Ehanita Lefahat 19
19
Awanan Paulo Efeso
1Ninyia howon Apolo Korinto, adaharu nyia Paulo, ette iŋutoro te ehiji ono aŋati fau ania, many afanyari Efeso. Onyurak nyia inyi omuk eruhok diya, 2ette ifiyo isi jio, “Ifuotuna nyia itai Loholio Olibo to ninyia iruhotti itai?”
Itarraŋi nyia isi ojio, “Hèbeŋ hohoi ikoddaŋ etaniŋu jio owon Loholio Olibo.”
3Buo Paulo ette ifiyo jiojio, “Oyyu, ifuotuna nyiati itai anani batisimo?”
Itarraŋi nyia isi jiojio, “Batisimo ono Yoane.”
4 #
Mat 3:11; Mar 1:4, 7-8; Luk 3:4, 16; Yoa 1:26-27 Buo Paulo ette jiaran, “Ara nyia batisimo ono Yoane ahono aati hulle ihari 'to eyyata hosi. Iramak nyia Yoane aati Israele oŋida iruhi jio lia, ollo ottu adi ihalu honyi. Yesu nyia ollo olo 'to ittuna.”
5Ninyia itaniŋuni isi eram ania, ette isi ifuotuna batisimo ta nafure Yesu, Lamonye. 6Buo ninyia iyabak Paulo ahas honyi jihosi, ette Loholio Olibo ittuna jihosi, ette isi ikiana te etuhe hunno olufaji, ette buo fe ikiana asayyo Hollum. 7Arai nyia isi 'daŋ ihuo aati 'tomon harrihai.
8Adahatio nyia Paulo ihaji emojit buo fe iŋere ekianatio jio aati ayafajin hunihoi. Itarisatio nyia inyi ikosi, buo fe awak itahutana isi jio, ara eram ono Nolobie Hollum, ahode. 9Ati ogoli nyia ossi omuk hulosi, ette ihara eruk, ette buo fe ikiana onno orroho ihosiere waati 'daŋ te eram ono Nekoi ono Lamonye. Ania, ette Paulo ibusaru isi, ette iyaru eruhok ikonyi; ette itarisatio oŋitek 'daŋ#19:9 Ofuanani omuk egierita jio, ta saa 11 otto motie many saa 4 otto otoriai. jio obo atua haji anna alat ono Tiranos. 10Odulo nyia olorisa ania aŋasi arrihai. Ania, itayirunierek aati 'daŋ hulla amanyai 'to iŋati Asia ekiana ono Lamonye; Yudei iko Alufajak.
Lonyirok Sefa
11Ihanio nyia Hollum eduariti hunno obolori bebe ta ahas Paulo. 12Ara duadi bu ta amanniri iko aboŋojin Paulo hunyia iyarai jio aŋuak, itaŋidari nyia isi aŋuak; buo eŋuati ette idehina isi, buo fe aminiaŋa ette ifuatan addi jihosi. 13Owoni nyia omuk Yudei hunyia illuttai 'to hulle ifuhatie aminiaŋa. Okemie nyia buo fe isi efuhatio aminiaŋa ta afure Yesu, Lamonye, ette isi jiaran jio aminiaŋa jio, “Ta afure Yesu, elle ittittoyo Paulo, ehum ni iramana iyye, ojiŋu addi.” 14Owoni nyia ellarak hattarik, lonyirok obo ehumani elle ittokon, olo Yudei alla nyia Sefa. Ihanie nyia buo fe isi ihuo nyia.
15Ati itarraŋ nyia aminiaŋati ania isi jio, “Amijak ni Yesu, buo fe amijak Paulo, baŋai buo itai?”
