Math 26
26
Kiɛɛr Rɛɛc Luiyë Yecu
(Mak 14:1-2; Luk 22:1-2; Jɔn 11:45-53)
1Na wën, aacï Yecu wëlke thöl kedhie, ke yöök kɔckɛn ë piööcë an, 2#Bɛ̈n 12:1-27. “Aŋiɛckï nɔn bï Dhuëëŋ looi të cï nïn thök kaarou, Dhuëëŋ cɔl Winythok, ku Wën ë Raan abï nyiɛɛn, go piäät ë tim cï rïïu nɔm kɔ̈u.”
3Go bänydït ke ka ke Nhialic ku kɔc ë löŋ gɔ̈ɔ̈r ku röördït ë kɔc yiic, agokï guëër ë kalic kal ë bɛ̈nydïït ë kake Nhialic bɛ̈ny cɔl Kayapath, 4lek kethook mat ë luɔi bï kek Yecu dɔm ë cuëër, ku bïk nɔ̈k. 5Ku yek lueel an, “Acuku bï dɔm ëkööl ë Dhuëëŋ, ke kɔc ë ke cïï bï lɔ waawaa.”
Yecu acï Tɔc ë Bethani
(Mak 14:3-9; Jɔn 12:1-8)
6Na wën, të nu Yecu Bethani, ɣön ë Thimon raan de guöp wɛth. 7#Luk 7:37,38. Ke tik bɔ̈ tëde yen acath ke aguun cï cuëëc ë kuur cɔl alabatha, aguun deyic miök cï tuöm, ɣööcde atuc, go luööŋ ë yenɔm, të rëër en tëde cäm. 8Na wën, aacï kɔckɛn ë piööcë e tïŋ, ke ke diu piɔ̈ɔ̈th arëët, luelkï an, “Ee käŋö thiëi ë käŋ wei? 9Miökë adï cï ɣaac ë wëu juëc, ku gëm ë ke kɔc kuanynyïïn!”
10Na wën, aacï Yecu e piŋ, ke ke yöök an, “Eeŋö juöt wek tiiŋë? Acï ya luöi këpiɛth. 11#Nyöŋ 15:11. We bï dɛ kɔc kuanynyïïn ë weyiic ecaŋdun, ku yɛn cïï bï tɔ̈u ë weyiic anandï. 12Kë luuŋ en miök ë yaguöp, ee këde täu bï a tɔ̈ɔ̈u, yen a looi en en. 13Wek yɔ̈ɔ̈k ëyic an, “Baai ëbɛ̈n të bï wëlpiɛthkë aa guiir thïn ë piny nɔm ëbɛ̈n, ayï kënë aya kë cïï tiiŋë looi abï lueel në täŋ bï kɔc këde aa tak.”
Judath Acï Gam ë Luɔi Bïï Yen Yecu Nyiɛɛn
(Mak 14:10-11; Luk 22:3-6)
14Na wën, ke raan töŋ ë kɔc kathiëër ku rou jël, raan cɔl Jadath Yithkariɔt, le tëde bänydït ke ka ke Nhialic, 15#Dhek 11:12. le ku thiëëc keek an, “Bäk a gäm ŋö ke bä lɔ nyiën week?” Gokï wëu giim në yen ëtök, riët kathiërdiäk. 16Na wën, ëkööl manë guöp, ke jɔ kööl piɛth kɔɔr, kööl bï en e nyiɛɛn.
Yecu Acam Këcam de Winythok kekë Kɔckɛn ë Piööcë
(Mak 14:12-21; Luk 22:7-13,21-23; Jɔn 13:21-30)
17Na wën, ëkööl tueŋ ë akööl ke Dhuëëŋ de Kuïn Cïnic Luɔu, ke kɔcpiööcë ë ke bɔ̈ tëde Yecu, bïk ku thiëckï an, “Ee tënou nu ë yïpiɔ̈u të bï wo käŋ guik, të bï yïn Winythok cam thïn?”
18Go lueel an, “Lakï pänydït të nu ŋadï, ku jakï yɔ̈ɔ̈k an, “Acï Bɛ̈ny ë wëët lueel an, ‘Kööldï ë guɔ thiɔ̈k, yɛn bï Winythok lɔ looi ɣöndu wokë kɔckiën ë piööcë.”’
19Go kɔcpiööcë lɔ looi acït man cï Yecu ye lɛ̈k keek, gokï Winythok guiir.
