cukɛ wä, wa mun lim tuɔkɛ jɛ ni däärdɔaar Dhin a wä ni kä Rɛ-ɣob cothä nath kä Ä-math. 22Cukɛ wä kä Nɛ-gɛb, kä cukɛ ben kä Ɣɛb-ron kɛnɛ Ä-ɣi-man, Ce-cay kɛ Tal-may, mëë cieŋ kuay Ä-nak thi̱n. Gua̱a̱th ëë ca Ɣɛb-ron täth kɛ kɔr runi da̱ŋ bärɔw a /ka̱n Dho-an kä I-jëp ni täth. 23Kä cukɛ ben lo̱o̱lä Ɛc-kol kä cukɛ yuan jiaath kɛl mi ci nook kɛ dɛy kä cɛ rɛk jɔp, cukɛ jɛ kap kɛn da̱ŋ rɛw, cukɛ dɛy ŋɔ̱a̱p nööŋ kɛɛl kɛnɛ thɔa̱a̱r. 24Ɛn gua̱a̱th ɛ mɔ cɔal ciötdɛ i̱, lo̱o̱l Ɛc-kol kɛ kui̱ yuanä min ca ŋok thi̱n ɛ ji̱ I-thɛ-rɛl.
Luuc ruac limä
25Kɛ thuɔ̱k ni̱ni ti jiɛɛn da̱ŋ ŋuaan cu lieem luny jɔk Limä muɔ̱ɔ̱n. 26Cukɛ ben kä Muthɛ kɛnɛ Ä-ron kɛ duɔl ji̱ I-thɛ-rɛl diaal däärdɔaar Pa-ran kä Ka-dɛc. Cukɛ kɛ nöŋ ruac, kä cukɛ kɛ nyuɔ̱th dɛy jiɛɛn tin ci kɛn kɛ nööŋ muun Kɛ-naan. 27Kä cu kɛ jɛ jiök i̱, “Cakɔ luny jɔk muun in cikɔ jäk kä thi̱n. Ɛ mun caak kɛnɛ tuaar, ti̱ti̱ kɛ dɛy jiɛɛn kɛ. 28Ɛ ni ɣöö kɛn nɛy tin ciaŋkɛ jɛ kɛ nɛy ti buɔ̱m buɔ̱ɔ̱m kä ti̱eckiɛn kɛ ti̱ec ti buɔ̱m buɔ̱ɔ̱m ɛlɔ̱ŋ kä cakɔ kuay Ä-nak nɛn thi̱n bä. 29Cieŋ ji̱ Ä-ma-lek kä Nɛ-gɛb, kä ji̱ Ɣɛ̈th kɛnɛ ji̱ Yɛ-buth kɛ ji̱ Ɛ-mor cieŋkɛ däär wec pa̱a̱m. Kä ji̱ Kɛ-naan cieŋkɛ wi̱i̱ yiëër kɛnɛ taŋ kiɛr Jɔr-dɛn.”
30Duundɛ ɣöö cu Ka-leb naath gok nhiam Muthɛ, wee i̱, “Wanɛ ɛn täämɛ banɛ mun wä ka̱n, kɛ ɣöö ban ɛ jɛ luäŋ kɛ käni.” 31Kä cu nɛy tin ci wä kɛɛl kɛ jɛ wee i̱, “Canɛ kɛ /dëë me̱t luäŋ kɛ juc. Kɛ ɣöö bum nikɛn kä kɔn.” 32Inɔ cukɛ ji̱ I-thɛ-rɛl nöŋ ruac kacä mi jiäk kɛ kui̱ muɔ̱ɔ̱n ëë ci kɛn ɛ wä lim, ɛ laar kɛn ɛ i̱, “Ɛn mun ëë cakɔ wä lim, ɛ mun mi wuth nɛy tin te thi̱n piny. Kä nɛy diaal tëë cakɔ nɛn thi̱n kɛ nɛy ti ba̱r ba̱a̱r. 33Ɛn wani ca̱kɔ Nɛ-pɛ-lim gat Ä-nak raan Nɛ-pɛ-lim nɛn, wäŋnikɔ cua̱ kɔ ce̱tnikɛ rak, inɔ cua̱ kɔ ce̱tkɛ rak waaŋdiɛn bä.”
