Tuk 46
46
Wä I-thɛ-rɛl rööl I-jëp kɛnɛ ji̱ dhɔaarɛ
1Ɛn wa̱nɔ cu I-thɛ-rɛl cu ɣöth jɛn kɛnɛ ji̱ dhɔaarɛ diaal amäni pe̱k kuaknikɛ diaal. Kä mëë cɛ cop kä Ber-cɛ-ba cuɛ Kuoth in la Kuoth gua̱n ni Ay-dhɛk thöp muc. 2Ɛn guäth ɛmɔ cu Kuoth ɛ la̱a̱k kɛ wäär cɔɔlɛ jɛ i̱, “Je-kɔb! Je-kɔb!” Kä cuɛ jɛ loc i̱, “Ɣän ɛn.” 3Kä cu Kuoth ɛ ku jiök i̱, “Ɛ ɣän Kuoth in la Kuoth guur. /Cu dual kɛ wädu ro̱o̱l I-jëp, kɛ ɣöö ɣän bä te kɛɛl kɛ ji̱ kä bä kuayku wä jak kä do̱r mi di̱i̱t ɛn wi̱ni. 4Kä ɣän puɔ̱nydä bä kɛ lɛni nööŋ jɔk. Kä bi Jo-thɛp thiëëk kɛ ji̱ kɛ cäŋ liethdu.”
5Ɛ jɛ nɔ, mëë jiɛc Je-kɔb ni kä Ber-cɛ-ba wädɛ ro̱o̱l I-jëp, cu gaatkɛ jɛ jak kä ko̱tdɛ kɛɛl kɛnɛ ji̱ dho̱rikiɛn rɛy thurbiɛɛli tin ci Pɛro kɛ ka̱m kɛ. 6Cukɛ ɣöth kɛ ɣɔ̱kiɛn kɛɛl kɛ kuakiɛn diaal tëë ci kɛn kɛ duɔ̱l rɔ̱ ro̱o̱l Kɛ-naan, a wäkɛ ro̱o̱l I-jëp. 7Ɛ jɛ nɔ, Je-kɔb cuɛ kuaykɛ diaal naŋ ro̱o̱l I-jëp, ti̱ti̱ kɛ gaatkɛ kɛ nyieekɛ kɛnɛ gaatdöödɛ.
8Täämɛ ti̱ti̱ kɛ kɛn ciööt kuayni I-thɛ-rɛl tëë cɛ naŋ ro̱o̱l I-jëp. Mɛmɛ ɛ Rɛ-u-ben in la gatdɛ min kɛ̱̈ɛ̱̈. 9Rɛ-u-ben cuɛ la gua̱n Ä-nok kɛnɛ Palu, kɛ Ɣɛdh-ron kɛnɛ Kar-mi. 10Cu gatdɛ min cɔal i̱ Cim-on a gua̱n Yɛ-muel, kɛ Ya-min kɛ O-adh, Ya-kin kɛ Dho-ɣar kɛ Ca-ul min man mɔ nya rööl Kɛ-naan. 11Kä cu gatdɛ ni Lii-bay a gua̱n Ger-con, kɛ Kɛ-ɣath kɛnɛ Mɛ-ra-ri. 12Cu gatdɛ ni Juda a gua̱n Ër, kɛ O-nan kɛ Cɛla kɛ Pɛ-rɛdh kɛnɛ Dhɛra, kuɛɛ la ɣöö cu Ër kɛnɛ O-nan li̱w ni ro̱o̱l Kɛ-naan. Kä gat döödɛ ni Pɛ-rɛdh min mɔ gat gatdɛ ni Juda, jɛn cuɛ la gua̱n Ɣɛdh-ron kɛnɛ A-mul. 13Kä gatdɛ ni Yi-tha-kar cuɛ la gua̱n Tolä kɛnɛ Pö-wa, kɛ Ya-cub kɛnɛ Cim-rɔn. 14Cu gatdɛ ni Dhɛ-bu-lun a gua̱n Thɛ-rɛd kɛ Ee-lon kɛnɛ Ya-leel. 15Tɔ̱tɔ̱ kɛ kɛn