1 PETRO 1
1
1Ani alia Petro, elefahata olo Yesu Kristo.
Egiorok ni jio onyimot Hollum, hulle isarrahini a hafuhok iŋacio huno Pontus, Galasia, Kapadosia, Asia iko Bitania. 2Onyimuni nyia itai ta awahan ono Hollum, Monye; buo fe italibori itai to Oloholio honyi jio oŋida iniŋiete Yesu Kristo elle italibo nooto honyi itai.
Ijiara ofuanani ayiji iko nelik tajia jihatai hiny hiny.
Eyihina Ahode hode
3Hésiatta ahumo jio Hollum, Monye Yesu Kristo, Lamonye hohoi! Ta amehino honyi onno obolo 'to, isiarak inyi jihohoi nesu aŋejuk te etubuhuna honyi Yesu Kristo toye. Itufutak ania jihohoi eyihina ahode hode jio, 4efuo adi ifuotuna emuniti hunyia ocorok Hollum jio aati honyi. Ottunani jihohoi emuniti hunia lidou, amaji enne ittallihorik isi imuyahari kuyya irrohojari kuyya ililitoro. 5Arai emuniti hunia tetai hulle iruhoto 'to jio Hollum. Ottoŋotio agolon honyi itai onno oyyu jio oŋida ifuotuna etalahuno onno ottuba 'to onno ofuoi italeyehina iholoŋ esidi.
6Omunoti te eram ania, duadi bu irumana itai luŋa ihuania ettigemita arriai. 7Itahutani ettigemita hunia arahan ono neruk hatai hode. Duadi bu ayyel onno oremehini ittarroho, okemie inyi te neema. Tania, ijiara buo fe luŋa okemi neruk hatai, anna agalik 'to ayyel ta ayiji, oŋida bati inyi odulo. Ifuatta adi ifuotuna etahabuyo, akuatan iko olohuo jio Oloŋ enne italeyehinierek Yesu Kristo. 8Ibiaŋata nyia itai igonyuna inyi, ati obuori nyia atajia hatai inyi. Duadi bu ibiaŋata itai igonyuna inyi ihuania, iruhoto itai jihonyi. Tania, obolo amuno jihatai bebe; amuno onno okuat bebe, onno obeŋ tulo oremik ikiana. 9Te neruk hatai jihonyi, irumana itai etalahuno.
10Ihumi nyia omuk ekianak Hollum ittifia bebe awoyo hiram ono etalahuno ania. Ihumi nyia isi ikiana te eram ono esiorio onno olo Hollum isiarana jihatai. 11Awahi nyia isi imijana alali tulo kuyya anani saa onno ottuniere inyi#1:11 alali tulo kuyya anani saa onno ottuniere inyi : olum adi asaa nyia baya kuyya ottu inyi aŋai.. Oŋitek hunia hunyia itahutaniere, Oloholio Kristo ninyia owon 'to jihosi, isi ihumari ikianari te eram ono ettigemita hunno ottu Kristo idihuna iko te eram ono akuatan onno olo inyi ifuotuna. 12To ninyia ikianarik ekianak Hollum erre hunia, italeyehini nyia jihosi jio, arai egemita hosi hunia tetai, buo obiaŋara tesi. Ihuania, itayiruna itai erre hunia jio hia hulle ittittoye 'to Asayyo Ayijok ta aduaran ono Loholio Olibo linyia ifahuni tedou. Erre hunia hunna awahi ajilohien bebe imijana awoyo hiram hosi.
Oŋida Luŋa Emanya Aliborok
13Tania, ihuhumata egigilita hatai igiamari. Ihumata imijio, otuhonia eyihina hatai 'daŋ jio ayiji onno ofuoi isiarana jihatai elle italeyehini Kristo. 14Oniŋiete Hollum, hèlaha ewahiti hatai ogottierek itai, ihuo ninyia berien. 15Ati, ijiara amanya hatai olibo ihuo onno oliborori Hollum, linyia iloŋu 'to itai. 16Ihuo ojio abuk Hollum jio, “Oliboroto, nyio, alibo ni.”
