Ehanita Lefahat 23
23
1Attati Paulo mijio 'tok 'tok jio aati lokikoi, ette jiaran, “Itai Israele hohoi, afaŋ egigilo hoŋ luŋa bebe jio, obis amanya hoŋ ihosiere Hollum many jio oloŋ ana.” 2Attati Ananiya, Ehumani elle ittokon, iramana aati hinyia owotiai 'to iger Paulo ijiara annaŋi Paulo ihutuk. 3#Mat 23:27-28Ati ojio nyia Paulo jihonyi, “Abak adi Hollum iyye! Iyye olohittir enne ibuyai aboŋ ana. Itoŋo iyye dinia iŋociere eram hoŋ te Efahita, buo ibeŋ ibaŋ Efahita hunia te eramana hoi jio, ijiara isi annaŋi nani!” 4Attati aati hunyia owotiai 'to iger honyi jiaran, “Imorio iyye Ehumani elle ittokon olo Hollum!”
5 #
Ajiŋuna 22:28
Buo Paulo ette itarraŋ ojio, “Illarak hoŋ, Israele, abeŋ ni amijak jio ara inyi Ahehumani elle ittokon, nyio, igioroni Ibuk Hollum jio, ‘Hètarrohojete afure ono elettok waati hatai’.”
6 #
Ehanita 26:5; Fil 3:5 Buo ninyia igonyu Paulo jio arai lomuk hulo aati hulia Asadusei buo omuk Afarisei, ette inyi jiaran jio aati Lokikoi, “Illarak hoŋ, Israele! Ara ni Afariseitanani, lesioto olo Farisei. Itiwwahie nani dini nyio, eyihi ni jio ibuhuni adi ayaak toye!”
7Ninyia ikenu inyi erre hunia, ette aŋalafa idioto ihiji Farisei iko Sadusei, ette eluluŋ ania ibuanya. (8Nyio, ojiori nyia Sadusei jio, obeŋi aati ojiori ibuhuni toye; buo fe ojiori jio obeŋi ajilohien iko oloholioo. Ati ojiori nyia Farisei jio owoni erre hunia 'daŋ.) 9Obobolororo nyia ewuwoŋita ania, ette omuk hulo ettiyanak ifahita hulla arai 'to te eluluŋ Farisei idioto ahide, ette ikiana onno ogol jiojio, “Ebeŋ hohoi enyurak obo epali jio atulo olo! Ara hara obo oloholio kuyya obo ajilo duadi luŋa ikiana jihonyi!”
10Attati olorisa ania irrohoji bebe many ilafuhori akumudal alia jio afuoi igiguas Paulo arice rice. Ania, ette inyi ifahina oseŋer jio eluluŋ nyia oŋida ofuoi iyaru Paulo addi tehiji hosi ibore oseŋer. 11Jio arue nyia, owotia nyia Lamonye iger Paulo, ette jiaran, “Itagolo ataji! Itahutak iyye arahan hoi asuut hoŋ Yerusalem dini; ilo buo fe luŋa ira asuut hoŋ ibore gala Roma.”
Newwahuna Ittohori Paulo
12Nyia motie, ottubanie nyia omuk hulo Yudei arabotie, ette iwwahuna, ette ittuŋo ibiaŋari iŋiyere kuyya imatari obo ariŋ, many ettohori isi Paulo. 13Arai nyia ewwahak hulia ihuo aati atomuana aŋuan iko allaŋo. 14Attati isi ifuatan jio ehumak elettaha iko lahou, ette jiaran, “Ettuŋo hohoi arabotie ibiaŋari iŋiyere obo ariŋ many ettohori hohoi Paulo. 15Ihuania, ijiara itai iko aati Okikoi Yudei ifahina eram jio akumudal olo oseŋer Roma, ijiara iyaŋuno Paulo jihatai. Itihaniete ahuattek ihuo elle iwahata itai imijana ahode hode hiram enne ihan inyi. Ati errau adi hohoi inyi, ette ittohoro inyi hobeŋ afany dini.”
