ETALEYEHINA 9
9
1Attati ajilo etamiyeti ihut afuruju honyi, ette ni igonyuna elelef odou tedou ifau. Isiori nyia jihonyi eŋanyit ono ewure onno obeŋ esidi#9:1 Ewure onno obeŋ esidi : Igigiloi nyia aati Yudei jio, ifitai nyia a miniaŋa itua fau many iholoŋ ono aŋocio hiram hosi esidi.. 2Aŋany nyia inyi ewure ania, buo afuro ette ipuhuna teya ihua afuro onno ottu 'to jio eyali enne ittokon. Itik nyia afuro ania noloŋ ette afau 'daŋ iriok. 3Attati namaa ittuna ifau to tua furo. Isiarani nyia jihosi ayili onno orriama agolon honyi iko ono etoni. 4Iramani nyia isi hèlaha ittarrohojie amiyaŋ kuyya ayyani kuyya obo ariŋ enne isur 'to isur. Ati oremehini isi iriafuna aati hama hullo obeŋi 'to owoni iko emoi Hollum ihomomite hosi. 5Obeŋi nyia aŋatani amaa ania ittohori aati hulia, ati, ittigemiere isi ayafajin miyet. Orriama nyia adiaha enne ittigemierek isi iko ediahit hitoni. 6Jio ayafajin miyet hua, ottifiai adi aati naye, ati obeŋi adi onyurani inyi. Awahi adi isi iye, ati ofuho adi naye isi.
7Ara nyia namaa nyia ihua akusani hunne ihuhumai 'to irumori ifere. Owoni nyia omuk asaŋ ihossi hosi hunna arai ihuo egoriahien 'yel, buo omomite hosi iyyaluni omomite waati, 8buo oofir hosi iyyaluni oofir ŋotte, buo aala hosi iyyaluni huno elemie. 9Owoni nyia buo fe omuk asaŋ isuhiara hosi ihua abilat emuhita suhe, buo etiri hiwwa hosi ara ihua akusani hunne ipihotie 'to akarlohien arriai hunne iburarai ifere. 10Owon nyia amaa ania iko allisara buo ayili ihuo ono etoni. Ta ayili otto 'lisa honyi, oremik nyia inyi ittigem aati ayafajin miyet. 11Owon nyia loobu olo amaa ania, inyi ajilo erririani olo newure onno obeŋ esidi. Anya afure honyi te ekiana Ebrei, Abaddon, buo to Grik anya Apolion (onno ojio 'to jio, “Etatturoni”).
12Atuhoro arrohoji etabotie. Imijie, arrohojita arrihai hunno hofuoi ifuanna.
13Attati ajilo etilleji ihut afuruju honyi, ette ni itaniŋuna netuk ottu to guli huna aŋuan huno etitiek 'yel ehumi, otto hosiere Hollum; 14ette jiaran jio ajilo etilleji, “Ohohi ajilohien hula aŋuan hunyia ifitani ilowore enne ittokon ono Yufrets!” 15Ania, ette ihohina ajilohien hula aŋuan hulia; hunyia ocoroni a hulo asaa ana, ahulo oloŋ ana, ahulo ayafa ana iko ahulo eeŋa ana, ittohori aŋati etahunihi ono eluluŋ tulo 'daŋ ta fau. 16Iramani nyia jihoŋ jio, arai nyia oseŋer hunyia adahini 'to akusani amilioni esiha arrihai (200,000,000). 17Ihua ana nyia oleyehinie jihoŋ ihuo arigia, akusani iko aati hulla adahai 'to tesi: iyyafani nyia aati hia isuhiara hosi abilat, hunno odori arieti ihuo eema, buo omuk iyyaluni amoruo onno opipiak emuluyak, buo omuk iyyaluni efuoto amunek. Iyyaluni nyia ossi akusani hunia, ossi lemio. Opuhutta nyia neema iko afuro buo efuoto amunek onno owulo ahima#9:17 efuoto amunek onno owulo ahima : inyi obo ariŋ enne iloŋoi te Iŋilis “Sulphur” buo ara amunek. to hutuhe hosi. 18Ottohori nyia ettigemita huna hunihoi huna, aŋati etahunihi ono eluluŋ tulo 'daŋ ta fau. Ettigemita hunno orrohoji 'to hunia huna; neema, nafuro iko efuoto amunek onno owulo 'to ahima. 19Nyio, owon nyia agolon ono akusani hunia ihutuhe iko ilisara hosi. Arai nyia alisara hosi ihua amunuok hunno owoni iko nossi, hunne iriafuttarik isi aati.
20Ati obeŋ nyia awoyo tulo 'daŋ, ninyia ofituno 'to jio ettigemita hunia, obusak arrohojita hunyia ihanie isi. Obeŋi nyia isi idehini amojo jio aminiaŋa iko jio arrijiorihien hunna arai 'to ayyel, abilat aboŋi, abilata ihuo efelek, amoruo iko etoi; isi arrijiorihien hunno obeŋi 'to omijie, itayirie kuyya adahai. 21Obeŋi nyia buo fe isi idehini ehanita hosi huno attohio, emimuala, asomon kuyya ahoho.
