Galasia 4
4
1Awak ni jiaran jio, orriama leto ollo homuta 'to iko apit, duadi bu arai erre monyonyi 'daŋ a hunonyi. 2Buo homuta inyi, owoni aati hullo ottoŋotie 'to inyi buo fe omijie erre honyi, many olumori noloŋ ninyia ojio monyonyi. 3Ihuo nyia buo fe, era nyia apiti hulo ajiohin hunne ilohittohi 'to ihiji fau iko edou, ninyia hètimo erre. 4Buo ninyia attuba oloŋ nyia, ette Hollum ifahuna Lonyi honyi, linyia isiu obo aŋotte; tonyia ogolorik efahita jio, 5#Rom 8:15-17oŋida inyi italahu hia hullo owoni 'to igolon ono Efahita; jio oŋida bati era aduri Hollum.
6Buo ta arahan hatai#4:6 Buo ta arahan hatai : kuyya, nyio, irata itai. aduri Hollum, ifahu nyia Hollum Oloholio Lonyi honyi ituajin hohoi; Oloholio enne iyaŋuno 'to hohoi eloŋo inyi jiojio, “Baba, Monye hohoi!” 7Ihuania, ibiaŋata itai inyiahata rahan apiti; irata itai aduri Hollum. Buo ta arahan hatai aduri honyi, isiarak adi inyi jihatai erre 'daŋ hunno ottunak inyi a huno aduri honyi.
Ihawwa Paulo te Eram Waati Galasia
8Berien, ninyia hètimoti itai Hollum, irata nyia itai apiti jiohin hunno obeŋi 'to arai hode. 9Buo ihuania, imijana itai Hollum, kuyya ijiara nani ajio jio, ihuania, amijak Hollum itai; aŋai ati iwahata itai icaharu jio ajiohin hunia, hunno ofiahaji 'to hunia buo fe arai ahirre asai? Nyio iwahata itai inyiak irahan apiti hosi? 10Owoni omuk oŋitek, ayafajin, aŋacio hiŋa iko aŋasi, hunne iyomotti itai. 11Abaŋ ni, alo egiama hoŋ tetai irahan asai!
12Attana ni itai, illarak iko haniyarak hoŋ, isatta ihuo nani nyio, ara buo fe ni ihuo itai. Hèbiaŋata itai ihanata obo epali jihoŋ. 13Imijana itai jio ninyia ettiyeniere ni jihatai asayyo ayijok tetteri, aŋuai hoŋ nyia isiarak jihoŋ ekoi ihaniere ihuo nyia. 14Duadi iyaŋuno nyia aŋuai hoŋ jihatai ettigemio onno obolo, ibiaŋata nyia itai iyasiete kuyya ihara nani. Ati ifuotuna nyia itai nani ihuo ajilo olo Hollum, kuyya ihuo Kristo Yesu. 15Imunoti nyia itai bebe! Anyioti iduoŋ ihuania? Nyio, aremik ni jiaran jio, iremehina nyia itai igolowotuna oŋite hatai, ittata isiarana jihoŋ, hara nyia enne iremehina itai ihanio ihuo nyia. 16Nyio, ara ti ni ihuania amiottononi hatai, te eramana hoŋ itai nelahode? 17Awahi aati hullomuk hulia itai bebe, ati obiaŋara te egigilo onno oyyu 'to. Awahi isi itapoluna itai addi jihoŋ jio, oŋida itai iwahata isi bebe ihuo anna awaharik isi itai. 18Oyyu bebe igigilori oŋitek 'daŋ te eram riŋ onno oyyu 'to, duadi bu abeŋ ni awon ikatai. 19Aduri hoŋ, hulla amuno ni bebe; inyiak ataji hoŋ imijan bebe tetai, many iratti itai a heruhok Kristo. 20Awak duo ni luŋa iwanan ikatai diya, oŋida ani aremik itahutana te ekoi enne ekianari ni, aŋai egigilo ni tetai; nyio, eliliha ni bebe tetai.