20Na ɣɔn thëën, ke nyuc tëde cäm kekë kɔckɛn piööcë kathiëër ku rou. 21Na wën, ciëm kek, ke lueel an, “Wek yɔ̈ɔ̈k ëyic an, raan tök ë weyiic abï a nyiɛɛn.”
22Gokï piɔ̈ɔ̈th dhiau arëët, ku jɔkï Bɛ̈nydït thiëëc raan ëbɛ̈n, ë ŋɛk an, “Ee yɛn, Bɛ̈nydït?”
23 #
Diɛt 41:9. Go puk nɔm an, “Raan gëm kekë yɛn ëtök ë aduökic, yen guöp yen abï a nyiɛɛn. 24Wën ë Raan alɔ, cït man cï e gɔ̈ɔ̈r ë këde, ku amawoou në raan bï Wën ë Raan nyiɛɛn! Aduëër ŋuɛ̈ɛ̈n tëde yen, të kënë ye dhiëëth, en ëraanë!”
25Na wën, ke Judath, raan ë nyiin en, ke thiëëc an, “Ee yɛn, Rabi?”
Go Yecu bɛ̈ɛ̈r an, “Ye ka, cï lueelë.”
Këcam Thëën de Bɛ̈nydït
(Mak 14:22-26; Luk 22:14-20; 1 Kor 11:23-25)
26Na wën, aa ciëmkï, ke Yecu ë kuany kuïn cï pam, go thieei, ku wɛ̈ɛ̈kic, ku yïn kɔcpiööcë, lueel an, “Nämkï, camkï, guöpdï kï.”
27Go bïny nööm, ku thieei, ku jɔ yiɛ̈n keek, lueel an, “Dɛ̈kkï wedhie ë yen, 28#Bɛ̈n 24:8; Jer 31:31-34. riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai. 29Wek yɔ̈ɔ̈k ëyic, Yɛn cïï bï bɛ dek në mïth ke enapkë, aɣët të bï akööl bɛ̈n, akööl bän dëŋde bɛ gɔl wokë week ëtök ë ciɛɛŋ de wääric.”
30Na wën, aa cïk din ë Nhialic kiit, ke ke lɔ biic lekkï kuur ë Olip.
Yecu Acaar Jai de Petero
(Mak 14:27-31; Luk 22:31-34; Jɔn 13:36-38)
31 #
Dhek 13:7. Go Yecu ke yɔ̈ɔ̈k an, “We bï nïïm mum wedhie ë baŋdï ëlë wakɔ̈u, acï gɔ̈ɔ̈r an, ‘Yɛn bï raan ë tïït yup, go luny ë thök thiëi roor.’ 32Ku na miäk, të cän rɔt bɛ jɔt, ke yɛn bï kɔn lɔ tueŋ ë week Galili.”
33Go Petero puk nɔm, lueel an, “Na cak kɔc nïïm mum kedhie në baŋdu, ke yɛn cïï nɔm bï mum anandï!”
34Go Yecu lɛ̈k en an, “Yïn yɔ̈ɔ̈k ëyic an, ëlë wakɔ̈u guöp, të ŋoot ajïth ke kën kïïu, ke yïn bï a jai ë taiwei raandiäk.”
35Go Petero lueel an, “Na ya cak dhil thou wokë yïn ëtök, ke yïn cä bï jai ë taiwei!”
Ku yen aa lueel kɔcpiööcë kɔ̈kkë kedhie ayadäŋ.
Yecu Aläŋ ë Gethemane
(Mak 14:32-42; Luk 22:39-46)
36Na wën, ke Yecu bɔ̈ të cɔl Gethemane kekë keek ëtök, ku yöök kɔcpiööcë an, “Yɔ̈kkï ë we rɛ̈ɛ̈r ee tënë, yɛn lɔ lɔ̈ŋ ëtɛ̈ɛ̈n.” 37Go Petero nööm kekë wɛ̈ɛ̈t ke Dhebedayo kaarou, ku jɔ piɔ̈u dhiau abï piɔ̈u jiɛth arëët. 38Go keek yɔ̈ɔ̈k an, “Yɛn dhiau piɔ̈u arëët, aɣët të bän thou, rɛ̈ɛ̈rkï eenë, ku yiɛ̈nkï në yɛn ëtök.”
39Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”
40Go bɛ̈n të nu kɔcpiööcë, ku yök keek a nin, go Petero thiëëc an, “Ee käŋö cäkï thaar tök duëër lëu në yïn në yɛn ëtök? 41Yiɛ̈nkï ku läŋkï, ke we cïï bï lɔ ë thëmic, wëi aye lɔ thïn ëyic, ku ye guöp en akɔ̈c.”
42Go bɛ jäl raanrou, le lɔ̈ŋ an, “Wäär, na cïï ee bïnyë dhal ë luɔi bï en a waan, të kɛ̈n ɛn kɔn dek ë ye, ke yï tɔ këde piɔ̈ndu loi.” 43Go bɛ̈n ku be ke yök anin, acïï nïn ke nɔ̈k.
44Go ke nyääŋ piny, ku be jäl, le lɔ̈ŋ raandiäk, ku jiɛɛm ë jam awën. 45Na wën, ke bɔ̈ të nu kɔckɛn ë piööcë, bï ku yöök keek an, “Yɔ̈kkï ë we nin tëthiinakäŋ, abäk lɔ̈ŋ, tiëŋkï! Thaar ë guɔ thiɔ̈k, ke Wën ë Raan ë nyiinë ku yïnë kɔc ë kërac looi. 46Jatkï röt, lokku, raan nyiin ɛn kï, acï ɣëët!”
Döm de Yecu
(Mak 14:43-50; Luk 22:47-53; Jɔn 18:3-12)
47Na wën, të ŋoot en ke jam, dï, ke Judath bɔ̈, ee raan töŋ de kɔc kathiëër ku rou, ku bɔ̈ kut dïït ë kɔc në yen ëtök, amukkï abätɛ̈ɛ̈u ku thieec, abïkï tëde bänydït ke ka ke Nhialic ku röördït ë kɔc yiic. 48Na wën, ke raan wën bï e nyiɛɛn, ke gëm keek kïn bï kek e ŋic, lueel an, “Raan bä ciim, ka ee yen guöp, cök ë dam wek en.”
49Go bɛ̈n tëde Yecu ënɔnthiinë, bï ku lueel an, “Thieithieei ë yïn, Rabi,” go ciim arëët.
50Go Yecu yɔ̈ɔ̈k an, “Mäth, loi kën ë bïï yïn.”#26:50: Dap lui ë biäkde mäth! Nɔn Eeŋö loi eenë, mäth?
Na wën, ke ke bɔ̈, bïk ku pɛ̈ɛ̈rkï Yecu ë döm. 51Na wën, ke raan töŋ de kɔc cath në Yecu, ke riny ecin, wëëth abätäude bei, go lïm tök yup, lïm de bɛ̈nydïït ë kake Nhialic, kip yïc wei. 52Go Yecu yɔ̈ɔ̈k an, “Pɔ̈kë abätäudu tëde, kɔc kedhie kɔc ë abätäu nööm abïk thou në abätäu. 53Ë ye lueel ë yïpiɔ̈u nɔn cän Wäär duëër lëu ë lɔ̈ŋ ënɔɔnë, ku bï ɛn gäm rɛm ke tuucnhial wär thiëër ku rou? 54Ku kacïgɔ̈ɔ̈r duëërkï aa yith adï, kë luel en an, bï käŋ dhil nu aya?”
55 #
Luk 19:47; 21:37. Ee thaar manë guöp, ke Yecu yöök kuut ke kɔc, an, “Ë we bɔ̈ biic cït man ë ka yïn raan tɔŋ, raan ë käŋ rum, ke we muk abätɛ̈ɛ̈u ku thieec, bäk a bɛ̈n dɔm? Ë aköölnyïïn kedhie yɛn ë rëër wo week ëtök Luaŋdït, ke ya wɛ̈ɛ̈t, ku wek kën a dɔm. 56Ku kakë acïk tïc kedhie, luɔi bï kacïgɔ̈ɔ̈r aa yith, ka ke tït.”
Na wën, ke nyiëëŋ ë kɔcpiööcë piny kedhie, ku kɔtkï.
