Leb 18
18
Köör cïï piɛth në Bɛ̈nydït nɔm
1Go Bɛ̈nydït Mothe yɔ̈ɔ̈k, 2bïï lɛ̈k kɔc ke Yithriɛl ku yɔ̈ɔ̈k ë keek an, ‘Ee Yɛn Bɛ̈nydït Nhialicdun. 3Duökï ciɛɛŋde kɔc ke Rip kuanyic, të wään rɛ̈ɛ̈r wek thïn, ku duökï ciɛɛŋ de kɔc ke Kanaan kuanyic, të wään lɛɛr Ɛn we thïn. Duökï ciɛɛŋden kuanyic taitai. 4Wek bï lööŋkï dhil riëëu, ku kuanykï wëëtdï yic apiɛth. Ee Yɛn Bɛ̈nydït Nhialicdun. 5#Neɣe 9:29; Edh 18:9; 20:11-13; Luk 10:28; Rom 10:5; Gal 3:12. Dɔ̈tkï wëëtdï ku dɔ̈tkï lööŋkï yiic, në biäk ye raan ë keek döt pïïr në keek. Ee Yɛn Bɛ̈nydït.
6Go Bɛ̈nydït lööŋkë tääu piny, an, “Du tɔ̈c wekë raan raan kekë yïn. 7Du wuur yɔ̈ɔ̈r guöp në luɔi bï yïn tɔ̈c wekë moor. Du moor yɔ̈ɔ̈r guöp, ago tɔ̈c wekë en. 8#Leb 20:11; Nyöŋ 22:30; 27:20. Du tiiŋ de wuur ee kɔɔr bäk tɔ̈c wekë yen, kënë abï wuur yɔ̈ɔ̈r guöp. 9#Leb 20:17; Nyöŋ 27:22. Du nyankui ee kɔɔr bäk tɔ̈c wekë en, ayï nyanwuur, ayï nyan ë moor, nyan ë dhiëth baai, ku nɔn ee nyan ë dhiëth tëdäŋ, du tɔ̈c we keek.
10Du nyan ë wëndu ee kɔɔr bäk tɔ̈c wekë en, ayï nyan ë nyandu, kënë abï yïn yɔ̈ɔ̈r guöp.
11Du nyan ë tiiŋ wuur ee kɔɔr, bä tɔ̈c wekë en, nyan ë dhiëth baai tëde wuur, ee nyankui.
12-13 #
Leb 20:19,20. Du wac ee kɔɔr, bä tɔ̈c wekë yen, ee nyankënë ë wuur. Du moolɛ̈n ee kɔɔr, bä tɔ̈c wekë yen në biäk ee yen nyankënë ë moor. 14Du wuulën yɔ̈ɔ̈r guöp, në luɔi bï yïn tiiŋde kɔɔr bäk tɔ̈c wekë yen, ee tiiŋ de wuulën. 15#Leb 20:12. Du tiiŋ ë wëndu ee kɔɔr, bä tɔ̈c wekë yen, ee tiiŋ ë wëndu du tɔ̈c wekë yen. 16#Leb 20:21. Du tiiŋ ë wänmuuth ee kɔɔr, bä tɔ̈c wekë yen, kënë abï wänmuuth yɔ̈ɔ̈r.
17 #
Leb 20:14; Nyöŋ 27:23. Du tɔ̈c wekë tik kekë nyande, ayï nyan ë wënde, ayï nyan de nyande, du tɔ̈c wekë keek, ayek kɔc raan, kënë ee gökdïït de kërac.
18Du nyankënë ë tiiŋdu thiak, ku du nyankënë ee mony de nyankui thiak, bïï aa tiiŋ mɔɔc de tiiŋdu, ku du kɔɔr, bä tɔ̈c wekë en, ke tiiŋdu ë pïïr. Kënë ee gökdïït ë aciɛɛn.
19 #
Leb 20:18. Du tik ee kɔɔr bäk tɔ̈c wekë yen të thɛ̈k en. 20#Leb 20:10. Du tiiŋ de raan däŋ nöm, ke yï cïï rɔt bï riɔ̈ɔ̈k në yen. 21#Leb 20:1-5. Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït. 22#Leb 20:13. Du tɔ̈c wekë moc, cït man ye raan tɔ̈c kekë ë tik, kënë amɛɛn Nhialic. 23#Bɛ̈n 22:19; Leb 20:15,16; Nyöŋ 27:21. Du tɔ̈c wekë lɛ̈i, ku jɔ rɔt riɔ̈ɔ̈k në yen, ku tik ë cïï tɔ̈c kekë lɛ̈i, bïï ë lɛ̈i yen niɛɛn, kënë ee luɔi rac.
24Duökï röt riɔ̈k në ciɛɛŋ cït ee kakë, në biäk ee yen luɔi cït ee luɔiyë, yen aa riɔ̈ɔ̈kë juöör, juöör ɣɔn cuɔp wei ënɔɔnthiinë në wenïïm. 25Ayï piny aya, acï riääk, aguɔ kuum në biäk de kërɛɛcde, ago piny kɔc ceŋ en ŋak wei.
26Ku wek bï wëëtdï dhil muk ku mɔ̈kkï lööŋkï. Raan de Yithriɛl ku raan bï rɛ̈ɛ̈r në weyiic, ë cïn kërɛɛc töŋ bï looi në ë kakë yiic. 27Në luɔi cïï kɔc wään tueŋ kɔn ee pinyë ceŋ në wenïïm tueŋ, kakë looi kedhie, ago piny guɔ riääk.
