Liib 7
7
Muc ti cuɔlkɛ
1“Ti̱ti̱ kɛ kɛn ŋuɔ̱t kɛ kui̱ mucni tin cuɔlkɛ, tin rɛl gɔɔydiɛn rɔ. 2Ɛn luur cutdä bajɛ näk wi̱i̱ yi̱kä in la luuri a waŋkɛ thi̱n, kä bariɛmdɛ kiɛth kui̱ni yi̱kä da̱ŋ ŋuaan. 3Kä bathiɔlɛ ka̱m raar kä ba thöp wi̱i̱ yi̱kä thiɔl jua̱a̱lɛ kɛnɛ thiɔl jiɛcdɛ. 4Kɛ rokɛ kɛ kɛ kɔalikɛ amäni go̱o̱k cua̱nydɛ. 5Bi bööth palä kɛ waŋ wi̱i̱ yi̱kä ala muc mi wa̱ŋkɛ Kuoth Nhial, kɛ ɣöö ɛ muc cutdä. 6Kä bi tut diaal thukni duëli bööthni palä mi̱th thi̱n, kä ba jɛ cam guäth in ley gɔɔydɛ rɔ. 7Ɛn luɔt kä mɛmɛ, ɛ jɛn bä mi balät kä muc dui̱rä kɛnɛ muc cutdä bikɛ a nyin bööth palä min thöp luur. 8Kä ɛn bööth palä mɔ wä muc mi waŋ wä thöp ɔ kɛ kui̱ ran, a jɛ tɔ̱ɔ̱w rɔ kölɛ, 9kä muc bɛɛl diaal tɔ̱ ca bul tɔ̱ kiɛ tin ca thal kɛ ɣa̱lɛ kiɛ thac, bikɛ a nyin bööth palä min thöpkɛ kuoth. 10Kä duundɛ ɣöö kɛn muc bɛɛl diaal tin /ken tuak a ca lia̱a̱p kɛ liɛɛth kiɛ thil liɛɛth kɛ nyin gan Ä-ron, bakɛ da̱a̱k a päär.”
Muc nyuaakä
11“Ti̱ti̱ kɛ kɛn ŋuɔ̱t kɛ kui̱ luurä nyuaakä min dëë raan ɛ ka̱m Kuoth Nhial. 12Mi nööŋɛ ni yaŋ mi la muc tɛthkä lɔaac, a jɛ nööŋɛ kɛ kɛ jurayni ti thil thuɔp kä ca lia̱a̱p kɛ liɛɛth kɛ pat patni ti ca lia̱a̱p kɛ liɛɛth kä thil thuɔp, kɛ pat patni ti rɛ̈p rɛ̈ɛ̈p ti ca lia̱a̱p kɛ liɛɛth kä thil thuɔp. 13Kä bɛ jurayni ti ca muc thuɔp nööŋ kɛ kɛ muc nyuaakädɛ. 14Kä bɛ kɛl nööŋ kä ti diaal ala muc kɛ kui̱ Kuɔth Nhial. Kä ba duŋ bööth palä mɔ bi riɛm mucä nyuaakä ben kithɔ. 15Kä bari̱ŋ lɛ̱̈ɛ̱̈ ɛmɔ cam nikɛ li̱w ɛn cäŋ ɛ luɔɔrkɛ ni jɛ mɔ a thilɛ mi bi baak piny thi̱n. 16Kä mi mucdɛ ɛ luur yäcä ŋäthädɛ kɛ rɔ, kiɛ ɛ muc tɛthkä lɔacdɛ, ba ri̱i̱ŋdɛ cam ɛn cäŋ ɛ ca luurni jɛ mɔ kä mi tëë mi wä duɔth thi̱n bacam kɛ cäŋ in rɛwdɛ. 17Kä mi wä tha̱a̱ŋdɛ rɔ, nyɔk kɛ duɔth mäni cäŋ in diɔ̱ɔ̱kdiɛn, a jɛ kua waŋ. 18Kä mi wee ri̱ŋ mucä tɛthkä lɔacdɛ wä cam kɛ diɔ̱ɔ̱k ni̱ni, /ca jɛ bi nhɔk cukɛ a /ca bi kuen ram in thöp jɛ. Kɛ ɣöö cɛ jiäk, kä ɛn ram ɔ bi mi̱th thi̱n ɔ bi riɛkdɛ jëk ni jɛ.