16Ati itayiru nyia lonyi haniye Paulo eram ania; tania, ette inyi leten ibore oseŋer, ette iramana Paulo. 17Attati Paulo iloŋuna lobo lajafit, ette jiaran jihonyi, “Iyaru anyarhaluti olo jio akumudal, awak inyi iramana jihonyi obo eram.” 18Ania, ette ajafit lia iyaru anyarhaluti alia, ette inyiamaru inyi jio akumudal, ette jiaran, “Iloŋ duo nani Paulo, atulo babus, ette jiaran, ijiara nani eyaŋuno anyarhaluti olo jihoi; nyio, awak inyi iramana iyye obo eram.”
19Attati akumudal alia ittoŋ aani anyarhaluti alia, ette irihoro inyi eger, ette ifiyo inyi jiojio, “Anyio riŋ enne iwak iyye iramana jihoŋ?”
20Buo inyi ette itarraŋ ojio, “Iwwahuni elettaha Yudei arabotie ifiyere iyye motie oŋida iyye iyaru Paulo Ilokikoi. Itihanie isi ahuattek ihuo alla awahi imijana ahode hode hiram honyi. 21Ati heruk eram hosi. Nyio, aati atomuana aŋuan iko allaŋo hulla aradai ikoi; arrai ittohori inyi. Ittuŋoi nyia jio ebeŋ isi ejio enya kuyya emat obo ariŋ many ettohori isi inyi. Ihuania, attuba jihosi ittohori inyi. Itilai isi anyio adi enne ijio iyye.”
22Attati akumudal alia ihum ittittohina anyarhaluti alia jio, “Hèramak obo atulo jiojio, iramak iyye eram ania jihoŋ,” ette jiaran idehina hetelo.
Ifahini Paulo jio Mondir, Felice
23Attati akumudal alia iloŋuna ajafiti honyi arrihai, ette jiaran jihosi, “Iduhuna oseŋer esiha arrihai iko aati kusani atomuana hattarik, buo aati fiara esiha arrihai. Saa hottoŋuan arue ana ahana, ihuhumata ahuattek, oŋida ifuatta Cesaria. 24Isiatta Paulo omuk akusani hunna alari inyi. Iyatti inyi onno oyyu many jio Mondir Felice.” 25Attati akumudal alia igioronia awaraga onno ojio jio:
26“Ani alia Klaudio Lisias, egiorok ni jihoi Lettok, Mondir, Felice: Efonya ni! 27Inefuni nyia Yudei latulo olo, ette jiaran ettoho. Ati ninyia etaniŋu ni jio ara inyi atulo Roma, ania ette ni leten iko oseŋer hoŋ, ette hohoi italuahuna inyi. 28Awak nyia ni imijana eram enne itisiahinierek isi inyi, ania ette ni iyaru inyi many Ilokikoi hosi. 29Anyurak nyia ni jio itisiahini isi inyi te erre huno efahita hosi, buo obiaŋara to obo eram onno osiru jihonyi iyeri kuyya ifitari ibabus. 30Buo ninyia iramani nani jio, oretiai nyia isi ittohoro latulo olo, ania, efahuniere ni inyi kokuak ajihoi, buo eramak etisiahak honyi hefuahi ikiana ihosiere hoi erre hunne itisiahinierek isi inyi.”
31Tania, ihani nyia oseŋer hulia ihuo iramani nyia isi. Iduhuni nyia isi Paulo, ette iyaru inyi ta arue many Antipatris. 32Jio ebotie holoŋ, acaharai nyia oseŋer hinyia adahai 'to te eejek ibore oseŋer, buo idehini aati kusani obociori iko Paulo ahosiere. 33Ninyia afanyi isi Cesaria, ette isi isiarana awaraga jio mondir, buo fe isiori Paulo lihas honyi. 34Ninyia ihen mondir awaraga nyia, ette inyi ifiyo Paulo jiojio, ottu Paulo jio ananiŋati fau. Ninyia amijak inyi jio ottu Paulo to Silisia, 35ette inyi jiaran, “Attu adi ni itayirio eram hoi alla afanyi etisiahak hoi.” Attati inyi ihum iramana jio ijiara oseŋer irririai Paulo ihaŋ enne ittokon ono mondir.