Etamijani ono Hagar iko Sara
21Ijiara nani efiyo itai hulle iwahata 'to ijifatio efahita; ibiaŋata soho itai itaniŋuni ojiori Efahita anyio? 22Ojiori Efahita jio, owon nyia Abramo iko laduri arrihai; abotie jio aŋotte ninyia ara 'to apit, buo abotie jio aŋotte ninyia obeŋ 'to ara apit. 23Isiuni nyia lonyi honyi ottolo aŋotte apit ihuo isiuttarik aati, buo lonyi honyi ottolo ŋoruoi honyi onno obeŋ 'to ara apit te eram ono ecorit Hollum. 24Arai erre hunia etarriamata: owotiai aŋoruo huna arrihai hunia imasik ecoriti huna arrihai. Hagar, ninyia isiu 'to aduri honyi apiti, owotia inyi imaji ecorit ninyia to doŋe Sinai. 25Ara Hagar#4:25 Ara Hagar,… : igioroni omuk egierita jio, Sinai atta fau Arabia, inyi., onno owotia 'to imaji doŋe Sinai atta fau Arabia, arrijiori ono abore gala Yerusalem onno owon 'to ihuania, anna ara 'to apit, inyi iko aati honyi 'daŋ. 26Ati, obeŋ Yerusalem onno owon 'to lidou ara, apit; inyi honye hohoi. 27Nyio, ojio Abuk Hollum jio,
“Omunoi, iyye eholofi!
Isahutai buo fe ililia, iyye enne hèbeŋ 'to iniŋ ahuanya hohe ono esio hito!
Nyio, ottu adi aŋotte enne isirihini iwanan iko aduri arriai, agalik aŋotte onno obeŋ habi isirihi.”
28Ihuania, illarak iko haniyarak hoŋ, te ecorit ninyia ocorok Hollum, irata itai aduri honyi ihuo Isako. 29Jio oŋitek hua, ittigemio nyia leto linyia isiuni te ekoi ottoloŋi, lia linyia isiuni ta awahan ono Oloholio Hollum. Hodulo eram ania irahan ihuo nyia many iko ahana. 30Ojio Abuk Hollum anyio? Ojio inyi jio, “Ifuhara addi aŋotte apit ania iko lonyi honyi; nyio, ittallik lonyi honyi ihor erutaa iko lonyi aŋotte onno obeŋ 'to ara apit.” 31Tania, illarak iko haniyarak hoŋ, ebeŋ era aduri aŋotte anna ara 'to apit, era aduri ŋotte onno obeŋ 'to ara apit.
Currently Selected:
Galasia 4: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Galasia 4
4
1Awak ni jiaran jio, orriama leto ollo homuta 'to iko apit, duadi bu arai erre monyonyi 'daŋ a hunonyi. 2Buo homuta inyi, owoni aati hullo ottoŋotie 'to inyi buo fe omijie erre honyi, many olumori noloŋ ninyia ojio monyonyi. 3Ihuo nyia buo fe, era nyia apiti hulo ajiohin hunne ilohittohi 'to ihiji fau iko edou, ninyia hètimo erre. 4Buo ninyia attuba oloŋ nyia, ette Hollum ifahuna Lonyi honyi, linyia isiu obo aŋotte; tonyia ogolorik efahita jio, 5#Rom 8:15-17oŋida inyi italahu hia hullo owoni 'to igolon ono Efahita; jio oŋida bati era aduri Hollum.
6Buo ta arahan hatai#4:6 Buo ta arahan hatai : kuyya, nyio, irata itai. aduri Hollum, ifahu nyia Hollum Oloholio Lonyi honyi ituajin hohoi; Oloholio enne iyaŋuno 'to hohoi eloŋo inyi jiojio, “Baba, Monye hohoi!” 7Ihuania, ibiaŋata itai inyiahata rahan apiti; irata itai aduri Hollum. Buo ta arahan hatai aduri honyi, isiarak adi inyi jihatai erre 'daŋ hunno ottunak inyi a huno aduri honyi.
Ihawwa Paulo te Eram Waati Galasia
8Berien, ninyia hètimoti itai Hollum, irata nyia itai apiti jiohin hunno obeŋi 'to arai hode. 9Buo ihuania, imijana itai Hollum, kuyya ijiara nani ajio jio, ihuania, amijak Hollum itai; aŋai ati iwahata itai icaharu jio ajiohin hunia, hunno ofiahaji 'to hunia buo fe arai ahirre asai? Nyio iwahata itai inyiak irahan apiti hosi? 10Owoni omuk oŋitek, ayafajin, aŋacio hiŋa iko aŋasi, hunne iyomotti itai. 11Abaŋ ni, alo egiama hoŋ tetai irahan asai!
