Mai 5

1Matkï remduön ë tɔŋic, kɔc ke Jeruthalem,#5:1: Këcïgɔ̈ɔ̈r kɔc ke rem de tɔŋ!; Acie yökic në Ɣeberuu. në luɔi cï ë wo gɛɛu cil në juöör juëc! Abïk bɛ̈ny de Yithriɛl dɔm, ku biäkkï gëm.

Nhialic Aluel këde bɛ̈n ë Bɛ̈ny në Bethleɣem

2 # Math 2:6; Jɔn 7:42. Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

3Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl. 4Ku të le yen bɛ̈n, yen ee bɛ̈nyë, abï ya tïn ë kɔcke në riɛl ë Bɛ̈nydït. Ku në dhuëëŋ de Bɛ̈nydït Nhialicde. Ku kɔcke abïk jɔ rëër ë dïu, në baŋ bï dïtde ŋic aɣët cï piny thar, 5ku abï mät bɛ̈ɛ̈i.

Luääk ku Këtuc

Të le Athiriya wo yiɛ̈n tɔŋ, ku lek ɣään riilkuɔ reet yiic, abuk keek kuɛ̈ny bänykuɔn ril arëët kadhorou, lek gɔ̈m në keek. 6#Cäk 10:8-11. Abïk Athiriya peec në riɛl, ku rumkï piny de Nimrɔt kuɛɛrëden në tɔŋ. Abïk wook luök#5:6: Këcïgɔ̈ɔ̈r keek; Ɣeberuu yen. në Athiriya të le kek akenda lïïr nɔm, ku konykï wook të le kek tɔŋ bɛ̈ɛ̈i pinyda.

7Ku kɔc lik ke Yithriɛl cï döŋ apïr, abïk aa thiɛɛi tëde kɔc juëc rëër kek në keyiic ka bïk ciët thäny ë bɔ̈ tëde Bɛ̈nydït, ku cïtkï deŋ tëde wal. Abïk röt aa kan në Bɛ̈nydït ke cie raan yen kɛn kek röt. 8Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek. 9Ka kɔc ke Yithriɛl abïk kecin aa yaak nhial, në luɔi cï kek kɔc ke ater tiaam. Ku kɔckɛn ke ater abïk keek riɔ̈ɔ̈k ëbɛ̈n taitai.

10Aye Bɛ̈nydït lueel an, “Ëtɛ̈ɛ̈n, Yɛn bï jöŋgöörkun riɔ̈ɔ̈k ee köölë, ku riääk abëëlkuön ke tɔŋ. 11Yɛn bï pɛ̈ɛ̈nydït riɔ̈ɔ̈k ëbɛ̈n pinydun, ku riäär ɣään rilkun piny ëbɛ̈n. 12Yɛn bï tïïtduön ë yiëth riɔ̈ɔ̈k, ka cïn kɔc bï käŋ bɛ aa caar. 13Yiëthkuön cäk guɛ̈ŋ röt abä keek riɔ̈ɔ̈k, ku riääk kur yaathkuön tɔ̈u në yïïk thäär. Ka cïn kë bäk bɛ aa lam, kë ë luɔikï në wecin. 14Yɛn bï yïïŋ de Acera yanhduön tik wuöth thar bei, ku riääk pɛ̈ɛ̈nydïtkun. 15Yɛn bï gɔ̈th arëët, ku guöör këdï në juöör cï ya rɛɛc ë piŋ ë thok.”

Currently Selected:

Mai 5: dip-JPB

Highlight

Copy

Compare