Yecu Anu në Akut Nɔm
(Mak 14:53-65; Luk 22:54-55,63-71; Jɔn 18:13-14,19-24)
57Na wën, ke kɔc wën dɔm Yecu, ke thelkï leerkï të nu Kayapath, bɛ̈nydïït ë kake Nhialic, të cï kɔc ë löŋ gɔ̈ɔ̈r guëër thïn ayï röördït. 58Go Petero kuany cök tëmec aɣëët en kaldïït ë bɛ̈nydïït ë kake Nhialic, ku le thïn, le nyuc kekë kɔc cath ë bɛ̈ny cök, ke bï thök bï jam thök bɛ̈n tïŋ. 59Na wën, ke bänydït ke ka ke Nhialic ku röördït ku kɔc nu ë löŋic kedhie, ke ke kɔɔr cäätɔɔ aluɛth an, bïk Yecu cäk thok, ke bï nɔ̈k, 60ku acïn kë cïk yök, ciɛk an, de cäätɔɔ juëc cï bɛ̈n, ka yek aluɛth, acïn kë cïk yök. Na wën, ke cäätɔɔ aluɛth ë ke jɔ bɛ̈n kaarou ciëën, 61#Jɔn 2:19. bïk ku luelkï an, “Acï mɛnhë lueel an, ‘Yɛn cath wo riɛl duɛ̈ɛ̈r ɛn Luaŋdït jäp piny, ku be yïk ë nïn kadiäk.”’
62Go bɛ̈nydïït ë kake Nhialic rɔt jɔt, ku lueel an, “Cïn kë bɛ̈ɛ̈rë? Eeŋö ee kë jiëëny ë cäätɔɔkë yïn?” 63Go Yecu mim. Na wën, ke lueel bɛ̈nydïït ë kake Nhialic an, “Yïn ta luel gutguut në rin ke Nhialic pïïr, lɛ̈kë wook nɔn ee yïn Kërtho guöp, Wën ë Nhialic.”
64 #
Dan 7:13. Go Yecu lueel an, “Acï tiiŋic, ku wek yɔ̈ɔ̈k aya an, Ëkööl wadäŋ, ke we bï Wën ë Raan tïŋ arɛ̈ɛ̈r ë baŋ cuëny de Riɛldït, ku bïï ë luäät nïïm luäät nhial!”
65 #
Leb 24:16. Na wën, ke bɛ̈nydïït ë kake Nhialic ke ret lupɔɔke yiic, ku lueel an, “Acï Nhialic lat! Eeŋö däŋ köörku cäätɔɔ kɔ̈k! Tiëŋkï, wek cï lɛ̈tde piŋ, lɛ̈t lɛ̈ɛ̈t en Nhialic! 66Luɛlkï wäkdiaa?”
Gokï bɛ̈ɛ̈r an, “Acï wäc, arɔ̈ŋ ke thuɔɔu.”
67 #
Yith 50:6. Gokï ŋuööt nyin, ku guutkï ë kecin, ku mɛŋ kɔc kɔ̈k ë kecin, 68ku luelkï an, “Cäär ë wonïïm, yïn Kërtho! Eeŋa ë biäk yïn!”
Petero Ajiɛi Yecu
(Mak 14:66-72; Luk 22:56-62; Jɔn 18:15-18,25-27)
69Ku rɛ̈ɛ̈r Petero biic ë kaldïtic, go nyan lïm tök bɛ̈n tëde yen, bï ku lueel an, “Yïn aya, yïn aa nu wekë Yecu de Galili.”
70Go jai ë kɔc nïïm kedhie an, “Akuöc yen kë luel.” 71Na wën, aacï lɔ biic le ë kät thar, ke tïŋ nyan lïm däŋ, go lɛ̈k kɔc nu ëtɛ̈ɛ̈n an, “Yen ee raanë aa nu kekë Yecu de Nadhareth ayadäŋ.”
72Go bɛ jai ke luel gutguut an, “Raanë akuöc.”
73Na wën, ee tëthiinë, ke kɔc kääc ëtɛ̈ɛ̈n ke ke bɔ̈ tëde Petero, bïk ku luelkï, an, “Ee yic, yïn ee raan töŋde aya, yïn cïï thoŋdu nyuɔɔth!”
74Go mël jɔ cam, ku jɔ kuëëŋ an, “Raanë akuöc!”
Na wën, ke ajïth ë kiiu ënɔnthiinë, 75go Petero jam de Yecu tak, jam wën cï lueel an, “Të ŋoot ajïth ke kën kiiu, ke yïn bï a jai ëtaitai raandiäk.” Go lɔ biic, le dhiau ë dhiën tuc.
