Ɣöth Riet in nhiam
Riet in nhiam
Ɣöth luɔtdɛ ɣöö jiɛn ran guäth in cieŋɛ thi̱n kä wëë guäth dɔ̱diɛn. Kä nɛmɛ ɛ jɛn Ɣöth ëë ɣöth kɛ gaat I-thɛ-rɛl kä I-jëp, ala mi di̱i̱t mi ci tuɔɔk rɛy te̱e̱kädiɛn guäth ëë tekɛ yaakä kä I-jëp. Ca rɛy buɔk ɛmɛ ŋa̱c kɛ gua̱th diɔ̱k.
1. Luɔ̱ny ji̱ Ɣi-bɛ-ru raar due̱e̱l yie̱e̱nä kɛnɛ wädiɛn wi̱i̱ Pa̱a̱m Thi-nay.
2. Mat ruac kam Kuɔth kɛnɛ nɛɛkɛ wi̱i̱ Pa̱a̱m Thi-nay, guäth ëë ci Kuoth kɛ ka̱m ŋuɔ̱t kɛ kui̱ ciɛŋni ti gɔw kɛnɛ ciaaŋdiɛn kamnikiɛn, amäni ŋuɔ̱t kuoothä tin dëë ciɛŋ ni rɔ̱.
3. Ta̱th gua̱th palä ji̱ I-thɛ-rɛl kɛnɛ ŋuɔ̱t kɛ kui̱ bööthni palä kɛnɛ ca̱p palä Kuɔth.
Kä wi̱i̱ kä ti diaal ɛn bok nyuthɛ kɔn duŋ di̱i̱t ëë ci Kuoth ɛ la̱t, mëë kämɛ nɛɛkɛ tëë ca jak kä yaak raar, kä bɛ kɛ jak kä do̱r mi ŋa̱ckɛ min liip kɛ nhiam.
Ram in di̱t gua̱a̱thdɛ rɛy buɔk, ɛ Muthɛ mëë ci Kuoth ɛ kuany kɛ ɣöö bɛ nɛɛkɛ böth raar kä I-jëp.
Min ŋa̱ckɛ rɛy buɔk ɛmɛ ɛlɔ̱ŋ ɛ kuën lueekni Kuɔth da̱ŋ wäl kä cio̱o̱k jiɛn rɛw.
Tin te rɛy buɔk
1. Lony I-thɛ-rɛl raar kä I-jëp 1:1—15:21
a. Kuaany kä I-jëp 1:1-22
b. Da̱p Muthɛ kɛnɛ tëkdɛ mëë nhiam 2:1—4:31
c. Wä Muthɛ kɛnɛ Ä-ron nhiam kua̱r I-jëp 5:1—11:10
d. Cäŋ bälä kɛnɛ jiɛɛn nath kä I-jëp 12:1—15:21
2. Jiɛɛn nath Bar in Tith wädiɛn wi̱i̱ Pa̱a̱m Thi-nay 15:22—18:27
3. Ŋuɔ̱t kɛnɛ mat ruac 19:1—24:18
4. Mat ruac rɛy kɛmɛkä kɛnɛ nyuuth ciɛŋä palä 25:1—40:38
Currently Selected:
Ɣöth Riet in nhiam: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.