Tuk 35
35
Loc Je-kɔb kä Beth-ɛl
1Ɛn wa̱nɔ cu Kuoth Je-kɔb cu jiök i̱, “Jiɛcni kä ɣo̱thni Beth-ɛl, kä wër teni thi̱n, kä wër täthni ɣä yi̱k thi̱n, ɣän Kuoth ëë nyuth rɔ ji̱ runä mëë bari rɔ kɛ dämuɔɔr ni E-thɔ.” 2Ɛ jɛ nɔ, cu Je-kɔb ji̱ cieeŋdɛ kɛnɛ nɛy diaal tëë tekɛ jɛ kɛɛl cu jiök i̱, “Yɛn yia̱kɛ jɔɔk diaal tëë cia nööŋ kɛ yɛ kɛɛl röli kɔ̱kiɛn, kä jakɛ pua̱nykun kä gɔw, kä ruɔnyɛ rɔ̱ kɛ bieyni ti puɔth, 3kä banɛ cu wä Beth-ɛl, kä ɛn thɔ̱ŋi ɣän bä Kuoth ëë ci palä liŋ guäth ëë ta̱a̱ rɛy rikä kä ci ɣä Ja̱a̱l rɛy jälikä diaal wä ta̱th yi̱k.” 4Ɛ jɛn, cukɛ kolaaŋkiɛn cu nöŋ Je-kɔb amäni tiil kuthnikiɛn tëë ca la̱th ji̱thnikiɛn. Kä cu Je-kɔb kɛ tɛ̈t piny thaar jiaath lua̱l in te gekä Cɛ-kɛm. 5Kä min ɣöthkɛ, cu Kuoth ji̱ wi̱i̱ni tin thie̱e̱k kɛ kɛ kuer dual mi di̱i̱t a /ke̱nkɛ Je-kɔb kɛnɛ ji̱ cieeŋdɛ lɛ guɔ̱ɔ̱r. 6Cu Je-kɔb kɛnɛ nɛɛkɛ diaal cop kä Luudh (min la Beth-ɛl) rɛy rööl Kɛ-naan. 7Min cɛ cop, cuɛ yi̱k täth thi̱n, kä cuɛ gua̱a̱th ɛmɔ ca̱k ciöt i̱ Ɛl-beth-ɛl,#35:7 Ɛl-beth-ɛl Kɛ thok Ɣi-bɛ-ru lotdɛ ni ɣöö Kuoth Beth-ɛl. kɛ ɣöö ɛ jɛn gua̱a̱th ëë kɔŋ Kuoth rɔɔdɛ nyuɔ̱th jɛ thi̱n runä mëë barɛ rɔ kɛ däman. 8Kä guäth ëë tekɛ kä Beth-ɛl cu Dɛ-bo-ra mëë la läät ciëŋ Rɛ-bɛ-ka li̱w, kä cua jɛ kony thaar jiaath lua̱l gekä Beth-ɛl. Ɛ jɛn cua jiath ɛmɔ cu cɔl i̱ A-lon-ba-kuth (min lot ni ɣöö jiath wi̱i̱kä.)
9Täämɛ mëë ci Je-kɔb luny jɔk kä Pa-dan-a-ram, cu Kuoth rɔ nyɔk kɛ nyuth jɛ, kä cuɛ jɛ poth. 10Cuɛ jɛ jiök i̱, “Cɔalkɛ ciötdu i̱ Je-kɔb, kä a tɛmɛ ni ɛn walɛ a ji̱ /ca nyɔk kɛ ciöt i̱ Je-kɔb, kä a ciötdu la I-thɛ-rɛl.” Kä cua ciötdɛ cu cɔl i̱ I-thɛ-rɛl. 11Ɛ jɛn cu Kuoth ɛ ku jiök i̱, “Ɛ ɣän Kuoth in le̱ny buɔ̱mdɛ ti diaal, di̱eth rɔ kä a kuayku rëpkɛ rɔ̱, kä ɛpuc bikɛ a mat dööri ti ŋuan, kä bi rɛydiɛn tekɛ kua̱r ti di̱t. 12Ɛn mun ëë cä ka̱m A-bɛ-ram kɛnɛ Ay-dhɛk, ɣän bä, ka̱m ji̱ kä bä jɛ ka̱m kuayku tin ba ji̱ guɔ̱ɔ̱r bä.” 13Ɛ jɛn, cu Kuoth cu jiɛɛn. 14Cu Je-kɔb päm ti̱mä cu cuŋ ɛn guäth ëë ci Kuoth ruac thi̱n kɛ jɛ, kä cuɛ wi̱cdɛ ti̱eth kɔaŋ kɛnɛ liɛɛth. 15Kä cuɛ gua̱a̱th ɛmɔ cɔl i̱ Beth-ɛl.
