Ehanita Lefahat 28
28
Awanan Paulo Molta
1Ninyia efany hohoi onno oyyu ilotifor, enyurak hohoi jio anya aful ania, Molta. 2Imoroti nyia aati hulo amaji ania bebe jihohoi. Nyio, ifuotuni nyia isi hohoi 'daŋ, ette inahina jihohoi eema ninyia itterio ahide asayo buo fe ihacoro. 3Owuruno nyia Paulo efuri heyek; buo ninyia henohio inyi isi iyali, ette enohit hima itapuhuna amunu, ette amunu ania ihony aani Paulo, ette iriata diya. 4Ninyia igonyuni aati amiji ania amunu ania illica ihani Paulo, ette isi ikiana isi hama jio, “Ara atulo olo luŋa a hattohoni. Duadi bu irisu inyi to tua owore, ittallik luŋa ajiok ono Abisan ibusana inyi.” 5Ati iwassak nyia Paulo amunu ania ihima, buo amunu ania obeŋ iriafu inyi. 6Igigiloi nyia isi jio, olo adi ahuan Paulo iyejana, kuyya imok adi inyi ihuania, ette iye. Ati ninyia attohori isi etila, buo obeŋi igonyuni obo ariŋ onno orroho iduoŋ jihonyi, ette isi iloit egigilo hosi, ette jiaran, “Ara inyi ajiok!”
7Owoni nyia omuk amatta iger amaji ania huno Pabilos, elettok olo aful ania. Ifuotu nyia inyi hohoi onno oyyu, ette ittoŋotio hohoi amorot honyi oŋitek hunihoi. 8Ififiata nyia monye Pabilos iko anahan huan buo ayotti. Ania, ette Paulo leten jihonyi itua haji, ette imojo, ette iyabana ahas honyi jihonyi, ette itaŋida inyi. 9Ninyia ihani ariŋ ania, ofuonni nyia aŋuak hutta aful ania 'daŋ, buo ette itaŋida isi. 10Isiori nyia isi jihohoi esiorita arriai. Buo ninyia ejio hohoi efuo idioto, ette isi ihanana, itua babur, erre 'daŋ hunne ewak hohoi.
To Molta Many Roma
11Ihalu ayafajin hunihoi, ette hohoi ifuatan addi jio aful ania ta ababur ninyia ottu 'to to Alesandariya anna anya, “Ajiohin Atturot.” Itoŋok nyia inyi ayafajin hacoro diya. 12Efany nyia hohoi ibore gala Siracos, ette itoŋo diya oŋitek hunihoi. 13Teya, ette hohoi ifuatan ahosiere many efanyari hohoi ibore gala Renyum. Jio ebotie holoŋ, itterio nyia oyyami ahutuno totto junub; ania, jio oloŋ etarrihi ette hohoi ifanyan ibore gala Puteli. 14Enyurak nyia hohoi omuk eruhok diya. Awahi nyia isi hohoi etoŋok ikosi esabit abotie. Ania, efanyari hohoi Roma ihuo nyia. 15Ninyia itaniŋuni eruhok hutto Roma afuanna hohoi, ette isi irrirraŋuno hohoi many jio Asuk ono Apios iko Asik Hunihoi Eyiriti. Ninyia igonyu Paulo isi, ette inyi isio ahumo jio Hollum, ette itagol ataji.
Awanan Paulo Roma
16Ninyia efany hohoi Roma, aŋatani nyia Paulo itoŋo inyi hama iko olo oseŋer linyia irriria 'to inyi.
17Ihalu oŋitek hunihoi, iloŋu nyia Paulo elettaha Yudei hunyia owoni 'to diya iwwaha. Ninyia attubanie isi, ette inyi jiaran jihosi, “Illarak hoŋ, duadi bu abeŋ ni ehan obo ariŋ onno orroho jio aati hohoi kuyya etarrohojo emanyiti huno hohonyiok hohoi, ifitani nyia nani Yerusalem, ette isiarana nani ihas gala Roma. 18Awahi nyia gala Roma ihohina nani ninyia ihumi isi ittittif nani. Nyio, obeŋi nyia isi onyurani obo epali enne ehan ni onno osiru 'to jihoŋ iyeri. 19#Ehanita 25:11Ati ninyia ihari Yudei eram ania, ania, ejulumori ni jio Hobu elle ittokon duadi bu obeŋ obo ariŋ anna aremik ni itisiahiniere aati hohoi. 20Inyi eram ania enne eloŋuniere ni itai ikianari ikatai. Hode hode, efita ni ihua ana ibabus te eram lia, elle iyihini aati Israele jihonyi.”
21Itarraŋi nyia elettaha Yudei hulia inyi jio, “Hèbeŋ hohoi efuotu omuk awaragaa to Yudea hunne ikianai 'to teyye. Hobeŋ buo fe tulo jio aati hohoi hullo ofuonni 'to teya, iyabu omuk asayyo kuyya ikenu obo eram onno orroho teyye. 22Ati, ewak hohoi itaniŋuna ekiana onno owon 'to jihoi. Nyio, emijak hohoi jio ikianai aati jio amasik 'daŋ onno orroho te eram ono eluluŋ enne iwattari iyye ania.”