19“Kä ri̱ŋ luurä mi ca nyɔt ɛ duɔ̱ɔ̱r mi jiääk /ca jɛ bi cam, bawaŋ ni jɛ, kä nɛy diaal tin gɔw röŋkɛ kɛ mi̱eth. 20Kä mi wä raan ri̱ŋ wä cam kä ri̱ŋ tin jiäk, kä luur in ka̱mkɛ Kuoth Nhial ba jɛ koc rɛy nɛɛnikɛ. 21Kä mi wä raan puɔ̱nydɛ ya̱r kɛ thiëp kä mi jiäk, raan kiɛ le̱y kiɛ kɛl kä tin canykɛ, kä cɛ mi̱th kɛ ri̱ŋ luurä maarä Kuɔth Nhial, jɛn badääk raar rɛy nɛɛnikɛ.”
Thɛ̈k thiɔaal kɛnɛ riɛm
22Cu Kuoth Nhial Muthɛ jiök, 23“Jiök ni ji̱ I-thɛ-rɛl i̱, ‘/Cuarɛ thiɔl ɣɔ̱ɔ̱k kiɛ rɔɔm kiɛ böwni cam. 24Thiɔl lɛ̱̈ɛ̱̈ mi ci li̱w kärɔa, kiɛ le̱y mi ca näk ɛ lɛy dɔaar /ca bi cam, balät ni jɛ lät kɔ̱kiɛn. 25Kä ram ɔ bi thiɔl lɛ̱̈ɛ̱̈ in wa̱ŋkɛ Kuoth Nhial cam ɔ, badääk raar rɛy nɛɛnikɛ. 26Kä ɛn gua̱a̱th ɛ cieŋ ji̱ I-thɛ-rɛl thi̱n ɔ, a thil riɛm diɛt kiɛ le̱y mi camkɛ. 27Kä ram ɔ bi riɛm cam ɔ, ba dääk raar rɛy nɛɛnikɛ.’ ”
Böth bööthä palä
28Cu Kuoth Nhial Muthɛ lɛni jiök, 29“Jiök ni ji̱ I-thɛ-rɛl i̱, ‘Ram ɔ wä muc maarädɛ wä nöŋ Kuoth Nhial, a jɛ nööŋ tha̱a̱ŋdɛ ala luur Kuɔth Nhial. 30Kä bɛ mucdɛ min mucdɛ nööŋ mi ba wa̱ŋ Kuoth Nhial, bɛ thiɔl kɛnɛ kaw nööŋ, kä ba kaw ŋuëŋ Kuoth Nhial, ala muc mi ŋuaŋ. 31Kä bi bööth palä thiɔl waŋ wi̱i̱ yi̱kä, kä bi kaw cua̱ duundɛ. 32Kä bi ɣäm cuëëc ka̱m bööth palä, kä muc nyuaakädu ala muc, 33kä ram kɛl kä gaat Ä-ron min thöp riɛm kɛnɛ thiɔl mucä maarä mɔmɔ bɛ ciök ɛmɔ ka̱n ala cuɔ̱ɔ̱ŋdɛ. 34Kä kä muc nyuaakä ji̱ I-thɛ-rɛl ɣän cä kaw in ŋuëŋkɛ ni ɣä kɛnɛ ɣäm cuëëc in ca ŋun ka̱n, kä cä kɛ ka̱m Ä-ron kɛnɛ gaatkɛ, ala cuɔ̱ɔ̱ŋdiɛn rɛy gan I-thɛ-rɛl. 35Nɔmɔ ɛ jɛn cuɔ̱ɔ̱ŋ Ä-ron kɛnɛ gaatkɛ kä luur in la wa̱ŋkɛ Kuoth Nhial kɛ mac, ba ka̱m kɛ cäŋ in leykɛ nikɛ ala la̱a̱t palä nhiam Kuɔth Nhial.’ 36Kä ɛn cäŋ ɛmɛ cu Kuoth Nhial ɛ la̱r ji̱ I-thɛ-rɛl ɛn ɣöö bikɛ kɛ ka̱m pëk ɛmɔ kä luuri ala duundiɛn mi do̱raar rɛy ri̱cnikiɛn diaal tin bi ben.”
37Nɛmɛ ɛ jɛn luɔt kɛ kui̱ mucni tin waŋkɛ, muc bɛɛl, muc dui̱rä, muc cutdä, muc kue̱ny bööthni la̱t Kuɔth muc nyuaakä. 38Kɛ kɛn tëë ci Kuoth Nhial kɛ ka̱m Muthɛ wi̱i̱ pa̱a̱m kä Thi-nay, cäŋ ëë jiökɛ ji̱ I-thɛ-rɛl i̱, akɛ nööŋkɛ muckiɛn Kuoth Nhial, däär dɔaar Thi-nay.
