Ebrei 13
13
Etamuno Hollum Aŋai
1Oduloro etabuorio tajia jio ellarak iko aniyarak hatai ihuo Kristiani. 2Hèguotti efuotutta atamonok ihaŋitek hatai. Owoni nyia omuk aati hunyia ihani ihuo nyia, ette ifuotuna ajilohien buo obeŋi omijani. 3Ogilutati aati hutto babus; ihaniete ihuo elle ifitati itai arabotie ikosi. Ogilutati hia hullo owoni 'to iko ettigemio, ihaniete ihuo elle iwanata itai arabotie ikosi jio ettigemio nyia.
4Ijiara atulo 'daŋ omijak jio, oyyu awanan ta haŋ; tania, hèlaha alle kuyya aŋotte ittarroho awanan honyi ta haŋ ta aroto. Oŋot adi Hollum eram tulo 'daŋ elle ihanio 'to erre somon buo fe oroto.
5Hèmanyati ta amuno gurusi, itaremehina atajia jio erre hunno owoni 'to jihatai. Nyio, ojio Hollum, “Abeŋ adi ni luŋa edehi itai; ettallik adi ni luŋa ibasana itai.” 6Tania, hèlaha abaŋi owon jihohoi elle ejio jio,
“Lamonye, inyi aluahani hoŋ,
ettallik ni ibaŋi.
Oremik 'tadi tulo ihan obo ariŋ jihoŋ?”
7Ogiluna elettaha hatai eberien, hinyia ittiyenie 'to jihatai eram Hollum. Ogiluna owon nyia amanya hosi aŋai; ijifatiete eruk ninyia owon 'to jihosi. 8Ittallik Yesu Kristo ilufaji! Odulo inyi arahan ihuo lia, ŋole ŋole, ahana many 'tulaŋ. 9Hèŋatana omuk ettiyenita hunno olufaji itipalari itai jio ekoi onno obis 'to. Oyyu ifuotuniere agolon tua ta ayiji taji Hollum, buo obiaŋara ta aniŋio ono efahita hunne itihi 'to atulo iŋiyere omuk aŋiriasin; nyio, obeŋi efahita hunia oluahi aati hullo oniŋie 'to isi.
10Obeŋi ehumak hulle igiamai 'to imaji onno omojorik Yudei osiruni inosori arabotie ikohoi imaji enne emojori. 11Te neram iyyata, isiaratta nyia Ehumani Yudei elle ittokon nooto ciaŋi Imaji Elibo anna Agalik 'to 'daŋ irari ehumi; buo ette isuahina aciaŋi hunia iller miji. 12Ihuo nyia buo fe oye nyia Yesu iller bore gala, italiboriere eyyata waati to nooto honyi. 13Tania, hafatta jihonyi iller miji irumaniere ariri arabotie ikonyi. 14Nyio, ifau dini, ebeŋ ewon iko abore gala onno osio 'to 'tulaŋ; hétila hohoi abore gala ono moi. 15Tania, haduloro ti etahabuyo Hollum, ara ania ihuo ehumi hohoi tottolo Yesu Kristo. Inyi ania esiorio enne isiori te etuhe hunne iruhoni 'to inyi. 16Hèguotti ihaniere ayiji buo fe iluahiere ahuattek nyio, ehumita hunia hunno omuno Hollum.
17Abaŋata elettaha hatai; ihaniete ihuo ojiori isi. Odulori isi amijio itai onno oyyu, nyio, ofuoi adi isi luŋa iramana Hollum egiama nyia isi aŋai. Elle iniŋiete itai isi, igiamai adi isi ta amuno; buo elle imesiete itai isi, obeŋi adi isi igiamai ta amuno, tania, obeŋ adi ania iyaŋuno ayiji jihatai. 18Oduloro amojo to hohoi. Emijak hohoi jio, olibori egigilita hohoi nyio, oŋitek 'daŋ, ewak hohoi ihanio ariŋ onno obis 'to. 19Ehum buo fe ni ittana itai jio, omojoti luŋa bebe jio Hollum, oŋida bati nani acohuno kokuak jihatai.
Emojit Etisidi
20-21Ihuania, ijiara Hollum olo nelik tajia isiarak jihatai erre ayijok 'daŋ, oŋida bati itai ihaniete erre hunna awak inyi. Inyi nyia itubuhu Yesu Lamonye hohoi toye. Yesu, alla ara 'to ihuo Eyyahani ollo Oyyu 'to bebe, elle iyaŋuno nooto honyi#13:20-21nooto honyi : kuyya, aye honyi irari ehumi. emuara onno osio 'to 'tulaŋ ihiji Hollum iko aati honyi. To Yesu Kristo, ijiara buo fe Hollum igiamari hohoi ihuo awak inyi. Ijiara akuatan hatawana jio Kristo 'tulaŋ, 'tulaŋ. Amen.
22Illarak iko haniyarak hoŋ, attana ni itai jio, ihumata itayirio ekenita hoŋ etagolita hunia; nyio, osuk awaraga enne egiorok ni ana jihatai. 23Omijana luŋa jio, ahouno illa hohoi, Timoteyo, to babus. Alla afany inyi dini kuak, efuonni adi inyi ikoŋ imijuniere itai. 24Itifonyana elettaha hatai 'daŋ iko aati Hollum 'daŋ. Itifonyai itai eruhok hutta fau Ittali.
25Hatawana ayiji taji jihatai 'daŋ. Amen.
