Math 13
13
Kääŋ de Raan Cum
(Mak 4:1-9; Luk 8:4-8)
1Ëköölë guöp, ke Yecu jël ɣööt, le nyuc ë wɛ̈ɛ̈r yɔu. 2#Luk 5:1-3. Na wën, acï kuut dït ke kɔc guëër të nu yen, ke lɔ ë abëlic, le ku nyuc, ku kääc kut ë kɔc biic ëbɛ̈n. 3Go ke lɛ̈k kajuëc në kɛ̈ŋ, ku lueel an,
“Tiëŋkï, raan ë lɔ domic le com. 4Ku të wën cum en, ke kɔ̈th kɔ̈k ë ke lööny ë kueer këc, go diɛt bɛ̈n ku thölkï keek ë cäm. 5Ku lööny kɔ̈th kɔ̈k të nu kur, të cïn tiɔɔm dït, agokï dap goŋ, luɔi cïn en tiɔɔm dït nu. 6Na wën, acï akɔ̈l ruɛl, ke ke biɔɔr, ku yomkï, në baŋ cïn kek mei. 7Ku lööny kɔ̈k ë kuɔɔth yiic, go kuɔɔth cil, ku nyiickï ke. 8Ku lööny kɔ̈k ë tiɔɔm piɛthic, agokï luɔk, kɔ̈k nyin tök abï bɔt bɛ̈ɛ̈i, ku kɔ̈k nyin tök abï thiërdhetem bɛ̈ɛ̈i, ku kɔ̈k nyin tök abï thiërdiäk bɛ̈ɛ̈i.”
9Raan de yïth ee yen ke piŋ, ke piŋ.
Kë Lueel ë Kääŋ
(Mak 4:10-12; Luk 8:9-10)
10Na wën, ke kɔcpiööcë ë ke bɔ̈, bïk ku thiëckï an, “Eeŋö jiɛɛm yïn we keek ë käŋ?”
11Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek. 12#Math 25:29; Mak 4:25; Luk 8:18; 19:26. Raan ëbɛ̈n raan de nɔm käŋ, ka bï gäm kɔ̈k, ku abï dɛ kajuëc arëët, ku raan ëbɛ̈n raan cïn nɔm käŋ, acakaa kë cath ke yen abï nyaai tëde yen. 13Yen a jam ɛn wo keek ë kɛ̈ŋ, luɔi dɛɛi kek, ku acïkï daai, ku luɔi pïŋ kek, ku acïkï pïŋ, ku cïkï jam ee yökic. 14#Yith 6:9,10 (LXX). Jam acï Yithaya caar ɣɔn acï aa yic ë ke yiic, jam ë lueel an,
“Të ya wek piŋ, ke we bï aa piŋ, ku we cïï wël bï aa yök yiic anandun.
Ku të ya wek daai, ke we bï aa daai, ku we cïï käŋ bï aa gɔɔk anandun.
15Kɔckë acïk piɔ̈ɔ̈th guɔ cuai,
ku ayek piŋ ë pïŋ ë miŋ ë keyïth,
ku acïk kenyïïn niɛɛn,
Ke ke cïï bï aa daai ë kenyïïn,
ku cïkï bï aa piŋ ë keyïth,
ku cïkï wël bï yök yiic ë kepiɔ̈ɔ̈th,
Agokï kepiɔ̈ɔ̈th puk,
Aguɔ keek tɔ dem.
16 #
Luk 10:23,24. Ku thieithieei ë wenyïïn, luɔi dɛɛi kek, ku thieithieei ë weyïth luɔi pïŋ kek. 17Wek yɔ̈ɔ̈k ëyic an, “Tït juëc ku kɔc piɛthpiɔ̈ɔ̈th juëc acïk kɔɔr ë kepiɔ̈ɔ̈th luɔi bï kek käŋ tïŋ ka wɔikï, ku akënkï ke tïŋ, ku akɔɔrkï luɔi bï kek käŋ piŋ ka piɛŋkï, ku akënkï ke piŋ.