Currently Selected:
Liib 7: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Liib 7
7
Muc ti cuɔlkɛ
1“Ti̱ti̱ kɛ kɛn ŋuɔ̱t kɛ kui̱ mucni tin cuɔlkɛ, tin rɛl gɔɔydiɛn rɔ. 2Ɛn luur cutdä bajɛ näk wi̱i̱ yi̱kä in la luuri a waŋkɛ thi̱n, kä bariɛmdɛ kiɛth kui̱ni yi̱kä da̱ŋ ŋuaan. 3Kä bathiɔlɛ ka̱m raar kä ba thöp wi̱i̱ yi̱kä thiɔl jua̱a̱lɛ kɛnɛ thiɔl jiɛcdɛ. 4Kɛ rokɛ kɛ kɛ kɔalikɛ amäni go̱o̱k cua̱nydɛ. 5Bi bööth palä kɛ waŋ wi̱i̱ yi̱kä ala muc mi wa̱ŋkɛ Kuoth Nhial, kɛ ɣöö ɛ muc cutdä. 6Kä bi tut diaal thukni duëli bööthni palä mi̱th thi̱n, kä ba jɛ cam guäth in ley gɔɔydɛ rɔ. 7Ɛn luɔt kä mɛmɛ, ɛ jɛn bä mi balät kä muc dui̱rä kɛnɛ muc cutdä bikɛ a nyin bööth palä min thöp luur. 8Kä ɛn bööth palä mɔ wä muc mi waŋ wä thöp ɔ kɛ kui̱ ran, a jɛ tɔ̱ɔ̱w rɔ kölɛ, 9kä muc bɛɛl diaal tɔ̱ ca bul tɔ̱ kiɛ tin ca thal kɛ ɣa̱lɛ kiɛ thac, bikɛ a nyin bööth palä min thöpkɛ kuoth. 10Kä duundɛ ɣöö kɛn muc bɛɛl diaal tin /ken tuak a ca lia̱a̱p kɛ liɛɛth kiɛ thil liɛɛth kɛ nyin gan Ä-ron, bakɛ da̱a̱k a päär.”
Muc nyuaakä
11“Ti̱ti̱ kɛ kɛn ŋuɔ̱t kɛ kui̱ luurä nyuaakä min dëë raan ɛ ka̱m Kuoth Nhial. 12Mi nööŋɛ ni yaŋ mi la muc tɛthkä lɔaac, a jɛ nööŋɛ kɛ kɛ jurayni ti thil thuɔp kä ca lia̱a̱p kɛ liɛɛth kɛ pat patni ti ca lia̱a̱p kɛ liɛɛth kä thil thuɔp, kɛ pat patni ti rɛ̈p rɛ̈ɛ̈p ti ca lia̱a̱p kɛ liɛɛth kä thil thuɔp. 13Kä bɛ jurayni ti ca muc thuɔp nööŋ kɛ kɛ muc nyuaakädɛ. 14Kä bɛ kɛl nööŋ kä ti diaal ala muc kɛ kui̱ Kuɔth Nhial. Kä ba duŋ bööth palä mɔ bi riɛm mucä nyuaakä ben kithɔ. 15Kä bari̱ŋ lɛ̱̈ɛ̱̈ ɛmɔ cam nikɛ li̱w ɛn cäŋ ɛ luɔɔrkɛ ni jɛ mɔ a thilɛ mi bi baak piny thi̱n. 16Kä mi mucdɛ ɛ luur yäcä ŋäthädɛ kɛ rɔ, kiɛ ɛ muc tɛthkä lɔacdɛ, ba ri̱i̱ŋdɛ cam ɛn cäŋ ɛ ca luurni jɛ mɔ kä mi tëë mi wä duɔth thi̱n bacam kɛ cäŋ in rɛwdɛ. 17Kä mi wä tha̱a̱ŋdɛ rɔ, nyɔk kɛ duɔth mäni cäŋ in diɔ̱ɔ̱kdiɛn, a jɛ kua waŋ. 18Kä mi wee ri̱ŋ mucä tɛthkä lɔacdɛ wä cam kɛ diɔ̱ɔ̱k ni̱ni, /ca jɛ bi nhɔk cukɛ a /ca bi kuen ram in thöp jɛ. Kɛ ɣöö cɛ jiäk, kä ɛn ram ɔ bi mi̱th thi̱n ɔ bi riɛkdɛ jëk ni jɛ.
