Roma 9
9
Hollum iko Aati Honyi
1Ekiana ni nelahode, ara ni a holo Kristo, abeŋ ni agesem. Ogottiere Loholio Olibo egigilita hutto hou hoŋ, hunne itahutani 'to jio abeŋ ni agesem, 2alla ajio ni jio, obolo ejiriŋa jihoŋ, buo fe esidi obeŋ jio amijan taji hoŋ, 3te eram waati hohoi, hutto woyo hohoi. Te eram hosi, ojio atua hoŋ ijiara duo Hollum ipitak nani buo fe ni apiaharu addi jio Kristo. 4#Ajiŋuna 4:22Isi aati Hollum hunyia onyimu inyi aduri honyi, ette italeyehina jihosi akuatan honyi, ette isiarana jihosi ecorit honyi iko Efahita buo ekoi ahode onno omojorik. Ifuotuni nyia isi ecoriti Hollum, 5buo fe odetunie jio hohonyiok Ebrei hullo ohuji 'to. Ara buo fe Kristo a holo aati hulia, ta arahan honyi atulo. Ijiara itahabuye 'tulaŋ Hollum, elettok olo erre 'daŋ!#9:5 Ijiara itahabuye 'tulaŋ Hollum, elettok olo erre 'daŋ! : Kuyya ijiara itahabuye 'tulaŋ lia, alla ara 'to a Hollum elettok olo erre 'daŋ. Amen.
6Abeŋ ni ajio, itapuak Hollum ecorit honyi; nyio, obeŋi aati Israele 'daŋ arai awaati Hollum. 7Obeŋi buo fe aati 'daŋ hullo odetunie 'to to woyo Abramo arai aduri Hollum. Ojio nyia Hollum jio Abramo, “Ofuonni adi aati hutto woyo hoi tottolo Isako.” 8Itahutak fe ania jio obeŋi aduri 'daŋ hulle isiuni te ekoi ottoloŋi#9:8 Aduri 'daŋ hulle isiuni te ekoi ottoloŋi : Ikiana eram ana to aati hutto woyo Abramo hunyia ofuonni 'to tottolo Ismeil, lonyi Abramo linyia isiu Hagar (Imija Gal 4:22-23). arai aduri Hollum. Ati aati 'daŋ hulle isiuni te eram ono ecorit Hollum, isi hode arai to woyo Abramo. 9Ekenita huna hunyia ocoroniere Hollum jio Abramo jiojio: “Teleŋa, jio asaa ihua ana, attu adi ni irumana Sara isiu leto.”
10Obiaŋara erre hua hunia 'daŋ. Nyio, arai nyia lonyirok Rebeka hula arrihai aduri tulo abotie, hohonyi hohoi Isako. 11-12Ati itasiruniere jio, ara nyia luŋa anyimuna ono leto abotie awahan ono Hollum, iramak nyia Hollum Rebeka jio, “Igiama adi ahouti jio alahalu.” Ikenu nyia Hollum erre hunia hobeŋi isiuni isi, buo fe isi hobeŋi ihani omuk erre ayijok kuyya arrohojak. Tania, ara anyimuna Hollum te eloŋo honyi, buo obiaŋara to obo ariŋ enne ihani aduri hulia. 13Ihuo igioroni Ibuk Hollum jio, “Obuor ataji hoŋ Yakobo, buo oliwari Esau.”
14Eremik 'tadi jiaran obeŋ Hollum obis? Obeŋ 'tuŋ! 15Nyio, iramak nyia Hollum Mose jio, “Amehino adi ni jio atulo alla awak ni; buo fe anyalam jio atulo alla awak ni.” 16Tania, obeŋi erre 'daŋ arai te ewahiti kuyya te ehanita tulo; ati arai isi ta amehino ono Hollum hama. 17Nyio, ojio Abuk Hollum jio hobu Masir jio, “Ehanak nyia ni iyye a hobu jio, oŋida ani etahutak agolon hoŋ teyye, buo fe oŋida ahujon hoŋ okuataru afau 'daŋ.” 18Tania, omehino Hollum jio atulo alla awak inyi, buo fe itagol ahou tulo, alla awak inyi.
