Leb 4
4
Miɔ̈c de Awäny Kuc
1Go Bɛ̈nydït Mothe yɔ̈ɔ̈k 2bïï lɛ̈k kɔc ke Yithriɛl an, të looi ë raan kërac ke cïï ŋic, ku le kë cïï Bɛ̈nydït rɛɛc në lööŋke yiic lɔ looi, abï ee lööŋkë dhil döt.
3Na ee bɛ̈ny de kake Nhialic yen cï kërac looi, ku tɔ awäc bɔ̈ në kɔc gup, abï miɔɔr atiëëk näk Bɛ̈nydït, ke ye miɔ̈c de kërac, në biäk de kërɛɛcdɛn cï looi. 4Abï miɔɔr gam në paany de mät thok në Bɛ̈nydït nɔm, ku abï yecin thany në yenɔm, ku teem miɔɔr röl në Bɛ̈nydït nɔm. 5Ku ëtɛ̈ɛ̈n, bɛ̈ny de kake Nhialic, abï biäk de riɛm de miɔɔr nööm ku leer në Paany de Mätic.
6Abï yecin juɔɔl në riɛmic, ku wïïth riɛm biäk piny raan dhorou në Bɛ̈nydït nɔm, në lupɔ de tëɣeric yic. 7Ku bɛ̈ny de kake Nhialic abï riɛm biäk jɔ tääu në yïk tuŋ, yïïŋ de wɛ̈ɛ̈l ŋïr në Bɛ̈nydït nɔm ë paany de mätic, ku biäk de riɛm de miɔɔr cï döŋ, abï wäl në thaaŋ de yïïŋ de miɔ̈c ye nyopic tɔ̈u në paany de mät thok. 8Ku abï kɔɔl bɛ̈ɛ̈i bei kedhie, kɔɔl ke miɔɔr de miɔ̈c de kërac. Ku kɔɔl wën ee yäc kum kekë ka wën ee röt nuat në kekɔ̈ɔ̈th. 9Ku rook kedhie në kɔɔl nu ë kekɔ̈ɔ̈th, ku cuäny thok wën bïï bɛ̈ɛ̈i bei kekë rook. 10Cït man ye kɔl bɛ̈ɛ̈i bei tëde weŋ cï nɔ̈k ke ee miɔ̈c de mät, yen abï bɛ̈ny de kake Nhialic keek nyop në yïïŋ de miɔ̈c ye nyop ëbɛ̈n nɔm. 11Ku biöŋ de miɔɔr kekë rïïŋde ëbɛ̈n, ku lɔ nɔm kekë cök, ku yäc kekë cïïn, abïï keek nyop. 12Ku lɔ biäk däŋ de miɔɔr ëbɛ̈n, abï keek dhil lɛɛr ë wut këc ke bïï keek lɔ waak, të ye ŋeth lɔ cuat wei. Ku nyop keek në tiim ke mac nïïm të ye ŋeth kut nɔm thïn.
13Na cï akutnɔm de Yithriɛl kërac wööc kedhie. Ke cïkï ŋic. Ku lëk kë cïï Bɛ̈nydït rɛɛc në lööŋke yiic looi. Acakaa nɔn kuc ë amatnɔm yen ëbɛ̈n, ka acïk kërac wööc. 14Të le kek kërɛɛc cïk wööc ŋic, ke amatnɔm ëbɛ̈n abï miɔɔr atiëëk dhil bɛ̈ɛ̈i në paany de mät thok, ke ye miɔ̈c de kërac. 15Ku röördït ke akutnɔm abïk kecin jɔ thany në miɔɔr nɔm ë Bɛ̈nydït nɔm, ku jɔ miɔɔr teem röl në Bɛ̈nydït nɔm. 16Ku ëtɛ̈ɛ̈n bɛ̈ny de kake Nhialic abï riɛm biäk de miɔɔr nööm leer në paany de mätic. 17Abï yeriöp juɔɔl në riɛmic ku jɔ wiɛ̈ɛ̈th piny në Bɛ̈nydït nɔm raan dhorou ë gëlgël nɔm. 18Ku jɔ riɛm biäk tääu në yïk tuŋ ë Bɛ̈nydït nɔm ë paany de mätic. Ku biäk de riɛm däŋ abï wäl në thaaŋ de yïïŋ de miɔ̈c ye nyopic, tɔ̈u në paany de mät thok. 19Raan abï kɔɔl bɛ̈ɛ̈i bei kedhie në yeyic ku nyop në yïk nɔm. 20Ku abï ee miɔɔrë luöi kë cït kë man cï luöi miɔɔr de miɔ̈c de kërac. Ku në ee kueerë abï bɛ̈ny de kake Nhialic keek luöi atɛɛm, ku abï keek jɔ päl awɛ̈ɛ̈cken. 21Ëtɛ̈ɛ̈n abï miɔɔr tueŋë kɔn nyop, kënë ee miɔ̈c de kërac de amatnɔm.