Currently Selected:
Ehanita Lefahat 23: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 23
23
1Attati Paulo mijio 'tok 'tok jio aati lokikoi, ette jiaran, “Itai Israele hohoi, afaŋ egigilo hoŋ luŋa bebe jio, obis amanya hoŋ ihosiere Hollum many jio oloŋ ana.” 2Attati Ananiya, Ehumani elle ittokon, iramana aati hinyia owotiai 'to iger Paulo ijiara annaŋi Paulo ihutuk. 3#Mat 23:27-28Ati ojio nyia Paulo jihonyi, “Abak adi Hollum iyye! Iyye olohittir enne ibuyai aboŋ ana. Itoŋo iyye dinia iŋociere eram hoŋ te Efahita, buo ibeŋ ibaŋ Efahita hunia te eramana hoi jio, ijiara isi annaŋi nani!” 4Attati aati hunyia owotiai 'to iger honyi jiaran, “Imorio iyye Ehumani elle ittokon olo Hollum!”
5 #
Ajiŋuna 22:28
Buo Paulo ette itarraŋ ojio, “Illarak hoŋ, Israele, abeŋ ni amijak jio ara inyi Ahehumani elle ittokon, nyio, igioroni Ibuk Hollum jio, ‘Hètarrohojete afure ono elettok waati hatai’.”
6 #
Ehanita 26:5; Fil 3:5 Buo ninyia igonyu Paulo jio arai lomuk hulo aati hulia Asadusei buo omuk Afarisei, ette inyi jiaran jio aati Lokikoi, “Illarak hoŋ, Israele! Ara ni Afariseitanani, lesioto olo Farisei. Itiwwahie nani dini nyio, eyihi ni jio ibuhuni adi ayaak toye!”
7Ninyia ikenu inyi erre hunia, ette aŋalafa idioto ihiji Farisei iko Sadusei, ette eluluŋ ania ibuanya. (8Nyio, ojiori nyia Sadusei jio, obeŋi aati ojiori ibuhuni toye; buo fe ojiori jio obeŋi ajilohien iko oloholioo. Ati ojiori nyia Farisei jio owoni erre hunia 'daŋ.) 9Obobolororo nyia ewuwoŋita ania, ette omuk hulo ettiyanak ifahita hulla arai 'to te eluluŋ Farisei idioto ahide, ette ikiana onno ogol jiojio, “Ebeŋ hohoi enyurak obo epali jio atulo olo! Ara hara obo oloholio kuyya obo ajilo duadi luŋa ikiana jihonyi!”
10Attati olorisa ania irrohoji bebe many ilafuhori akumudal alia jio afuoi igiguas Paulo arice rice. Ania, ette inyi ifahina oseŋer jio eluluŋ nyia oŋida ofuoi iyaru Paulo addi tehiji hosi ibore oseŋer. 11Jio arue nyia, owotia nyia Lamonye iger Paulo, ette jiaran, “Itagolo ataji! Itahutak iyye arahan hoi asuut hoŋ Yerusalem dini; ilo buo fe luŋa ira asuut hoŋ ibore gala Roma.”
Newwahuna Ittohori Paulo
12Nyia motie, ottubanie nyia omuk hulo Yudei arabotie, ette iwwahuna, ette ittuŋo ibiaŋari iŋiyere kuyya imatari obo ariŋ, many ettohori isi Paulo. 13Arai nyia ewwahak hulia ihuo aati atomuana aŋuan iko allaŋo. 14Attati isi ifuatan jio ehumak elettaha iko lahou, ette jiaran, “Ettuŋo hohoi arabotie ibiaŋari iŋiyere obo ariŋ many ettohori hohoi Paulo. 15Ihuania, ijiara itai iko aati Okikoi Yudei ifahina eram jio akumudal olo oseŋer Roma, ijiara iyaŋuno Paulo jihatai. Itihaniete ahuattek ihuo elle iwahata itai imijana ahode hode hiram enne ihan inyi. Ati errau adi hohoi inyi, ette ittohoro inyi hobeŋ afany dini.”
