2Korinto 11
11
Paulo iko Lefahat Enyabak
1Awak duo ni oŋida itai idihuna nani duadi bu ebuyaŋa ni kai. Odihuna yo nani. 2Nyio, owon ahaini jihoŋ tetai ihuo ahaini ono Hollum. Irata itai ihuo noduoti onno hobeŋ iyyau, anna acorok ni jio alle abotie ijiai, inyi fe Kristo hama. 3Ati owon abaŋi jihoŋ, nyio, inyob nyia Amunu Efa to olofioro honyi enyobita. Hèlaha buo fe inyi adi itipala egigilita hatai. Ŋadi itai idehina abaŋi hatai hode hode Kristo. 4Nyio, idihata itai ta amuno atulo ollo ottu 'to ittittoyo jihatai eram obo Yesu ollo olufa, buo obiaŋara Yesu elle ettittoyo hohoi. Iruhoto buo fe itai oloholio iko asayyo hunno olufaji 'to jio hunyia ifuotuna itai jihohoi!
5Egigilo ni abeŋ ni afiaha obo kai jio, “lefahat” hulle itahuyete tai hulia! 6Duadi bu abeŋ ni ara ahekianani ollo oyyu bebe, obeŋi olofioro hoŋ omutari, epulok nyia hohoi erre hunia jihatai enyiahita arriai.
7Abeŋ nyia ni etadumio itai to ninyia ettittoyere ni jihatai Asayyo Ayijok huno Hollum. Etafiaha nyia ni ahuan hoŋ, oŋida akafi itai ahide. Ara nyia ti inyi jihoŋ epali? 8To ninyia egiamari ni ihiji hatai, isiorie nyia omuk eluluŋi heruhok agurusi jihoŋ. Ara luŋa ihuo ahorutta nyia ni arobiyaa jihosi iluahiere itai. 9#Fil 4:15-18Buo fe ninyia awanari ni ikatai, abeŋ nyia ni ettigemio obo atulo iluahiere nani alla aŋaramahi obo ariŋ jihoŋ. Nyio, eluahie nyia ani illarak hohoi hunyia ofuonni 'to to Masedonia. Tania, ihuo ninyia berien many moi, ettallik adi ni ittigemio itai to obo ariŋ. 10Ittallik obo atulo ta fau Akaya 'daŋ, itik nani itadarari nyio, owon elahode Kristo jihoŋ. 11Ekiana ti ni erre hunia nyio, obeŋ ataji hoŋ obuor itai? Obeŋ, omijak Hollum jio obuor ataji hoŋ itai!
12Alo ni iduloro ehanio erre hunne ehanio ni huna, itihotiere “lefahat” hullomuk hèlaha itadarai buo fe ojiori jio, egiama isi ihuo enne egiamari hohoi. 13Obeŋi aati hia arai elefahat hode, arai isi a hènyabak hulle itihanie ahuattek ihuo alla arai isi a hulo Kristo. 14Idamit ti Sittan itihanio ahuan ihuo alla ara inyi ajilo olo afaŋan. 15Tania, obiaŋara ariŋ aŋejuk elle itihanie egiamak Sittan ahuattek hosi ihuo arai isi a hegiamak hulo abisan. Lisidi, orumani adi isi erre huno osiruni 'to te ehanita hosi.
Ettigemita Paulo ta Arahan Elefahata
16Enyiak fe ni idas 'daŋ jio, hèlaha obo atulo igigilo jio, obeŋ ahou jihoŋ. Ati, elle igigiloti itai ihuo nyia, odihuna yo nani obo kai, oŋida bati buo fe nani etadara obo kai. 17Hode, obeŋ duo Lamonye oremik iramana jihoŋ ikianari erre hunne ekiana ni hunia, ati te etadara hoŋ ania, ekiana ni luŋa ihuo atulo ollo obeŋ hou. 18Ati, itadarai aati arriai te erre hutto huattek hosi, tania, etadara adi buo fe ni ihuo isi. 19Irata itai alofiorojok, inyi enne idihatti itai aati hullo obeŋi hossi! 20Nyio, duadi bu itabuyaŋio obo atulo itai, kuyya imumunio itai, kuyya inyobio itai, kuyya iyasio itai, kuyya annaŋio itai, idihata itai inyi. 21Oŋiye ani ariri iruhoniere jio ebaŋ nyia hohoi bebe ihaniere erre hua!
