Math 15
15
Wɛ̈ɛ̈t de Kɔc Thɛɛr
(Mak 7:1-13)
1Na wën, ke Parithai kekë kɔc ee löŋ gɔ̈ɔ̈r ë ke bɔ̈ të nu Yecu ë Jeruthalem, bïkkï ku thiëckï, an, 2“Eeŋö ye kɔckuön ë piööcë löŋ dhɔ̈ŋic, löŋ cï yiɛ̈n wook ë röördït? Acïkï kecin ee piny, të ciɛm kek kuïn!”
3Go pɔ̈k nɔm keek, an, “Ku week, eeŋö ya wek löŋ de Nhialic dhɔ̈ŋic aya në löŋduön thɛɛr? 4#Bɛ̈n 20:12; Nyöŋ 5:16; Bɛ̈n 21:17; Leb 20:9. Acï Nhialic lueel an, “Ye wuur riëëu kekë moor, ku an, ‘Raan ë jam rac lueel ë këde wun ayï man, në thou ë thonde.’ 5Ku week ayak lueel an, ‘Raan yöök wun ayï man an, kën adï cï yök tëde yɛn, acä gäm Nhialic,’ 6ka cïn kë cï wööc, të cïï en wun ee riëëu ayï man.#15:6: wuönden; gäär däŋ ade yic wun ayï man. Yen acä wek jam ë Nhialic tɔ ye ɣɔ̈ric në löŋduön thɛɛr. 7Wek kɔc de yäc aguk, ee yic ee kë lueel Yithaya në këdun an,
8 #
Yith 29:13 (LXX). “Jurë ee rɔt cuöt tëthiɔ̈k ke yɛn në keliëp, ku yek a riëëu ë kethook,
Ku piɔ̈nden amec kek yɛn.
9Läm lɛm kek ɛn ee këɣɔ̈ric tei,
Na wëët ee kek kɔc wɛ̈ɛ̈t ë lööŋ ke kɔc tei.
Kake ee Raan tɔ Rac
(Mak 7:14-23)
10Na wën, acï kut ë kɔc cɔɔl, ke yöök keek, an, “Piɛŋkï, a bäk yök ë wepiɔ̈ɔ̈th, 11an, kë ye lɔ ë raan thok acie yen ee raan tɔ rac, ee kë ye bɛ̈n bei ë raan thok, yen aye raan tɔ rac.”
12Go kɔckɛn ë piööcë bɛ̈n të nu yen, bïk ku yöökkï an, “Ŋic nɔn cï Parithai piɔ̈ɔ̈th diu, wën cï kek jamë piŋ?”
13Go bɛ̈ɛ̈r an, “Wäl ëbɛ̈n wɛ̈ɛ̈l kënë piith ë wäär nu paannhial abï wöth bei kekë meeide. 14#Luk 6:39. Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”
15Go Petero bɛ̈ɛ̈r an, “Wɛ̈ɛ̈rë wook kääŋë thar.”
16Go Yecu lueel an, “Ŋuɔɔtkï ke we cïï käŋ ŋic ayadäŋ? 17Ŋuɔɔtkï ë we kuc cöökë an, “Këdäŋ ëbɛ̈n ke lɔ ë raan thok ë jɔ lɔ yiëëc, ke jɔ cuat biic. 18#Math 12:34. Ku ka bɔ̈ bei ë raan thok ayek bɛ̈n bei ë raan piɔ̈u, ku keek aye raan tɔ rac. 19Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac. 20Kak ee raan tɔ rac ka, ku cäm ciëmë raan ke kën e cin piny, acïï yen ee tɔ rac.”
Gäm de Tik
(Mak 7:24-30)
21Go Yecu jäl ëtɛ̈ɛ̈n, le piny biäk de Tayer kekë Thidon. 22Na wën, ke tik bɔ̈ ë piny biäkë, tiiŋ de Kanaan, bï ku cööt an, “Tɔ yïpiɔ̈u kok we yɛn, Bɛ̈nydït, Yïn Wën ë Debid, nyandï acïï jɔŋ rac dɔmë döm rac.”
