Kuɛ̈n 31
31
Tɔŋ Ɣeric luiyë Kɔc ke Midian
1Acï Bɛ̈nydït lɛ̈k Mothe an, 2“Kum kɔc ke Midian, në biäk cïï kek kɔc ke Yithriɛl thɛl ë läm de yiëthiic. Ku na lɔ ee kënë looi yïn bï jɔ thou.”
3Go Mothe lɛ̈k kɔc an, “Cuɔckï röt në tɔŋ, në biäk bä wek kɔc ke Midian lɔ mak ku kuömkï keek, në biäk de kë cïk luöi Bɛ̈nydït. 4Në dhiëën ke Yithriɛl thook kedhie, abïï dhiën tök agum de raan aa tuɔɔc tɔŋ.”
5Ku röör ë cï kuɛ̈ny bei në dhiëën ke Yithriɛl thook kedhie, mänden ëbɛ̈n aaye agum thiëër ku rou 12,000 de röör cï röt coc ke ke lɔ tɔŋ. 6Go Mothe ke tuɔɔc tɔŋ, awat keek ë Pineɣath wën ë Eleyadhar bɛ̈ny de kake Nhialic, ku mukkï kake luɔi de tëɣeric në keek ëtök, ku lɔ kɛŋ ye kooth ye kɔc lɛ̈k. 7Acïk Midian mak cït man cïï Bɛ̈nydït e lɛ̈k Mothe, ku näkkï röör kedhie, 8ayï meliik kadhïc ke Midian yï Epi ku Rekem ku Dhur ku Ɣur ku lɔ Reba, keek ayadäŋ acïk Balaam nɔ̈k wën ë Beyor.
9Kɔc ke Yithriɛl acïk Midian peec, diäär ayï mïth, ku yakï thök, ku ɣɔ̈k, ku ka juëc ëbɛ̈n, 10ku nyopkï pɛ̈ɛ̈nydïtken ëbɛ̈n ayï wuöt kor. 11Acïk kakë peckï bɛ̈n jɔt kedhie ayï kɔc, ku ɣɔ̈k, 12ku yïnkï ke yï Mothe kekë Eleyadhar, ku lɔ akutnɔm de kɔc ke Yithriɛl ëbɛ̈n, ɣɔn cï piɔ̈ɔ̈t ë riaaŋ de Mowapic në wɛ̈ɛ̈r de Jordan lɔ̈ɔ̈m, ku nu Jeriko lɔŋtui.
Rem de Tɔŋ Abɔ̈ Ciëën
13Mothe kekë Eleyadhar ku lɔ bäny ke akutnɔm acïk, lɔ në wut këc biic lëk remde tɔŋ loor nɔm. 14Mothe, aa cïï piɔ̈u mit kekë bäny, ku lɔ bäny ke rɛm ke tɔŋ, ku akuut ë lɔ bɛ̈n tɔŋ. 15Acï ke thiëëc an, “Eeŋö päl wek diäär apïr kedhie? 16#Kuɛ̈n 25:1-9. Ee kek diäär gup, kek aa gam wëlke Balaam ku tɔkï kɔc ke Yithriɛl reec Bɛ̈nydït në kuur de Peyor. Ku ë kënë, acïï akutnɔm de kɔc ke Nhialic bɛ̈n tɔ löny ë jɔk. 17Ka ënɔɔnë, näkkï mɛwä ëbɛ̈n, ku tiiŋ cï kɔn yök ke moc ëbɛ̈n, 18ku pälkï röt duet, ku lɔ dhueec kën kɔn yök në röör. 19Ënɔɔnë week wedhie kɔc cï näk, ku nɔn cïk guöp cï thou jak, abïk dhil rëër në wut këc biic në nïn kadhorouwiic. Kööl ë diäk ku kööl ë dhorou nyaaikï cuɔl ë we gup, ku lɔ diäär cak peec. 20Ayadäŋ wek bï acuɔl ë kë cɔl lupɔ ëbɛ̈n dhil nyaai, nɔn yen lupɔ ë loi në dɛ̈l ku nɔn ee nhïm ke bɔɔth, ku nɔn ee tim.