Ajore iko Amehino Hollum
19Ati ojio adi obo alatai jihoŋ jio, “Alla ara ti ihuo nyia, aŋai ati oremik Hollum iŋotonia epali jio atulo? Ŋai 'tadi oremik itik awahan Hollum?” 20#Isaya 29:16; 45:9Ŋai iyye illa, itarraŋari ekiana iko Hollum? Obeŋ atobok onno oyyeuni oremik ifiyo ayyani honyi jiojio, “Nyio nyia iyyeu iyye nani ihua ana?” 21Owon ayyani tobuaha iko agolon iyyeuniere erre 'daŋ hunna awak inyi, jio efuoto ania. Oremik inyi iyyeuna atobuaha arrihai; abotie ahono eyomita, buo obo enne igiamarik erre huttoloŋi. 22Ara buo fe inyi 'daŋ ihuo nyia jio ariŋ enne ihan Hollum. Awak nyia inyi itahutana ajore honyi, buo fe itamijana agolon honyi. Inyi ninyia obijori atua honyi bebe idihuniere hia hinyia olo inyi iŋot eram hosi ta ajore. Aŋotonio nyia luŋa atturo jihosi, 23italeyehiniere abolori ono nakuatan honyi ninyia isiarak inyi jihohoi, hohoi hullo omehino inyi; buo fe ihuhum many berien ifuotuniere akuatan honyi. 24Hohoi nyia hinyia iloŋu inyi, obiaŋara tehiji Yudei hama, ati iloŋu buo fe omuk tehiji Lufajak. 25#Hos 2:23Erre huna hunyia ikiana Hollum Ibuk Hosea jiojio:
“Eloŋo adi ni aati hinyia obeŋi 'to arai a huloŋ, ‘Aati hoŋ’.
Eloŋo adi ni nafau ninyia obeŋ ataji hoŋ obuor, ‘Nafau hoŋ onno obuor ataji hoŋ bebe.’
26 #
Hos 1:10
Buo luŋa jio amaji ninyia iramanierek isi jio, ‘Ibiaŋata itai irata awaati hoŋ,’
diya iloŋoi adi isi, aduri Hollum, elle isu 'to.”
27 #
Isaya 10:22-23 (LXX) Ilolia nyia Isaya te eram Israele jiojio: “Oluaji duadi bu aati Israele ihuo asuluŋayo otto hutuk hari enne ittokon, italahuni adi aati kai ijiai; 28nyio, ta agolon oruk adi Lamonye aŋocio honyi eram ono afau ana.” 29Ara inyi ihuo ninyia ikiluniere Isaya jio, “Alla abeŋ nyia Lamonye, Laduarani ofitu omuk aati to woyo hohoi, ŋaduo era ihuo aborejin gala Sodom iko Gomora.”
Omojo Paulo te Eram Waati Israele
30Inyi enne ekianari jio, Alufajak, hinyia obeŋi 'to ottifiai abisan ihosiere Hollum, itabisani isi te neruk. 31Buo Israele, hunyia ottifiai 'to efahita itabisaniere isi to hosiere Hollum, obeŋi onyurani. 32Nyio nyia obeŋi isi onyurani? Nyio, ottifiai nyia isi te ehanita hosi buo obiaŋara te neruk. Ania, ikosoroi isi jio “amoruo ekosoni”, 33ihuo igioroni Ibuk Hollum jio:
“Imijiete, ehanak ni amoruo Sayon ekosoni waati;
amoruo onno olo 'to itakuahio isi.
Ati obeŋi adi itaŋariji atua lia, elle iruk 'to jio Hollum.”