Da̱p Ben-ya-min kɛnɛ lia̱a̱ Re-cɛl
16Ɛ jɛn, cukɛ cu ɣöth kä Beth-ɛl. Kä mëë cikɛ Ɛp-rath ŋäth ikä, cua Re-cɛl käp ɛ mäc, cuɛ dap kɛ dap mi bɛc bɛc. 17Kä guäth in tëë kɛ mäc cu gääm ɛ jiök i̱, “Cu dual, kɛ ɣöö ɛ gat dhöl ɛnɔ bi nyɔk kɛ da̱p ɔ.” 18Kä min wee kɛ mi muɔ̱nɛ cuɛ ciötdɛ cɔl i̱ Bɛn-oni#35:18 Bɛn-oni kɛ thok Ɣi-bɛ-ru lotdɛ ni ɣöö gat pärädä., kä cu gua̱n ɛ cɔl i̱ Ben-ya-min#35:18 Ben-ya-min kɛ thok Ɣi-bɛ-ru lotdɛ ni ɣöö gat cuëëcdä.. 19Cu Re-cɛl cu li̱w kä cua jɛ kony däär ɔ wäkädiɛn Ɛp-rath (min la Beth-lɛ-ɣɛm). 20Cu Je-kɔb päm ti̱mä la̱th wi̱i̱ muɔ̱ɔ̱ndɛ, amäni täämɛ nɔmɔ ɛ jɛn päm in nyoth gua̱a̱th muɔ̱ɔ̱n Re-cɛl. 21Cu I-thɛ-rɛl ja̱lɛ cuɔ̱p kä cuɛ wä pua̱t kui̱c Mig-dal-edɛr.
Ciööt gan Je-kɔb
(1 Kuɛ̈n 2:1-2)
22Guäth ëë tëë ɛn dhɔɔr ɛmɔ, cu Rɛ-u-ben Bila min la luɔm gua̱n ka̱n. Kä cu I-thɛ-rɛl ɛ liŋ.
Je-kɔb tëë kɛ gaat da̱ŋ wäl wi̱cdɛ rɛw. 23Gaat ciekdɛ ni Leya ɛ Rɛ-u-ben min la kɛ̱̈ɛ̱̈ Je-kɔb, kɛ Cim-on kɛ Lii-bay kɛ Juda kɛ Yi-tha-kar kɛnɛ Dhɛ-bu-lun. 24Kä gaat Re-cɛl ɛ Jo-thɛp kɛnɛ Ben-ya-min. 25Kä gaat Bila min la nya läätdä Re-cɛl ɛ Daan kɛnɛ Nap-ta-li. 26Kä gaat Dhil-pa min la nya läätdä Leya ɛ Gad kɛnɛ A-cɛr. Tɔ̱tɔ̱ kɛ kɛn gaat tëë ci Je-kɔb kɛ di̱eth kä Pa-dan-a-ram.
Lia̱a̱ Ay-dhɛk
27Cu Je-kɔb cop dhɔr gua̱n ni Ay-dhɛk in te kä Ma-mɛ-ri min la Kir-yath-ar-bä (kiɛ Ɣɛb-ron), gua̱a̱th ëë ci A-bɛ-ram kɛnɛ Ay-dhɛk kɔŋ tekɛ ni̱n thi̱n. 28Kɛ kɔr te̱e̱kä mi bäär kɛ run ti kuɔ̱r kɛl wi̱cdɛ jiɛn bädäk, 29cu Ay-dhɛk li̱w a ro̱ŋ lɔcdɛ, kä cuɛ gua̱ndɔɔŋnikɛ cu guɔ̱ɔ̱r. Kä cu gaatkɛ ni E-thɔ kɛnɛ Je-kɔb jɛ kony.
