Ehanita Lefahat 21
21
Aleten Paulo Yerusalem
1Ninyia ebusaru hohoi isi, ette hohoi ibocioro ta ababur many Kos. Buo jio ebotie holoŋ ette hohoi ilumon Rodes; buo teya, ette hohoi iculana Patara. 2Diya, enyurak nyia hohoi obo ababur onno olo attany a Fonisia, ania, ette hohoi idahina inyi, otto hohoi ifuatan. 3Ninyia egonyu hohoi afau Saipras, ette hohoi ibusana inyi ahani ihorroŋ, ette hohoi icul ta ababur many Siria. Esuru nyia hohoi to Taya, to ninyia owotiari ababur itusuroniere erre hunyia iwohuno inyi. 4Enyurak nyia hohoi omuk eruhok diya, ette hohoi itoŋo ikosi oŋitek hattarik. Buo ta naduaran ono Loholio Olibo, iramani nyia isi Paulo hèlaha olo Yerusalem. 5Ati ninyia atuhoi oŋitek hunne etoŋori hohoi ikosi, ette hohoi ibusaru isi, ette ifuatan ekoi hohoi. Inyiamani nyia isi 'daŋ hohoi, isi iko aŋoruo hosi buo aduri hosi, to bore gala many ihutuk hari. Diya, ette hohoi 'daŋ irigoŋi ikosi, ette imojo. 6Attati hohoi ifonyanio ahuattek, ette hohoi idahina ababur, buo isi ette icaharu haŋ.
7Eculak nyia hohoi ta ababur to Taya many Tolemais. Diya, efuanyanio nyia hohoi iko eruhok, ette hohoi itoŋo ikosi oloŋ abotie. 8#Ehanita 6:5; 8:5Buo jio ebotie holoŋ, ette hohoi ifuatan ette ittulonia Cesaria. Diya, etoŋo nyia hohoi ihaŋ Filipo ettittoni Sayyo Ayijok. Ara nyia inyi obo olo aati hula hattarik hinyia onyimuni ahaluak itua Yerusalem. 9Owoni nyia ŋarriok honyi aŋuan hunno hobeŋi oyemuni hunyia iramie 'to ekiana Hollum. 10#Ehanita 11:28To ninyia etoŋori hohoi diya omuk oŋitek, ottu nyia obo ekianani Hollum to Yudea, afure honyi Agabus. 11Ottu nyia inyi jihohoi, ette iduhuna agas Paulo, ette ifitaru eejek iko ahas honyi inyi hama, ette jiaran, “Eram ana onno ojio Loholio Olibo: Ihua ana, ifiti adi Yudei hutto Yerusalem lamonye agas ana. Isiarani adi isi inyi ihas Lufajak.”
12Ninyia etaniŋu hohoi erre huna, ette hohoi iko aati hullomuk hunyia owoni 'to diya ittana Paulo hèlaha olo Yerusalem. 13Ati itarraŋ nyia inyi ojio, “Anyio enne ihaniete itai ania? Nyio iyyooti itai ittata itami ataji hoŋ? Ifut luŋa itaji hoŋ ifitari, duadi bu iyeri, Yerusalem te eram Yesu, Lamonye.”
14Ania, ninyia ettallik hohoi itik inyi, ette hohoi ibusana, ette hohoi jiaran, “Ijiara ihani ihuo awak Lamonye.”
15Ninyia etoŋok hohoi omuk oŋitek diya, ette hohoi ihuhuma ahuattek, ette hohoi ifuatan Yerusalem. 16Efuo nyia hohoi iko omuk eruhok hulo Cesaria. Iyarai nyia isi hohoi ihaŋ, Manason olo Saipras, linyia efuari hohoi itoŋori. Ara nyia Manason obo olo eruhok etterita.