Currently Selected:
Roma 9: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Roma 9
9
Hollum iko Aati Honyi
1Ekiana ni nelahode, ara ni a holo Kristo, abeŋ ni agesem. Ogottiere Loholio Olibo egigilita hutto hou hoŋ, hunne itahutani 'to jio abeŋ ni agesem, 2alla ajio ni jio, obolo ejiriŋa jihoŋ, buo fe esidi obeŋ jio amijan taji hoŋ, 3te eram waati hohoi, hutto woyo hohoi. Te eram hosi, ojio atua hoŋ ijiara duo Hollum ipitak nani buo fe ni apiaharu addi jio Kristo. 4#Ajiŋuna 4:22Isi aati Hollum hunyia onyimu inyi aduri honyi, ette italeyehina jihosi akuatan honyi, ette isiarana jihosi ecorit honyi iko Efahita buo ekoi ahode onno omojorik. Ifuotuni nyia isi ecoriti Hollum, 5buo fe odetunie jio hohonyiok Ebrei hullo ohuji 'to. Ara buo fe Kristo a holo aati hulia, ta arahan honyi atulo. Ijiara itahabuye 'tulaŋ Hollum, elettok olo erre 'daŋ!#9:5 Ijiara itahabuye 'tulaŋ Hollum, elettok olo erre 'daŋ! : Kuyya ijiara itahabuye 'tulaŋ lia, alla ara 'to a Hollum elettok olo erre 'daŋ. Amen.
6Abeŋ ni ajio, itapuak Hollum ecorit honyi; nyio, obeŋi aati Israele 'daŋ arai awaati Hollum. 7Obeŋi buo fe aati 'daŋ hullo odetunie 'to to woyo Abramo arai aduri Hollum. Ojio nyia Hollum jio Abramo, “Ofuonni adi aati hutto woyo hoi tottolo Isako.” 8Itahutak fe ania jio obeŋi aduri 'daŋ hulle isiuni te ekoi ottoloŋi#9:8 Aduri 'daŋ hulle isiuni te ekoi ottoloŋi : Ikiana eram ana to aati hutto woyo Abramo hunyia ofuonni 'to tottolo Ismeil, lonyi Abramo linyia isiu Hagar (Imija Gal 4:22-23). arai aduri Hollum. Ati aati 'daŋ hulle isiuni te eram ono ecorit Hollum, isi hode arai to woyo Abramo. 9Ekenita huna hunyia ocoroniere Hollum jio Abramo jiojio: “Teleŋa, jio asaa ihua ana, attu adi ni irumana Sara isiu leto.”
10Obiaŋara erre hua hunia 'daŋ. Nyio, arai nyia lonyirok Rebeka hula arrihai aduri tulo abotie, hohonyi hohoi Isako. 11-12Ati itasiruniere jio, ara nyia luŋa anyimuna ono leto abotie awahan ono Hollum, iramak nyia Hollum Rebeka jio, “Igiama adi ahouti jio alahalu.” Ikenu nyia Hollum erre hunia hobeŋi isiuni isi, buo fe isi hobeŋi ihani omuk erre ayijok kuyya arrohojak. Tania, ara anyimuna Hollum te eloŋo honyi, buo obiaŋara to obo ariŋ enne ihani aduri hulia. 13Ihuo igioroni Ibuk Hollum jio, “Obuor ataji hoŋ Yakobo, buo oliwari Esau.”
14Eremik 'tadi jiaran obeŋ Hollum obis? Obeŋ 'tuŋ! 15Nyio, iramak nyia Hollum Mose jio, “Amehino adi ni jio atulo alla awak ni; buo fe anyalam jio atulo alla awak ni.” 16Tania, obeŋi erre 'daŋ arai te ewahiti kuyya te ehanita tulo; ati arai isi ta amehino ono Hollum hama. 17Nyio, ojio Abuk Hollum jio hobu Masir jio, “Ehanak nyia ni iyye a hobu jio, oŋida ani etahutak agolon hoŋ teyye, buo fe oŋida ahujon hoŋ okuataru afau 'daŋ.” 18Tania, omehino Hollum jio atulo alla awak inyi, buo fe itagol ahou tulo, alla awak inyi.