Currently Selected:
Tuk 35: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
Tuk 35
35
Loc Je-kɔb kä Beth-ɛl
1Ɛn wa̱nɔ cu Kuoth Je-kɔb cu jiök i̱, “Jiɛcni kä ɣo̱thni Beth-ɛl, kä wër teni thi̱n, kä wër täthni ɣä yi̱k thi̱n, ɣän Kuoth ëë nyuth rɔ ji̱ runä mëë bari rɔ kɛ dämuɔɔr ni E-thɔ.” 2Ɛ jɛ nɔ, cu Je-kɔb ji̱ cieeŋdɛ kɛnɛ nɛy diaal tëë tekɛ jɛ kɛɛl cu jiök i̱, “Yɛn yia̱kɛ jɔɔk diaal tëë cia nööŋ kɛ yɛ kɛɛl röli kɔ̱kiɛn, kä jakɛ pua̱nykun kä gɔw, kä ruɔnyɛ rɔ̱ kɛ bieyni ti puɔth, 3kä banɛ cu wä Beth-ɛl, kä ɛn thɔ̱ŋi ɣän bä Kuoth ëë ci palä liŋ guäth ëë ta̱a̱ rɛy rikä kä ci ɣä Ja̱a̱l rɛy jälikä diaal wä ta̱th yi̱k.” 4Ɛ jɛn, cukɛ kolaaŋkiɛn cu nöŋ Je-kɔb amäni tiil kuthnikiɛn tëë ca la̱th ji̱thnikiɛn. Kä cu Je-kɔb kɛ tɛ̈t piny thaar jiaath lua̱l in te gekä Cɛ-kɛm. 5Kä min ɣöthkɛ, cu Kuoth ji̱ wi̱i̱ni tin thie̱e̱k kɛ kɛ kuer dual mi di̱i̱t a /ke̱nkɛ Je-kɔb kɛnɛ ji̱ cieeŋdɛ lɛ guɔ̱ɔ̱r. 6Cu Je-kɔb kɛnɛ nɛɛkɛ diaal cop kä Luudh (min la Beth-ɛl) rɛy rööl Kɛ-naan. 7Min cɛ cop, cuɛ yi̱k täth thi̱n, kä cuɛ gua̱a̱th ɛmɔ ca̱k ciöt i̱ Ɛl-beth-ɛl,#35:7 Ɛl-beth-ɛl Kɛ thok Ɣi-bɛ-ru lotdɛ ni ɣöö Kuoth Beth-ɛl. kɛ ɣöö ɛ jɛn gua̱a̱th ëë kɔŋ Kuoth rɔɔdɛ nyuɔ̱th jɛ thi̱n runä mëë barɛ rɔ kɛ däman. 8Kä guäth ëë tekɛ kä Beth-ɛl cu Dɛ-bo-ra mëë la läät ciëŋ Rɛ-bɛ-ka li̱w, kä cua jɛ kony thaar jiaath lua̱l gekä Beth-ɛl. Ɛ jɛn cua jiath ɛmɔ cu cɔl i̱ A-lon-ba-kuth (min lot ni ɣöö jiath wi̱i̱kä.)
9Täämɛ mëë ci Je-kɔb luny jɔk kä Pa-dan-a-ram, cu Kuoth rɔ nyɔk kɛ nyuth jɛ, kä cuɛ jɛ poth. 10Cuɛ jɛ jiök i̱, “Cɔalkɛ ciötdu i̱ Je-kɔb, kä a tɛmɛ ni ɛn walɛ a ji̱ /ca nyɔk kɛ ciöt i̱ Je-kɔb, kä a ciötdu la I-thɛ-rɛl.” Kä cua ciötdɛ cu cɔl i̱ I-thɛ-rɛl. 11Ɛ jɛn cu Kuoth ɛ ku jiök i̱, “Ɛ ɣän Kuoth in le̱ny buɔ̱mdɛ ti diaal, di̱eth rɔ kä a kuayku rëpkɛ rɔ̱, kä ɛpuc bikɛ a mat dööri ti ŋuan, kä bi rɛydiɛn tekɛ kua̱r ti di̱t. 12Ɛn mun ëë cä ka̱m A-bɛ-ram kɛnɛ Ay-dhɛk, ɣän bä, ka̱m ji̱ kä bä jɛ ka̱m kuayku tin ba ji̱ guɔ̱ɔ̱r bä.” 13Ɛ jɛn, cu Kuoth cu jiɛɛn. 14Cu Je-kɔb päm ti̱mä cu cuŋ ɛn guäth ëë ci Kuoth ruac thi̱n kɛ jɛ, kä cuɛ wi̱cdɛ ti̱eth kɔaŋ kɛnɛ liɛɛth. 15Kä cuɛ gua̱a̱th ɛmɔ cɔl i̱ Beth-ɛl.