gaat tëë ci Je-kɔb kɛnɛ ciekdɛ ni Leya kɛ di̱eth rɔ̱ dhɔɔr in cɔal i̱ Pa-dan-a-ram. Tekɛ kɛ nyaadiɛn mi cɔal i̱ Dina. Ɛ jɛ nɔ, pe̱k kuayni Je-kɔb kamädiɛn kɛnɛ Leya matdiɛn dhɔɔl kɛnɛ nyi̱er kɛɛl cukɛ a nɛy ti jiɛn diɔ̱k wi̱cdɛ diɔ̱k. 16Kä cu gatdɛ ni Gad a gua̱n Dhi-piɔn, kɛ Agi, kɛ Cuni, kɛ Ɛdh-bɔn, kɛ Eri, kɛ Ä-ro-di kɛnɛ A-re-li. 17Cu gatdɛ ni A-cɛr a gua̱n Yim-naa, kɛ Ic-waa, kɛ Ic-wi, kɛ Bɛ-ri-ya kɛ nyimandiɛn kɛɛl ni Thɛra. Kä cu gat döödɛ ni Bɛ-ri-ya min mɔ gat A-cɛr, la gua̱n Ɣɛ-bɛr kɛnɛ Mal-ki-yel. 18Tɔ̱tɔ̱ kɛ kɛn gaat Dhil-pa ja̱ŋ nyaal ëë ci La-ban ɛ thöp nyaadɛ ni Leya. Ɛ jɛ nɔ pe̱k kuayni Je-kɔb kamädiɛn kɛnɛ Dhil-pa cukɛ a nɛy ti jiath kɛl wi̱cdɛ bäkɛl. 19Gaat ciekdɛ ni Re-cɛl ɛ Jo-thɛp kɛnɛ Ben-ya-min. 20A-thɛ-nath, nya Pɔ-ti-pɛ-rä kuäär luaak kuɔth kä Ɔn, ɛn nyam ɛmɔ kɛnɛ Jo-thɛp cukɛ Ma-na-thɛ kɛnɛ Ɛ-pa-rim di̱eth ro̱o̱l I-jëp. 21Kä cu Ben-ya-min a gua̱n Bɛlä, kɛ Bɛ-kɛr, kɛ Ac-bel, kɛ Gerɔ, kɛ Naa-man, kɛ Ɛɛ-ɣi̱, kɛ Röc, kɛ Mu-pim kɛ U-pim kɛnɛ A-rɛd. 22Ɛ jɛ nɔ cu pe̱k kuayni Je-kɔb kamädɛ kɛnɛ Re-cɛl cukɛ a nɛy ti jiath kɛl wi̱cdɛ ŋuaan. 23Kä cu gatdɛ ni Daan a gua̱n Ɣa-cum. 24Kä cu gatdɛ ni Nap-ta-li a gua̱n Ya-dheel, kɛ Guni, kɛ Ye-dhɛr kɛnɛ Ci-lem. 25Tɔ̱tɔ̱ kɛ kɛn gaat Bila, ja̱ŋ nyaal ëë ci La-ban ɛ thöp nyaadɛ ni Re-cɛl. Ɛ jɛ nɔ cu pe̱k kuayni Je-kɔb kamädiɛn kɛnɛ Bila cukɛ a nɛy da̱ŋ bärɔw ɛgi̱m. 26Mat pe̱k kuayni Je-kɔb tëë wä kɛ jɛ kɛɛl ro̱o̱l I-jëp cukɛ a nɛy ti jiɛn bäkɛl wi̱cdɛ bäkɛl. Ɛn pe̱k ɛmɔ /ca män gankɛ ma̱t thi̱n. 27Matdiɛn amäni Jo-thɛp kɛnɛ gaatkɛ da̱ŋ rɛw tëë cɛ di̱eth kä I-jëp cu pe̱k thuɔk duëël Je-kɔb a nɛy ti jiɛn bärɔw ɛgi̱m. Tɔ̱tɔ̱ kɛ kɛn ji̱ thuɔk duëëlɛ tëë ci ben ro̱o̱l I-jëp.