Yecu Awaar Kääŋ de Raan Cum Yic
(Mak 4:13-20; Luk 8:11-15)
18Jakï kääŋ piŋ kääŋ de raan ë cum. 19Të piŋë raan jam de ciɛɛŋ, ku cïï ë yökic, ke jɔŋ dïït rac bɔ̈, ago kë cï com ë yepiɔ̈u gɔp. Kë cï com ë kueer këc ka. 20Ku kë cï com të nu kur, yen aye raan piŋ jam, go dap gam ënɔnthiinë ke mit piɔ̈u, 21ku acïn meeidɛn nu ë yepiɔ̈u, ee tɔ̈u tëthiinakäŋ tei, na miäk, të cï këril dhal en rɔ cak ayï yöŋ yɔŋ ë ye në biäk de jam, ke jɔ piɔ̈u dap diu. 22Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok. 23Ku kë cï com ë tiɔɔm piɛthic, yen aye raan piŋ jam, ago yökic, go luɔk, kɔ̈k nyin tök abï bɔt bɛ̈ɛ̈i, ku kɔ̈k nyin tök abï thiërdhetem bɛ̈ɛ̈i, ku kɔ̈k nyin tök abï thiërdiäk bɛ̈ɛ̈i.
Kääŋ de Wɛ̈ɛ̈l Roor
24Go ke lɛ̈k kääŋ däŋ an, “Ciɛɛŋ de paannhial aye thɔ̈ŋ raan cï kɔ̈th piɛth wɛɛr ë domde yic, 25na wën, të niin ë kɔc, ke raan de ater ke yen bɔ̈, go wɛ̈ɛ̈l röör wɛɛr ë agamɔ yic cil, ku jël. 26Na wën, aacï agamɔ cil, ku guɛ̈thkï, ke wɛ̈ɛ̈l röör tiëc aya. 27Go lïïm ke bɛ̈ny de baai bɛ̈n tëde yen, bïk ku thiëckï an, “Bɛ̈ny, kɛ̈në kɔ̈th piɛth wɛɛr ë domdu yic? Wɛ̈ɛ̈l röör ë jɔ bɛ̈n tënou?” 28Go keek yɔ̈ɔ̈k, an, “Raan de wok ater yen aa loi ee kënë.” Go lïïm thiëëc, an, “De yïpiɔ̈u luɔi bï wok ke lɔ kuɛny bei?” 29Go jai, an, “Ei, të kuɛ̈ny wek wɛ̈ɛ̈l röör bei, ke we bï agamɔ wöth bei kekë wäl ëtök. 30Pälkï ë ke cil ëtök kedhie aɣet kööl ë tëm, ku kööl ë tëm, ke yɛn bï kɔc tëm yɔ̈ɔ̈k, an, Kankï wɛ̈ɛ̈l röör kuɛ̈ny bei, ku duötkï keek abï ke nyop, ku dhɛ̈ɛ̈thkï agamɔ ë adhaandï yic.”
Kääŋ de Nyin töŋ de Matharda
(Mak 4:30-32; Luk 13:18-19)
31Go ke lɛ̈k kääŋ däŋ, lueel, an, “Ciɛɛŋ de paannhial acït nyin töŋ de matharda, cï raan nööm, ku com domic, 32ku ye nyin koor ë nyin ëbɛ̈n, ku na miäk, të cï en cil, ke ye gök awär wal kedhie, ago ya tim, aye diɛt nhial bɛ̈n ku yek nyuc ë kërke.”
Kääŋ de Luɔu
(Luk 13:20-21)
33Go ke lɛ̈k kääŋ däŋ an, “Ciɛɛŋ de paannhial acït luɔu cï ë tik nööm, go ke liääp kekë aköp wac, cït aduuk kadiäk aɣet të bï en tuak ëbɛ̈n.”