Ati, alla awak obo atulo irinyana etadara to obo ariŋ…ekiana ni ihuo atulo ollo obeŋ hou…arinyak adi buo fe ni etadara ta ariŋ nyia. 22Isi ti hulo Ebrei? Ara buo fe ni olo Ebrei. Arai ti isi Israele? Ani buo fe olo Israele. Arai ti isi to woyo Abramo? Ara buo fe ni to woyo Abramo. 23#Ehanita 16:23Arai ti isi a hegiamak Kristo? Ekiana ni ihuo olosita…ati ara ni ahegiamani agalik isi! Apulo ni duk duk agalik isi, ifitani nani ibabus enyiahita arriai agalik, ofodohi nani enyiahita arriai agalik, apuany naye enyiahita arriai agalik. 24Enyiahita miyet, efodohi nyia Yudei nani ajelete atomuana hunihoi hohottoŋuan. 25#Ehanita 16:12; 14:19Enyiahita hunihoi, efodohi nyia gala Roma nani ta aficuti anna ara asillik, buo enyiahi abotie, iruoŋi nani ta amoruoi. Ewuroniere nyia nani atogol itua hari, enyiahita hunihoi. Enyiahi abotie, atuk nyia ni asahien atomuana arrihai haŋuan totua hari. 26#Ehanita 9:23; 14:15To ninyia, adahari ni edahiti arriai iliaha nyia aye jihoŋ te ekotia arriai: orrohoji nyia ebul oworio buo ahorok hirre, orrohoji nyia aati hohoi, orrohoji nyia alufajak, orrohoji nyia aborejin gala hua, orroho nyia ediofo nyia, orrohoji nyia oworio hua, orrohoji nyia orriahat hoŋ enyabak. 27Afutotio nyia ni egiama, abeŋ ajotu ajio, ettoho nyia ani ahure iko eboti hari. Obeŋita nyia aŋiria jihoŋ, kuyya aaji kuyya aboŋo. 28Jio ettigemita hunia, odulo buo fe ehawwa onno obolo bebe itaji hoŋ, te neram ono eluluŋi heruhok 'daŋ. 29Elle elik obo alatai, ette buo fe ni ilik. Omi buo fe ataji hoŋ, elle itisiabari obo alatai iyyauniere.
30Alla ajio ni luŋa etadara, etadara adi ni te erre hunne itahutani 'to nelik ottonoŋ. 31Hollum alla ara 'to A Monye Yesu Lamonye — hotohuo afure honyi 'tulaŋ!…omijak inyi jio abeŋ ni agesem. 32#Ehanita 9:23-25Ninyia awanari ni Damaskos, ihanak nyia amondir olo oobu Aretas, erririak ikol bore gala, inefuniere nani. 33Ati, itusurori nyia nani te ettulit ette iliati ta agufa, ette ni iris ta has honyi.
Currently Selected:
2Korinto 11: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
2Korinto 11
11
Paulo iko Lefahat Enyabak
1Awak duo ni oŋida itai idihuna nani duadi bu ebuyaŋa ni kai. Odihuna yo nani. 2Nyio, owon ahaini jihoŋ tetai ihuo ahaini ono Hollum. Irata itai ihuo noduoti onno hobeŋ iyyau, anna acorok ni jio alle abotie ijiai, inyi fe Kristo hama. 3Ati owon abaŋi jihoŋ, nyio, inyob nyia Amunu Efa to olofioro honyi enyobita. Hèlaha buo fe inyi adi itipala egigilita hatai. Ŋadi itai idehina abaŋi hatai hode hode Kristo. 4Nyio, idihata itai ta amuno atulo ollo ottu 'to ittittoyo jihatai eram obo Yesu ollo olufa, buo obiaŋara Yesu elle ettittoyo hohoi. Iruhoto buo fe itai oloholio iko asayyo hunno olufaji 'to jio hunyia ifuotuna itai jihohoi!
5Egigilo ni abeŋ ni afiaha obo kai jio, “lefahat” hulle itahuyete tai hulia! 6Duadi bu abeŋ ni ara ahekianani ollo oyyu bebe, obeŋi olofioro hoŋ omutari, epulok nyia hohoi erre hunia jihatai enyiahita arriai.
7Abeŋ nyia ni etadumio itai to ninyia ettittoyere ni jihatai Asayyo Ayijok huno Hollum. Etafiaha nyia ni ahuan hoŋ, oŋida akafi itai ahide. Ara nyia ti inyi jihoŋ epali? 8To ninyia egiamari ni ihiji hatai, isiorie nyia omuk eluluŋi heruhok agurusi jihoŋ. Ara luŋa ihuo ahorutta nyia ni arobiyaa jihosi iluahiere itai. 9#Fil 4:15-18Buo fe ninyia awanari ni ikatai, abeŋ nyia ni ettigemio obo atulo iluahiere nani alla aŋaramahi obo ariŋ jihoŋ. Nyio, eluahie nyia ani illarak hohoi hunyia ofuonni 'to to Masedonia. Tania, ihuo ninyia berien many moi, ettallik adi ni ittigemio itai to obo ariŋ. 10Ittallik obo atulo ta fau Akaya 'daŋ, itik nani itadarari nyio, owon elahode Kristo jihoŋ. 11Ekiana ti ni erre hunia nyio, obeŋ ataji hoŋ obuor itai? Obeŋ, omijak Hollum jio obuor ataji hoŋ itai!
