ETALEYEHINA 7
7
Aati Israele hula 144,000
1Ihalu eram ania, egonyu ni ajilohien aŋuan owotiai iguli fau huna aŋuan, hulle itihotie oyyamihien huna aŋuan jio ŋadi obo oyyami ohut ifau, kuyya ihari enne ittokon, kuyya ohut obo ayyani. 2Attati ni igonyuna obo ajilo ottu tetteduoŋi holoŋ, ollo owon iko emoi Hollum lesuoni; ette iloŋ woŋ woŋ ajilohien hula aŋuan hunyia isiori jihosi aduaran ittarrohojiere afau iko aari enne ittokon. 3Ojio nyia ajilo lia jio, “Hètarrohojiata afau, kuyya aari enne ittokon, kuyya ayyani many ehananiere hohoi emoi ihomomite hegiamak hulo Hollum hohoi.” 4Iramani nyia jihoŋ anamba ono aati hunyia ihanani emoi Hollum ihomomite hosi, alif esiha abotie iko atomuana aŋuan haŋuan (144,000). Ofuonni nyia isi jio awoi Israele huna 'tomon harrihai: 5-8alif 'tomon harrihai (12,000) jio awoi hunia 'daŋ ababo, to woyo Yuda, to woyo Ruben, to woyo Gad, to woyo Aser, to woyo Naftali, to woyo Manase, to woyo Simion; to woyo Lefi, to woyo Isakar, to woyo Sebulun, to woyo Yosefu, iko to woyo Benyamin.
Eluluŋ enne Ittok Bebe Bebe
9Ihalu eram ania, ami ni, ette ni igonyuna eluluŋ enne ittok bebe bebe, enne ittallik tulo ihenuna. Ofuonni nyia isi ta fauhien 'daŋ, to woi waati 'daŋ iko jio ekenita waati 'daŋ, ette iwotia ihosiere seger ilohittok iko ihosiere Olosobe. Iyyafatie nyia isi aboŋojin abuoŋi, buo ottoŋotie afore ihas hosi. 10Iwuwoŋitai nyia isi jiojio, “Ottu etalahuno jio Hollum hohoi, elle itoŋo 'to iseger ilohittok, iko jio Olosobe!” 11Owotiai nyia ajilohien 'daŋ hullo okudani aseger ilohittok iko lahou buo asaŋ huna aŋuan hunne isui 'to. Attati isi iruboho ifau ihosiere seger ilohittok, ette itahabuyo Hollum, 12jiojio, “Amen! Hatawana etahabuyo, akuatan, elofioro, ahumo, olohuo, aduaran iko agolon jio Hollum hohoi, 'tulaŋ 'tulaŋ! Amen!”
13Attati obo olo lahou ifiyo ani jiojio, “Haŋai aati hulle iyyafatie 'to hulia aboŋojin abuoŋi? Ofuonni isi tai?” 14#Mat 24:21; Mar 13:19Etarraŋ nyia ni inyi jio, “Lettok, atimo ni; ati imijak iyye.”
Buo inyi ette jiaran jihoŋ, “Isi hulia aati, hulla amiri 'to ettigemio onno orroho 'to bebe. Amoti isi aboŋojin hosi to nooto ono Olosobe, oŋida obuori biny biny. 15Inyi anna awattarik isi ihosiere seger ilohittok Hollum, buo fe igiamai jihonyi afanni iko arue 'daŋ. Buo lia, elle itoŋo 'to iseger ilohittok, omijio isi onno oyyu, ta awanan honyi ikosi. 16Obeŋi adi isi inyiahi niama, kuyya iboto. Obeŋ adi noloŋ kuyya obo anahan onno orroho, ottod isi; 17nyio, ara adi Olosobe, ollo owon 'to ihiji maji anna awanari aseger ilohittok, a heyyahani hosi. Inyiamaru adi inyi isi jio olotilihi hari hunne iyaŋunie 'to nesu. Ifufuso adi Hollum neyyoo 'daŋ to hoŋite hosi.”