16Attati latulo ollo owon 'to iko aminiaŋa ifirrihina jihosi, ette ififis isi onno orroho bebe, ette iyyalara isi 'daŋ. Ofuhororoi nyia isi addi ta haji honyi hulle erriafunie, buo aboŋojin hosi aguasunie addi. 17Ninyia amijani Yudei iko Grik hulla amanyai 'to Efeso eram ania, ette abaŋi inef isi, ania, itahabuyerek bebe afure ono Yesu, Lamonye. 18Tania, ofuonni nyia eruhok arriai ihosiere waati, ette iruhonia buo fe opuloni ehanita hosi hunno orrohoji 'to 'daŋ. 19Iyaŋunie nyia buo fe emimualak arriai abuhi hosi, ette isuahina ihosiere waati. Ninyia iheni isi enyiaŋita huno abuhi hunno osuahinie 'to 'daŋ, afanyi nyia isi arobiyaa#19:19 arobiyaa : Ara nyia arobiya abotie edumit ono egiamani to oloŋ abotie (Imija Mat 20:2). alif atomuana miyet (50,000). 20Te ehanita hunia ihum nyia tibuo ileyo jio agalihini eduariti huno#19:20 Te ehanita hunia…Lamonye : kuyya, Tania ta naduaran ono Lamonye, isarrahi eram., asayyo huno Lamonye erre 'daŋ buo fe nyia ihumi isarrara jio afau ania.
Aŋalafa otto Efeso
21Ninyia iduoŋi erre hunia, odioto nyia to hou Paulo#19:21 odioto nyia to hou Paulo : kuyya, te eramana Loholio jio Paulo, odioto inyi ette., iŋutori totto Masedonia iko Akaya, ette icul teya Yerusalem, buo ojio jio, “Alla afany ni diya, oŋida buo fe nani luŋa alo Roma.” 22Ania, ette inyi ifahina aluak honyi arrihai, Timoteyo iko Erastos, Masedonia, buo inyi arasa do kai ifau Asia.
23Jio oŋitek hunia, owon nyia eram onno obolo bebe Efeso te eram ono Nekoi ono Lamonye. 24Owon nyia obo eduoŋoni alla anya Dimitrios. Iduoŋo nyia inyi abilat aboŋ, arrijiorita hasik imojiti huno najok enne iloŋoi Artemis. Buo apoco honyi ania, ette iyaŋuno arobiyaa arriai jio egiamak honyi. 25Ania, ette inyi iloŋuna egiamak honyi 'daŋ arabotie iko hullomuk hullo orriamari egiama hosi ikonosi, ette jiaran jihosi, “Monyomiji, imijana itai jio ottu asaman hohoi jio egiama ana. 26Ihuania, igonyuna itai buo fe itaniŋuna ta ahuattek hatai erre hunne ihanio latulo alla anya 'to olo Paulo. Ojio obeŋi ajiohin hunne ihuhumuni aati arai ajiohin hode. Iruhi aati Efeso arriai ekiana honyi, buo fe aati hutta fau Asia 'daŋ ajiori iruhi ekiana honyi. 27Ihuania, ebaŋ hohoi jio obiaŋara adi afure ono apoco hohoi onno olo 'to hama irrohoji; ati omianai adi buo fe aati aaji emojit ono Artemis, najok onno obolo 'to. Omuo adi akuatan ono najok ania, ette inyi adi irahan ariŋ asai. Inyi kaka enne itahabuye aati Asia 'daŋ iko aati hutta fau 'daŋ!”
28Ninyia itaniŋuni eluluŋ waati ekenita huna, ette isi ijoria, ette itterio ewuwoŋita jiojio, “Hotokuata luŋa Artemis ono Efeso!” 29Tania, isarrahi nyia ewuwoŋita ania atua bore gala ania 'daŋ. Inefu nyia eluluŋ ania Gayos iko Aristakos, hulo onyiok Masedonia, hunyia adahai 'to iko Paulo, ette iruharu ipihoro isi jio amaji ettubit bore gala ania. 30Awak nyia Paulo leten ihosiere iluluŋ, ati obeŋi nyia eruhok aŋatani inyi. 31Owoni nyia omuk elettaha gala, hulla arai amottiarak Paulo. Ifahini nyia buo fe isi eram jihonyi. Attanai nyia isi inyi jio, hèlaha olo jio amaji ettubit waati bore gala ania. 32Ninyia hewwahai isi woo; ohosohitai nyia omuk obo ariŋ, buo hullomuk ohosohitai obo hama. Nyio, otimoi nyia arriai hosi ettuba isi diya nyio. 33Ninyia asulani Yudei Alesandro ihosiere waati, igigiloi nyia omuk jio inyi iyaŋuno eram ania. Attati Alesandro ifali aani honyi itaduahiniere aati oŋida inyi ekenu erre ifayere ahuan honyi. 34Buo ninyia aheruni isi jio inyi olo Yudei, ette isi 'daŋ iwuwoŋita arabotie many asahien arrihai jiojio, “Hotokuata luŋa Artemis ono Efeso!”