23Tania, ofuonni nyia isi arriai imaji ninyia itoŋori Paulo, ninyia anyimuni isi oloŋ itaniŋiere jihonyi. Attati Paulo ihum ikukubonia jihosi eram ania nyia motie many arari attari. Ittittoyo nyia inyi jihosi eram ono Olobie Hollum. Te ehianatta honyi jihosi efahita Mose iko egierita hekianak Hollum, awak nyia inyi itahutana jihosi jio ara eram Yesu hode. 24Iruhi nyia omuk hulosi ekenita honyi buo omuk ihari. 25Ania, ofuoi nyia isi addi hulle itarisai isi hama, ninyia iken Paulo eram annabotie ana: “Obis nyia Loholio Olibo to ninyia ikianari inyi jio hohonyiok hatai te etuk Isaya ekianani Hollum jio:
26‘Ilo iramak aati hulia jio:
Itayiriete adi itai, itayiriete, buo ibiaŋata imijana;
imijiete adi itai, imijiete, buo ibiaŋata igonyuna.
27Nyio, oddiŋi ossi aati hulia,
ottuhi isi ayyaha hosi;
buo fe imuti oŋite hosi.
Nyio, ŋaduo oŋite hosi igonyuni,
buo fe ayyaha hosi itayiruni;
buo fe ossi hosi duo ette imijana,
ette duo isi iyituno jihoŋ, buo ni ette itaŋida isi.’ ”
28Attati Paulo itisidonia jiojio, “Omijana ti jio, isiori jio Alufajak asayyo Hollum hunne iyaŋunie 'to etalahuno. Itayirie adi isi!” [29Ninyia ikenu Paulo eram ana, ofuoi nyia Yudei hulia addi, buo itarisai onno orroho isi hama.]#28:29 ekori 29: obeŋ ekori ania jio omuk egierita.
30Otuk nyia Paulo aŋasi arrihai jio amaji ninyia ojura inyi, buo ifuotutta aati 'daŋ hunyia ofuonnuttai 'to mijio inyi. 31Ittittoyotio nyia inyi eram ono Olobie Hollum, buo fe ittiyanatio sool eram Yesu Kristo, Lamonye, buo tulo obeŋ itik inyi.
Currently Selected:
Ehanita Lefahat 28: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 28
28
Awanan Paulo Molta
1Ninyia efany hohoi onno oyyu ilotifor, enyurak hohoi jio anya aful ania, Molta. 2Imoroti nyia aati hulo amaji ania bebe jihohoi. Nyio, ifuotuni nyia isi hohoi 'daŋ, ette inahina jihohoi eema ninyia itterio ahide asayo buo fe ihacoro. 3Owuruno nyia Paulo efuri heyek; buo ninyia henohio inyi isi iyali, ette enohit hima itapuhuna amunu, ette amunu ania ihony aani Paulo, ette iriata diya. 4Ninyia igonyuni aati amiji ania amunu ania illica ihani Paulo, ette isi ikiana isi hama jio, “Ara atulo olo luŋa a hattohoni. Duadi bu irisu inyi to tua owore, ittallik luŋa ajiok ono Abisan ibusana inyi.” 5Ati iwassak nyia Paulo amunu ania ihima, buo amunu ania obeŋ iriafu inyi. 6Igigiloi nyia isi jio, olo adi ahuan Paulo iyejana, kuyya imok adi inyi ihuania, ette iye. Ati ninyia attohori isi etila, buo obeŋi igonyuni obo ariŋ onno orroho iduoŋ jihonyi, ette isi iloit egigilo hosi, ette jiaran, “Ara inyi ajiok!”
7Owoni nyia omuk amatta iger amaji ania huno Pabilos, elettok olo aful ania. Ifuotu nyia inyi hohoi onno oyyu, ette ittoŋotio hohoi amorot honyi oŋitek hunihoi. 8Ififiata nyia monye Pabilos iko anahan huan buo ayotti. Ania, ette Paulo leten jihonyi itua haji, ette imojo, ette iyabana ahas honyi jihonyi, ette itaŋida inyi. 9Ninyia ihani ariŋ ania, ofuonni nyia aŋuak hutta aful ania 'daŋ, buo ette itaŋida isi. 10Isiori nyia isi jihohoi esiorita arriai. Buo ninyia ejio hohoi efuo idioto, ette isi ihanana, itua babur, erre 'daŋ hunne ewak hohoi.