Currently Selected:
Kuen 13: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Kuen 13
13
Jäkni ji̱ I-thɛ-rɛl kɛ lieem kä Kɛ-naan
(Ŋuɔ̱t 1:19-33)
1Cu Kuoth Nhial Muthɛ jiök i̱, 2“Jäk ni nɛy ti bi ro̱l Kɛ-naan in cä ka̱m ji̱ I-thɛ-rɛl wä lim. Thuk duëli gua̱ni bi ram kɛl min mɔ bo̱o̱th ja̱k.” 3Ni̱nɔ cu Muthɛ kɛ ja̱k däärdɔaar Pa-ran ce̱tkɛ min ci Kuoth Nhial ɛ lar, kä kɛn diaal kɛ bööth ji̱ I-thɛ-rɛl. 4Kä ciöötkiɛn ti̱n, cu pek Rɛ-u-ben cua Cä-muwä gat Dha-kur, 5pek Cim-on cua Ca-pat gat Ɣori, 6pek Juda cua Ka-leb gat Yɛ-pö-nɛ. 7Pek Yi-tha-kar cua Yig-al gat Jo-thɛp. 8Pek Ɛ-pa-rim cua Ɣo-ce-ya gat Nun, 9pek Ben-ya-min cua Pɛ̈l-ti gat Rapu. 10Pek Dhɛ-bu-lun cua Ga-di-el gat Thodi. 11Pek Jo-thɛp thok duëël Ma-na-thɛ cua Gaddi gat Thuthi, 12pek Daan cua A-mi-el gat Gɛ-ma-li, 13pek A-cɛr cua Thɛ-tur gat Mi-ka-el, 14pek Nap-ta-li cua Nabi gat Bɔp-thi, 15pek Gad cua Gɛ-u-el gat Ma-ki. 16Cu tɔ̱tɔ̱ a ciööt nɛɛni tëë ci Muthɛ kɛ ja̱k i̱, ba mun wä lim. Kä cu Muthɛ Ɣo-ce-ya gat Nun ni Jɔ-cua cɔl.
17Kä cu Muthɛ kɛ ja̱k kɛ ɣöö ba mun Kɛ-naan wä lim, jio̱k ɛ kɛ i̱, “Wiaa kä Nɛ-gɛb, kä ra̱thɛ wi̱i̱ päämni, 18kä wiaa guicɛ mun, mi nɛy tin ciaŋkɛ jɛ kɛ nɛy ti buɔ̱m buɔ̱ɔ̱m ŋuankɛ kiɛ kui̱ykɛ, 19kä ɛn mun gɔaa ɛ kiɛ jiäkɛ, kä ti̱eckiɛn kɛ ti̱ec ti buɔ̱m buɔ̱ɔ̱m kiɛ kɛ kɛmɛni, 20ɛ mun mi riäŋ kiɛ canɛ, tëë jiɛɛn kiɛ thil ɛ jiɛɛn. Buɔ̱mɛ rɔ̱, kä nööŋɛ dɛy jiɛɛn thi̱n.” Ɛn täämɛ ɛ gua̱a̱th ciɛkä bɛɛl tin nhiam.