16Ati itayiru nyia lonyi haniye Paulo eram ania; tania, ette inyi leten ibore oseŋer, ette iramana Paulo. 17Attati Paulo iloŋuna lobo lajafit, ette jiaran jihonyi, “Iyaru anyarhaluti olo jio akumudal, awak inyi iramana jihonyi obo eram.” 18Ania, ette ajafit lia iyaru anyarhaluti alia, ette inyiamaru inyi jio akumudal, ette jiaran, “Iloŋ duo nani Paulo, atulo babus, ette jiaran, ijiara nani eyaŋuno anyarhaluti olo jihoi; nyio, awak inyi iramana iyye obo eram.”
19Attati akumudal alia ittoŋ aani anyarhaluti alia, ette irihoro inyi eger, ette ifiyo inyi jiojio, “Anyio riŋ enne iwak iyye iramana jihoŋ?”
20Buo inyi ette itarraŋ ojio, “Iwwahuni elettaha Yudei arabotie ifiyere iyye motie oŋida iyye iyaru Paulo Ilokikoi. Itihanie isi ahuattek ihuo alla awahi imijana ahode hode hiram honyi. 21Ati heruk eram hosi. Nyio, aati atomuana aŋuan iko allaŋo hulla aradai ikoi; arrai ittohori inyi. Ittuŋoi nyia jio ebeŋ isi ejio enya kuyya emat obo ariŋ many ettohori isi inyi. Ihuania, attuba jihosi ittohori inyi. Itilai isi anyio adi enne ijio iyye.”
22Attati akumudal alia ihum ittittohina anyarhaluti alia jio, “Hèramak obo atulo jiojio, iramak iyye eram ania jihoŋ,” ette jiaran idehina hetelo.
Ifahini Paulo jio Mondir, Felice
23Attati akumudal alia iloŋuna ajafiti honyi arrihai, ette jiaran jihosi, “Iduhuna oseŋer esiha arrihai iko aati kusani atomuana hattarik, buo aati fiara esiha arrihai. Saa hottoŋuan arue ana ahana, ihuhumata ahuattek, oŋida ifuatta Cesaria. 24Isiatta Paulo omuk akusani hunna alari inyi. Iyatti inyi onno oyyu many jio Mondir Felice.” 25Attati akumudal alia igioronia awaraga onno ojio jio:
26“Ani alia Klaudio Lisias, egiorok ni jihoi Lettok, Mondir, Felice: Efonya ni! 27Inefuni nyia Yudei latulo olo, ette jiaran ettoho. Ati ninyia etaniŋu ni jio ara inyi atulo Roma, ania ette ni leten iko oseŋer hoŋ, ette hohoi italuahuna inyi. 28Awak nyia ni imijana eram enne itisiahinierek isi inyi, ania ette ni iyaru inyi many Ilokikoi hosi. 29Anyurak nyia ni jio itisiahini isi inyi te erre huno efahita hosi, buo obiaŋara to obo eram onno osiru jihonyi iyeri kuyya ifitari ibabus. 30Buo ninyia iramani nani jio, oretiai nyia isi ittohoro latulo olo, ania, efahuniere ni inyi kokuak ajihoi, buo eramak etisiahak honyi hefuahi ikiana ihosiere hoi erre hunne itisiahinierek isi inyi.”
31Tania, ihani nyia oseŋer hulia ihuo iramani nyia isi. Iduhuni nyia isi Paulo, ette iyaru inyi ta arue many Antipatris. 32Jio ebotie holoŋ, acaharai nyia oseŋer hinyia adahai 'to te eejek ibore oseŋer, buo idehini aati kusani obociori iko Paulo ahosiere. 33Ninyia afanyi isi Cesaria, ette isi isiarana awaraga jio mondir, buo fe isiori Paulo lihas honyi. 34Ninyia ihen mondir awaraga nyia, ette inyi ifiyo Paulo jiojio, ottu Paulo jio ananiŋati fau. Ninyia amijak inyi jio ottu Paulo to Silisia, 35ette inyi jiaran, “Attu adi ni itayirio eram hoi alla afanyi etisiahak hoi.” Attati inyi ihum iramana jio ijiara oseŋer irririai Paulo ihaŋ enne ittokon ono mondir.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003