Aleten Paulo Imijuno Yakobo
17Ninyia efany hohoi Yerusalem, arraŋuni nyia eruhok hohoi ta namuno. 18Ojio jio ebotie holoŋ, efuo nyia hohoi iko Paulo imijuno Yakobo. Ottubai nyia buo fe lahou heruhok 'daŋ diya. 19Ifony nyia Paulo isi ette iramana jihosi erre 'daŋ ababo hunyia ihan Hollum jio Alufajak te egiama honyi. 20Ninyia itaniŋuni isi ekiana honyi, ette isi itahabuyo Hollum, ette jiaran, “Paulo, illa hohoi, ike imija, omukajia alif waati Yudei, hulle iruhi 'to buo fe ogottierek bebe Efahita. 21Ati ojiori isi jio ittiyenio iyye Yudei hutta fauhien Lufajak jio hèlaha isi ijifatie efahita Mose. Ojiori jio iyye nyia ikiana jio hèlaha isi obosie aduri hosi, kuyya hèlaha isi ijifatie emanyiti Yudei eberien. 22Ehan 'tadi eram ania aŋai? Ofuoi baka isi luŋa itaniŋuna afanyan hoi. 23#Ehenita 6:13-21Ewak hohoi oŋida iyye ihan ariŋ ana. Owoni aati dini aŋuan hullo owoni 'to iko ellama. 24Ilo ikosi, ifuatta ihaniete ehuma ono etaliborio arabotie. Odumak edumiti hosi oŋida isi oremehini igit ossi hosi#21:24 igit ossi hosi : Imija 18.18.. Tania, omijani adi aati 'daŋ ababo jio, obeŋi erre 'daŋ hunyia itisiahinierek iyye, jihosi arai ahode. Ati oŋida isi omijani jio, ijifatio iyye ta ahuan hoi Efahita Mose. 25#Ehanita 15:29Buo alla ara eram Lufajak hulle eruhi 'to, efak nyia hohoi awaraga jihosi; iramaniere isi jio eruk hohoi arabotie jio, hèlaha isi luŋa oŋiye obo ariŋ enne isiori ehumi jio arrijiorita jiohin. Hèlaha buo fe isi oŋiye nooto, kuyya aciaŋ onno obuni ibun. Hèlaha buo fe isi ihanie erre somon.”
26Ania, ette Paulo iyaru aati hia. Ojio jio ebotie holoŋ, ette isi italibo ahuattek hosi. Attati inyi leten Ihaji emojit enne ittokon iramaniere aati jio iyaru adi etaliborio oŋitek baya, buo fe baya adi ofuoi isiarana ehumi tesi 'daŋ ababo.
Inefuni Paulo to Haji Emojit enne Ittokon
27Ninyia iliahai oŋitek huna hattarik attuba, igonyuni nyia omuk Yudei hunyia ofuonni 'to ta Asia, Paulo to Haji Emojit enne Ittokon; ette isi isusu eluluŋ waati, ette inefuna Paulo. 28Iwuwoŋita nyia eluluŋ ania jiojio, “Aati Israele, ifuanna oluahata hohoi! Latulo olo, elle ilur 'to amasik 'daŋ buo ittiyenio aati 'daŋ ababo jiojio orrohoji aati Israele, orrohoji efahita Mose, buo fe ojio jio, orroho Aaji emojit enne ittokon. Ihuania, iyaŋuno ikoddaŋ omuk Alufajak itua Haji emojit enne ittokon, ittarrohoji isi amaji elibo ana.” 29#Ehanita 20:4(Ikianai nyia isi ihuo nyia, nyio, igonyuni nyia isi Trofilos olo Efeso adahai iko Paulo itua bore gala. Igigiloi nyia isi jio iyaru nyia adi Paulo inyi ihaji emojit enne ittokon.)