Yecu ee Jam në Kɛ̈ŋ
(Mak 4:33-34)
34Kake kedhie acï Yecu ke lɛ̈k kuut ke kɔc ë kɛ̈ŋ, ku jam cïnic kääŋ acïn kë cï lɛ̈k keek, 35#Diɛt 78:2. luɔi bï jam aa yic, jam cï lueel ë tiët an,
“Yɛn bï käŋ lueel ka cï moony të ɣɔn ciɛkë piny.”
Yecu Awer Kääŋ de Wɛ̈ɛ̈l Roor Yic
36Na wën, acï Yecu kut ë kɔc tɔ jël, ke lɔ ɣöt, go kɔckɛn ë piööcë bɛ̈n të nu yen, bïk ku luelkï an, “Wɛ̈ɛ̈rë wook kääŋ thar, kääŋ ë wɛ̈ɛ̈l röör cï wɛɛr domic.”
37Go pɔ̈k nɔm keek an, “Raan ë weer kɔ̈th piɛth ee Wën ë Raan, 38ku dom yen aye piny nɔm, ku kɔ̈th piɛth kek aye mïth ke ciɛɛŋ, ku wɛl röör kek aye mïth ke jɔŋ dïït rac, 39ku raan de ater raan ë weer keek ee jɔŋdït rac, ku kööl ë tëm yen aye thök de piny de ënɔɔnë, ku kɔc tëm kek aye tuunynhial. 40Acït man cï wɛl röör kuany ku nyop ke mɛɛc, yen abï ciët thök de piny de ënɔɔnë. 41Wën ë Raan abï tuuckɛn nhial tooc, ku abïk käŋ kuɛ̈ny bei ë ciɛɛŋdeyic kedhie ka ye kɔc tɔ loi kërac ayï kɔc ë kërac looi. 42Agokï ke cuat ë pul dëpë mac thïn, tɛ̈ɛ̈n abï dhiëëu nu thïn kekë ŋëny de lec. 43Ë aköölkë kɔc piɛthpiɔ̈ɔ̈th abïk a riauriau cït man akɔ̈l ë ciɛɛŋ de Wuöndenic. Raan de yïth ee yen ke piŋ ke pïŋ!
Kääŋ de Wëu Piɛth cï Thiaan
44Kääŋ däŋ, kï: Ciɛɛŋ de paannhial acït wëu piɛth cï thiaan domic, na wën, acï raan ke yök, ke ke thiɛɛn, ku jël, jɔ ka cath në yen lɔ ɣaac kedhie në miɛt mit en piɔ̈u ke keek, go domë ɣɔɔc.
Kääŋ de Guën cï Läkëläk
45Kääŋ däŋ kï: Ciɛɛŋ de paannhial acït man ë raan ee käŋ ɣaac, raan kɔɔr guën awaŋgur cï läkëläk, 46Na wën, aacï awaŋgur tuc ë ɣööcde arëët yök, ke jël, ku le ka cath në yen ɣaac kedhie, ago awaŋgur ɣɔɔc.
Kääŋ de Bɔi
47Kääŋ däŋ kï: Ciɛɛŋ de paannhial acït bɔi dïït cï tääu wïïr, go rec kith yiic dɔm ëbɛ̈n, 48Na wën, acï thiäŋ, ke thelkï biic ë wɛ̈ɛ̈r yɔu, ku jɔkï nyuc, gokï kapiɛth kuöt ë diööny yiic, ku cuɛtkï karɛc wei. 49Yen abï ciët thök de piny. Tuucnhial abïk bɛ̈n, agokï kɔc racpiɔ̈ɔ̈th pɔ̈c bei në kɔc piɛthpiɔ̈ɔ̈th yiic, 50ku cuɛtkï keek ë pulic pul dëpë mac thïn, tɛ̈ɛ̈n abï dhiëëu nu thïn kekë ŋëny de lec.