21Go Eleyadhar bɛ̈ny de kake Nhialic lɛ̈k kɔc ë bɔ̈ tɔŋ an, “Kakë ayek lööŋ ë gëm Nhialic ke Mothe. 22-23Këriëëc cie nyop cït adhääp ku ateek ku maläŋ ku wëëth ku athäpiër ku nɔn ee ayööm, acolden abï nyaai në luɔi tëëk ë keek mɛɛc. Ku këriëëc däŋë ëbɛ̈n, abï acolde aa nyaai në pïïu ku kë de nyiɛɛi de cuɔl. 24Në akööl ë dhorou wek bï lupɔɔkun dhil waak, ku nyaaikï cuɔl ku jakï bɛ̈n lɔ wut.
Tëŋ de Kak ë Pec
25Acïï Bɛ̈nydït lɛ̈k Mothe an, 26“Yïn wekë Eleyadhar ku lɔ bäny ke dhiën, wek bï kuën ë kake pec ëbɛ̈n gɔ̈ɔ̈r nyïïn, ayï bäny ke akutnɔm, ku ɣɔ̈k. 27Tɛkkï ka cï peec yiic ë rou ke ke kït, biäkë ee këde remde tɔŋ, ku ye biäk këde akutnɔm ëbɛ̈n. 28Në biäk ee këde rem de tɔŋic, wek bï Bɛ̈nydït kɔn gäm biäk ee biäkde, raantök abï aa kuɛ̈ny bei në bot kadhïc thook ëbɛ̈n, ke ke ye ka gëmë Bɛ̈nydït, ku yen ee kuën nöm aya në ɣɔ̈k, ku mul, ku thök amɛ̈l, ku bɔɔth. 29Gamkï ke Eleyadhar bɛ̈ny de kake Nhialic, ke ke ye ka cï kuɛ̈ny bei juëërë ke Bɛ̈nydït. 30Ku në biäk cï gäm kɔc yic, wek bï raantök aa kuɛ̈ny bei në thiërdhïc thook ëbɛ̈n, ku yen ee kuën nöm aya në ɣɔ̈k, ku mul, ku thök amɛ̈l, ku bɔɔth. Gämkï ke Lebai kɔc ee luui ë paany de Bɛ̈nydïtic 31Go Mothe kekë Eleyadhar kë cïï Bɛ̈nydït lɛ̈k keek looi.
32-35Ka bɔ̈yë, ee kuën de kake peec rem de tɔŋ, mɛ̈tkï në ka cïk bɔ̈th röt: bot kadhetem ku thiërdhorou ku dhïc de agum 675,000 ke ke ye thök amɛ̈l ku bɔɔth, ku thiërdhorou ku rou de agum 72,000 ke ɣɔ̈k, ku thiërdhetem ku tök de agum 61,000 ke mul, ku lɔ thiërdiäk ku rou de agum 32,000 ke dhueec kën kɔn yök në röör. 36Biäk cïï rem de tɔŋ nööm, aaye bot ka diäk ku thiërdiäk ku dhorou de agum ku bot kadhïc 337,500 ke thök amɛ̈l ku bɔɔth, 37ku ka cïk luöny Bɛ̈nydït thïn ayek bot kadhetem ku thiërdhorou ku dhïc 675. 38Ku në ɣɔ̈k ke rem de tɔŋiic, thiërdiäk ku dhetem de agum 36,000 ku ka cïk luöny Bɛ̈nydït thïn ayek thiërdhorou ku rou 72. 39Ku në mul ke rem de tɔŋiic, thiërdiäk de agum ku bot kadhïc (30,500) ka cïk luöny Bɛ̈nydït thïn ayek thiërdhetem ku tök 61. 40Ku lɔ thiëër ku dhetem de agum 16,000 ke dhueec ke rem de tɔŋ kën yök në röör, ku ka cïk lɔ̈c Bɛ̈nydït thïn ayek thiërdiäk ku rou 32. 41Go Mothe ka cï kuɛ̈ny bei ke ke juëërë Bɛ̈nydït gämë Eleyadhar cït man cïï Bɛ̈nydït ë lɛ̈k keek.
