2 TESALONIKA 3
3
Omojoti to Hohoi
1Ihuania, illarak iko haniyarak hohoi etisidok ni ta ajiaran jio, omojoti to hohoi oŋida bati asayyo huno Lamonye odulori isarrara kokuak buo fe oŋida ifuotuni isi ta abaŋi, ihuo ninyia ararik isi jihatai. 2Omojoti buo fe jio, ijiara bati Hollum italuahu hohoi ta has 'rohojak iko jio eyyak, nyio, obiaŋara aati 'daŋ iruhi asayyo hunia.
3Ati, oyyu Lamonye bebe, itagol adi inyi itai, buo fe iciau itai jio Olorroho. 4Isiarak Lamonye jihohoi eyihina tetai. Emijak hohoi luŋa jio ihaniete itai buo fe iduloro adi ehanio erre hunyia eramak hohoi jihatai. 5Ijiara Lamonye isiarak jihatai olofioro imijaniere abuaran taji Hollum iko adihan enne isiarak Kristo.
Ijiara Luŋa Aati 'Daŋ Igiamai
6Illarak iko haniyarak hohoi, eramak hohoi itai ta afure Yesu Kristo, Lamonye hohoi jio, hèrriahati iko eruhok aboyojok, hullo obeŋi 'to ijifatie ettiyenita hunyia eramak hohoi jihosi. 7Imijana itai ta ahuattek hatai jio, ijiara itai luŋa ihaniete ihuo ninyia ehaniere hohoi. Ebeŋ nyia hohoi eboyo ninyia ewanari hohoi ikatai. 8Ebeŋ nyia hohoi efuotu obo aluahio jio obo atulo buo ebeŋ eduma inyi. Ati egiamatio nyia hohoi afanni iko narue 'daŋ jio, oŋida hohoi ebeŋ ettigemio obo atulo. 9Obiaŋara jio obeŋ nyia obis jihohoi imojori aluahio jihatai, ati ebeŋ nyia hohoi ehanio ihuo nyia jio, oŋida itai ihaniete ihuo enne ehaniere hohoi. 10Ninyia ewanari hohoi ikatai, eramatta nyia hohoi jihatai jio, “Elle iha obo atulo egiama, hèlaha oŋiyo.” 11Ekiana hohoi erre hunia nyio, etaniŋu hohoi jio owoni aboyojok ihiji hatai, hullo obeŋi igiamai buo idieferi. 12Ta afure Yesu Kristo, Lamonye, eramak hohoi buo fe ehum ikiana jio aati ihuo hulia jio, ijiara isi amanyai onno oyyu buo fe igemuni aŋiyo hosi.
13Buo jihatai illarak iko haniyarak hohoi, hèyuhoti ehanio onno oyyu. 14Alla amesio obo alatai ekenita hohoi huttono awaraga ana, ihumata mijio inyi; obusana inyi dee oŋida ariri oŋiye inyi. 15Hèmijiete inyi ihuo amiottononi, ati, asarata inyi ihuo lella.
Ekenita Etisidita
16Oŋitek 'daŋ, ijiara Lamonye olo nelik tajia ta ahuan ottonyi isiaratta jihatai nelik tajia te ekota 'daŋ. Hatawana Lamonye ikatai 'daŋ. 17Ani Paulo, egiorok efonyita huna ta aani hoŋ. Emoi hoŋ ania enne esihottia ni jio awaragaa hoŋ 'daŋ, egieri hoŋ ania. 18Ijiara ayiji taji Yesu Kristo, Lamonye hohoi hatawana jihatai 'daŋ.
Currently Selected:
2 TESALONIKA 3: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
2 TESALONIKA 3
3
Omojoti to Hohoi
1Ihuania, illarak iko haniyarak hohoi etisidok ni ta ajiaran jio, omojoti to hohoi oŋida bati asayyo huno Lamonye odulori isarrara kokuak buo fe oŋida ifuotuni isi ta abaŋi, ihuo ninyia ararik isi jihatai. 2Omojoti buo fe jio, ijiara bati Hollum italuahu hohoi ta has 'rohojak iko jio eyyak, nyio, obiaŋara aati 'daŋ iruhi asayyo hunia.
3Ati, oyyu Lamonye bebe, itagol adi inyi itai, buo fe iciau itai jio Olorroho. 4Isiarak Lamonye jihohoi eyihina tetai. Emijak hohoi luŋa jio ihaniete itai buo fe iduloro adi ehanio erre hunyia eramak hohoi jihatai. 5Ijiara Lamonye isiarak jihatai olofioro imijaniere abuaran taji Hollum iko adihan enne isiarak Kristo.
Ijiara Luŋa Aati 'Daŋ Igiamai
6Illarak iko haniyarak hohoi, eramak hohoi itai ta afure Yesu Kristo, Lamonye hohoi jio, hèrriahati iko eruhok aboyojok, hullo obeŋi 'to ijifatie ettiyenita hunyia eramak hohoi jihosi. 7Imijana itai ta ahuattek hatai jio, ijiara itai luŋa ihaniete ihuo ninyia ehaniere hohoi. Ebeŋ nyia hohoi eboyo ninyia ewanari hohoi ikatai. 8Ebeŋ nyia hohoi efuotu obo aluahio jio obo atulo buo ebeŋ eduma inyi. Ati egiamatio nyia hohoi afanni iko narue 'daŋ jio, oŋida hohoi ebeŋ ettigemio obo atulo. 9Obiaŋara jio obeŋ nyia obis jihohoi imojori aluahio jihatai, ati ebeŋ nyia hohoi ehanio ihuo nyia jio, oŋida itai ihaniete ihuo enne ehaniere hohoi. 10Ninyia ewanari hohoi ikatai, eramatta nyia hohoi jihatai jio, “Elle iha obo atulo egiama, hèlaha oŋiyo.” 11Ekiana hohoi erre hunia nyio, etaniŋu hohoi jio owoni aboyojok ihiji hatai, hullo obeŋi igiamai buo idieferi. 12Ta afure Yesu Kristo, Lamonye, eramak hohoi buo fe ehum ikiana jio aati ihuo hulia jio, ijiara isi amanyai onno oyyu buo fe igemuni aŋiyo hosi.
13Buo jihatai illarak iko haniyarak hohoi, hèyuhoti ehanio onno oyyu. 14Alla amesio obo alatai ekenita hohoi huttono awaraga ana, ihumata mijio inyi; obusana inyi dee oŋida ariri oŋiye inyi. 15Hèmijiete inyi ihuo amiottononi, ati, asarata inyi ihuo lella.
Ekenita Etisidita
16Oŋitek 'daŋ, ijiara Lamonye olo nelik tajia ta ahuan ottonyi isiaratta jihatai nelik tajia te ekota 'daŋ. Hatawana Lamonye ikatai 'daŋ. 17Ani Paulo, egiorok efonyita huna ta aani hoŋ. Emoi hoŋ ania enne esihottia ni jio awaragaa hoŋ 'daŋ, egieri hoŋ ania. 18Ijiara ayiji taji Yesu Kristo, Lamonye hohoi hatawana jihatai 'daŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003