12Attana ni itai, illarak iko haniyarak hoŋ, isatta ihuo nani nyio, ara buo fe ni ihuo itai. Hèbiaŋata itai ihanata obo epali jihoŋ. 13Imijana itai jio ninyia ettiyeniere ni jihatai asayyo ayijok tetteri, aŋuai hoŋ nyia isiarak jihoŋ ekoi ihaniere ihuo nyia. 14Duadi iyaŋuno nyia aŋuai hoŋ jihatai ettigemio onno obolo, ibiaŋata nyia itai iyasiete kuyya ihara nani. Ati ifuotuna nyia itai nani ihuo ajilo olo Hollum, kuyya ihuo Kristo Yesu. 15Imunoti nyia itai bebe! Anyioti iduoŋ ihuania? Nyio, aremik ni jiaran jio, iremehina nyia itai igolowotuna oŋite hatai, ittata isiarana jihoŋ, hara nyia enne iremehina itai ihanio ihuo nyia. 16Nyio, ara ti ni ihuania amiottononi hatai, te eramana hoŋ itai nelahode? 17Awahi aati hullomuk hulia itai bebe, ati obiaŋara te egigilo onno oyyu 'to. Awahi isi itapoluna itai addi jihoŋ jio, oŋida itai iwahata isi bebe ihuo anna awaharik isi itai. 18Oyyu bebe igigilori oŋitek 'daŋ te eram riŋ onno oyyu 'to, duadi bu abeŋ ni awon ikatai. 19Aduri hoŋ, hulla amuno ni bebe; inyiak ataji hoŋ imijan bebe tetai, many iratti itai a heruhok Kristo. 20Awak duo ni luŋa iwanan ikatai diya, oŋida ani aremik itahutana te ekoi enne ekianari ni, aŋai egigilo ni tetai; nyio, eliliha ni bebe tetai.
Etamijani ono Hagar iko Sara
21Ijiara nani efiyo itai hulle iwahata 'to ijifatio efahita; ibiaŋata soho itai itaniŋuni ojiori Efahita anyio? 22Ojiori Efahita jio, owon nyia Abramo iko laduri arrihai; abotie jio aŋotte ninyia ara 'to apit, buo abotie jio aŋotte ninyia obeŋ 'to ara apit. 23Isiuni nyia lonyi honyi ottolo aŋotte apit ihuo isiuttarik aati, buo lonyi honyi ottolo ŋoruoi honyi onno obeŋ 'to ara apit te eram ono ecorit Hollum. 24Arai erre hunia etarriamata: owotiai aŋoruo huna arrihai hunia imasik ecoriti huna arrihai. Hagar, ninyia isiu 'to aduri honyi apiti, owotia inyi imaji ecorit ninyia to doŋe Sinai. 25Ara Hagar#4:25 Ara Hagar,… : igioroni omuk egierita jio, Sinai atta fau Arabia, inyi., onno owotia 'to imaji doŋe Sinai atta fau Arabia, arrijiori ono abore gala Yerusalem onno owon 'to ihuania, anna ara 'to apit, inyi iko aati honyi 'daŋ. 26Ati, obeŋ Yerusalem onno owon 'to lidou ara, apit; inyi honye hohoi. 27Nyio, ojio Abuk Hollum jio,
“Omunoi, iyye eholofi!
Isahutai buo fe ililia, iyye enne hèbeŋ 'to iniŋ ahuanya hohe ono esio hito!
Nyio, ottu adi aŋotte enne isirihini iwanan iko aduri arriai, agalik aŋotte onno obeŋ habi isirihi.”
28Ihuania, illarak iko haniyarak hoŋ, te ecorit ninyia ocorok Hollum, irata itai aduri honyi ihuo Isako. 29Jio oŋitek hua, ittigemio nyia leto linyia isiuni te ekoi ottoloŋi, lia linyia isiuni ta awahan ono Oloholio Hollum. Hodulo eram ania irahan ihuo nyia many iko ahana. 30Ojio Abuk Hollum anyio? Ojio inyi jio, “Ifuhara addi aŋotte apit ania iko lonyi honyi; nyio, ittallik lonyi honyi ihor erutaa iko lonyi aŋotte onno obeŋ 'to ara apit.” 31Tania, illarak iko haniyarak hoŋ, ebeŋ era aduri aŋotte anna ara 'to apit, era aduri ŋotte onno obeŋ 'to ara apit.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003