17 #
Mat 17:1-5; Mar 9:2-7; Luk 9:28-35 Elle imojoti itai jio Hollum, ijiatta itai inyi Monyatai. Obeŋ inyi igigia alla aŋocio inyi eram waati te ehanita hosi. Tania, abaŋata Hollum buo itai hèmanyati ifau dini. 18Imijana itai edumit ninyia italahunierek itai jio ekotia hunno orrohoji 'to hunyia ifuotuna itai jio hohonyiok hatai. Obeŋi nyia italahuni itai ta ariŋ, ihuo abilata aboŋ kuyya ayyel, onno oremehini ittarroho. 19Ati, italahuni nyia itai to nooto Kristo, ariŋ onno ogol ihaniere. Ara nyia Kristo ihuo olosobe ollo ottuba ahuan honyi 'daŋ. 20Onyimuni nyia inyi many hobeŋi oyyeuni afau. Ati, te eram hatai, italeyehini nyia inyi jio oŋitek huttesidi huna. 21Tenyi, iruhoto itai jio Hollum, linyia itubuhu 'to inyi toye, ette isiarana jihonyi akuatan; inyi buo fe onno odulori eyihina iko neruk hatai jio Hollum. 22Ihuania, italiboroto itai ahuattek hatai ta aniŋio hatai nelahode, abuori buo fe atajia hatai hode eruhok hullomuk. Tania, ijiara luŋa abuaran taji odulo awanan itajia hatai 'daŋ#1:22 itajia hatai 'daŋ : igioroni omuk egierita jio, ijiara atajia hatai olibori.. 23Ihaniete ihuo nyia, nyio, isiarak Hollum jihatai esiuno aŋejuk te ekiana honyi enne isu 'to 'tulaŋ. Irata itai aduri esioni ollo osio 'to 'tulaŋ, obiaŋara a hulo ollo oremik 'to iye. 24Ihuo ojio abuk Hollum jio,
“Arai aati 'daŋ ihuo amiyaŋ,
buo fe akuatan hosi ara ihuo ayaburita miyaŋ.
Oyohojo amiyaŋ, buo ayaburita ette idouna;
25ati, osio ekiana ono Lamonye 'tulaŋ.”
Ekiana ania, inyi Asayyo Ayijok hunyia iramani jihatai.
Currently Selected:
1 PETRO 1: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
1 PETRO 1
1
1Ani alia Petro, elefahata olo Yesu Kristo.
Egiorok ni jio onyimot Hollum, hulle isarrahini a hafuhok iŋacio huno Pontus, Galasia, Kapadosia, Asia iko Bitania. 2Onyimuni nyia itai ta awahan ono Hollum, Monye; buo fe italibori itai to Oloholio honyi jio oŋida iniŋiete Yesu Kristo elle italibo nooto honyi itai.
Ijiara ofuanani ayiji iko nelik tajia jihatai hiny hiny.
Eyihina Ahode hode
3Hésiatta ahumo jio Hollum, Monye Yesu Kristo, Lamonye hohoi! Ta amehino honyi onno obolo 'to, isiarak inyi jihohoi nesu aŋejuk te etubuhuna honyi Yesu Kristo toye. Itufutak ania jihohoi eyihina ahode hode jio, 4efuo adi ifuotuna emuniti hunyia ocorok Hollum jio aati honyi. Ottunani jihohoi emuniti hunia lidou, amaji enne ittallihorik isi imuyahari kuyya irrohojari kuyya ililitoro. 5Arai emuniti hunia tetai hulle iruhoto 'to jio Hollum. Ottoŋotio agolon honyi itai onno oyyu jio oŋida ifuotuna etalahuno onno ottuba 'to onno ofuoi italeyehina iholoŋ esidi.
6Omunoti te eram ania, duadi bu irumana itai luŋa ihuania ettigemita arriai. 7Itahutani ettigemita hunia arahan ono neruk hatai hode. Duadi bu ayyel onno oremehini ittarroho, okemie inyi te neema. Tania, ijiara buo fe luŋa okemi neruk hatai, anna agalik 'to ayyel ta ayiji, oŋida bati inyi odulo. Ifuatta adi ifuotuna etahabuyo, akuatan iko olohuo jio Oloŋ enne italeyehinierek Yesu Kristo. 8Ibiaŋata nyia itai igonyuna inyi, ati obuori nyia atajia hatai inyi. Duadi bu ibiaŋata itai igonyuna inyi ihuania, iruhoto itai jihonyi. Tania, obolo amuno jihatai bebe; amuno onno okuat bebe, onno obeŋ tulo oremik ikiana. 9Te neruk hatai jihonyi, irumana itai etalahuno.