23Ku acïn kë cï bɛ̈ɛ̈r, acakaa jam tök aliu. Go kɔckɛn ë piööcë bɛ̈n ku läŋkï an, “Ciec, akuany wocök ke cöt!” 24Go bɛ̈ɛ̈r an, “Yɛn aa cïï tucë kɔc kɔ̈k, yɛn a tucë amɛ̈l cï määr amɛ̈l ke baai de Yithriɛl tei, keek kapäc.”
25Na wën, ke tik bɔ̈ ku lɛm an, “Bɛ̈nydït, kony ɛn.”
26Go bɛ̈ɛ̈r an, “Acïï piɛth të nööm wok kuïn ë mïth, ku dënyku jɔ̈k.”
27Go lueel an, “Ee yic, Bɛ̈nydït, ku jɔ̈k ayek cam në kak athueithuei cï lööny piny të ye bänyken cam thïn.”
28Go Yecu puk nɔm an, “Yïn ë tiiŋë, gämdu adït, yïn cï këde piɔ̈ndu yök.” Go nyande guöp waar ë thaar manë guöp.
Yecu Atɔ Kɔc Juëc Dem
29Go Yecu jäl ëtɛ̈ɛ̈n, le tëthiɔ̈k ke Baar ë Galili, go lɔ ë kuurdït nɔm, le ku le nyuc piny ëtɛ̈ɛ̈n. 30Go kuut dït ke kɔc bɛ̈n të nu yɛn, aciɛthkï në aduɛɛny, ku cöör, ku mïŋ, ku ŋöl, ku kɔc juëc kɔ̈k, agokï ke tääu piny ë Yecu cök, go ke tɔ dem, 31arëk abï kut ë kɔc gäi, të cï kek mïŋ tïŋ ajamkï, ku tïŋkï ŋöl acïk piath, ku aduɛɛny aciɛthkï, ku cöör adɛɛikï gokï Nhialic de Yithriɛl leec.
Yecu Aciëëm Kuutdïït ë Kɔc Kɔ̈k
32Go Yecu kɔckɛn ë piööcë cɔɔl, ku lueel an, “Yɛn ë piɔ̈u kok wokë kut ë kɔc, ë luɔi cï kek tɔ̈u në yɛn ënɔɔnë ë nïn kadiäk, ku acïn kë cïk cam, ku luɔi bän keek tɔ jël ë cɔk aliu ë yapiɔ̈u, ke ke cïï cɔk bï tiaam kueer.”
33Go kɔcpiööcë thiëëc an, “Buk kuïn dït yök tënou ë jɔ̈ɔ̈ric, kuïn bï kut dïït pëk ëtɛ̈ɛ̈n tɔ kueth?”
34Go Yecu ke thiëëc an, “Ee kuïïn cï pam kadï kek cath në week?” Gokï bɛ̈ɛ̈r an,
“Ayek dhorou, ku rec thii töktöök.”
35Go Yecu kut ë kɔc yɔ̈ɔ̈k bïk nyuc piny. 36Na wën, ke nöm kuïïn cï pam kadhorou, ku rec, ku jɔ lëk Nhialic thieithieei, ku wɛ̈ɛ̈k ke yiic, ku gëm keek kɔckɛn ë piööcë, go kɔcpiööcë ke yiɛ̈n kut ë kɔc. 37Gokï cam kedhie abïk kuɛth, ku kuanykï kak athueithuei cï lööny piny ka cïï kɔc both, ku thiäŋkï diööny kadhorou. 38Ku kɔc wën cï cam ayek agum kaŋuan ke röör, ku nu diäär ku mïth ayadäŋ.
39Na wën, ke tɔ kut ë kɔc jël, ku le e abëlic, ago bɛ̈n piny ë Magadan thok.