Je-kɔb kɛnɛ ji̱ dhɔaarɛ kä I-jëp
28Mëë cikɛ thia̱k kɛ dhɔr mi cɔal i̱ Go-cɛn, cu Je-kɔb gatdɛ ni Juda jäk kä nhiamdiɛn kɛ ɣöö bɛ Jo-thɛp wä la̱r lär ɛn ɣöö bikɛ wä jëk kɛnɛ jɛ kä Go-cɛn. Cukɛ ja̱l amäni mëë cikɛ cop thi̱n. 29Mëë ci Jo-thɛp ɛ ŋa̱c ɛn ɣöö ci gua̱n ben, cuɛ thurbil rialikä kä cuɛ wä ni Go-cɛn kɛ ɣöö de̱e̱kɛ wä jëk kɛnɛ gua̱n ni I-thɛ-rɛl. Mëë cikɛ jëk kɛnɛ gua̱n cuɛ rɔ kuer jɛ kä min cikɛ rɔ̱ kuäk cuɛ wiee ɛlɔ̱ŋ. 30Ɛn guäth ɛmɔ cu I-thɛ-rɛl Jo-thɛp cu jiök i̱, “Täämɛ cäŋ kua̱ lɛ li̱w bä, ɣän ci ku thuŋ nɛn a ŋotdi te̱e̱kä.” 31Min cikɛ thuɔ̱k kɛ jëk, cu Jo-thɛp ciëëŋ gua̱ni kɛnɛ dämani jiök i̱, “A wa̱a̱ kä bä Pɛro wä jiök i̱, ‘Dämaari kɛ ciëëŋ gua̱a̱r paykɛ cop ni ro̱o̱l Kɛ-naan kä ca rɔ̱ ben ma̱t ɣä.’ 32Kä bä jɛ la̱t jɛ bä ɛn ɣöö yɛn kɛ yɛn yiëën de̱e̱t kɛnɛ ɣɔ̱k, kɛnɛ ɣöö cia de̱tkun diaal kɛnɛ ɣɔ̱ɔ̱kun diaal kɛ kuakun nööŋ kɛɛl kɛ yɛ. 33Ɛ jɛ nɔ, mi wä Pɛro yɛ wä cɔl kä thieecɛ yɛ i̱, ‘La̱tdun ɛŋu?’ 34luɔcɛ jɛ i̱, ‘lapɛ yuɔ̱ɔ̱p ɣɔ̱ɔ̱k ni kuɛkädun amäni täämɛ, kä larɛ jɛ bä ɛn ɣöö ɛ jɛn ta̱a̱ ëë kɔŋ tekɛ guurikun ni wal.’ Kɛ ɣöö kɛ jɛn kui̱ kä nɔmɔ, ba yɛ cu nhök ɣöö dërɛ cieŋ kä Go-cɛn, kɛ ɣöö ji̱ rööl I-jëp kɛn canykɛ yiëën ɣɔ̱ɔ̱k kɛnɛ yuɔ̱ɔ̱p de̱e̱t.”
Currently Selected:
Tuk 46: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Tuk 46
46
Wä I-thɛ-rɛl rööl I-jëp kɛnɛ ji̱ dhɔaarɛ
1Ɛn wa̱nɔ cu I-thɛ-rɛl cu ɣöth jɛn kɛnɛ ji̱ dhɔaarɛ diaal amäni pe̱k kuaknikɛ diaal. Kä mëë cɛ cop kä Ber-cɛ-ba cuɛ Kuoth in la Kuoth gua̱n ni Ay-dhɛk thöp muc. 2Ɛn guäth ɛmɔ cu Kuoth ɛ la̱a̱k kɛ wäär cɔɔlɛ jɛ i̱, “Je-kɔb! Je-kɔb!” Kä cuɛ jɛ loc i̱, “Ɣän ɛn.” 3Kä cu Kuoth ɛ ku jiök i̱, “Ɛ ɣän Kuoth in la Kuoth guur. /Cu dual kɛ wädu ro̱o̱l I-jëp, kɛ ɣöö ɣän bä te kɛɛl kɛ ji̱ kä bä kuayku wä jak kä do̱r mi di̱i̱t ɛn wi̱ni. 4Kä ɣän puɔ̱nydä bä kɛ lɛni nööŋ jɔk. Kä bi Jo-thɛp thiëëk kɛ ji̱ kɛ cäŋ liethdu.”
5Ɛ jɛ nɔ, mëë jiɛc Je-kɔb ni kä Ber-cɛ-ba wädɛ ro̱o̱l I-jëp, cu gaatkɛ jɛ jak kä ko̱tdɛ kɛɛl kɛnɛ ji̱ dho̱rikiɛn rɛy thurbiɛɛli tin ci Pɛro kɛ ka̱m kɛ. 6Cukɛ ɣöth kɛ ɣɔ̱kiɛn kɛɛl kɛ kuakiɛn diaal tëë ci kɛn kɛ duɔ̱l rɔ̱ ro̱o̱l Kɛ-naan, a wäkɛ ro̱o̱l I-jëp. 7Ɛ jɛ nɔ, Je-kɔb cuɛ kuaykɛ diaal naŋ ro̱o̱l I-jëp, ti̱ti̱ kɛ gaatkɛ kɛ nyieekɛ kɛnɛ gaatdöödɛ.