21Ɛ jɛn cukɛ wä, wa mun lim tuɔkɛ jɛ ni däärdɔaar Dhin a wä ni kä Rɛ-ɣob cothä nath kä Ä-math. 22Cukɛ wä kä Nɛ-gɛb, kä cukɛ ben kä Ɣɛb-ron kɛnɛ Ä-ɣi-man, Ce-cay kɛ Tal-may, mëë cieŋ kuay Ä-nak thi̱n. Gua̱a̱th ëë ca Ɣɛb-ron täth kɛ kɔr runi da̱ŋ bärɔw a /ka̱n Dho-an kä I-jëp ni täth. 23Kä cukɛ ben lo̱o̱lä Ɛc-kol kä cukɛ yuan jiaath kɛl mi ci nook kɛ dɛy kä cɛ rɛk jɔp, cukɛ jɛ kap kɛn da̱ŋ rɛw, cukɛ dɛy ŋɔ̱a̱p nööŋ kɛɛl kɛnɛ thɔa̱a̱r. 24Ɛn gua̱a̱th ɛ mɔ cɔal ciötdɛ i̱, lo̱o̱l Ɛc-kol kɛ kui̱ yuanä min ca ŋok thi̱n ɛ ji̱ I-thɛ-rɛl.
Luuc ruac limä
25Kɛ thuɔ̱k ni̱ni ti jiɛɛn da̱ŋ ŋuaan cu lieem luny jɔk Limä muɔ̱ɔ̱n. 26Cukɛ ben kä Muthɛ kɛnɛ Ä-ron kɛ duɔl ji̱ I-thɛ-rɛl diaal däärdɔaar Pa-ran kä Ka-dɛc. Cukɛ kɛ nöŋ ruac, kä cukɛ kɛ nyuɔ̱th dɛy jiɛɛn tin ci kɛn kɛ nööŋ muun Kɛ-naan. 27Kä cu kɛ jɛ jiök i̱, “Cakɔ luny jɔk muun in cikɔ jäk kä thi̱n. Ɛ mun caak kɛnɛ tuaar, ti̱ti̱ kɛ dɛy jiɛɛn kɛ. 28Ɛ ni ɣöö kɛn nɛy tin ciaŋkɛ jɛ kɛ nɛy ti buɔ̱m buɔ̱ɔ̱m kä ti̱eckiɛn kɛ ti̱ec ti buɔ̱m buɔ̱ɔ̱m ɛlɔ̱ŋ kä cakɔ kuay Ä-nak nɛn thi̱n bä. 29Cieŋ ji̱ Ä-ma-lek kä Nɛ-gɛb, kä ji̱ Ɣɛ̈th kɛnɛ ji̱ Yɛ-buth kɛ ji̱ Ɛ-mor cieŋkɛ däär wec pa̱a̱m. Kä ji̱ Kɛ-naan cieŋkɛ wi̱i̱ yiëër kɛnɛ taŋ kiɛr Jɔr-dɛn.”
30Duundɛ ɣöö cu Ka-leb naath gok nhiam Muthɛ, wee i̱, “Wanɛ ɛn täämɛ banɛ mun wä ka̱n, kɛ ɣöö ban ɛ jɛ luäŋ kɛ käni.” 31Kä cu nɛy tin ci wä kɛɛl kɛ jɛ wee i̱, “Canɛ kɛ /dëë me̱t luäŋ kɛ juc. Kɛ ɣöö bum nikɛn kä kɔn.” 32Inɔ cukɛ ji̱ I-thɛ-rɛl nöŋ ruac kacä mi jiäk kɛ kui̱ muɔ̱ɔ̱n ëë ci kɛn ɛ wä lim, ɛ laar kɛn ɛ i̱, “Ɛn mun ëë cakɔ wä lim, ɛ mun mi wuth nɛy tin te thi̱n piny. Kä nɛy diaal tëë cakɔ nɛn thi̱n kɛ nɛy ti ba̱r ba̱a̱r. 33Ɛn wani ca̱kɔ Nɛ-pɛ-lim gat Ä-nak raan Nɛ-pɛ-lim nɛn, wäŋnikɔ cua̱ kɔ ce̱tnikɛ rak, inɔ cua̱ kɔ ce̱tkɛ rak waaŋdiɛn bä.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.