Yith ë Piac Bɛ̈n ku Yith Thɛɛr
51Go Yecu ke thiëëc an, “Cäk kakë yök yiic kedhie?”
Gokï lueel an, “Ɣɛɛ, Bɛ̈nydït.” 52Go ke yɔ̈ɔ̈k, an, “Yen tëde ka, raan ëbɛ̈n raan ë löŋ gɔ̈ɔ̈r raan cï wɛ̈ɛ̈t në këde ciɛɛŋ de paannhial, yen acït raan ee bɛ̈ny de baai, raan ë käŋ bɛ̈ɛ̈i bei në wëuke yiic ayï ka cï piac yök ayï kathɛɛr.”
Yecu acï Rɛɛc ë Nadhareth
(Mak 6:1-6; Luk 4:16-30)
53Na wën, acï Yecu kɛ̈ŋkë thöl, ke jël ëtɛ̈ɛ̈n, 54bï paanden, bï ku wëët kɔc luaŋdɛn ë Nhialic, arëk abïk gäi, ku luelkï an, “Raanë ë yök pɛlënɔmë tënou, ayï luɔi rilë?” 55Cie wën ë atën ë tiim looi en ëraanë? Man cïï cɔl Meri? Ku mïthëkɔcken, cïkï ye yï Jakop, ku Jotheth, ku Thimon, ku Judath? 56Ku nyïïrëkɔcken, cïkï tɔ̈u në wook kedhie? Ku na ëraanë ë yök ee kakë kedhie tënou? 57#Jɔn 4:44. Gokï piɔ̈ɔ̈th diu në yen.
Go Yecu ke yɔ̈ɔ̈k an, “Tiët acïn të cïï yen ee riëëu, ee paande ëtök, ku dhiënde guöp.” 58Ku acïn luɔi ril juëc cï looi ëtɛ̈ɛ̈n në baŋ de rɛɛc reec kek gäm.
Currently Selected:
Math 13: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Math 13
13
Kääŋ de Raan Cum
(Mak 4:1-9; Luk 8:4-8)
1Ëköölë guöp, ke Yecu jël ɣööt, le nyuc ë wɛ̈ɛ̈r yɔu. 2#Luk 5:1-3. Na wën, acï kuut dït ke kɔc guëër të nu yen, ke lɔ ë abëlic, le ku nyuc, ku kääc kut ë kɔc biic ëbɛ̈n. 3Go ke lɛ̈k kajuëc në kɛ̈ŋ, ku lueel an,
“Tiëŋkï, raan ë lɔ domic le com. 4Ku të wën cum en, ke kɔ̈th kɔ̈k ë ke lööny ë kueer këc, go diɛt bɛ̈n ku thölkï keek ë cäm. 5Ku lööny kɔ̈th kɔ̈k të nu kur, të cïn tiɔɔm dït, agokï dap goŋ, luɔi cïn en tiɔɔm dït nu. 6Na wën, acï akɔ̈l ruɛl, ke ke biɔɔr, ku yomkï, në baŋ cïn kek mei. 7Ku lööny kɔ̈k ë kuɔɔth yiic, go kuɔɔth cil, ku nyiickï ke. 8Ku lööny kɔ̈k ë tiɔɔm piɛthic, agokï luɔk, kɔ̈k nyin tök abï bɔt bɛ̈ɛ̈i, ku kɔ̈k nyin tök abï thiërdhetem bɛ̈ɛ̈i, ku kɔ̈k nyin tök abï thiërdiäk bɛ̈ɛ̈i.”
9Raan de yïth ee yen ke piŋ, ke piŋ.
Kë Lueel ë Kääŋ
(Mak 4:10-12; Luk 8:9-10)
10Na wën, ke kɔcpiööcë ë ke bɔ̈, bïk ku thiëckï an, “Eeŋö jiɛɛm yïn we keek ë käŋ?”
11Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek. 12#Math 25:29; Mak 4:25; Luk 8:18; 19:26. Raan ëbɛ̈n raan de nɔm käŋ, ka bï gäm kɔ̈k, ku abï dɛ kajuëc arëët, ku raan ëbɛ̈n raan cïn nɔm käŋ, acakaa kë cath ke yen abï nyaai tëde yen. 13Yen a jam ɛn wo keek ë kɛ̈ŋ, luɔi dɛɛi kek, ku acïkï daai, ku luɔi pïŋ kek, ku acïkï pïŋ, ku cïkï jam ee yökic. 14#Yith 6:9,10 (LXX). Jam acï Yithaya caar ɣɔn acï aa yic ë ke yiic, jam ë lueel an,
“Të ya wek piŋ, ke we bï aa piŋ, ku we cïï wël bï aa yök yiic anandun.
Ku të ya wek daai, ke we bï aa daai, ku we cïï käŋ bï aa gɔɔk anandun.
15Kɔckë acïk piɔ̈ɔ̈th guɔ cuai,
ku ayek piŋ ë pïŋ ë miŋ ë keyïth,
ku acïk kenyïïn niɛɛn,
Ke ke cïï bï aa daai ë kenyïïn,
ku cïkï bï aa piŋ ë keyïth,
ku cïkï wël bï yök yiic ë kepiɔ̈ɔ̈th,
Agokï kepiɔ̈ɔ̈th puk,
Aguɔ keek tɔ dem.
16 #
Luk 10:23,24. Ku thieithieei ë wenyïïn, luɔi dɛɛi kek, ku thieithieei ë weyïth luɔi pïŋ kek. 17Wek yɔ̈ɔ̈k ëyic an, “Tït juëc ku kɔc piɛthpiɔ̈ɔ̈th juëc acïk kɔɔr ë kepiɔ̈ɔ̈th luɔi bï kek käŋ tïŋ ka wɔikï, ku akënkï ke tïŋ, ku akɔɔrkï luɔi bï kek käŋ piŋ ka piɛŋkï, ku akënkï ke piŋ.
Yecu Awaar Kääŋ de Raan Cum Yic
(Mak 4:13-20; Luk 8:11-15)
18Jakï kääŋ piŋ kääŋ de raan ë cum. 19Të piŋë raan jam de ciɛɛŋ, ku cïï ë yökic, ke jɔŋ dïït rac bɔ̈, ago kë cï com ë yepiɔ̈u gɔp. Kë cï com ë kueer këc ka. 20Ku kë cï com të nu kur, yen aye raan piŋ jam, go dap gam ënɔnthiinë ke mit piɔ̈u, 21ku acïn meeidɛn nu ë yepiɔ̈u, ee tɔ̈u tëthiinakäŋ tei, na miäk, të cï këril dhal en rɔ cak ayï yöŋ yɔŋ ë ye në biäk de jam, ke jɔ piɔ̈u dap diu. 22Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok. 23Ku kë cï com ë tiɔɔm piɛthic, yen aye raan piŋ jam, ago yökic, go luɔk, kɔ̈k nyin tök abï bɔt bɛ̈ɛ̈i, ku kɔ̈k nyin tök abï thiërdhetem bɛ̈ɛ̈i, ku kɔ̈k nyin tök abï thiërdiäk bɛ̈ɛ̈i.