Currently Selected:
ETALEYEHINA 7: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
ETALEYEHINA 7
7
Aati Israele hula 144,000
1Ihalu eram ania, egonyu ni ajilohien aŋuan owotiai iguli fau huna aŋuan, hulle itihotie oyyamihien huna aŋuan jio ŋadi obo oyyami ohut ifau, kuyya ihari enne ittokon, kuyya ohut obo ayyani. 2Attati ni igonyuna obo ajilo ottu tetteduoŋi holoŋ, ollo owon iko emoi Hollum lesuoni; ette iloŋ woŋ woŋ ajilohien hula aŋuan hunyia isiori jihosi aduaran ittarrohojiere afau iko aari enne ittokon. 3Ojio nyia ajilo lia jio, “Hètarrohojiata afau, kuyya aari enne ittokon, kuyya ayyani many ehananiere hohoi emoi ihomomite hegiamak hulo Hollum hohoi.” 4Iramani nyia jihoŋ anamba ono aati hunyia ihanani emoi Hollum ihomomite hosi, alif esiha abotie iko atomuana aŋuan haŋuan (144,000). Ofuonni nyia isi jio awoi Israele huna 'tomon harrihai: 5-8alif 'tomon harrihai (12,000) jio awoi hunia 'daŋ ababo, to woyo Yuda, to woyo Ruben, to woyo Gad, to woyo Aser, to woyo Naftali, to woyo Manase, to woyo Simion; to woyo Lefi, to woyo Isakar, to woyo Sebulun, to woyo Yosefu, iko to woyo Benyamin.
Eluluŋ enne Ittok Bebe Bebe
9Ihalu eram ania, ami ni, ette ni igonyuna eluluŋ enne ittok bebe bebe, enne ittallik tulo ihenuna. Ofuonni nyia isi ta fauhien 'daŋ, to woi waati 'daŋ iko jio ekenita waati 'daŋ, ette iwotia ihosiere seger ilohittok iko ihosiere Olosobe. Iyyafatie nyia isi aboŋojin abuoŋi, buo ottoŋotie afore ihas hosi. 10Iwuwoŋitai nyia isi jiojio, “Ottu etalahuno jio Hollum hohoi, elle itoŋo 'to iseger ilohittok, iko jio Olosobe!” 11Owotiai nyia ajilohien 'daŋ hullo okudani aseger ilohittok iko lahou buo asaŋ huna aŋuan hunne isui 'to. Attati isi iruboho ifau ihosiere seger ilohittok, ette itahabuyo Hollum, 12jiojio, “Amen! Hatawana etahabuyo, akuatan, elofioro, ahumo, olohuo, aduaran iko agolon jio Hollum hohoi, 'tulaŋ 'tulaŋ! Amen!”
13Attati obo olo lahou ifiyo ani jiojio, “Haŋai aati hulle iyyafatie 'to hulia aboŋojin abuoŋi? Ofuonni isi tai?” 14#Mat 24:21; Mar 13:19Etarraŋ nyia ni inyi jio, “Lettok, atimo ni; ati imijak iyye.”
Buo inyi ette jiaran jihoŋ, “Isi hulia aati, hulla amiri 'to ettigemio onno orroho 'to bebe. Amoti isi aboŋojin hosi to nooto ono Olosobe, oŋida obuori biny biny. 15Inyi anna awattarik isi ihosiere seger ilohittok Hollum, buo fe igiamai jihonyi afanni iko arue 'daŋ. Buo lia, elle itoŋo 'to iseger ilohittok, omijio isi onno oyyu, ta awanan honyi ikosi. 16Obeŋi adi isi inyiahi niama, kuyya iboto. Obeŋ adi noloŋ kuyya obo anahan onno orroho, ottod isi; 17nyio, ara adi Olosobe, ollo owon 'to ihiji maji anna awanari aseger ilohittok, a heyyahani hosi. Inyiamaru adi inyi isi jio olotilihi hari hunne iyaŋunie 'to nesu. Ifufuso adi Hollum neyyoo 'daŋ to hoŋite hosi.”
© The Bible Society in South Sudan 2003