42-46Biäk ee këde akutnɔm kït në kake rem de tɔŋ: ee bot kadiäk ku thiërdiäk ku dhorou de agum, ku bot kadhïc 337,500 ke thök amɛ̈l ku bɔɔth, ku aguum kathiërdiäk ku dhetem 36,000 ke ɣɔ̈k, ku aguum kathiërdiäk ku bot kadhïc 30,500 ke mul, ku lɔ aguum kathiëër ku dhetem 16,000 ke dhueec kën kɔn yök në röör. 47Në ee biäkë yic, Mothe ë raan tök bɛ̈n aa kuɛ̈ny bei në thiërdhïc thook, ku yen ee kuën nöm tëde läi, ku cït man cïï Bɛ̈nydït e lueel, gämkï ke Lebai kɔc ee luui ë paany de Bɛ̈nydïtic.
48Go bäny ke rem de tɔŋ bɛ̈n ku lëkkï Mothe an, 49“Wok cï rem kuɛ̈ɛ̈n nyïïn, ku acïn raan cuk yök ke liu. 50Ka ënɔɔnë wok bïï adhääp, ku kït guelgueel ye kaac ë käŋ thook, ku ka lɛ̈k ye cieŋ në kɔc cin, ku joth ke cin, ku guelɔ ku kɔ̈k ye cieŋ në kɔc yïth, ku guët ke yeth wään cïï raan ëbɛ̈n në wo yiic nööm. Wook, abuk ke gäm Bɛ̈nydït ke ke ye miɔ̈c teem wok röt, ke bï wo kony. 51Mothe kekë Eleyadhar acïk adhääp nööm, ke cït guöp guët ëbɛ̈n. 52Thëm de kake juɛɛrë bäny ke rem de tɔŋ, athiääk ke bot kaarou de kilɔ ke adhääp. 53Kɔc ë cie bäny, kaken acïk bɛ̈n tɔ̈u në keek. 54Ku ëtɛ̈ɛ̈n Mothe kekë Eleyadhar acïk adhääp bɛ̈n lɛɛr ë paany de mätic, ke Bɛ̈nydït ë bï kɔc ke Yithriɛl kony.
Currently Selected:
Kuɛ̈n 31: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Kuɛ̈n 31
31
Tɔŋ Ɣeric luiyë Kɔc ke Midian
1Acï Bɛ̈nydït lɛ̈k Mothe an, 2“Kum kɔc ke Midian, në biäk cïï kek kɔc ke Yithriɛl thɛl ë läm de yiëthiic. Ku na lɔ ee kënë looi yïn bï jɔ thou.”
3Go Mothe lɛ̈k kɔc an, “Cuɔckï röt në tɔŋ, në biäk bä wek kɔc ke Midian lɔ mak ku kuömkï keek, në biäk de kë cïk luöi Bɛ̈nydït. 4Në dhiëën ke Yithriɛl thook kedhie, abïï dhiën tök agum de raan aa tuɔɔc tɔŋ.”
5Ku röör ë cï kuɛ̈ny bei në dhiëën ke Yithriɛl thook kedhie, mänden ëbɛ̈n aaye agum thiëër ku rou 12,000 de röör cï röt coc ke ke lɔ tɔŋ. 6Go Mothe ke tuɔɔc tɔŋ, awat keek ë Pineɣath wën ë Eleyadhar bɛ̈ny de kake Nhialic, ku mukkï kake luɔi de tëɣeric në keek ëtök, ku lɔ kɛŋ ye kooth ye kɔc lɛ̈k. 7Acïk Midian mak cït man cïï Bɛ̈nydït e lɛ̈k Mothe, ku näkkï röör kedhie, 8ayï meliik kadhïc ke Midian yï Epi ku Rekem ku Dhur ku Ɣur ku lɔ Reba, keek ayadäŋ acïk Balaam nɔ̈k wën ë Beyor.
9Kɔc ke Yithriɛl acïk Midian peec, diäär ayï mïth, ku yakï thök, ku ɣɔ̈k, ku ka juëc ëbɛ̈n, 10ku nyopkï pɛ̈ɛ̈nydïtken ëbɛ̈n ayï wuöt kor. 11Acïk kakë peckï bɛ̈n jɔt kedhie ayï kɔc, ku ɣɔ̈k, 12ku yïnkï ke yï Mothe kekë Eleyadhar, ku lɔ akutnɔm de kɔc ke Yithriɛl ëbɛ̈n, ɣɔn cï piɔ̈ɔ̈t ë riaaŋ de Mowapic në wɛ̈ɛ̈r de Jordan lɔ̈ɔ̈m, ku nu Jeriko lɔŋtui.