Kääŋ de Wɛ̈ɛ̈l Roor
24Go ke lɛ̈k kääŋ däŋ an, “Ciɛɛŋ de paannhial aye thɔ̈ŋ raan cï kɔ̈th piɛth wɛɛr ë domde yic, 25na wën, të niin ë kɔc, ke raan de ater ke yen bɔ̈, go wɛ̈ɛ̈l röör wɛɛr ë agamɔ yic cil, ku jël. 26Na wën, aacï agamɔ cil, ku guɛ̈thkï, ke wɛ̈ɛ̈l röör tiëc aya. 27Go lïïm ke bɛ̈ny de baai bɛ̈n tëde yen, bïk ku thiëckï an, “Bɛ̈ny, kɛ̈në kɔ̈th piɛth wɛɛr ë domdu yic? Wɛ̈ɛ̈l röör ë jɔ bɛ̈n tënou?” 28Go keek yɔ̈ɔ̈k, an, “Raan de wok ater yen aa loi ee kënë.” Go lïïm thiëëc, an, “De yïpiɔ̈u luɔi bï wok ke lɔ kuɛny bei?” 29Go jai, an, “Ei, të kuɛ̈ny wek wɛ̈ɛ̈l röör bei, ke we bï agamɔ wöth bei kekë wäl ëtök. 30Pälkï ë ke cil ëtök kedhie aɣet kööl ë tëm, ku kööl ë tëm, ke yɛn bï kɔc tëm yɔ̈ɔ̈k, an, Kankï wɛ̈ɛ̈l röör kuɛ̈ny bei, ku duötkï keek abï ke nyop, ku dhɛ̈ɛ̈thkï agamɔ ë adhaandï yic.”
Kääŋ de Nyin töŋ de Matharda
(Mak 4:30-32; Luk 13:18-19)
31Go ke lɛ̈k kääŋ däŋ, lueel, an, “Ciɛɛŋ de paannhial acït nyin töŋ de matharda, cï raan nööm, ku com domic, 32ku ye nyin koor ë nyin ëbɛ̈n, ku na miäk, të cï en cil, ke ye gök awär wal kedhie, ago ya tim, aye diɛt nhial bɛ̈n ku yek nyuc ë kërke.”
Kääŋ de Luɔu
(Luk 13:20-21)
33Go ke lɛ̈k kääŋ däŋ an, “Ciɛɛŋ de paannhial acït luɔu cï ë tik nööm, go ke liääp kekë aköp wac, cït aduuk kadiäk aɣet të bï en tuak ëbɛ̈n.”
Yecu ee Jam në Kɛ̈ŋ
(Mak 4:33-34)
34Kake kedhie acï Yecu ke lɛ̈k kuut ke kɔc ë kɛ̈ŋ, ku jam cïnic kääŋ acïn kë cï lɛ̈k keek, 35#Diɛt 78:2. luɔi bï jam aa yic, jam cï lueel ë tiët an,
“Yɛn bï käŋ lueel ka cï moony të ɣɔn ciɛkë piny.”
Yecu Awer Kääŋ de Wɛ̈ɛ̈l Roor Yic
36Na wën, acï Yecu kut ë kɔc tɔ jël, ke lɔ ɣöt, go kɔckɛn ë piööcë bɛ̈n të nu yen, bïk ku luelkï an, “Wɛ̈ɛ̈rë wook kääŋ thar, kääŋ ë wɛ̈ɛ̈l röör cï wɛɛr domic.”
37Go pɔ̈k nɔm keek an, “Raan ë weer kɔ̈th piɛth ee Wën ë Raan, 38ku dom yen aye piny nɔm, ku kɔ̈th piɛth kek aye mïth ke ciɛɛŋ, ku wɛl röör kek aye mïth ke jɔŋ dïït rac, 39ku raan de ater raan ë weer keek ee jɔŋdït rac, ku kööl ë tëm yen aye thök de piny de ënɔɔnë, ku kɔc tëm kek aye tuunynhial. 40Acït man cï wɛl röör kuany ku nyop ke mɛɛc, yen abï ciët thök de piny de ënɔɔnë. 41Wën ë Raan abï tuuckɛn nhial tooc, ku abïk käŋ kuɛ̈ny bei ë ciɛɛŋdeyic kedhie ka ye kɔc tɔ loi kërac ayï kɔc ë kërac looi. 42Agokï ke cuat ë pul dëpë mac thïn, tɛ̈ɛ̈n abï dhiëëu nu thïn kekë ŋëny de lec. 43Ë aköölkë kɔc piɛthpiɔ̈ɔ̈th abïk a riauriau cït man akɔ̈l ë ciɛɛŋ de Wuöndenic. Raan de yïth ee yen ke piŋ ke pïŋ!