35Attati akaran olo abore gala ania itaduahina eluluŋ waati, ette jiaran, “Itai aati Efeso! Ŋai ollo otimo 'to jio abore gala Efeso ara ahattoŋoni haji emojit enne ittokon ono ajiok ehittok, anna anya 'to Artemis; buo fe otimo jio abore gala ana ottoŋotio amoruo onno odua 'to ninyia odou 'to tedou? 36Ittallik tulo irisa erre hunia. Tania, oŋida itoŋoti ollokuai, hètaburaŋata obo eram. 37Iyaŋuniete itai aati hulo dini duadi bu obeŋi isi ohoholi Asik Imojiti, kuyya buo fe ittarrohojie afure ono najok hohoi. 38Alla awon obo eram enne ihan obo atulo jio Dimitrios iko egiamak honyi, owoni bu elettaha hohoi, buo fe oŋitek huno ewwaha owoni. Ijiara isi iyarai eram ania diya. 39Buo ollo howon obo eram enne hewahata itai, itabisani adi jio ewwaha waati huttono abore gala, anna aŋatani efahita. 40Te eram ono ahana ana, oremehini itisiahina jio ehosohita. Tania, obeŋ obo ekoi, enne eremik iliari te eram ono ahosohita ana 'daŋ.” 41Ninyia ikenu inyi erre hunia, ette inyi itatturonia isi.
Currently Selected:
Ehanita Lefahat 19: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 19
19
Awanan Paulo Efeso
1Ninyia howon Apolo Korinto, adaharu nyia Paulo, ette iŋutoro te ehiji ono aŋati fau ania, many afanyari Efeso. Onyurak nyia inyi omuk eruhok diya, 2ette ifiyo isi jio, “Ifuotuna nyia itai Loholio Olibo to ninyia iruhotti itai?”
Itarraŋi nyia isi ojio, “Hèbeŋ hohoi ikoddaŋ etaniŋu jio owon Loholio Olibo.”
3Buo Paulo ette ifiyo jiojio, “Oyyu, ifuotuna nyiati itai anani batisimo?”
Itarraŋi nyia isi jiojio, “Batisimo ono Yoane.”
4 #
Mat 3:11; Mar 1:4, 7-8; Luk 3:4, 16; Yoa 1:26-27 Buo Paulo ette jiaran, “Ara nyia batisimo ono Yoane ahono aati hulle ihari 'to eyyata hosi. Iramak nyia Yoane aati Israele oŋida iruhi jio lia, ollo ottu adi ihalu honyi. Yesu nyia ollo olo 'to ittuna.”
5Ninyia itaniŋuni isi eram ania, ette isi ifuotuna batisimo ta nafure Yesu, Lamonye. 6Buo ninyia iyabak Paulo ahas honyi jihosi, ette Loholio Olibo ittuna jihosi, ette isi ikiana te etuhe hunno olufaji, ette buo fe ikiana asayyo Hollum. 7Arai nyia isi 'daŋ ihuo aati 'tomon harrihai.