Currently Selected:
Math 26: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Math 26
26
Kiɛɛr Rɛɛc Luiyë Yecu
(Mak 14:1-2; Luk 22:1-2; Jɔn 11:45-53)
1Na wën, aacï Yecu wëlke thöl kedhie, ke yöök kɔckɛn ë piööcë an, 2#Bɛ̈n 12:1-27. “Aŋiɛckï nɔn bï Dhuëëŋ looi të cï nïn thök kaarou, Dhuëëŋ cɔl Winythok, ku Wën ë Raan abï nyiɛɛn, go piäät ë tim cï rïïu nɔm kɔ̈u.”
3Go bänydït ke ka ke Nhialic ku kɔc ë löŋ gɔ̈ɔ̈r ku röördït ë kɔc yiic, agokï guëër ë kalic kal ë bɛ̈nydïït ë kake Nhialic bɛ̈ny cɔl Kayapath, 4lek kethook mat ë luɔi bï kek Yecu dɔm ë cuëër, ku bïk nɔ̈k. 5Ku yek lueel an, “Acuku bï dɔm ëkööl ë Dhuëëŋ, ke kɔc ë ke cïï bï lɔ waawaa.”
Yecu acï Tɔc ë Bethani
(Mak 14:3-9; Jɔn 12:1-8)
6Na wën, të nu Yecu Bethani, ɣön ë Thimon raan de guöp wɛth. 7#Luk 7:37,38. Ke tik bɔ̈ tëde yen acath ke aguun cï cuëëc ë kuur cɔl alabatha, aguun deyic miök cï tuöm, ɣööcde atuc, go luööŋ ë yenɔm, të rëër en tëde cäm. 8Na wën, aacï kɔckɛn ë piööcë e tïŋ, ke ke diu piɔ̈ɔ̈th arëët, luelkï an, “Ee käŋö thiëi ë käŋ wei? 9Miökë adï cï ɣaac ë wëu juëc, ku gëm ë ke kɔc kuanynyïïn!”
10Na wën, aacï Yecu e piŋ, ke ke yöök an, “Eeŋö juöt wek tiiŋë? Acï ya luöi këpiɛth. 11#Nyöŋ 15:11. We bï dɛ kɔc kuanynyïïn ë weyiic ecaŋdun, ku yɛn cïï bï tɔ̈u ë weyiic anandï. 12Kë luuŋ en miök ë yaguöp, ee këde täu bï a tɔ̈ɔ̈u, yen a looi en en. 13Wek yɔ̈ɔ̈k ëyic an, “Baai ëbɛ̈n të bï wëlpiɛthkë aa guiir thïn ë piny nɔm ëbɛ̈n, ayï kënë aya kë cïï tiiŋë looi abï lueel në täŋ bï kɔc këde aa tak.”
Judath Acï Gam ë Luɔi Bïï Yen Yecu Nyiɛɛn
(Mak 14:10-11; Luk 22:3-6)
14Na wën, ke raan töŋ ë kɔc kathiëër ku rou jël, raan cɔl Jadath Yithkariɔt, le tëde bänydït ke ka ke Nhialic, 15#Dhek 11:12. le ku thiëëc keek an, “Bäk a gäm ŋö ke bä lɔ nyiën week?” Gokï wëu giim në yen ëtök, riët kathiërdiäk. 16Na wën, ëkööl manë guöp, ke jɔ kööl piɛth kɔɔr, kööl bï en e nyiɛɛn.
Yecu Acam Këcam de Winythok kekë Kɔckɛn ë Piööcë
(Mak 14:12-21; Luk 22:7-13,21-23; Jɔn 13:21-30)
17Na wën, ëkööl tueŋ ë akööl ke Dhuëëŋ de Kuïn Cïnic Luɔu, ke kɔcpiööcë ë ke bɔ̈ tëde Yecu, bïk ku thiëckï an, “Ee tënou nu ë yïpiɔ̈u të bï wo käŋ guik, të bï yïn Winythok cam thïn?”
18Go lueel an, “Lakï pänydït të nu ŋadï, ku jakï yɔ̈ɔ̈k an, “Acï Bɛ̈ny ë wëët lueel an, ‘Kööldï ë guɔ thiɔ̈k, yɛn bï Winythok lɔ looi ɣöndu wokë kɔckiën ë piööcë.”’