30Tania, isarrahi nyia ehosok ania atua bore gala 'daŋ, ette aati 'daŋ iŋioron arabotie, ette inefuna Paulo, ette ipihoro addi to tua Haji emojit enne ittokon. Teya teya, ette ekatin huno Aaji emojit enne ittokon ihiananio. 31Awahi nyia isi ittohoro Paulo, buo eram ette ifanyan jio akumudal olo oseŋer Roma jio, Yerusalem ta amaji 'daŋ onno ohosohita. 32Teya teya, ette akumudal alia iyaru omuk ajafiti iko oseŋer, ette iruboro kokuak jio eluluŋ waati. Ninyia igonyuni aati inyi iko oseŋer, ette isi idehina abahio Paulo. 33Attati akumudal alia leten many jio Paulo, ette inefuna inyi, ette iramana jio ijiara ifiti inyi ta ajiŋiri arrihai. Attati inyi ifiyo eluluŋ waati jio, “Ŋai olo? Iyyau inyi anyio?” 34Jio eluluŋ ania, iwuwoŋitai nyia omuk obo ariŋ hama, buo fe omuk obo hama. Obolo nyia ehosok, ania, obiaŋari akumudal alia oremik inyuraniere awoyo hiram ono eram ania; ania, iramaniere inyi oseŋer honyi ijiara iyarai Paulo ibore oseŋer. 35Ofuoi nyia oseŋer hulia iko Paulo many ititiek edohit, attati isi ikafaru inyi, nyio, orroho nyia ajore ono eluluŋ ania. 36Ijifunie nyia isi inyi buo iwuwoŋitai jiojio, “Ottohoro inyi!”
Ifau Paulo Ahuan Honyi
37Ninyia ajiori oseŋer hia etajiŋaru Paulo imaji hosi, ette Paulo jiaran jio akumudal jio, “Awak ni ikiana obo ariŋ jihoi.”
Buo akumudal alia ette itarraŋ ojio, “Imijak iyye ekiana Grik?” 38“Obiaŋara soho iyye latulo olo Masir linyia hetek 'to iyaŋuno arem iko gala, ette iturumoro omuk attok alif aŋuan attua hidiofo?” 39Itarraŋ nyia Paulo ojio, “Ani olo Yudei, to bore gala Tarsas otto fau Silisia, abore gala onno omijani aati 'daŋ. Attana ni iyye, aŋatak ani ekiana jio aati hulia.” 40Ania, ette inyi iŋatana Paulo, buo Paulo ette iwotia ititiek edohit, ette ifalio aati itaduahiniere isi. Ninyia aduai isi, ette inyi ikiana jihosi te ekiana Ebrei, ette jiaran:
Currently Selected:
Ehanita Lefahat 21: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 21
21
Aleten Paulo Yerusalem
1Ninyia ebusaru hohoi isi, ette hohoi ibocioro ta ababur many Kos. Buo jio ebotie holoŋ ette hohoi ilumon Rodes; buo teya, ette hohoi iculana Patara. 2Diya, enyurak nyia hohoi obo ababur onno olo attany a Fonisia, ania, ette hohoi idahina inyi, otto hohoi ifuatan. 3Ninyia egonyu hohoi afau Saipras, ette hohoi ibusana inyi ahani ihorroŋ, ette hohoi icul ta ababur many Siria. Esuru nyia hohoi to Taya, to ninyia owotiari ababur itusuroniere erre hunyia iwohuno inyi. 4Enyurak nyia hohoi omuk eruhok diya, ette hohoi itoŋo ikosi oŋitek hattarik. Buo ta naduaran ono Loholio Olibo, iramani nyia isi Paulo hèlaha olo Yerusalem. 5Ati ninyia atuhoi oŋitek hunne etoŋori hohoi ikosi, ette hohoi ibusaru isi, ette ifuatan ekoi hohoi. Inyiamani nyia isi 'daŋ hohoi, isi iko aŋoruo hosi buo aduri hosi, to bore gala many ihutuk hari. Diya, ette hohoi 'daŋ irigoŋi ikosi, ette imojo. 6Attati hohoi ifonyanio ahuattek, ette hohoi idahina ababur, buo isi ette icaharu haŋ.