8Adahatio nyia Paulo ihaji emojit buo fe iŋere ekianatio jio aati ayafajin hunihoi. Itarisatio nyia inyi ikosi, buo fe awak itahutana isi jio, ara eram ono Nolobie Hollum, ahode. 9Ati ogoli nyia ossi omuk hulosi, ette ihara eruk, ette buo fe ikiana onno orroho ihosiere waati 'daŋ te eram ono Nekoi ono Lamonye. Ania, ette Paulo ibusaru isi, ette iyaru eruhok ikonyi; ette itarisatio oŋitek 'daŋ#19:9 Ofuanani omuk egierita jio, ta saa 11 otto motie many saa 4 otto otoriai. jio obo atua haji anna alat ono Tiranos. 10Odulo nyia olorisa ania aŋasi arrihai. Ania, itayirunierek aati 'daŋ hulla amanyai 'to iŋati Asia ekiana ono Lamonye; Yudei iko Alufajak.
Lonyirok Sefa
11Ihanio nyia Hollum eduariti hunno obolori bebe ta ahas Paulo. 12Ara duadi bu ta amanniri iko aboŋojin Paulo hunyia iyarai jio aŋuak, itaŋidari nyia isi aŋuak; buo eŋuati ette idehina isi, buo fe aminiaŋa ette ifuatan addi jihosi. 13Owoni nyia omuk Yudei hunyia illuttai 'to hulle ifuhatie aminiaŋa. Okemie nyia buo fe isi efuhatio aminiaŋa ta afure Yesu, Lamonye, ette isi jiaran jio aminiaŋa jio, “Ta afure Yesu, elle ittittoyo Paulo, ehum ni iramana iyye, ojiŋu addi.” 14Owoni nyia ellarak hattarik, lonyirok obo ehumani elle ittokon, olo Yudei alla nyia Sefa. Ihanie nyia buo fe isi ihuo nyia.
15Ati itarraŋ nyia aminiaŋati ania isi jio, “Amijak ni Yesu, buo fe amijak Paulo, baŋai buo itai?”
16Attati latulo ollo owon 'to iko aminiaŋa ifirrihina jihosi, ette ififis isi onno orroho bebe, ette iyyalara isi 'daŋ. Ofuhororoi nyia isi addi ta haji honyi hulle erriafunie, buo aboŋojin hosi aguasunie addi. 17Ninyia amijani Yudei iko Grik hulla amanyai 'to Efeso eram ania, ette abaŋi inef isi, ania, itahabuyerek bebe afure ono Yesu, Lamonye. 18Tania, ofuonni nyia eruhok arriai ihosiere waati, ette iruhonia buo fe opuloni ehanita hosi hunno orrohoji 'to 'daŋ. 19Iyaŋunie nyia buo fe emimualak arriai abuhi hosi, ette isuahina ihosiere waati. Ninyia iheni isi enyiaŋita huno abuhi hunno osuahinie 'to 'daŋ, afanyi nyia isi arobiyaa#19:19 arobiyaa : Ara nyia arobiya abotie edumit ono egiamani to oloŋ abotie (Imija Mat 20:2). alif atomuana miyet (50,000). 20Te ehanita hunia ihum nyia tibuo ileyo jio agalihini eduariti huno#19:20 Te ehanita hunia…Lamonye : kuyya, Tania ta naduaran ono Lamonye, isarrahi eram., asayyo huno Lamonye erre 'daŋ buo fe nyia ihumi isarrara jio afau ania.
Aŋalafa otto Efeso
21Ninyia iduoŋi erre hunia, odioto nyia to hou Paulo#19:21 odioto nyia to hou Paulo : kuyya, te eramana Loholio jio Paulo, odioto inyi ette., iŋutori totto Masedonia iko Akaya, ette icul teya Yerusalem, buo ojio jio, “Alla afany ni diya, oŋida buo fe nani luŋa alo Roma.” 22Ania, ette inyi ifahina aluak honyi arrihai, Timoteyo iko Erastos, Masedonia, buo inyi arasa do kai ifau Asia.