19Go kɔcpiööcë lɔ looi acït man cï Yecu ye lɛ̈k keek, gokï Winythok guiir.
20Na ɣɔn thëën, ke nyuc tëde cäm kekë kɔckɛn piööcë kathiëër ku rou. 21Na wën, ciëm kek, ke lueel an, “Wek yɔ̈ɔ̈k ëyic an, raan tök ë weyiic abï a nyiɛɛn.”
22Gokï piɔ̈ɔ̈th dhiau arëët, ku jɔkï Bɛ̈nydït thiëëc raan ëbɛ̈n, ë ŋɛk an, “Ee yɛn, Bɛ̈nydït?”
23 #
Diɛt 41:9. Go puk nɔm an, “Raan gëm kekë yɛn ëtök ë aduökic, yen guöp yen abï a nyiɛɛn. 24Wën ë Raan alɔ, cït man cï e gɔ̈ɔ̈r ë këde, ku amawoou në raan bï Wën ë Raan nyiɛɛn! Aduëër ŋuɛ̈ɛ̈n tëde yen, të kënë ye dhiëëth, en ëraanë!”
25Na wën, ke Judath, raan ë nyiin en, ke thiëëc an, “Ee yɛn, Rabi?”
Go Yecu bɛ̈ɛ̈r an, “Ye ka, cï lueelë.”
Këcam Thëën de Bɛ̈nydït
(Mak 14:22-26; Luk 22:14-20; 1 Kor 11:23-25)
26Na wën, aa ciëmkï, ke Yecu ë kuany kuïn cï pam, go thieei, ku wɛ̈ɛ̈kic, ku yïn kɔcpiööcë, lueel an, “Nämkï, camkï, guöpdï kï.”
27Go bïny nööm, ku thieei, ku jɔ yiɛ̈n keek, lueel an, “Dɛ̈kkï wedhie ë yen, 28#Bɛ̈n 24:8; Jer 31:31-34. riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai. 29Wek yɔ̈ɔ̈k ëyic, Yɛn cïï bï bɛ dek në mïth ke enapkë, aɣët të bï akööl bɛ̈n, akööl bän dëŋde bɛ gɔl wokë week ëtök ë ciɛɛŋ de wääric.”
30Na wën, aa cïk din ë Nhialic kiit, ke ke lɔ biic lekkï kuur ë Olip.
Yecu Acaar Jai de Petero
(Mak 14:27-31; Luk 22:31-34; Jɔn 13:36-38)
31 #
Dhek 13:7. Go Yecu ke yɔ̈ɔ̈k an, “We bï nïïm mum wedhie ë baŋdï ëlë wakɔ̈u, acï gɔ̈ɔ̈r an, ‘Yɛn bï raan ë tïït yup, go luny ë thök thiëi roor.’ 32Ku na miäk, të cän rɔt bɛ jɔt, ke yɛn bï kɔn lɔ tueŋ ë week Galili.”
33Go Petero puk nɔm, lueel an, “Na cak kɔc nïïm mum kedhie në baŋdu, ke yɛn cïï nɔm bï mum anandï!”
34Go Yecu lɛ̈k en an, “Yïn yɔ̈ɔ̈k ëyic an, ëlë wakɔ̈u guöp, të ŋoot ajïth ke kën kïïu, ke yïn bï a jai ë taiwei raandiäk.”
35Go Petero lueel an, “Na ya cak dhil thou wokë yïn ëtök, ke yïn cä bï jai ë taiwei!”
Ku yen aa lueel kɔcpiööcë kɔ̈kkë kedhie ayadäŋ.
Yecu Aläŋ ë Gethemane
(Mak 14:32-42; Luk 22:39-46)
36Na wën, ke Yecu bɔ̈ të cɔl Gethemane kekë keek ëtök, ku yöök kɔcpiööcë an, “Yɔ̈kkï ë we rɛ̈ɛ̈r ee tënë, yɛn lɔ lɔ̈ŋ ëtɛ̈ɛ̈n.” 37Go Petero nööm kekë wɛ̈ɛ̈t ke Dhebedayo kaarou, ku jɔ piɔ̈u dhiau abï piɔ̈u jiɛth arëët. 38Go keek yɔ̈ɔ̈k an, “Yɛn dhiau piɔ̈u arëët, aɣët të bän thou, rɛ̈ɛ̈rkï eenë, ku yiɛ̈nkï në yɛn ëtök.”
39Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”
40Go bɛ̈n të nu kɔcpiööcë, ku yök keek a nin, go Petero thiëëc an, “Ee käŋö cäkï thaar tök duëër lëu në yïn në yɛn ëtök? 41Yiɛ̈nkï ku läŋkï, ke we cïï bï lɔ ë thëmic, wëi aye lɔ thïn ëyic, ku ye guöp en akɔ̈c.”
42Go bɛ jäl raanrou, le lɔ̈ŋ an, “Wäär, na cïï ee bïnyë dhal ë luɔi bï en a waan, të kɛ̈n ɛn kɔn dek ë ye, ke yï tɔ këde piɔ̈ndu loi.” 43Go bɛ̈n ku be ke yök anin, acïï nïn ke nɔ̈k.
44Go ke nyääŋ piny, ku be jäl, le lɔ̈ŋ raandiäk, ku jiɛɛm ë jam awën. 45Na wën, ke bɔ̈ të nu kɔckɛn ë piööcë, bï ku yöök keek an, “Yɔ̈kkï ë we nin tëthiinakäŋ, abäk lɔ̈ŋ, tiëŋkï! Thaar ë guɔ thiɔ̈k, ke Wën ë Raan ë nyiinë ku yïnë kɔc ë kërac looi. 46Jatkï röt, lokku, raan nyiin ɛn kï, acï ɣëët!”
Döm de Yecu
(Mak 14:43-50; Luk 22:47-53; Jɔn 18:3-12)
47Na wën, të ŋoot en ke jam, dï, ke Judath bɔ̈, ee raan töŋ de kɔc kathiëër ku rou, ku bɔ̈ kut dïït ë kɔc në yen ëtök, amukkï abätɛ̈ɛ̈u ku thieec, abïkï tëde bänydït ke ka ke Nhialic ku röördït ë kɔc yiic. 48Na wën, ke raan wën bï e nyiɛɛn, ke gëm keek kïn bï kek e ŋic, lueel an, “Raan bä ciim, ka ee yen guöp, cök ë dam wek en.”
49Go bɛ̈n tëde Yecu ënɔnthiinë, bï ku lueel an, “Thieithieei ë yïn, Rabi,” go ciim arëët.
50Go Yecu yɔ̈ɔ̈k an, “Mäth, loi kën ë bïï yïn.”#26:50: Dap lui ë biäkde mäth! Nɔn Eeŋö loi eenë, mäth?
Na wën, ke ke bɔ̈, bïk ku pɛ̈ɛ̈rkï Yecu ë döm. 51Na wën, ke raan töŋ de kɔc cath në Yecu, ke riny ecin, wëëth abätäude bei, go lïm tök yup, lïm de bɛ̈nydïït ë kake Nhialic, kip yïc wei. 52Go Yecu yɔ̈ɔ̈k an, “Pɔ̈kë abätäudu tëde, kɔc kedhie kɔc ë abätäu nööm abïk thou në abätäu. 53Ë ye lueel ë yïpiɔ̈u nɔn cän Wäär duëër lëu ë lɔ̈ŋ ënɔɔnë, ku bï ɛn gäm rɛm ke tuucnhial wär thiëër ku rou? 54Ku kacïgɔ̈ɔ̈r duëërkï aa yith adï, kë luel en an, bï käŋ dhil nu aya?”
55 #
Luk 19:47; 21:37. Ee thaar manë guöp, ke Yecu yöök kuut ke kɔc, an, “Ë we bɔ̈ biic cït man ë ka yïn raan tɔŋ, raan ë käŋ rum, ke we muk abätɛ̈ɛ̈u ku thieec, bäk a bɛ̈n dɔm? Ë aköölnyïïn kedhie yɛn ë rëër wo week ëtök Luaŋdït, ke ya wɛ̈ɛ̈t, ku wek kën a dɔm. 56Ku kakë acïk tïc kedhie, luɔi bï kacïgɔ̈ɔ̈r aa yith, ka ke tït.”
Na wën, ke nyiëëŋ ë kɔcpiööcë piny kedhie, ku kɔtkï.