Ajore iko Amehino Hollum
19Ati ojio adi obo alatai jihoŋ jio, “Alla ara ti ihuo nyia, aŋai ati oremik Hollum iŋotonia epali jio atulo? Ŋai 'tadi oremik itik awahan Hollum?” 20#Isaya 29:16; 45:9Ŋai iyye illa, itarraŋari ekiana iko Hollum? Obeŋ atobok onno oyyeuni oremik ifiyo ayyani honyi jiojio, “Nyio nyia iyyeu iyye nani ihua ana?” 21Owon ayyani tobuaha iko agolon iyyeuniere erre 'daŋ hunna awak inyi, jio efuoto ania. Oremik inyi iyyeuna atobuaha arrihai; abotie ahono eyomita, buo obo enne igiamarik erre huttoloŋi. 22Ara buo fe inyi 'daŋ ihuo nyia jio ariŋ enne ihan Hollum. Awak nyia inyi itahutana ajore honyi, buo fe itamijana agolon honyi. Inyi ninyia obijori atua honyi bebe idihuniere hia hinyia olo inyi iŋot eram hosi ta ajore. Aŋotonio nyia luŋa atturo jihosi, 23italeyehiniere abolori ono nakuatan honyi ninyia isiarak inyi jihohoi, hohoi hullo omehino inyi; buo fe ihuhum many berien ifuotuniere akuatan honyi. 24Hohoi nyia hinyia iloŋu inyi, obiaŋara tehiji Yudei hama, ati iloŋu buo fe omuk tehiji Lufajak. 25#Hos 2:23Erre huna hunyia ikiana Hollum Ibuk Hosea jiojio:
“Eloŋo adi ni aati hinyia obeŋi 'to arai a huloŋ, ‘Aati hoŋ’.
Eloŋo adi ni nafau ninyia obeŋ ataji hoŋ obuor, ‘Nafau hoŋ onno obuor ataji hoŋ bebe.’
26 #
Hos 1:10
Buo luŋa jio amaji ninyia iramanierek isi jio, ‘Ibiaŋata itai irata awaati hoŋ,’
diya iloŋoi adi isi, aduri Hollum, elle isu 'to.”
27 #
Isaya 10:22-23 (LXX) Ilolia nyia Isaya te eram Israele jiojio: “Oluaji duadi bu aati Israele ihuo asuluŋayo otto hutuk hari enne ittokon, italahuni adi aati kai ijiai; 28nyio, ta agolon oruk adi Lamonye aŋocio honyi eram ono afau ana.” 29Ara inyi ihuo ninyia ikiluniere Isaya jio, “Alla abeŋ nyia Lamonye, Laduarani ofitu omuk aati to woyo hohoi, ŋaduo era ihuo aborejin gala Sodom iko Gomora.”
Omojo Paulo te Eram Waati Israele
30Inyi enne ekianari jio, Alufajak, hinyia obeŋi 'to ottifiai abisan ihosiere Hollum, itabisani isi te neruk. 31Buo Israele, hunyia ottifiai 'to efahita itabisaniere isi to hosiere Hollum, obeŋi onyurani. 32Nyio nyia obeŋi isi onyurani? Nyio, ottifiai nyia isi te ehanita hosi buo obiaŋara te neruk. Ania, ikosoroi isi jio “amoruo ekosoni”, 33ihuo igioroni Ibuk Hollum jio:
“Imijiete, ehanak ni amoruo Sayon ekosoni waati;
amoruo onno olo 'to itakuahio isi.
Ati obeŋi adi itaŋariji atua lia, elle iruk 'to jio Hollum.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003