Currently Selected:
Math 15: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Math 15
15
Wɛ̈ɛ̈t de Kɔc Thɛɛr
(Mak 7:1-13)
1Na wën, ke Parithai kekë kɔc ee löŋ gɔ̈ɔ̈r ë ke bɔ̈ të nu Yecu ë Jeruthalem, bïkkï ku thiëckï, an, 2“Eeŋö ye kɔckuön ë piööcë löŋ dhɔ̈ŋic, löŋ cï yiɛ̈n wook ë röördït? Acïkï kecin ee piny, të ciɛm kek kuïn!”
3Go pɔ̈k nɔm keek, an, “Ku week, eeŋö ya wek löŋ de Nhialic dhɔ̈ŋic aya në löŋduön thɛɛr? 4#Bɛ̈n 20:12; Nyöŋ 5:16; Bɛ̈n 21:17; Leb 20:9. Acï Nhialic lueel an, “Ye wuur riëëu kekë moor, ku an, ‘Raan ë jam rac lueel ë këde wun ayï man, në thou ë thonde.’ 5Ku week ayak lueel an, ‘Raan yöök wun ayï man an, kën adï cï yök tëde yɛn, acä gäm Nhialic,’ 6ka cïn kë cï wööc, të cïï en wun ee riëëu ayï man.#15:6: wuönden; gäär däŋ ade yic wun ayï man. Yen acä wek jam ë Nhialic tɔ ye ɣɔ̈ric në löŋduön thɛɛr. 7Wek kɔc de yäc aguk, ee yic ee kë lueel Yithaya në këdun an,
8 #
Yith 29:13 (LXX). “Jurë ee rɔt cuöt tëthiɔ̈k ke yɛn në keliëp, ku yek a riëëu ë kethook,
Ku piɔ̈nden amec kek yɛn.
9Läm lɛm kek ɛn ee këɣɔ̈ric tei,
Na wëët ee kek kɔc wɛ̈ɛ̈t ë lööŋ ke kɔc tei.
Kake ee Raan tɔ Rac
(Mak 7:14-23)
10Na wën, acï kut ë kɔc cɔɔl, ke yöök keek, an, “Piɛŋkï, a bäk yök ë wepiɔ̈ɔ̈th, 11an, kë ye lɔ ë raan thok acie yen ee raan tɔ rac, ee kë ye bɛ̈n bei ë raan thok, yen aye raan tɔ rac.”
12Go kɔckɛn ë piööcë bɛ̈n të nu yen, bïk ku yöökkï an, “Ŋic nɔn cï Parithai piɔ̈ɔ̈th diu, wën cï kek jamë piŋ?”
13Go bɛ̈ɛ̈r an, “Wäl ëbɛ̈n wɛ̈ɛ̈l kënë piith ë wäär nu paannhial abï wöth bei kekë meeide. 14#Luk 6:39. Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”
15Go Petero bɛ̈ɛ̈r an, “Wɛ̈ɛ̈rë wook kääŋë thar.”
16Go Yecu lueel an, “Ŋuɔɔtkï ke we cïï käŋ ŋic ayadäŋ? 17Ŋuɔɔtkï ë we kuc cöökë an, “Këdäŋ ëbɛ̈n ke lɔ ë raan thok ë jɔ lɔ yiëëc, ke jɔ cuat biic. 18#Math 12:34. Ku ka bɔ̈ bei ë raan thok ayek bɛ̈n bei ë raan piɔ̈u, ku keek aye raan tɔ rac. 19Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac. 20Kak ee raan tɔ rac ka, ku cäm ciëmë raan ke kën e cin piny, acïï yen ee tɔ rac.”
Gäm de Tik
(Mak 7:24-30)
21Go Yecu jäl ëtɛ̈ɛ̈n, le piny biäk de Tayer kekë Thidon. 22Na wën, ke tik bɔ̈ ë piny biäkë, tiiŋ de Kanaan, bï ku cööt an, “Tɔ yïpiɔ̈u kok we yɛn, Bɛ̈nydït, Yïn Wën ë Debid, nyandï acïï jɔŋ rac dɔmë döm rac.”