12Alo ni iduloro ehanio erre hunne ehanio ni huna, itihotiere “lefahat” hullomuk hèlaha itadarai buo fe ojiori jio, egiama isi ihuo enne egiamari hohoi. 13Obeŋi aati hia arai elefahat hode, arai isi a hènyabak hulle itihanie ahuattek ihuo alla arai isi a hulo Kristo. 14Idamit ti Sittan itihanio ahuan ihuo alla ara inyi ajilo olo afaŋan. 15Tania, obiaŋara ariŋ aŋejuk elle itihanie egiamak Sittan ahuattek hosi ihuo arai isi a hegiamak hulo abisan. Lisidi, orumani adi isi erre huno osiruni 'to te ehanita hosi.
Ettigemita Paulo ta Arahan Elefahata
16Enyiak fe ni idas 'daŋ jio, hèlaha obo atulo igigilo jio, obeŋ ahou jihoŋ. Ati, elle igigiloti itai ihuo nyia, odihuna yo nani obo kai, oŋida bati buo fe nani etadara obo kai. 17Hode, obeŋ duo Lamonye oremik iramana jihoŋ ikianari erre hunne ekiana ni hunia, ati te etadara hoŋ ania, ekiana ni luŋa ihuo atulo ollo obeŋ hou. 18Ati, itadarai aati arriai te erre hutto huattek hosi, tania, etadara adi buo fe ni ihuo isi. 19Irata itai alofiorojok, inyi enne idihatti itai aati hullo obeŋi hossi! 20Nyio, duadi bu itabuyaŋio obo atulo itai, kuyya imumunio itai, kuyya inyobio itai, kuyya iyasio itai, kuyya annaŋio itai, idihata itai inyi. 21Oŋiye ani ariri iruhoniere jio ebaŋ nyia hohoi bebe ihaniere erre hua!
Ati, alla awak obo atulo irinyana etadara to obo ariŋ…ekiana ni ihuo atulo ollo obeŋ hou…arinyak adi buo fe ni etadara ta ariŋ nyia. 22Isi ti hulo Ebrei? Ara buo fe ni olo Ebrei. Arai ti isi Israele? Ani buo fe olo Israele. Arai ti isi to woyo Abramo? Ara buo fe ni to woyo Abramo. 23#Ehanita 16:23Arai ti isi a hegiamak Kristo? Ekiana ni ihuo olosita…ati ara ni ahegiamani agalik isi! Apulo ni duk duk agalik isi, ifitani nani ibabus enyiahita arriai agalik, ofodohi nani enyiahita arriai agalik, apuany naye enyiahita arriai agalik. 24Enyiahita miyet, efodohi nyia Yudei nani ajelete atomuana hunihoi hohottoŋuan. 25#Ehanita 16:12; 14:19Enyiahita hunihoi, efodohi nyia gala Roma nani ta aficuti anna ara asillik, buo enyiahi abotie, iruoŋi nani ta amoruoi. Ewuroniere nyia nani atogol itua hari, enyiahita hunihoi. Enyiahi abotie, atuk nyia ni asahien atomuana arrihai haŋuan totua hari. 26#Ehanita 9:23; 14:15To ninyia, adahari ni edahiti arriai iliaha nyia aye jihoŋ te ekotia arriai: orrohoji nyia ebul oworio buo ahorok hirre, orrohoji nyia aati hohoi, orrohoji nyia alufajak, orrohoji nyia aborejin gala hua, orroho nyia ediofo nyia, orrohoji nyia oworio hua, orrohoji nyia orriahat hoŋ enyabak. 27Afutotio nyia ni egiama, abeŋ ajotu ajio, ettoho nyia ani ahure iko eboti hari. Obeŋita nyia aŋiria jihoŋ, kuyya aaji kuyya aboŋo. 28Jio ettigemita hunia, odulo buo fe ehawwa onno obolo bebe itaji hoŋ, te neram ono eluluŋi heruhok 'daŋ. 29Elle elik obo alatai, ette buo fe ni ilik. Omi buo fe ataji hoŋ, elle itisiabari obo alatai iyyauniere.
30Alla ajio ni luŋa etadara, etadara adi ni te erre hunne itahutani 'to nelik ottonoŋ. 31Hollum alla ara 'to A Monye Yesu Lamonye — hotohuo afure honyi 'tulaŋ!…omijak inyi jio abeŋ ni agesem. 32#Ehanita 9:23-25Ninyia awanari ni Damaskos, ihanak nyia amondir olo oobu Aretas, erririak ikol bore gala, inefuniere nani. 33Ati, itusurori nyia nani te ettulit ette iliati ta agufa, ette ni iris ta has honyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003