7Eculak nyia hohoi ta ababur to Taya many Tolemais. Diya, efuanyanio nyia hohoi iko eruhok, ette hohoi itoŋo ikosi oloŋ abotie. 8#Ehanita 6:5; 8:5Buo jio ebotie holoŋ, ette hohoi ifuatan ette ittulonia Cesaria. Diya, etoŋo nyia hohoi ihaŋ Filipo ettittoni Sayyo Ayijok. Ara nyia inyi obo olo aati hula hattarik hinyia onyimuni ahaluak itua Yerusalem. 9Owoni nyia ŋarriok honyi aŋuan hunno hobeŋi oyemuni hunyia iramie 'to ekiana Hollum. 10#Ehanita 11:28To ninyia etoŋori hohoi diya omuk oŋitek, ottu nyia obo ekianani Hollum to Yudea, afure honyi Agabus. 11Ottu nyia inyi jihohoi, ette iduhuna agas Paulo, ette ifitaru eejek iko ahas honyi inyi hama, ette jiaran, “Eram ana onno ojio Loholio Olibo: Ihua ana, ifiti adi Yudei hutto Yerusalem lamonye agas ana. Isiarani adi isi inyi ihas Lufajak.”
12Ninyia etaniŋu hohoi erre huna, ette hohoi iko aati hullomuk hunyia owoni 'to diya ittana Paulo hèlaha olo Yerusalem. 13Ati itarraŋ nyia inyi ojio, “Anyio enne ihaniete itai ania? Nyio iyyooti itai ittata itami ataji hoŋ? Ifut luŋa itaji hoŋ ifitari, duadi bu iyeri, Yerusalem te eram Yesu, Lamonye.”
14Ania, ninyia ettallik hohoi itik inyi, ette hohoi ibusana, ette hohoi jiaran, “Ijiara ihani ihuo awak Lamonye.”
15Ninyia etoŋok hohoi omuk oŋitek diya, ette hohoi ihuhuma ahuattek, ette hohoi ifuatan Yerusalem. 16Efuo nyia hohoi iko omuk eruhok hulo Cesaria. Iyarai nyia isi hohoi ihaŋ, Manason olo Saipras, linyia efuari hohoi itoŋori. Ara nyia Manason obo olo eruhok etterita.
Aleten Paulo Imijuno Yakobo
17Ninyia efany hohoi Yerusalem, arraŋuni nyia eruhok hohoi ta namuno. 18Ojio jio ebotie holoŋ, efuo nyia hohoi iko Paulo imijuno Yakobo. Ottubai nyia buo fe lahou heruhok 'daŋ diya. 19Ifony nyia Paulo isi ette iramana jihosi erre 'daŋ ababo hunyia ihan Hollum jio Alufajak te egiama honyi. 20Ninyia itaniŋuni isi ekiana honyi, ette isi itahabuyo Hollum, ette jiaran, “Paulo, illa hohoi, ike imija, omukajia alif waati Yudei, hulle iruhi 'to buo fe ogottierek bebe Efahita. 21Ati ojiori isi jio ittiyenio iyye Yudei hutta fauhien Lufajak jio hèlaha isi ijifatie efahita Mose. Ojiori jio iyye nyia ikiana jio hèlaha isi obosie aduri hosi, kuyya hèlaha isi ijifatie emanyiti Yudei eberien. 22Ehan 'tadi eram ania aŋai? Ofuoi baka isi luŋa itaniŋuna afanyan hoi. 23#Ehenita 6:13-21Ewak hohoi oŋida iyye ihan ariŋ ana. Owoni aati dini aŋuan hullo owoni 'to iko ellama. 24Ilo ikosi, ifuatta ihaniete ehuma ono etaliborio arabotie. Odumak edumiti hosi oŋida isi oremehini igit ossi hosi#21:24 igit ossi hosi : Imija 18.18.. Tania, omijani adi aati 'daŋ ababo jio, obeŋi erre 'daŋ hunyia itisiahinierek iyye, jihosi arai ahode. Ati oŋida isi omijani jio, ijifatio iyye ta ahuan hoi Efahita Mose. 25#Ehanita 15:29Buo alla ara eram Lufajak hulle eruhi 'to, efak nyia hohoi awaraga jihosi; iramaniere isi jio eruk hohoi arabotie jio, hèlaha isi luŋa oŋiye obo ariŋ enne isiori ehumi jio arrijiorita jiohin. Hèlaha buo fe isi oŋiye nooto, kuyya aciaŋ onno obuni ibun. Hèlaha buo fe isi ihanie erre somon.”
