2 PETRO 2
2
Ettiyanak Enyabak
1Berien, tehiji waati, odetunie nyia ekianak enyabak hullo ojiori 'to jio, ekiana isi eram Hollum; ihuo nyia buo fe odetunie adi ettiyanak enyabak tehiji hatai. Italunyuni adi isi ettiyenita hunno orrohoji 'to, hunno obeŋi 'to arai hode. Orisai adi isi Elettok linyia italahu 'to isi; ania, ette iyaŋuno olomuo, onno ottu 'to turubeny, ihuattek hosi. 2Ijifatie adi aati arriai ehanita hosi hunno orrohoji 'to hunia. Te ehanita hosi hunia, omorie adi aati hullomuk Ekoi ono nelahode. 3Te eŋaru ottonosi, itamidihie adi isi etuhe imumuniere itai. Many berien, aŋotoni jihosi epali buo fe etamuoni hosi obeŋ ojoto!
4Obeŋ nyia Hollum ofitok ajilohien hunyia iyyauni 'to. Iruoŋok nyia inyi isi iferno, amaji idumele#2:4 idumele : igioroni omuk egierita jio, ewure enne iriok 'to. enne ifitanierek isi ta ajegiri many jio oloŋ ono Aŋocio Hiram. 5Obeŋ nyia Hollum ofitok aati eberien hunyia obeŋi 'to abaŋi inyi. Otuk nyia inyi isi te egura, buo ofitok Noa, ettittoni olo abisan, inyi iko omuk aati hattarik. 6Oŋotok nyia Hollum epali jio aati Sodom iko Gomora, ette ituk isi te neema, irari esarit jio arrohojak. 7Italuahu nyia inyi Lot, atulo oloyijio. Osuaharu nyia atua Lot te eram ono ehanita 'rohojak hunno obeŋi 'to oyiji. 8Amanya nyia oloyijio alia ihiji 'rohojak, buo ataji honyi odulo amijan oŋitek 'daŋ te egonyutta iko te etayirutta honyi ehanita hosi hunno orrohoji 'to hunia. 9Itahutak ania jio, omijak Hollum etaluahutta ayijok jio ettigemita hosi, buo fe ittigemiere arrohojak many Iholoŋ ono Aŋocio Hiram. 10Agalik 'tadi buo ettigemio jio, hia hulle ihanie 'to erre somon buo fe omesie elohittok Hollum.
Ogoli ossi ekianak enyabak hulia buo fe ariri obeŋi jihosi. Obeŋi isi abaŋi aduarak huttedou, ittarrohojie isi afureta hosi. 11Duadi bu ajilohien, hulla agalihini 'to ettiyanak enyabak hulia ta agolon iko ta aduaran, obeŋi nyia isi omorie ettiyanak enyabak hulia to ninyia itisiahinierek isi enyabak hulia ihosiere Lamonye. 12Arai aati hulia ihuo aciaŋi hunno obeŋi 'to owoni iko egigilo, hunne isiuni oŋida inefuni ette ittohoro. Omorie isi erre 'daŋ hunno otimoi isi. Itamuhini adi isi ihuo aciaŋi. 13Ifuotuni adi isi ettigemio, te ettigemio hosi aati. Igigiloi isi jio ehanio ewahiti huattek hosi ta afanni, iyaŋuno jihosi amuno. Orrohoji ehanita hosi, ittarrohoji isi aŋiyo enne iŋiyete itai ikosi, ta ariri iko te ehanita hosi hunno orrohoji 'to. 14Odulori ossi hosi egigilo aroto. Oyolomoi isi eyyautta. Italohuttai isi aati hullo obeŋ eruk hosi ogol. Omijani bebe atajia hosi eŋaru ijiai. Owon epit Hollum jihosi. 15Idehini isi ekoi onno obis 'to, buo ette itunyara to obo ekoi. Ijifarai isi ekoi ninyia alari Balaam, lonyi Beyor, linyia omuno 'to agurusi hunyia onyuratta inyi te ehanita hunne ipali. 16Ati iriŋi nyia inyi jio eyyata honyi hunia. Ikiana nyia asigiria honyi jihonyi te etuk tulo, ette itik inyi ihaniere erre ihuo olosita.
17Arai aati hulia ihuo olotilihi hunna ayohojori 'to buo fe ihuo edohuo hunno ohutaru addiŋilla. Ihuhumak nyia Hollum jihosi amaji itua idumele. 18Te etadara, ikianai isi fittaŋ fittaŋ, buo fe ikianai erre somon italohuniere aati hulle iliahai 'to idehina amanya enne ipal 'to. 19Ocoroni isi jio aati abiaŋan irahan apiti, buo arai luŋa apiti hulo emanyiti hunno orrohoji. Nyio, ara atulo apit olo ariŋ enne ittallik 'to idehina inyi. 20Elle idehini aati arrohojita huttono afau ana ta amijana hosi Yesu Kristo Lamonye, etalahani hohoi, attati arrohojita hunia inyiak irrogoluna isi, ette igottiere. Orroho adi bebe jio aati hulia agalik ninyia tetteri. 21Iyyak duo jihosi alla atimoi nyia isi ekoi ono abisan. Duadi bu ninyia amijani isi ekoi ania, oyitoni nyia isi oruoŋitek jio efahi elibo ninyia isiarani jihosi. 22Itahutani erre hunne iduoŋi 'to jihosi jio obisi Ekenita Ofioro hunno ojiori 'to jio: “Inyiak eŋok iŋiyo erre hunno oseu inyi,” buo fe “Abatak enne itahuyori, inyiak ibalaŋita imuadaha.”