22Ku të cï bɛ̈ny mac baai wäc, ku looi kë cï Bɛ̈nydït Nhialicde rɛɛc në lööŋke yiic, ka cï wäc. 23Ku të cï yen kërɛɛcdɛn cï looi ŋic, abï nyɔɔŋ bou cïn guöp tëdak dhil bɛ̈ɛ̈i ke ye miɔ̈cde. 24Abï yeciin thany në nyɔɔŋ bou nɔm, ku teem röl, të wën ye miɔ̈c ye nyop ëbɛ̈n teem röl thïn ë Bɛ̈nydït nɔm. Ee miɔ̈c de kërac.
25Ku ëtɛ̈ɛ̈n, bɛ̈ny de kake Nhialic abï riɛm biäk nööm në miɔ̈c de kërac yic, në yeriöp, ku tɛ̈ɛ̈u ë yïk tuŋ, yïïŋ de miɔ̈c ye nyop ëbɛ̈n, ku riɛm biäk, abï wäl në thaaŋ de yïïŋ de miɔ̈c ye nyopic. 26Ku abï kɔɔl dhil nyop në yïk nɔm, cït man ye kɔɔl ke miɔ̈c de mät nyop, ku në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.
27 #
Kuɛ̈n 15:27,28. Të cïï raantök në amatnɔm wäc, ku looi kë cïï löŋ töŋ de Bɛ̈nydït rɛɛc në lööŋke yiic, ka cï wööc. 28Ku të cï yen kërɛɛcdɛn cï looi ŋic, abï bon ŋuöt bɛ̈ɛ̈i ke cïn guöp tëdak, ke ye miɔ̈cde në baŋ de kërɛɛc cï looi. 29Abï yeciin thany në miɔ̈c de kërac nɔm, ku teem röl të de miɔ̈c ye nyop ëbɛ̈n. 30Ku ëtɛ̈ɛ̈n bɛ̈ny de kake Nhialic, abï riɛm biäk nööm në yeriöp ku tɛ̈ɛ̈u në yïk tuŋ. Yïïŋ de miɔ̈c ye nyop ëbɛ̈n, ku wɛ̈l riɛm biäk në aduŋ de yïkic. 31Abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abïï bɛ̈ny de kake Nhialic keek nyop në yïk nɔm, ke ye miɔ̈c tum mit në Bɛ̈nydït piɔ̈u, ku jɔ bɛ̈ny de kake Nhialic teem guöp, ku abï ja päl awɛ̈ɛ̈c.
32Ku na bïï raan nyɔk ke ye miɔ̈cde në baŋ de miɔ̈c de kërac, abï nyɔɔŋ cïn guöp tëdak dhil bɛ̈ɛ̈i. 33Abï yeciin thany në yenɔm, ku teem röl ke ye miɔ̈c de kërac, të ye miɔ̈c ye nyop ëbɛ̈n teem röl. 34Ku ëtɛ̈ɛ̈n bɛ̈ny de kake Nhialic, abï riɛm biäk nööm në miɔ̈c de kërac yic në yeriöp, ku tɛ̈ɛ̈u në yïk tuŋ, yïïŋ de miɔ̈c ye nyop ëbɛ̈n. Ku wɛ̈l riɛm biäk në aduŋ de yïkic. 35Ku abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abï bɛ̈ny de kake Nhialic ke nyop në yïk nɔm, në miɔ̈c ee luöi Bɛ̈nydït në mac nɔm. Ku abï bɛ̈ny de kake Nhialic jɔ teem në biäk de kërɛɛc cï looi, ku abï ja päl awɛ̈ɛ̈c.