23Ku acïn kë cï bɛ̈ɛ̈r, acakaa jam tök aliu. Go kɔckɛn ë piööcë bɛ̈n ku läŋkï an, “Ciec, akuany wocök ke cöt!” 24Go bɛ̈ɛ̈r an, “Yɛn aa cïï tucë kɔc kɔ̈k, yɛn a tucë amɛ̈l cï määr amɛ̈l ke baai de Yithriɛl tei, keek kapäc.”
25Na wën, ke tik bɔ̈ ku lɛm an, “Bɛ̈nydït, kony ɛn.”
26Go bɛ̈ɛ̈r an, “Acïï piɛth të nööm wok kuïn ë mïth, ku dënyku jɔ̈k.”
27Go lueel an, “Ee yic, Bɛ̈nydït, ku jɔ̈k ayek cam në kak athueithuei cï lööny piny të ye bänyken cam thïn.”
28Go Yecu puk nɔm an, “Yïn ë tiiŋë, gämdu adït, yïn cï këde piɔ̈ndu yök.” Go nyande guöp waar ë thaar manë guöp.
Yecu Atɔ Kɔc Juëc Dem
29Go Yecu jäl ëtɛ̈ɛ̈n, le tëthiɔ̈k ke Baar ë Galili, go lɔ ë kuurdït nɔm, le ku le nyuc piny ëtɛ̈ɛ̈n. 30Go kuut dït ke kɔc bɛ̈n të nu yɛn, aciɛthkï në aduɛɛny, ku cöör, ku mïŋ, ku ŋöl, ku kɔc juëc kɔ̈k, agokï ke tääu piny ë Yecu cök, go ke tɔ dem, 31arëk abï kut ë kɔc gäi, të cï kek mïŋ tïŋ ajamkï, ku tïŋkï ŋöl acïk piath, ku aduɛɛny aciɛthkï, ku cöör adɛɛikï gokï Nhialic de Yithriɛl leec.
Yecu Aciëëm Kuutdïït ë Kɔc Kɔ̈k
32Go Yecu kɔckɛn ë piööcë cɔɔl, ku lueel an, “Yɛn ë piɔ̈u kok wokë kut ë kɔc, ë luɔi cï kek tɔ̈u në yɛn ënɔɔnë ë nïn kadiäk, ku acïn kë cïk cam, ku luɔi bän keek tɔ jël ë cɔk aliu ë yapiɔ̈u, ke ke cïï cɔk bï tiaam kueer.”
33Go kɔcpiööcë thiëëc an, “Buk kuïn dït yök tënou ë jɔ̈ɔ̈ric, kuïn bï kut dïït pëk ëtɛ̈ɛ̈n tɔ kueth?”
34Go Yecu ke thiëëc an, “Ee kuïïn cï pam kadï kek cath në week?” Gokï bɛ̈ɛ̈r an,
“Ayek dhorou, ku rec thii töktöök.”
35Go Yecu kut ë kɔc yɔ̈ɔ̈k bïk nyuc piny. 36Na wën, ke nöm kuïïn cï pam kadhorou, ku rec, ku jɔ lëk Nhialic thieithieei, ku wɛ̈ɛ̈k ke yiic, ku gëm keek kɔckɛn ë piööcë, go kɔcpiööcë ke yiɛ̈n kut ë kɔc. 37Gokï cam kedhie abïk kuɛth, ku kuanykï kak athueithuei cï lööny piny ka cïï kɔc both, ku thiäŋkï diööny kadhorou. 38Ku kɔc wën cï cam ayek agum kaŋuan ke röör, ku nu diäär ku mïth ayadäŋ.
39Na wën, ke tɔ kut ë kɔc jël, ku le e abëlic, ago bɛ̈n piny ë Magadan thok.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.