Currently Selected:
2 PETRO 2: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
2 PETRO 2
2
Ettiyanak Enyabak
1Berien, tehiji waati, odetunie nyia ekianak enyabak hullo ojiori 'to jio, ekiana isi eram Hollum; ihuo nyia buo fe odetunie adi ettiyanak enyabak tehiji hatai. Italunyuni adi isi ettiyenita hunno orrohoji 'to, hunno obeŋi 'to arai hode. Orisai adi isi Elettok linyia italahu 'to isi; ania, ette iyaŋuno olomuo, onno ottu 'to turubeny, ihuattek hosi. 2Ijifatie adi aati arriai ehanita hosi hunno orrohoji 'to hunia. Te ehanita hosi hunia, omorie adi aati hullomuk Ekoi ono nelahode. 3Te eŋaru ottonosi, itamidihie adi isi etuhe imumuniere itai. Many berien, aŋotoni jihosi epali buo fe etamuoni hosi obeŋ ojoto!
4Obeŋ nyia Hollum ofitok ajilohien hunyia iyyauni 'to. Iruoŋok nyia inyi isi iferno, amaji idumele#2:4 idumele : igioroni omuk egierita jio, ewure enne iriok 'to. enne ifitanierek isi ta ajegiri many jio oloŋ ono Aŋocio Hiram. 5Obeŋ nyia Hollum ofitok aati eberien hunyia obeŋi 'to abaŋi inyi. Otuk nyia inyi isi te egura, buo ofitok Noa, ettittoni olo abisan, inyi iko omuk aati hattarik. 6Oŋotok nyia Hollum epali jio aati Sodom iko Gomora, ette ituk isi te neema, irari esarit jio arrohojak. 7Italuahu nyia inyi Lot, atulo oloyijio. Osuaharu nyia atua Lot te eram ono ehanita 'rohojak hunno obeŋi 'to oyiji. 8Amanya nyia oloyijio alia ihiji 'rohojak, buo ataji honyi odulo amijan oŋitek 'daŋ te egonyutta iko te etayirutta honyi ehanita hosi hunno orrohoji 'to hunia. 9Itahutak ania jio, omijak Hollum etaluahutta ayijok jio ettigemita hosi, buo fe ittigemiere arrohojak many Iholoŋ ono Aŋocio Hiram. 10Agalik 'tadi buo ettigemio jio, hia hulle ihanie 'to erre somon buo fe omesie elohittok Hollum.
Ogoli ossi ekianak enyabak hulia buo fe ariri obeŋi jihosi. Obeŋi isi abaŋi aduarak huttedou, ittarrohojie isi afureta hosi. 11Duadi bu ajilohien, hulla agalihini 'to ettiyanak enyabak hulia ta agolon iko ta aduaran, obeŋi nyia isi omorie ettiyanak enyabak hulia to ninyia itisiahinierek isi enyabak hulia ihosiere Lamonye. 12Arai aati hulia ihuo aciaŋi hunno obeŋi 'to owoni iko egigilo, hunne isiuni oŋida inefuni ette ittohoro. Omorie isi erre 'daŋ hunno otimoi isi. Itamuhini adi isi ihuo aciaŋi. 13Ifuotuni adi isi ettigemio, te ettigemio hosi aati. Igigiloi isi jio ehanio ewahiti huattek hosi ta afanni, iyaŋuno jihosi amuno. Orrohoji ehanita hosi, ittarrohoji isi aŋiyo enne iŋiyete itai ikosi, ta ariri iko te ehanita hosi hunno orrohoji 'to. 14Odulori ossi hosi egigilo aroto. Oyolomoi isi eyyautta. Italohuttai isi aati hullo obeŋ eruk hosi ogol. Omijani bebe atajia hosi eŋaru ijiai. Owon epit Hollum jihosi. 15Idehini isi ekoi onno obis 'to, buo ette itunyara to obo ekoi. Ijifarai isi ekoi ninyia alari Balaam, lonyi Beyor, linyia omuno 'to agurusi hunyia onyuratta inyi te ehanita hunne ipali. 16Ati iriŋi nyia inyi jio eyyata honyi hunia. Ikiana nyia asigiria honyi jihonyi te etuk tulo, ette itik inyi ihaniere erre ihuo olosita.
17Arai aati hulia ihuo olotilihi hunna ayohojori 'to buo fe ihuo edohuo hunno ohutaru addiŋilla. Ihuhumak nyia Hollum jihosi amaji itua idumele. 18Te etadara, ikianai isi fittaŋ fittaŋ, buo fe ikianai erre somon italohuniere aati hulle iliahai 'to idehina amanya enne ipal 'to. 19Ocoroni isi jio aati abiaŋan irahan apiti, buo arai luŋa apiti hulo emanyiti hunno orrohoji. Nyio, ara atulo apit olo ariŋ enne ittallik 'to idehina inyi. 20Elle idehini aati arrohojita huttono afau ana ta amijana hosi Yesu Kristo Lamonye, etalahani hohoi, attati arrohojita hunia inyiak irrogoluna isi, ette igottiere. Orroho adi bebe jio aati hulia agalik ninyia tetteri. 21Iyyak duo jihosi alla atimoi nyia isi ekoi ono abisan. Duadi bu ninyia amijani isi ekoi ania, oyitoni nyia isi oruoŋitek jio efahi elibo ninyia isiarani jihosi. 22Itahutani erre hunne iduoŋi 'to jihosi jio obisi Ekenita Ofioro hunno ojiori 'to jio: “Inyiak eŋok iŋiyo erre hunno oseu inyi,” buo fe “Abatak enne itahuyori, inyiak ibalaŋita imuadaha.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003