Currently Selected:
Ebrei 13: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ebrei 13
13
Etamuno Hollum Aŋai
1Oduloro etabuorio tajia jio ellarak iko aniyarak hatai ihuo Kristiani. 2Hèguotti efuotutta atamonok ihaŋitek hatai. Owoni nyia omuk aati hunyia ihani ihuo nyia, ette ifuotuna ajilohien buo obeŋi omijani. 3Ogilutati aati hutto babus; ihaniete ihuo elle ifitati itai arabotie ikosi. Ogilutati hia hullo owoni 'to iko ettigemio, ihaniete ihuo elle iwanata itai arabotie ikosi jio ettigemio nyia.
4Ijiara atulo 'daŋ omijak jio, oyyu awanan ta haŋ; tania, hèlaha alle kuyya aŋotte ittarroho awanan honyi ta haŋ ta aroto. Oŋot adi Hollum eram tulo 'daŋ elle ihanio 'to erre somon buo fe oroto.
5Hèmanyati ta amuno gurusi, itaremehina atajia jio erre hunno owoni 'to jihatai. Nyio, ojio Hollum, “Abeŋ adi ni luŋa edehi itai; ettallik adi ni luŋa ibasana itai.” 6Tania, hèlaha abaŋi owon jihohoi elle ejio jio,
“Lamonye, inyi aluahani hoŋ,
ettallik ni ibaŋi.
Oremik 'tadi tulo ihan obo ariŋ jihoŋ?”
7Ogiluna elettaha hatai eberien, hinyia ittiyenie 'to jihatai eram Hollum. Ogiluna owon nyia amanya hosi aŋai; ijifatiete eruk ninyia owon 'to jihosi. 8Ittallik Yesu Kristo ilufaji! Odulo inyi arahan ihuo lia, ŋole ŋole, ahana many 'tulaŋ. 9Hèŋatana omuk ettiyenita hunno olufaji itipalari itai jio ekoi onno obis 'to. Oyyu ifuotuniere agolon tua ta ayiji taji Hollum, buo obiaŋara ta aniŋio ono efahita hunne itihi 'to atulo iŋiyere omuk aŋiriasin; nyio, obeŋi efahita hunia oluahi aati hullo oniŋie 'to isi.
10Obeŋi ehumak hulle igiamai 'to imaji onno omojorik Yudei osiruni inosori arabotie ikohoi imaji enne emojori. 11Te neram iyyata, isiaratta nyia Ehumani Yudei elle ittokon nooto ciaŋi Imaji Elibo anna Agalik 'to 'daŋ irari ehumi; buo ette isuahina aciaŋi hunia iller miji. 12Ihuo nyia buo fe oye nyia Yesu iller bore gala, italiboriere eyyata waati to nooto honyi. 13Tania, hafatta jihonyi iller miji irumaniere ariri arabotie ikonyi. 14Nyio, ifau dini, ebeŋ ewon iko abore gala onno osio 'to 'tulaŋ; hétila hohoi abore gala ono moi. 15Tania, haduloro ti etahabuyo Hollum, ara ania ihuo ehumi hohoi tottolo Yesu Kristo. Inyi ania esiorio enne isiori te etuhe hunne iruhoni 'to inyi. 16Hèguotti ihaniere ayiji buo fe iluahiere ahuattek nyio, ehumita hunia hunno omuno Hollum.
17Abaŋata elettaha hatai; ihaniete ihuo ojiori isi. Odulori isi amijio itai onno oyyu, nyio, ofuoi adi isi luŋa iramana Hollum egiama nyia isi aŋai. Elle iniŋiete itai isi, igiamai adi isi ta amuno; buo elle imesiete itai isi, obeŋi adi isi igiamai ta amuno, tania, obeŋ adi ania iyaŋuno ayiji jihatai. 18Oduloro amojo to hohoi. Emijak hohoi jio, olibori egigilita hohoi nyio, oŋitek 'daŋ, ewak hohoi ihanio ariŋ onno obis 'to. 19Ehum buo fe ni ittana itai jio, omojoti luŋa bebe jio Hollum, oŋida bati nani acohuno kokuak jihatai.
Emojit Etisidi
20-21Ihuania, ijiara Hollum olo nelik tajia isiarak jihatai erre ayijok 'daŋ, oŋida bati itai ihaniete erre hunna awak inyi. Inyi nyia itubuhu Yesu Lamonye hohoi toye. Yesu, alla ara 'to ihuo Eyyahani ollo Oyyu 'to bebe, elle iyaŋuno nooto honyi#13:20-21nooto honyi : kuyya, aye honyi irari ehumi. emuara onno osio 'to 'tulaŋ ihiji Hollum iko aati honyi. To Yesu Kristo, ijiara buo fe Hollum igiamari hohoi ihuo awak inyi. Ijiara akuatan hatawana jio Kristo 'tulaŋ, 'tulaŋ. Amen.
22Illarak iko haniyarak hoŋ, attana ni itai jio, ihumata itayirio ekenita hoŋ etagolita hunia; nyio, osuk awaraga enne egiorok ni ana jihatai. 23Omijana luŋa jio, ahouno illa hohoi, Timoteyo, to babus. Alla afany inyi dini kuak, efuonni adi inyi ikoŋ imijuniere itai. 24Itifonyana elettaha hatai 'daŋ iko aati Hollum 'daŋ. Itifonyai itai eruhok hutta fau Ittali.
25Hatawana ayiji taji jihatai 'daŋ. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003