19“Kä ri̱ŋ luurä mi ca nyɔt ɛ duɔ̱ɔ̱r mi jiääk /ca jɛ bi cam, bawaŋ ni jɛ, kä nɛy diaal tin gɔw röŋkɛ kɛ mi̱eth. 20Kä mi wä raan ri̱ŋ wä cam kä ri̱ŋ tin jiäk, kä luur in ka̱mkɛ Kuoth Nhial ba jɛ koc rɛy nɛɛnikɛ. 21Kä mi wä raan puɔ̱nydɛ ya̱r kɛ thiëp kä mi jiäk, raan kiɛ le̱y kiɛ kɛl kä tin canykɛ, kä cɛ mi̱th kɛ ri̱ŋ luurä maarä Kuɔth Nhial, jɛn badääk raar rɛy nɛɛnikɛ.”
Thɛ̈k thiɔaal kɛnɛ riɛm
22Cu Kuoth Nhial Muthɛ jiök, 23“Jiök ni ji̱ I-thɛ-rɛl i̱, ‘/Cuarɛ thiɔl ɣɔ̱ɔ̱k kiɛ rɔɔm kiɛ böwni cam. 24Thiɔl lɛ̱̈ɛ̱̈ mi ci li̱w kärɔa, kiɛ le̱y mi ca näk ɛ lɛy dɔaar /ca bi cam, balät ni jɛ lät kɔ̱kiɛn. 25Kä ram ɔ bi thiɔl lɛ̱̈ɛ̱̈ in wa̱ŋkɛ Kuoth Nhial cam ɔ, badääk raar rɛy nɛɛnikɛ. 26Kä ɛn gua̱a̱th ɛ cieŋ ji̱ I-thɛ-rɛl thi̱n ɔ, a thil riɛm diɛt kiɛ le̱y mi camkɛ. 27Kä ram ɔ bi riɛm cam ɔ, ba dääk raar rɛy nɛɛnikɛ.’ ”
Böth bööthä palä
28Cu Kuoth Nhial Muthɛ lɛni jiök, 29“Jiök ni ji̱ I-thɛ-rɛl i̱, ‘Ram ɔ wä muc maarädɛ wä nöŋ Kuoth Nhial, a jɛ nööŋ tha̱a̱ŋdɛ ala luur Kuɔth Nhial. 30Kä bɛ mucdɛ min mucdɛ nööŋ mi ba wa̱ŋ Kuoth Nhial, bɛ thiɔl kɛnɛ kaw nööŋ, kä ba kaw ŋuëŋ Kuoth Nhial, ala muc mi ŋuaŋ. 31Kä bi bööth palä thiɔl waŋ wi̱i̱ yi̱kä, kä bi kaw cua̱ duundɛ. 32Kä bi ɣäm cuëëc ka̱m bööth palä, kä muc nyuaakädu ala muc, 33kä ram kɛl kä gaat Ä-ron min thöp riɛm kɛnɛ thiɔl mucä maarä mɔmɔ bɛ ciök ɛmɔ ka̱n ala cuɔ̱ɔ̱ŋdɛ. 34Kä kä muc nyuaakä ji̱ I-thɛ-rɛl ɣän cä kaw in ŋuëŋkɛ ni ɣä kɛnɛ ɣäm cuëëc in ca ŋun ka̱n, kä cä kɛ ka̱m Ä-ron kɛnɛ gaatkɛ, ala cuɔ̱ɔ̱ŋdiɛn rɛy gan I-thɛ-rɛl. 35Nɔmɔ ɛ jɛn cuɔ̱ɔ̱ŋ Ä-ron kɛnɛ gaatkɛ kä luur in la wa̱ŋkɛ Kuoth Nhial kɛ mac, ba ka̱m kɛ cäŋ in leykɛ nikɛ ala la̱a̱t palä nhiam Kuɔth Nhial.’ 36Kä ɛn cäŋ ɛmɛ cu Kuoth Nhial ɛ la̱r ji̱ I-thɛ-rɛl ɛn ɣöö bikɛ kɛ ka̱m pëk ɛmɔ kä luuri ala duundiɛn mi do̱raar rɛy ri̱cnikiɛn diaal tin bi ben.”
37Nɛmɛ ɛ jɛn luɔt kɛ kui̱ mucni tin waŋkɛ, muc bɛɛl, muc dui̱rä, muc cutdä, muc kue̱ny bööthni la̱t Kuɔth muc nyuaakä. 38Kɛ kɛn tëë ci Kuoth Nhial kɛ ka̱m Muthɛ wi̱i̱ pa̱a̱m kä Thi-nay, cäŋ ëë jiökɛ ji̱ I-thɛ-rɛl i̱, akɛ nööŋkɛ muckiɛn Kuoth Nhial, däär dɔaar Thi-nay.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.