23Jio oŋitek hunia, owon nyia eram onno obolo bebe Efeso te eram ono Nekoi ono Lamonye. 24Owon nyia obo eduoŋoni alla anya Dimitrios. Iduoŋo nyia inyi abilat aboŋ, arrijiorita hasik imojiti huno najok enne iloŋoi Artemis. Buo apoco honyi ania, ette iyaŋuno arobiyaa arriai jio egiamak honyi. 25Ania, ette inyi iloŋuna egiamak honyi 'daŋ arabotie iko hullomuk hullo orriamari egiama hosi ikonosi, ette jiaran jihosi, “Monyomiji, imijana itai jio ottu asaman hohoi jio egiama ana. 26Ihuania, igonyuna itai buo fe itaniŋuna ta ahuattek hatai erre hunne ihanio latulo alla anya 'to olo Paulo. Ojio obeŋi ajiohin hunne ihuhumuni aati arai ajiohin hode. Iruhi aati Efeso arriai ekiana honyi, buo fe aati hutta fau Asia 'daŋ ajiori iruhi ekiana honyi. 27Ihuania, ebaŋ hohoi jio obiaŋara adi afure ono apoco hohoi onno olo 'to hama irrohoji; ati omianai adi buo fe aati aaji emojit ono Artemis, najok onno obolo 'to. Omuo adi akuatan ono najok ania, ette inyi adi irahan ariŋ asai. Inyi kaka enne itahabuye aati Asia 'daŋ iko aati hutta fau 'daŋ!”
28Ninyia itaniŋuni eluluŋ waati ekenita huna, ette isi ijoria, ette itterio ewuwoŋita jiojio, “Hotokuata luŋa Artemis ono Efeso!” 29Tania, isarrahi nyia ewuwoŋita ania atua bore gala ania 'daŋ. Inefu nyia eluluŋ ania Gayos iko Aristakos, hulo onyiok Masedonia, hunyia adahai 'to iko Paulo, ette iruharu ipihoro isi jio amaji ettubit bore gala ania. 30Awak nyia Paulo leten ihosiere iluluŋ, ati obeŋi nyia eruhok aŋatani inyi. 31Owoni nyia omuk elettaha gala, hulla arai amottiarak Paulo. Ifahini nyia buo fe isi eram jihonyi. Attanai nyia isi inyi jio, hèlaha olo jio amaji ettubit waati bore gala ania. 32Ninyia hewwahai isi woo; ohosohitai nyia omuk obo ariŋ, buo hullomuk ohosohitai obo hama. Nyio, otimoi nyia arriai hosi ettuba isi diya nyio. 33Ninyia asulani Yudei Alesandro ihosiere waati, igigiloi nyia omuk jio inyi iyaŋuno eram ania. Attati Alesandro ifali aani honyi itaduahiniere aati oŋida inyi ekenu erre ifayere ahuan honyi. 34Buo ninyia aheruni isi jio inyi olo Yudei, ette isi 'daŋ iwuwoŋita arabotie many asahien arrihai jiojio, “Hotokuata luŋa Artemis ono Efeso!”
35Attati akaran olo abore gala ania itaduahina eluluŋ waati, ette jiaran, “Itai aati Efeso! Ŋai ollo otimo 'to jio abore gala Efeso ara ahattoŋoni haji emojit enne ittokon ono ajiok ehittok, anna anya 'to Artemis; buo fe otimo jio abore gala ana ottoŋotio amoruo onno odua 'to ninyia odou 'to tedou? 36Ittallik tulo irisa erre hunia. Tania, oŋida itoŋoti ollokuai, hètaburaŋata obo eram. 37Iyaŋuniete itai aati hulo dini duadi bu obeŋi isi ohoholi Asik Imojiti, kuyya buo fe ittarrohojie afure ono najok hohoi. 38Alla awon obo eram enne ihan obo atulo jio Dimitrios iko egiamak honyi, owoni bu elettaha hohoi, buo fe oŋitek huno ewwaha owoni. Ijiara isi iyarai eram ania diya. 39Buo ollo howon obo eram enne hewahata itai, itabisani adi jio ewwaha waati huttono abore gala, anna aŋatani efahita. 40Te eram ono ahana ana, oremehini itisiahina jio ehosohita. Tania, obeŋ obo ekoi, enne eremik iliari te eram ono ahosohita ana 'daŋ.” 41Ninyia ikenu inyi erre hunia, ette inyi itatturonia isi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003