10Ihumi nyia omuk ekianak Hollum ittifia bebe awoyo hiram ono etalahuno ania. Ihumi nyia isi ikiana te eram ono esiorio onno olo Hollum isiarana jihatai. 11Awahi nyia isi imijana alali tulo kuyya anani saa onno ottuniere inyi#1:11 alali tulo kuyya anani saa onno ottuniere inyi : olum adi asaa nyia baya kuyya ottu inyi aŋai.. Oŋitek hunia hunyia itahutaniere, Oloholio Kristo ninyia owon 'to jihosi, isi ihumari ikianari te eram ono ettigemita hunno ottu Kristo idihuna iko te eram ono akuatan onno olo inyi ifuotuna. 12To ninyia ikianarik ekianak Hollum erre hunia, italeyehini nyia jihosi jio, arai egemita hosi hunia tetai, buo obiaŋara tesi. Ihuania, itayiruna itai erre hunia jio hia hulle ittittoye 'to Asayyo Ayijok ta aduaran ono Loholio Olibo linyia ifahuni tedou. Erre hunia hunna awahi ajilohien bebe imijana awoyo hiram hosi.
Oŋida Luŋa Emanya Aliborok
13Tania, ihuhumata egigilita hatai igiamari. Ihumata imijio, otuhonia eyihina hatai 'daŋ jio ayiji onno ofuoi isiarana jihatai elle italeyehini Kristo. 14Oniŋiete Hollum, hèlaha ewahiti hatai ogottierek itai, ihuo ninyia berien. 15Ati, ijiara amanya hatai olibo ihuo onno oliborori Hollum, linyia iloŋu 'to itai. 16Ihuo ojio abuk Hollum jio, “Oliboroto, nyio, alibo ni.”
17 #
Mat 17:1-5; Mar 9:2-7; Luk 9:28-35 Elle imojoti itai jio Hollum, ijiatta itai inyi Monyatai. Obeŋ inyi igigia alla aŋocio inyi eram waati te ehanita hosi. Tania, abaŋata Hollum buo itai hèmanyati ifau dini. 18Imijana itai edumit ninyia italahunierek itai jio ekotia hunno orrohoji 'to hunyia ifuotuna itai jio hohonyiok hatai. Obeŋi nyia italahuni itai ta ariŋ, ihuo abilata aboŋ kuyya ayyel, onno oremehini ittarroho. 19Ati, italahuni nyia itai to nooto Kristo, ariŋ onno ogol ihaniere. Ara nyia Kristo ihuo olosobe ollo ottuba ahuan honyi 'daŋ. 20Onyimuni nyia inyi many hobeŋi oyyeuni afau. Ati, te eram hatai, italeyehini nyia inyi jio oŋitek huttesidi huna. 21Tenyi, iruhoto itai jio Hollum, linyia itubuhu 'to inyi toye, ette isiarana jihonyi akuatan; inyi buo fe onno odulori eyihina iko neruk hatai jio Hollum. 22Ihuania, italiboroto itai ahuattek hatai ta aniŋio hatai nelahode, abuori buo fe atajia hatai hode eruhok hullomuk. Tania, ijiara luŋa abuaran taji odulo awanan itajia hatai 'daŋ#1:22 itajia hatai 'daŋ : igioroni omuk egierita jio, ijiara atajia hatai olibori.. 23Ihaniete ihuo nyia, nyio, isiarak Hollum jihatai esiuno aŋejuk te ekiana honyi enne isu 'to 'tulaŋ. Irata itai aduri esioni ollo osio 'to 'tulaŋ, obiaŋara a hulo ollo oremik 'to iye. 24Ihuo ojio abuk Hollum jio,
“Arai aati 'daŋ ihuo amiyaŋ,
buo fe akuatan hosi ara ihuo ayaburita miyaŋ.
Oyohojo amiyaŋ, buo ayaburita ette idouna;
25ati, osio ekiana ono Lamonye 'tulaŋ.”
Ekiana ania, inyi Asayyo Ayijok hunyia iramani jihatai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003