Currently Selected:
ETALEYEHINA 9: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
ETALEYEHINA 9
9
1Attati ajilo etamiyeti ihut afuruju honyi, ette ni igonyuna elelef odou tedou ifau. Isiori nyia jihonyi eŋanyit ono ewure onno obeŋ esidi#9:1 Ewure onno obeŋ esidi : Igigiloi nyia aati Yudei jio, ifitai nyia a miniaŋa itua fau many iholoŋ ono aŋocio hiram hosi esidi.. 2Aŋany nyia inyi ewure ania, buo afuro ette ipuhuna teya ihua afuro onno ottu 'to jio eyali enne ittokon. Itik nyia afuro ania noloŋ ette afau 'daŋ iriok. 3Attati namaa ittuna ifau to tua furo. Isiarani nyia jihosi ayili onno orriama agolon honyi iko ono etoni. 4Iramani nyia isi hèlaha ittarrohojie amiyaŋ kuyya ayyani kuyya obo ariŋ enne isur 'to isur. Ati oremehini isi iriafuna aati hama hullo obeŋi 'to owoni iko emoi Hollum ihomomite hosi. 5Obeŋi nyia aŋatani amaa ania ittohori aati hulia, ati, ittigemiere isi ayafajin miyet. Orriama nyia adiaha enne ittigemierek isi iko ediahit hitoni. 6Jio ayafajin miyet hua, ottifiai adi aati naye, ati obeŋi adi onyurani inyi. Awahi adi isi iye, ati ofuho adi naye isi.
7Ara nyia namaa nyia ihua akusani hunne ihuhumai 'to irumori ifere. Owoni nyia omuk asaŋ ihossi hosi hunna arai ihuo egoriahien 'yel, buo omomite hosi iyyaluni omomite waati, 8buo oofir hosi iyyaluni oofir ŋotte, buo aala hosi iyyaluni huno elemie. 9Owoni nyia buo fe omuk asaŋ isuhiara hosi ihua abilat emuhita suhe, buo etiri hiwwa hosi ara ihua akusani hunne ipihotie 'to akarlohien arriai hunne iburarai ifere. 10Owon nyia amaa ania iko allisara buo ayili ihuo ono etoni. Ta ayili otto 'lisa honyi, oremik nyia inyi ittigem aati ayafajin miyet. 11Owon nyia loobu olo amaa ania, inyi ajilo erririani olo newure onno obeŋ esidi. Anya afure honyi te ekiana Ebrei, Abaddon, buo to Grik anya Apolion (onno ojio 'to jio, “Etatturoni”).
12Atuhoro arrohoji etabotie. Imijie, arrohojita arrihai hunno hofuoi ifuanna.
13Attati ajilo etilleji ihut afuruju honyi, ette ni itaniŋuna netuk ottu to guli huna aŋuan huno etitiek 'yel ehumi, otto hosiere Hollum; 14ette jiaran jio ajilo etilleji, “Ohohi ajilohien hula aŋuan hunyia ifitani ilowore enne ittokon ono Yufrets!” 15Ania, ette ihohina ajilohien hula aŋuan hulia; hunyia ocoroni a hulo asaa ana, ahulo oloŋ ana, ahulo ayafa ana iko ahulo eeŋa ana, ittohori aŋati etahunihi ono eluluŋ tulo 'daŋ ta fau. 16Iramani nyia jihoŋ jio, arai nyia oseŋer hunyia adahini 'to akusani amilioni esiha arrihai (200,000,000). 17Ihua ana nyia oleyehinie jihoŋ ihuo arigia, akusani iko aati hulla adahai 'to tesi: iyyafani nyia aati hia isuhiara hosi abilat, hunno odori arieti ihuo eema, buo omuk iyyaluni amoruo onno opipiak emuluyak, buo omuk iyyaluni efuoto amunek. Iyyaluni nyia ossi akusani hunia, ossi lemio. Opuhutta nyia neema iko afuro buo efuoto amunek onno owulo ahima#9:17 efuoto amunek onno owulo ahima : inyi obo ariŋ enne iloŋoi te Iŋilis “Sulphur” buo ara amunek. to hutuhe hosi. 18Ottohori nyia ettigemita huna hunihoi huna, aŋati etahunihi ono eluluŋ tulo 'daŋ ta fau. Ettigemita hunno orrohoji 'to hunia huna; neema, nafuro iko efuoto amunek onno owulo 'to ahima. 19Nyio, owon nyia agolon ono akusani hunia ihutuhe iko ilisara hosi. Arai nyia alisara hosi ihua amunuok hunno owoni iko nossi, hunne iriafuttarik isi aati.
20Ati obeŋ nyia awoyo tulo 'daŋ, ninyia ofituno 'to jio ettigemita hunia, obusak arrohojita hunyia ihanie isi. Obeŋi nyia isi idehini amojo jio aminiaŋa iko jio arrijiorihien hunna arai 'to ayyel, abilat aboŋi, abilata ihuo efelek, amoruo iko etoi; isi arrijiorihien hunno obeŋi 'to omijie, itayirie kuyya adahai. 21Obeŋi nyia buo fe isi idehini ehanita hosi huno attohio, emimuala, asomon kuyya ahoho.
© The Bible Society in South Sudan 2003