8Täämɛ ti̱ti̱ kɛ kɛn ciööt kuayni I-thɛ-rɛl tëë cɛ naŋ ro̱o̱l I-jëp. Mɛmɛ ɛ Rɛ-u-ben in la gatdɛ min kɛ̱̈ɛ̱̈. 9Rɛ-u-ben cuɛ la gua̱n Ä-nok kɛnɛ Palu, kɛ Ɣɛdh-ron kɛnɛ Kar-mi. 10Cu gatdɛ min cɔal i̱ Cim-on a gua̱n Yɛ-muel, kɛ Ya-min kɛ O-adh, Ya-kin kɛ Dho-ɣar kɛ Ca-ul min man mɔ nya rööl Kɛ-naan. 11Kä cu gatdɛ ni Lii-bay a gua̱n Ger-con, kɛ Kɛ-ɣath kɛnɛ Mɛ-ra-ri. 12Cu gatdɛ ni Juda a gua̱n Ër, kɛ O-nan kɛ Cɛla kɛ Pɛ-rɛdh kɛnɛ Dhɛra, kuɛɛ la ɣöö cu Ër kɛnɛ O-nan li̱w ni ro̱o̱l Kɛ-naan. Kä gat döödɛ ni Pɛ-rɛdh min mɔ gat gatdɛ ni Juda, jɛn cuɛ la gua̱n Ɣɛdh-ron kɛnɛ A-mul. 13Kä gatdɛ ni Yi-tha-kar cuɛ la gua̱n Tolä kɛnɛ Pö-wa, kɛ Ya-cub kɛnɛ Cim-rɔn. 14Cu gatdɛ ni Dhɛ-bu-lun a gua̱n Thɛ-rɛd kɛ Ee-lon kɛnɛ Ya-leel. 15Tɔ̱tɔ̱ kɛ kɛn gaat tëë ci Je-kɔb kɛnɛ ciekdɛ ni Leya kɛ di̱eth rɔ̱ dhɔɔr in cɔal i̱ Pa-dan-a-ram. Tekɛ kɛ nyaadiɛn mi cɔal i̱ Dina. Ɛ jɛ nɔ, pe̱k kuayni Je-kɔb kamädiɛn kɛnɛ Leya matdiɛn dhɔɔl kɛnɛ nyi̱er kɛɛl cukɛ a nɛy ti jiɛn diɔ̱k wi̱cdɛ diɔ̱k. 16Kä cu gatdɛ ni Gad a gua̱n Dhi-piɔn, kɛ Agi, kɛ Cuni, kɛ Ɛdh-bɔn, kɛ Eri, kɛ Ä-ro-di kɛnɛ A-re-li. 17Cu gatdɛ ni A-cɛr a gua̱n Yim-naa, kɛ Ic-waa, kɛ Ic-wi, kɛ Bɛ-ri-ya kɛ nyimandiɛn kɛɛl ni Thɛra. Kä cu gat döödɛ ni Bɛ-ri-ya min mɔ gat A-cɛr, la gua̱n Ɣɛ-bɛr kɛnɛ Mal-ki-yel. 18Tɔ̱tɔ̱ kɛ kɛn gaat Dhil-pa ja̱ŋ nyaal ëë ci La-ban ɛ thöp nyaadɛ ni Leya. Ɛ jɛ nɔ pe̱k kuayni Je-kɔb kamädiɛn kɛnɛ Dhil-pa cukɛ a nɛy ti jiath kɛl wi̱cdɛ bäkɛl. 19Gaat ciekdɛ ni Re-cɛl ɛ Jo-thɛp kɛnɛ Ben-ya-min. 20A-thɛ-nath, nya Pɔ-ti-pɛ-rä kuäär luaak kuɔth kä Ɔn, ɛn nyam ɛmɔ kɛnɛ Jo-thɛp cukɛ Ma-na-thɛ kɛnɛ Ɛ-pa-rim di̱eth ro̱o̱l I-jëp. 21Kä cu Ben-ya-min a gua̱n Bɛlä, kɛ Bɛ-kɛr, kɛ Ac-bel, kɛ Gerɔ, kɛ Naa-man, kɛ Ɛɛ-ɣi̱, kɛ Röc, kɛ Mu-pim kɛ U-pim kɛnɛ A-rɛd. 22Ɛ jɛ nɔ cu pe̱k kuayni Je-kɔb kamädɛ kɛnɛ Re-cɛl cukɛ a nɛy ti jiath kɛl wi̱cdɛ ŋuaan. 