Kääŋ de Wëu Piɛth cï Thiaan
44Kääŋ däŋ, kï: Ciɛɛŋ de paannhial acït wëu piɛth cï thiaan domic, na wën, acï raan ke yök, ke ke thiɛɛn, ku jël, jɔ ka cath në yen lɔ ɣaac kedhie në miɛt mit en piɔ̈u ke keek, go domë ɣɔɔc.
Kääŋ de Guën cï Läkëläk
45Kääŋ däŋ kï: Ciɛɛŋ de paannhial acït man ë raan ee käŋ ɣaac, raan kɔɔr guën awaŋgur cï läkëläk, 46Na wën, aacï awaŋgur tuc ë ɣööcde arëët yök, ke jël, ku le ka cath në yen ɣaac kedhie, ago awaŋgur ɣɔɔc.
Kääŋ de Bɔi
47Kääŋ däŋ kï: Ciɛɛŋ de paannhial acït bɔi dïït cï tääu wïïr, go rec kith yiic dɔm ëbɛ̈n, 48Na wën, acï thiäŋ, ke thelkï biic ë wɛ̈ɛ̈r yɔu, ku jɔkï nyuc, gokï kapiɛth kuöt ë diööny yiic, ku cuɛtkï karɛc wei. 49Yen abï ciët thök de piny. Tuucnhial abïk bɛ̈n, agokï kɔc racpiɔ̈ɔ̈th pɔ̈c bei në kɔc piɛthpiɔ̈ɔ̈th yiic, 50ku cuɛtkï keek ë pulic pul dëpë mac thïn, tɛ̈ɛ̈n abï dhiëëu nu thïn kekë ŋëny de lec.
Yith ë Piac Bɛ̈n ku Yith Thɛɛr
51Go Yecu ke thiëëc an, “Cäk kakë yök yiic kedhie?”
Gokï lueel an, “Ɣɛɛ, Bɛ̈nydït.” 52Go ke yɔ̈ɔ̈k, an, “Yen tëde ka, raan ëbɛ̈n raan ë löŋ gɔ̈ɔ̈r raan cï wɛ̈ɛ̈t në këde ciɛɛŋ de paannhial, yen acït raan ee bɛ̈ny de baai, raan ë käŋ bɛ̈ɛ̈i bei në wëuke yiic ayï ka cï piac yök ayï kathɛɛr.”
Yecu acï Rɛɛc ë Nadhareth
(Mak 6:1-6; Luk 4:16-30)
53Na wën, acï Yecu kɛ̈ŋkë thöl, ke jël ëtɛ̈ɛ̈n, 54bï paanden, bï ku wëët kɔc luaŋdɛn ë Nhialic, arëk abïk gäi, ku luelkï an, “Raanë ë yök pɛlënɔmë tënou, ayï luɔi rilë?” 55Cie wën ë atën ë tiim looi en ëraanë? Man cïï cɔl Meri? Ku mïthëkɔcken, cïkï ye yï Jakop, ku Jotheth, ku Thimon, ku Judath? 56Ku nyïïrëkɔcken, cïkï tɔ̈u në wook kedhie? Ku na ëraanë ë yök ee kakë kedhie tënou? 57#Jɔn 4:44. Gokï piɔ̈ɔ̈th diu në yen.
Go Yecu ke yɔ̈ɔ̈k an, “Tiët acïn të cïï yen ee riëëu, ee paande ëtök, ku dhiënde guöp.” 58Ku acïn luɔi ril juëc cï looi ëtɛ̈ɛ̈n në baŋ de rɛɛc reec kek gäm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.