26Ania, ette Paulo iyaru aati hia. Ojio jio ebotie holoŋ, ette isi italibo ahuattek hosi. Attati inyi leten Ihaji emojit enne ittokon iramaniere aati jio iyaru adi etaliborio oŋitek baya, buo fe baya adi ofuoi isiarana ehumi tesi 'daŋ ababo.
Inefuni Paulo to Haji Emojit enne Ittokon
27Ninyia iliahai oŋitek huna hattarik attuba, igonyuni nyia omuk Yudei hunyia ofuonni 'to ta Asia, Paulo to Haji Emojit enne Ittokon; ette isi isusu eluluŋ waati, ette inefuna Paulo. 28Iwuwoŋita nyia eluluŋ ania jiojio, “Aati Israele, ifuanna oluahata hohoi! Latulo olo, elle ilur 'to amasik 'daŋ buo ittiyenio aati 'daŋ ababo jiojio orrohoji aati Israele, orrohoji efahita Mose, buo fe ojio jio, orroho Aaji emojit enne ittokon. Ihuania, iyaŋuno ikoddaŋ omuk Alufajak itua Haji emojit enne ittokon, ittarrohoji isi amaji elibo ana.” 29#Ehanita 20:4(Ikianai nyia isi ihuo nyia, nyio, igonyuni nyia isi Trofilos olo Efeso adahai iko Paulo itua bore gala. Igigiloi nyia isi jio iyaru nyia adi Paulo inyi ihaji emojit enne ittokon.)
30Tania, isarrahi nyia ehosok ania atua bore gala 'daŋ, ette aati 'daŋ iŋioron arabotie, ette inefuna Paulo, ette ipihoro addi to tua Haji emojit enne ittokon. Teya teya, ette ekatin huno Aaji emojit enne ittokon ihiananio. 31Awahi nyia isi ittohoro Paulo, buo eram ette ifanyan jio akumudal olo oseŋer Roma jio, Yerusalem ta amaji 'daŋ onno ohosohita. 32Teya teya, ette akumudal alia iyaru omuk ajafiti iko oseŋer, ette iruboro kokuak jio eluluŋ waati. Ninyia igonyuni aati inyi iko oseŋer, ette isi idehina abahio Paulo. 33Attati akumudal alia leten many jio Paulo, ette inefuna inyi, ette iramana jio ijiara ifiti inyi ta ajiŋiri arrihai. Attati inyi ifiyo eluluŋ waati jio, “Ŋai olo? Iyyau inyi anyio?” 34Jio eluluŋ ania, iwuwoŋitai nyia omuk obo ariŋ hama, buo fe omuk obo hama. Obolo nyia ehosok, ania, obiaŋari akumudal alia oremik inyuraniere awoyo hiram ono eram ania; ania, iramaniere inyi oseŋer honyi ijiara iyarai Paulo ibore oseŋer. 35Ofuoi nyia oseŋer hulia iko Paulo many ititiek edohit, attati isi ikafaru inyi, nyio, orroho nyia ajore ono eluluŋ ania. 36Ijifunie nyia isi inyi buo iwuwoŋitai jiojio, “Ottohoro inyi!”
Ifau Paulo Ahuan Honyi
37Ninyia ajiori oseŋer hia etajiŋaru Paulo imaji hosi, ette Paulo jiaran jio akumudal jio, “Awak ni ikiana obo ariŋ jihoi.”
Buo akumudal alia ette itarraŋ ojio, “Imijak iyye ekiana Grik?” 38“Obiaŋara soho iyye latulo olo Masir linyia hetek 'to iyaŋuno arem iko gala, ette iturumoro omuk attok alif aŋuan attua hidiofo?” 39Itarraŋ nyia Paulo ojio, “Ani olo Yudei, to bore gala Tarsas otto fau Silisia, abore gala onno omijani aati 'daŋ. Attana ni iyye, aŋatak ani ekiana jio aati hulia.” 40Ania, ette inyi iŋatana Paulo, buo Paulo ette iwotia ititiek edohit, ette ifalio aati itaduahiniere isi. Ninyia aduai isi, ette inyi ikiana jihosi te ekiana Ebrei, ette jiaran:
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003