Rem de Tɔŋ Abɔ̈ Ciëën
13Mothe kekë Eleyadhar ku lɔ bäny ke akutnɔm acïk, lɔ në wut këc biic lëk remde tɔŋ loor nɔm. 14Mothe, aa cïï piɔ̈u mit kekë bäny, ku lɔ bäny ke rɛm ke tɔŋ, ku akuut ë lɔ bɛ̈n tɔŋ. 15Acï ke thiëëc an, “Eeŋö päl wek diäär apïr kedhie? 16#Kuɛ̈n 25:1-9. Ee kek diäär gup, kek aa gam wëlke Balaam ku tɔkï kɔc ke Yithriɛl reec Bɛ̈nydït në kuur de Peyor. Ku ë kënë, acïï akutnɔm de kɔc ke Nhialic bɛ̈n tɔ löny ë jɔk. 17Ka ënɔɔnë, näkkï mɛwä ëbɛ̈n, ku tiiŋ cï kɔn yök ke moc ëbɛ̈n, 18ku pälkï röt duet, ku lɔ dhueec kën kɔn yök në röör. 19Ënɔɔnë week wedhie kɔc cï näk, ku nɔn cïk guöp cï thou jak, abïk dhil rëër në wut këc biic në nïn kadhorouwiic. Kööl ë diäk ku kööl ë dhorou nyaaikï cuɔl ë we gup, ku lɔ diäär cak peec. 20Ayadäŋ wek bï acuɔl ë kë cɔl lupɔ ëbɛ̈n dhil nyaai, nɔn yen lupɔ ë loi në dɛ̈l ku nɔn ee nhïm ke bɔɔth, ku nɔn ee tim.
21Go Eleyadhar bɛ̈ny de kake Nhialic lɛ̈k kɔc ë bɔ̈ tɔŋ an, “Kakë ayek lööŋ ë gëm Nhialic ke Mothe. 22-23Këriëëc cie nyop cït adhääp ku ateek ku maläŋ ku wëëth ku athäpiër ku nɔn ee ayööm, acolden abï nyaai në luɔi tëëk ë keek mɛɛc. Ku këriëëc däŋë ëbɛ̈n, abï acolde aa nyaai në pïïu ku kë de nyiɛɛi de cuɔl. 24Në akööl ë dhorou wek bï lupɔɔkun dhil waak, ku nyaaikï cuɔl ku jakï bɛ̈n lɔ wut.
Tëŋ de Kak ë Pec
25Acïï Bɛ̈nydït lɛ̈k Mothe an, 26“Yïn wekë Eleyadhar ku lɔ bäny ke dhiën, wek bï kuën ë kake pec ëbɛ̈n gɔ̈ɔ̈r nyïïn, ayï bäny ke akutnɔm, ku ɣɔ̈k. 27Tɛkkï ka cï peec yiic ë rou ke ke kït, biäkë ee këde remde tɔŋ, ku ye biäk këde akutnɔm ëbɛ̈n. 28Në biäk ee këde rem de tɔŋic, wek bï Bɛ̈nydït kɔn gäm biäk ee biäkde, raantök abï aa kuɛ̈ny bei në bot kadhïc thook ëbɛ̈n, ke ke ye ka gëmë Bɛ̈nydït, ku yen ee kuën nöm aya në ɣɔ̈k, ku mul, ku thök amɛ̈l, ku bɔɔth. 29Gamkï ke Eleyadhar bɛ̈ny de kake Nhialic, ke ke ye ka cï kuɛ̈ny bei juëërë ke Bɛ̈nydït. 30Ku në biäk cï gäm kɔc yic, wek bï raantök aa kuɛ̈ny bei në thiërdhïc thook ëbɛ̈n, ku yen ee kuën nöm aya në ɣɔ̈k, ku mul, ku thök amɛ̈l, ku bɔɔth. Gämkï ke Lebai kɔc ee luui ë paany de Bɛ̈nydïtic 31Go Mothe kekë Eleyadhar kë cïï Bɛ̈nydït lɛ̈k keek looi.