Da̱p Ben-ya-min kɛnɛ lia̱a̱ Re-cɛl
16Ɛ jɛn, cukɛ cu ɣöth kä Beth-ɛl. Kä mëë cikɛ Ɛp-rath ŋäth ikä, cua Re-cɛl käp ɛ mäc, cuɛ dap kɛ dap mi bɛc bɛc. 17Kä guäth in tëë kɛ mäc cu gääm ɛ jiök i̱, “Cu dual, kɛ ɣöö ɛ gat dhöl ɛnɔ bi nyɔk kɛ da̱p ɔ.” 18Kä min wee kɛ mi muɔ̱nɛ cuɛ ciötdɛ cɔl i̱ Bɛn-oni#35:18 Bɛn-oni kɛ thok Ɣi-bɛ-ru lotdɛ ni ɣöö gat pärädä., kä cu gua̱n ɛ cɔl i̱ Ben-ya-min#35:18 Ben-ya-min kɛ thok Ɣi-bɛ-ru lotdɛ ni ɣöö gat cuëëcdä.. 19Cu Re-cɛl cu li̱w kä cua jɛ kony däär ɔ wäkädiɛn Ɛp-rath (min la Beth-lɛ-ɣɛm). 20Cu Je-kɔb päm ti̱mä la̱th wi̱i̱ muɔ̱ɔ̱ndɛ, amäni täämɛ nɔmɔ ɛ jɛn päm in nyoth gua̱a̱th muɔ̱ɔ̱n Re-cɛl. 21Cu I-thɛ-rɛl ja̱lɛ cuɔ̱p kä cuɛ wä pua̱t kui̱c Mig-dal-edɛr.
Ciööt gan Je-kɔb
(1 Kuɛ̈n 2:1-2)
22Guäth ëë tëë ɛn dhɔɔr ɛmɔ, cu Rɛ-u-ben Bila min la luɔm gua̱n ka̱n. Kä cu I-thɛ-rɛl ɛ liŋ.
Je-kɔb tëë kɛ gaat da̱ŋ wäl wi̱cdɛ rɛw. 23Gaat ciekdɛ ni Leya ɛ Rɛ-u-ben min la kɛ̱̈ɛ̱̈ Je-kɔb, kɛ Cim-on kɛ Lii-bay kɛ Juda kɛ Yi-tha-kar kɛnɛ Dhɛ-bu-lun. 24Kä gaat Re-cɛl ɛ Jo-thɛp kɛnɛ Ben-ya-min. 25Kä gaat Bila min la nya läätdä Re-cɛl ɛ Daan kɛnɛ Nap-ta-li. 26Kä gaat Dhil-pa min la nya läätdä Leya ɛ Gad kɛnɛ A-cɛr. Tɔ̱tɔ̱ kɛ kɛn gaat tëë ci Je-kɔb kɛ di̱eth kä Pa-dan-a-ram.
Lia̱a̱ Ay-dhɛk
27Cu Je-kɔb cop dhɔr gua̱n ni Ay-dhɛk in te kä Ma-mɛ-ri min la Kir-yath-ar-bä (kiɛ Ɣɛb-ron), gua̱a̱th ëë ci A-bɛ-ram kɛnɛ Ay-dhɛk kɔŋ tekɛ ni̱n thi̱n. 28Kɛ kɔr te̱e̱kä mi bäär kɛ run ti kuɔ̱r kɛl wi̱cdɛ jiɛn bädäk, 29cu Ay-dhɛk li̱w a ro̱ŋ lɔcdɛ, kä cuɛ gua̱ndɔɔŋnikɛ cu guɔ̱ɔ̱r. Kä cu gaatkɛ ni E-thɔ kɛnɛ Je-kɔb jɛ kony.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.