Yecu Anu në Akut Nɔm
(Mak 14:53-65; Luk 22:54-55,63-71; Jɔn 18:13-14,19-24)
57Na wën, ke kɔc wën dɔm Yecu, ke thelkï leerkï të nu Kayapath, bɛ̈nydïït ë kake Nhialic, të cï kɔc ë löŋ gɔ̈ɔ̈r guëër thïn ayï röördït. 58Go Petero kuany cök tëmec aɣëët en kaldïït ë bɛ̈nydïït ë kake Nhialic, ku le thïn, le nyuc kekë kɔc cath ë bɛ̈ny cök, ke bï thök bï jam thök bɛ̈n tïŋ. 59Na wën, ke bänydït ke ka ke Nhialic ku röördït ku kɔc nu ë löŋic kedhie, ke ke kɔɔr cäätɔɔ aluɛth an, bïk Yecu cäk thok, ke bï nɔ̈k, 60ku acïn kë cïk yök, ciɛk an, de cäätɔɔ juëc cï bɛ̈n, ka yek aluɛth, acïn kë cïk yök. Na wën, ke cäätɔɔ aluɛth ë ke jɔ bɛ̈n kaarou ciëën, 61#Jɔn 2:19. bïk ku luelkï an, “Acï mɛnhë lueel an, ‘Yɛn cath wo riɛl duɛ̈ɛ̈r ɛn Luaŋdït jäp piny, ku be yïk ë nïn kadiäk.”’
62Go bɛ̈nydïït ë kake Nhialic rɔt jɔt, ku lueel an, “Cïn kë bɛ̈ɛ̈rë? Eeŋö ee kë jiëëny ë cäätɔɔkë yïn?” 63Go Yecu mim. Na wën, ke lueel bɛ̈nydïït ë kake Nhialic an, “Yïn ta luel gutguut në rin ke Nhialic pïïr, lɛ̈kë wook nɔn ee yïn Kërtho guöp, Wën ë Nhialic.”
64 #
Dan 7:13. Go Yecu lueel an, “Acï tiiŋic, ku wek yɔ̈ɔ̈k aya an, Ëkööl wadäŋ, ke we bï Wën ë Raan tïŋ arɛ̈ɛ̈r ë baŋ cuëny de Riɛldït, ku bïï ë luäät nïïm luäät nhial!”
65 #
Leb 24:16. Na wën, ke bɛ̈nydïït ë kake Nhialic ke ret lupɔɔke yiic, ku lueel an, “Acï Nhialic lat! Eeŋö däŋ köörku cäätɔɔ kɔ̈k! Tiëŋkï, wek cï lɛ̈tde piŋ, lɛ̈t lɛ̈ɛ̈t en Nhialic! 66Luɛlkï wäkdiaa?”
Gokï bɛ̈ɛ̈r an, “Acï wäc, arɔ̈ŋ ke thuɔɔu.”
67 #
Yith 50:6. Gokï ŋuööt nyin, ku guutkï ë kecin, ku mɛŋ kɔc kɔ̈k ë kecin, 68ku luelkï an, “Cäär ë wonïïm, yïn Kërtho! Eeŋa ë biäk yïn!”
Petero Ajiɛi Yecu
(Mak 14:66-72; Luk 22:56-62; Jɔn 18:15-18,25-27)
69Ku rɛ̈ɛ̈r Petero biic ë kaldïtic, go nyan lïm tök bɛ̈n tëde yen, bï ku lueel an, “Yïn aya, yïn aa nu wekë Yecu de Galili.”
70Go jai ë kɔc nïïm kedhie an, “Akuöc yen kë luel.” 71Na wën, aacï lɔ biic le ë kät thar, ke tïŋ nyan lïm däŋ, go lɛ̈k kɔc nu ëtɛ̈ɛ̈n an, “Yen ee raanë aa nu kekë Yecu de Nadhareth ayadäŋ.”
72Go bɛ jai ke luel gutguut an, “Raanë akuöc.”
73Na wën, ee tëthiinë, ke kɔc kääc ëtɛ̈ɛ̈n ke ke bɔ̈ tëde Petero, bïk ku luelkï, an, “Ee yic, yïn ee raan töŋde aya, yïn cïï thoŋdu nyuɔɔth!”
74Go mël jɔ cam, ku jɔ kuëëŋ an, “Raanë akuöc!”
Na wën, ke ajïth ë kiiu ënɔnthiinë, 75go Petero jam de Yecu tak, jam wën cï lueel an, “Të ŋoot ajïth ke kën kiiu, ke yïn bï a jai ëtaitai raandiäk.” Go lɔ biic, le dhiau ë dhiën tuc.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.