32-35Ka bɔ̈yë, ee kuën de kake peec rem de tɔŋ, mɛ̈tkï në ka cïk bɔ̈th röt: bot kadhetem ku thiërdhorou ku dhïc de agum 675,000 ke ke ye thök amɛ̈l ku bɔɔth, ku thiërdhorou ku rou de agum 72,000 ke ɣɔ̈k, ku thiërdhetem ku tök de agum 61,000 ke mul, ku lɔ thiërdiäk ku rou de agum 32,000 ke dhueec kën kɔn yök në röör. 36Biäk cïï rem de tɔŋ nööm, aaye bot ka diäk ku thiërdiäk ku dhorou de agum ku bot kadhïc 337,500 ke thök amɛ̈l ku bɔɔth, 37ku ka cïk luöny Bɛ̈nydït thïn ayek bot kadhetem ku thiërdhorou ku dhïc 675. 38Ku në ɣɔ̈k ke rem de tɔŋiic, thiërdiäk ku dhetem de agum 36,000 ku ka cïk luöny Bɛ̈nydït thïn ayek thiërdhorou ku rou 72. 39Ku në mul ke rem de tɔŋiic, thiërdiäk de agum ku bot kadhïc (30,500) ka cïk luöny Bɛ̈nydït thïn ayek thiërdhetem ku tök 61. 40Ku lɔ thiëër ku dhetem de agum 16,000 ke dhueec ke rem de tɔŋ kën yök në röör, ku ka cïk lɔ̈c Bɛ̈nydït thïn ayek thiërdiäk ku rou 32. 41Go Mothe ka cï kuɛ̈ny bei ke ke juëërë Bɛ̈nydït gämë Eleyadhar cït man cïï Bɛ̈nydït ë lɛ̈k keek.
42-46Biäk ee këde akutnɔm kït në kake rem de tɔŋ: ee bot kadiäk ku thiërdiäk ku dhorou de agum, ku bot kadhïc 337,500 ke thök amɛ̈l ku bɔɔth, ku aguum kathiërdiäk ku dhetem 36,000 ke ɣɔ̈k, ku aguum kathiërdiäk ku bot kadhïc 30,500 ke mul, ku lɔ aguum kathiëër ku dhetem 16,000 ke dhueec kën kɔn yök në röör. 47Në ee biäkë yic, Mothe ë raan tök bɛ̈n aa kuɛ̈ny bei në thiërdhïc thook, ku yen ee kuën nöm tëde läi, ku cït man cïï Bɛ̈nydït e lueel, gämkï ke Lebai kɔc ee luui ë paany de Bɛ̈nydïtic.
48Go bäny ke rem de tɔŋ bɛ̈n ku lëkkï Mothe an, 49“Wok cï rem kuɛ̈ɛ̈n nyïïn, ku acïn raan cuk yök ke liu. 50Ka ënɔɔnë wok bïï adhääp, ku kït guelgueel ye kaac ë käŋ thook, ku ka lɛ̈k ye cieŋ në kɔc cin, ku joth ke cin, ku guelɔ ku kɔ̈k ye cieŋ në kɔc yïth, ku guët ke yeth wään cïï raan ëbɛ̈n në wo yiic nööm. Wook, abuk ke gäm Bɛ̈nydït ke ke ye miɔ̈c teem wok röt, ke bï wo kony. 51Mothe kekë Eleyadhar acïk adhääp nööm, ke cït guöp guët ëbɛ̈n. 52Thëm de kake juɛɛrë bäny ke rem de tɔŋ, athiääk ke bot kaarou de kilɔ ke adhääp. 53Kɔc ë cie bäny, kaken acïk bɛ̈n tɔ̈u në keek. 54Ku ëtɛ̈ɛ̈n Mothe kekë Eleyadhar acïk adhääp bɛ̈n lɛɛr ë paany de mätic, ke Bɛ̈nydït ë bï kɔc ke Yithriɛl kony.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.