Currently Selected:
Leb 4: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Leb 4
4
Miɔ̈c de Awäny Kuc
1Go Bɛ̈nydït Mothe yɔ̈ɔ̈k 2bïï lɛ̈k kɔc ke Yithriɛl an, të looi ë raan kërac ke cïï ŋic, ku le kë cïï Bɛ̈nydït rɛɛc në lööŋke yiic lɔ looi, abï ee lööŋkë dhil döt.
3Na ee bɛ̈ny de kake Nhialic yen cï kërac looi, ku tɔ awäc bɔ̈ në kɔc gup, abï miɔɔr atiëëk näk Bɛ̈nydït, ke ye miɔ̈c de kërac, në biäk de kërɛɛcdɛn cï looi. 4Abï miɔɔr gam në paany de mät thok në Bɛ̈nydït nɔm, ku abï yecin thany në yenɔm, ku teem miɔɔr röl në Bɛ̈nydït nɔm. 5Ku ëtɛ̈ɛ̈n, bɛ̈ny de kake Nhialic, abï biäk de riɛm de miɔɔr nööm ku leer në Paany de Mätic.
6Abï yecin juɔɔl në riɛmic, ku wïïth riɛm biäk piny raan dhorou në Bɛ̈nydït nɔm, në lupɔ de tëɣeric yic. 7Ku bɛ̈ny de kake Nhialic abï riɛm biäk jɔ tääu në yïk tuŋ, yïïŋ de wɛ̈ɛ̈l ŋïr në Bɛ̈nydït nɔm ë paany de mätic, ku biäk de riɛm de miɔɔr cï döŋ, abï wäl në thaaŋ de yïïŋ de miɔ̈c ye nyopic tɔ̈u në paany de mät thok. 8Ku abï kɔɔl bɛ̈ɛ̈i bei kedhie, kɔɔl ke miɔɔr de miɔ̈c de kërac. Ku kɔɔl wën ee yäc kum kekë ka wën ee röt nuat në kekɔ̈ɔ̈th. 9Ku rook kedhie në kɔɔl nu ë kekɔ̈ɔ̈th, ku cuäny thok wën bïï bɛ̈ɛ̈i bei kekë rook. 10Cït man ye kɔl bɛ̈ɛ̈i bei tëde weŋ cï nɔ̈k ke ee miɔ̈c de mät, yen abï bɛ̈ny de kake Nhialic keek nyop në yïïŋ de miɔ̈c ye nyop ëbɛ̈n nɔm. 11Ku biöŋ de miɔɔr kekë rïïŋde ëbɛ̈n, ku lɔ nɔm kekë cök, ku yäc kekë cïïn, abïï keek nyop. 12Ku lɔ biäk däŋ de miɔɔr ëbɛ̈n, abï keek dhil lɛɛr ë wut këc ke bïï keek lɔ waak, të ye ŋeth lɔ cuat wei. Ku nyop keek në tiim ke mac nïïm të ye ŋeth kut nɔm thïn.
13Na cï akutnɔm de Yithriɛl kërac wööc kedhie. Ke cïkï ŋic. Ku lëk kë cïï Bɛ̈nydït rɛɛc në lööŋke yiic looi. Acakaa nɔn kuc ë amatnɔm yen ëbɛ̈n, ka acïk kërac wööc. 14Të le kek kërɛɛc cïk wööc ŋic, ke amatnɔm ëbɛ̈n abï miɔɔr atiëëk dhil bɛ̈ɛ̈i në paany de mät thok, ke ye miɔ̈c de kërac. 15Ku röördït ke akutnɔm abïk kecin jɔ thany në miɔɔr nɔm ë Bɛ̈nydït nɔm, ku jɔ miɔɔr teem röl në Bɛ̈nydït nɔm. 16Ku ëtɛ̈ɛ̈n bɛ̈ny de kake Nhialic abï riɛm biäk de miɔɔr nööm leer në paany de mätic. 17Abï yeriöp juɔɔl në riɛmic ku jɔ wiɛ̈ɛ̈th piny në Bɛ̈nydït nɔm raan dhorou ë gëlgël nɔm. 18Ku jɔ riɛm biäk tääu në yïk tuŋ ë Bɛ̈nydït nɔm ë paany de mätic. Ku biäk de riɛm däŋ abï wäl në thaaŋ de yïïŋ de miɔ̈c ye nyopic, tɔ̈u në paany de mät thok. 19Raan abï kɔɔl bɛ̈ɛ̈i bei kedhie në yeyic ku nyop në yïk nɔm. 20Ku abï ee miɔɔrë luöi kë cït kë man cï luöi miɔɔr de miɔ̈c de kërac. Ku në ee kueerë abï bɛ̈ny de kake Nhialic keek luöi atɛɛm, ku abï keek jɔ päl awɛ̈ɛ̈cken. 21Ëtɛ̈ɛ̈n abï miɔɔr tueŋë kɔn nyop, kënë ee miɔ̈c de kërac de amatnɔm.
