2Korinto 9
9
Aluahio jio Eruhok Alociaŋak
1Ihuania, obeŋ osiru jihoŋ igioroniere jihatai te eram ono aluahio enne ifahini jio aati Hollum hutto Yudea. 2Amijak ni jio, iwahata itai iluak isi, etadarari ni te eram hatai jio aati Masedonia jio, “Many toŋoleŋai, attuba nyia jio eruhok hutto Akaya iluahiere.” Ihuania, ta awahan hatai isiarana aluahio, iyaŋuno buo fe inyi jio arriai waati awahan isiarana. 3Ati efahu ni ellarak hulo jihatai oŋida etadara hohoi tetai obeŋ olo asai te eram ana. Tania, ihuhumata ahuattek oŋida bati iluahata, ihuo eramak nyia ni jio aati hullomuk. 4Alla attu ni iko omuk aati to Masedonia, hètanyahina nani ariri, elle efuonni hohoi irumana jio, hèbiaŋata ihuhumata ahuattek iluahiere; nyio, eyihi ni jihatai bebe. Ifuti adi buo fe ariri jihatai te eram ania. 5Inyi enne egigilori ni jio, oyyu iramaniere eruhok hulle ikiomoroi jihatai to osiere hoŋ ittubaniere amaji abotie esiorita hunyia icoronia itai. Attu adi ni irumana isi attubani esiorita hunia amaji abotie. Itahutak adi ania jio isiatta itai ta awahan hatai, buo obiaŋara obo ojio luŋa isiatta. 6Omijana jio, alla ayehi obo atulo enyomo kaiyo, ottu adi inyi idieŋuna kaiyo; buo ollo oyehi 'to arriai, ottu ideŋuna arriai. 7Ijiara itai 'daŋ ababo isiatta esiorita hatai ihuo iwahata itai. Isiatta ta amuno, obeŋi orosoni itai; nyio, obuor ataji Hollum lia elle isio 'to ta amuno. 8Oremik buo fe inyi isiarana jihatai esiorita arriai jio, oŋida iwanata oŋitek 'daŋ iko erre 'daŋ hunne iwahata itai; oŋida bati iremehina iluak aati hulla aŋaramahini 'to te ekoi onno obolo. 9Ihuo igioroni ibuk Hollum jio,
“Isiarak inyi jio alociaŋak te emorot;
osio adi emorot honyi 'tulaŋ.”
10Hollum, elle isio 'to enyomo jio aromoni buo fe isiarak aŋiyo, isiarak adi buo fe inyi jihatai enyomo, ette itaboloruna isi, ette itasuauna isi arriai jio, oŋida bati itai iluahata alociaŋak agalik ninyia hosiere. 11Itasam adi inyi itai bebe jio oŋida iduloro emorot, oŋida aati arriai isiarani ahumo jio Hollum te esiorita hatai hunne ifuotuni isi jihohoi. 12Nyio, obeŋ egiama enne ihaniete itai ania ara iluahiere aati Hollum ijiai, ati iyaŋuno buo fe inyi jio Hollum ahumo onno obolo. 13Te etahutana enne iyaŋuno egiama hatai ania, isiori adi aati arriai ahumo jio Hollum ta agottiere hatai Asayyo Ayijok huno Kristo, iko te esiorita hatai huno emorot hunne isiatta itai jihosi iko jio aati hullomuk 'daŋ. 14Tania, te etahutana Hollum jihatai ayiji taji onno obolo 'to bebe, omojoi adi isi tetai ta abuaran tajia bebe. 15Hésiatta ahumo jio Hollum, te esiorio honyi onno obeŋ tulo oremik ikiana.
Currently Selected:
2Korinto 9: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
2Korinto 9
9
Aluahio jio Eruhok Alociaŋak
1Ihuania, obeŋ osiru jihoŋ igioroniere jihatai te eram ono aluahio enne ifahini jio aati Hollum hutto Yudea. 2Amijak ni jio, iwahata itai iluak isi, etadarari ni te eram hatai jio aati Masedonia jio, “Many toŋoleŋai, attuba nyia jio eruhok hutto Akaya iluahiere.” Ihuania, ta awahan hatai isiarana aluahio, iyaŋuno buo fe inyi jio arriai waati awahan isiarana. 3Ati efahu ni ellarak hulo jihatai oŋida etadara hohoi tetai obeŋ olo asai te eram ana. Tania, ihuhumata ahuattek oŋida bati iluahata, ihuo eramak nyia ni jio aati hullomuk. 4Alla attu ni iko omuk aati to Masedonia, hètanyahina nani ariri, elle efuonni hohoi irumana jio, hèbiaŋata ihuhumata ahuattek iluahiere; nyio, eyihi ni jihatai bebe. Ifuti adi buo fe ariri jihatai te eram ania. 5Inyi enne egigilori ni jio, oyyu iramaniere eruhok hulle ikiomoroi jihatai to osiere hoŋ ittubaniere amaji abotie esiorita hunyia icoronia itai. Attu adi ni irumana isi attubani esiorita hunia amaji abotie. Itahutak adi ania jio isiatta itai ta awahan hatai, buo obiaŋara obo ojio luŋa isiatta. 6Omijana jio, alla ayehi obo atulo enyomo kaiyo, ottu adi inyi idieŋuna kaiyo; buo ollo oyehi 'to arriai, ottu ideŋuna arriai. 7Ijiara itai 'daŋ ababo isiatta esiorita hatai ihuo iwahata itai. Isiatta ta amuno, obeŋi orosoni itai; nyio, obuor ataji Hollum lia elle isio 'to ta amuno. 8Oremik buo fe inyi isiarana jihatai esiorita arriai jio, oŋida iwanata oŋitek 'daŋ iko erre 'daŋ hunne iwahata itai; oŋida bati iremehina iluak aati hulla aŋaramahini 'to te ekoi onno obolo. 9Ihuo igioroni ibuk Hollum jio,
“Isiarak inyi jio alociaŋak te emorot;
osio adi emorot honyi 'tulaŋ.”
10Hollum, elle isio 'to enyomo jio aromoni buo fe isiarak aŋiyo, isiarak adi buo fe inyi jihatai enyomo, ette itaboloruna isi, ette itasuauna isi arriai jio, oŋida bati itai iluahata alociaŋak agalik ninyia hosiere. 11Itasam adi inyi itai bebe jio oŋida iduloro emorot, oŋida aati arriai isiarani ahumo jio Hollum te esiorita hatai hunne ifuotuni isi jihohoi. 12Nyio, obeŋ egiama enne ihaniete itai ania ara iluahiere aati Hollum ijiai, ati iyaŋuno buo fe inyi jio Hollum ahumo onno obolo. 13Te etahutana enne iyaŋuno egiama hatai ania, isiori adi aati arriai ahumo jio Hollum ta agottiere hatai Asayyo Ayijok huno Kristo, iko te esiorita hatai huno emorot hunne isiatta itai jihosi iko jio aati hullomuk 'daŋ. 14Tania, te etahutana Hollum jihatai ayiji taji onno obolo 'to bebe, omojoi adi isi tetai ta abuaran tajia bebe. 15Hésiatta ahumo jio Hollum, te esiorio honyi onno obeŋ tulo oremik ikiana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003