23Kä cu gatdɛ ni Daan a gua̱n Ɣa-cum. 24Kä cu gatdɛ ni Nap-ta-li a gua̱n Ya-dheel, kɛ Guni, kɛ Ye-dhɛr kɛnɛ Ci-lem. 25Tɔ̱tɔ̱ kɛ kɛn gaat Bila, ja̱ŋ nyaal ëë ci La-ban ɛ thöp nyaadɛ ni Re-cɛl. Ɛ jɛ nɔ cu pe̱k kuayni Je-kɔb kamädiɛn kɛnɛ Bila cukɛ a nɛy da̱ŋ bärɔw ɛgi̱m. 26Mat pe̱k kuayni Je-kɔb tëë wä kɛ jɛ kɛɛl ro̱o̱l I-jëp cukɛ a nɛy ti jiɛn bäkɛl wi̱cdɛ bäkɛl. Ɛn pe̱k ɛmɔ /ca män gankɛ ma̱t thi̱n. 27Matdiɛn amäni Jo-thɛp kɛnɛ gaatkɛ da̱ŋ rɛw tëë cɛ di̱eth kä I-jëp cu pe̱k thuɔk duëël Je-kɔb a nɛy ti jiɛn bärɔw ɛgi̱m. Tɔ̱tɔ̱ kɛ kɛn ji̱ thuɔk duëëlɛ tëë ci ben ro̱o̱l I-jëp.
Je-kɔb kɛnɛ ji̱ dhɔaarɛ kä I-jëp
28Mëë cikɛ thia̱k kɛ dhɔr mi cɔal i̱ Go-cɛn, cu Je-kɔb gatdɛ ni Juda jäk kä nhiamdiɛn kɛ ɣöö bɛ Jo-thɛp wä la̱r lär ɛn ɣöö bikɛ wä jëk kɛnɛ jɛ kä Go-cɛn. Cukɛ ja̱l amäni mëë cikɛ cop thi̱n. 29Mëë ci Jo-thɛp ɛ ŋa̱c ɛn ɣöö ci gua̱n ben, cuɛ thurbil rialikä kä cuɛ wä ni Go-cɛn kɛ ɣöö de̱e̱kɛ wä jëk kɛnɛ gua̱n ni I-thɛ-rɛl. Mëë cikɛ jëk kɛnɛ gua̱n cuɛ rɔ kuer jɛ kä min cikɛ rɔ̱ kuäk cuɛ wiee ɛlɔ̱ŋ. 30Ɛn guäth ɛmɔ cu I-thɛ-rɛl Jo-thɛp cu jiök i̱, “Täämɛ cäŋ kua̱ lɛ li̱w bä, ɣän ci ku thuŋ nɛn a ŋotdi te̱e̱kä.” 31Min cikɛ thuɔ̱k kɛ jëk, cu Jo-thɛp ciëëŋ gua̱ni kɛnɛ dämani jiök i̱, “A wa̱a̱ kä bä Pɛro wä jiök i̱, ‘Dämaari kɛ ciëëŋ gua̱a̱r paykɛ cop ni ro̱o̱l Kɛ-naan kä ca rɔ̱ ben ma̱t ɣä.’ 32Kä bä jɛ la̱t jɛ bä ɛn ɣöö yɛn kɛ yɛn yiëën de̱e̱t kɛnɛ ɣɔ̱k, kɛnɛ ɣöö cia de̱tkun diaal kɛnɛ ɣɔ̱ɔ̱kun diaal kɛ kuakun nööŋ kɛɛl kɛ yɛ. 33Ɛ jɛ nɔ, mi wä Pɛro yɛ wä cɔl kä thieecɛ yɛ i̱, ‘La̱tdun ɛŋu?’ 34luɔcɛ jɛ i̱, ‘lapɛ yuɔ̱ɔ̱p ɣɔ̱ɔ̱k ni kuɛkädun amäni täämɛ, kä larɛ jɛ bä ɛn ɣöö ɛ jɛn ta̱a̱ ëë kɔŋ tekɛ guurikun ni wal.’ Kɛ ɣöö kɛ jɛn kui̱ kä nɔmɔ, ba yɛ cu nhök ɣöö dërɛ cieŋ kä Go-cɛn, kɛ ɣöö ji̱ rööl I-jëp kɛn canykɛ yiëën ɣɔ̱ɔ̱k kɛnɛ yuɔ̱ɔ̱p de̱e̱t.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.