22Ku të cï bɛ̈ny mac baai wäc, ku looi kë cï Bɛ̈nydït Nhialicde rɛɛc në lööŋke yiic, ka cï wäc. 23Ku të cï yen kërɛɛcdɛn cï looi ŋic, abï nyɔɔŋ bou cïn guöp tëdak dhil bɛ̈ɛ̈i ke ye miɔ̈cde. 24Abï yeciin thany në nyɔɔŋ bou nɔm, ku teem röl, të wën ye miɔ̈c ye nyop ëbɛ̈n teem röl thïn ë Bɛ̈nydït nɔm. Ee miɔ̈c de kërac.
25Ku ëtɛ̈ɛ̈n, bɛ̈ny de kake Nhialic abï riɛm biäk nööm në miɔ̈c de kërac yic, në yeriöp, ku tɛ̈ɛ̈u ë yïk tuŋ, yïïŋ de miɔ̈c ye nyop ëbɛ̈n, ku riɛm biäk, abï wäl në thaaŋ de yïïŋ de miɔ̈c ye nyopic. 26Ku abï kɔɔl dhil nyop në yïk nɔm, cït man ye kɔɔl ke miɔ̈c de mät nyop, ku në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.
27 #
Kuɛ̈n 15:27,28. Të cïï raantök në amatnɔm wäc, ku looi kë cïï löŋ töŋ de Bɛ̈nydït rɛɛc në lööŋke yiic, ka cï wööc. 28Ku të cï yen kërɛɛcdɛn cï looi ŋic, abï bon ŋuöt bɛ̈ɛ̈i ke cïn guöp tëdak, ke ye miɔ̈cde në baŋ de kërɛɛc cï looi. 29Abï yeciin thany në miɔ̈c de kërac nɔm, ku teem röl të de miɔ̈c ye nyop ëbɛ̈n. 30Ku ëtɛ̈ɛ̈n bɛ̈ny de kake Nhialic, abï riɛm biäk nööm në yeriöp ku tɛ̈ɛ̈u në yïk tuŋ. Yïïŋ de miɔ̈c ye nyop ëbɛ̈n, ku wɛ̈l riɛm biäk në aduŋ de yïkic. 31Abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abïï bɛ̈ny de kake Nhialic keek nyop në yïk nɔm, ke ye miɔ̈c tum mit në Bɛ̈nydït piɔ̈u, ku jɔ bɛ̈ny de kake Nhialic teem guöp, ku abï ja päl awɛ̈ɛ̈c.
32Ku na bïï raan nyɔk ke ye miɔ̈cde në baŋ de miɔ̈c de kërac, abï nyɔɔŋ cïn guöp tëdak dhil bɛ̈ɛ̈i. 33Abï yeciin thany në yenɔm, ku teem röl ke ye miɔ̈c de kërac, të ye miɔ̈c ye nyop ëbɛ̈n teem röl. 34Ku ëtɛ̈ɛ̈n bɛ̈ny de kake Nhialic, abï riɛm biäk nööm në miɔ̈c de kërac yic në yeriöp, ku tɛ̈ɛ̈u në yïk tuŋ, yïïŋ de miɔ̈c ye nyop ëbɛ̈n. Ku wɛ̈l riɛm biäk në aduŋ de yïkic. 35Ku abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abï bɛ̈ny de kake Nhialic ke nyop në yïk nɔm, në miɔ̈c ee luöi Bɛ̈nydït në mac nɔm. Ku abï bɛ̈ny de kake Nhialic jɔ teem në biäk de kërɛɛc cï looi, ku abï ja päl awɛ̈ɛ̈c.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.