To Molta Many Roma
11Ihalu ayafajin hunihoi, ette hohoi ifuatan addi jio aful ania ta ababur ninyia ottu 'to to Alesandariya anna anya, “Ajiohin Atturot.” Itoŋok nyia inyi ayafajin hacoro diya. 12Efany nyia hohoi ibore gala Siracos, ette itoŋo diya oŋitek hunihoi. 13Teya, ette hohoi ifuatan ahosiere many efanyari hohoi ibore gala Renyum. Jio ebotie holoŋ, itterio nyia oyyami ahutuno totto junub; ania, jio oloŋ etarrihi ette hohoi ifanyan ibore gala Puteli. 14Enyurak nyia hohoi omuk eruhok diya. Awahi nyia isi hohoi etoŋok ikosi esabit abotie. Ania, efanyari hohoi Roma ihuo nyia. 15Ninyia itaniŋuni eruhok hutto Roma afuanna hohoi, ette isi irrirraŋuno hohoi many jio Asuk ono Apios iko Asik Hunihoi Eyiriti. Ninyia igonyu Paulo isi, ette inyi isio ahumo jio Hollum, ette itagol ataji.
Awanan Paulo Roma
16Ninyia efany hohoi Roma, aŋatani nyia Paulo itoŋo inyi hama iko olo oseŋer linyia irriria 'to inyi.
17Ihalu oŋitek hunihoi, iloŋu nyia Paulo elettaha Yudei hunyia owoni 'to diya iwwaha. Ninyia attubanie isi, ette inyi jiaran jihosi, “Illarak hoŋ, duadi bu abeŋ ni ehan obo ariŋ onno orroho jio aati hohoi kuyya etarrohojo emanyiti huno hohonyiok hohoi, ifitani nyia nani Yerusalem, ette isiarana nani ihas gala Roma. 18Awahi nyia gala Roma ihohina nani ninyia ihumi isi ittittif nani. Nyio, obeŋi nyia isi onyurani obo epali enne ehan ni onno osiru 'to jihoŋ iyeri. 19#Ehanita 25:11Ati ninyia ihari Yudei eram ania, ania, ejulumori ni jio Hobu elle ittokon duadi bu obeŋ obo ariŋ anna aremik ni itisiahiniere aati hohoi. 20Inyi eram ania enne eloŋuniere ni itai ikianari ikatai. Hode hode, efita ni ihua ana ibabus te eram lia, elle iyihini aati Israele jihonyi.”
21Itarraŋi nyia elettaha Yudei hulia inyi jio, “Hèbeŋ hohoi efuotu omuk awaragaa to Yudea hunne ikianai 'to teyye. Hobeŋ buo fe tulo jio aati hohoi hullo ofuonni 'to teya, iyabu omuk asayyo kuyya ikenu obo eram onno orroho teyye. 22Ati, ewak hohoi itaniŋuna ekiana onno owon 'to jihoi. Nyio, emijak hohoi jio ikianai aati jio amasik 'daŋ onno orroho te eram ono eluluŋ enne iwattari iyye ania.”
23Tania, ofuonni nyia isi arriai imaji ninyia itoŋori Paulo, ninyia anyimuni isi oloŋ itaniŋiere jihonyi. Attati Paulo ihum ikukubonia jihosi eram ania nyia motie many arari attari. Ittittoyo nyia inyi jihosi eram ono Olobie Hollum. Te ehianatta honyi jihosi efahita Mose iko egierita hekianak Hollum, awak nyia inyi itahutana jihosi jio ara eram Yesu hode. 24Iruhi nyia omuk hulosi ekenita honyi buo omuk ihari. 25Ania, ofuoi nyia isi addi hulle itarisai isi hama, ninyia iken Paulo eram annabotie ana: “Obis nyia Loholio Olibo to ninyia ikianari inyi jio hohonyiok hatai te etuk Isaya ekianani Hollum jio:
26‘Ilo iramak aati hulia jio:
Itayiriete adi itai, itayiriete, buo ibiaŋata imijana;
imijiete adi itai, imijiete, buo ibiaŋata igonyuna.
27Nyio, oddiŋi ossi aati hulia,
ottuhi isi ayyaha hosi;
buo fe imuti oŋite hosi.
Nyio, ŋaduo oŋite hosi igonyuni,
buo fe ayyaha hosi itayiruni;
buo fe ossi hosi duo ette imijana,
ette duo isi iyituno jihoŋ, buo ni ette itaŋida isi.’ ”
28Attati Paulo itisidonia jiojio, “Omijana ti jio, isiori jio Alufajak asayyo Hollum hunne iyaŋunie 'to etalahuno. Itayirie adi isi!” [29Ninyia ikenu Paulo eram ana, ofuoi nyia Yudei hulia addi, buo itarisai onno orroho isi hama.]#28:29 ekori 29: obeŋ ekori ania jio omuk egierita.
30Otuk nyia Paulo aŋasi arrihai jio amaji ninyia ojura inyi, buo ifuotutta aati 'daŋ hunyia ofuonnuttai 'to mijio inyi. 31Ittittoyotio nyia inyi eram ono Olobie Hollum, buo fe ittiyanatio sool eram Yesu Kristo, Lamonye, buo tulo obeŋ itik inyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003