28Ku na lak piny lɔ riɔ̈ɔ̈k. Abï week ŋak wei, cït man ɣɔn kɔn en juöör wään tɔ̈u ë wenïïm tueŋ ŋak wei. 29Raan ëbɛ̈n raan lɔ kërɛɛc tök looi në ee karɛckë yiic, yen ee raanë, abï dhil nyaai në kɔcken yiic.
30Dɔ̈tkï lööŋkï ku duökï ciɛɛŋ rɛɛcë kuany yic, ciɛɛŋ ɣɔn ë kuany yic ë kɔc ɣɔn tɔ̈u wenïïm tueŋ, aguɔkï bɛ̈n. Duökï röt be riɔ̈ɔ̈k në keek, ee Yɛn Bɛ̈nydït Nhialicdun.
Currently Selected:
Leb 18: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Leb 18
18
Köör cïï piɛth në Bɛ̈nydït nɔm
1Go Bɛ̈nydït Mothe yɔ̈ɔ̈k, 2bïï lɛ̈k kɔc ke Yithriɛl ku yɔ̈ɔ̈k ë keek an, ‘Ee Yɛn Bɛ̈nydït Nhialicdun. 3Duökï ciɛɛŋde kɔc ke Rip kuanyic, të wään rɛ̈ɛ̈r wek thïn, ku duökï ciɛɛŋ de kɔc ke Kanaan kuanyic, të wään lɛɛr Ɛn we thïn. Duökï ciɛɛŋden kuanyic taitai. 4Wek bï lööŋkï dhil riëëu, ku kuanykï wëëtdï yic apiɛth. Ee Yɛn Bɛ̈nydït Nhialicdun. 5#Neɣe 9:29; Edh 18:9; 20:11-13; Luk 10:28; Rom 10:5; Gal 3:12. Dɔ̈tkï wëëtdï ku dɔ̈tkï lööŋkï yiic, në biäk ye raan ë keek döt pïïr në keek. Ee Yɛn Bɛ̈nydït.
6Go Bɛ̈nydït lööŋkë tääu piny, an, “Du tɔ̈c wekë raan raan kekë yïn. 7Du wuur yɔ̈ɔ̈r guöp në luɔi bï yïn tɔ̈c wekë moor. Du moor yɔ̈ɔ̈r guöp, ago tɔ̈c wekë en. 8#Leb 20:11; Nyöŋ 22:30; 27:20. Du tiiŋ de wuur ee kɔɔr bäk tɔ̈c wekë yen, kënë abï wuur yɔ̈ɔ̈r guöp. 9#Leb 20:17; Nyöŋ 27:22. Du nyankui ee kɔɔr bäk tɔ̈c wekë en, ayï nyanwuur, ayï nyan ë moor, nyan ë dhiëth baai, ku nɔn ee nyan ë dhiëth tëdäŋ, du tɔ̈c we keek.
10Du nyan ë wëndu ee kɔɔr bäk tɔ̈c wekë en, ayï nyan ë nyandu, kënë abï yïn yɔ̈ɔ̈r guöp.
11Du nyan ë tiiŋ wuur ee kɔɔr, bä tɔ̈c wekë en, nyan ë dhiëth baai tëde wuur, ee nyankui.
12-13 #
Leb 20:19,20. Du wac ee kɔɔr, bä tɔ̈c wekë yen, ee nyankënë ë wuur. Du moolɛ̈n ee kɔɔr, bä tɔ̈c wekë yen në biäk ee yen nyankënë ë moor. 14Du wuulën yɔ̈ɔ̈r guöp, në luɔi bï yïn tiiŋde kɔɔr bäk tɔ̈c wekë yen, ee tiiŋ de wuulën. 15#Leb 20:12. Du tiiŋ ë wëndu ee kɔɔr, bä tɔ̈c wekë yen, ee tiiŋ ë wëndu du tɔ̈c wekë yen. 16#Leb 20:21. Du tiiŋ ë wänmuuth ee kɔɔr, bä tɔ̈c wekë yen, kënë abï wänmuuth yɔ̈ɔ̈r.
17 #
Leb 20:14; Nyöŋ 27:23. Du tɔ̈c wekë tik kekë nyande, ayï nyan ë wënde, ayï nyan de nyande, du tɔ̈c wekë keek, ayek kɔc raan, kënë ee gökdïït de kërac.
18Du nyankënë ë tiiŋdu thiak, ku du nyankënë ee mony de nyankui thiak, bïï aa tiiŋ mɔɔc de tiiŋdu, ku du kɔɔr, bä tɔ̈c wekë en, ke tiiŋdu ë pïïr. Kënë ee gökdïït ë aciɛɛn.
19 #
Leb 20:18. Du tik ee kɔɔr bäk tɔ̈c wekë yen të thɛ̈k en. 20#Leb 20:10. Du tiiŋ de raan däŋ nöm, ke yï cïï rɔt bï riɔ̈ɔ̈k në yen. 21#Leb 20:1-5. Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït. 22#Leb 20:13. Du tɔ̈c wekë moc, cït man ye raan tɔ̈c kekë ë tik, kënë amɛɛn Nhialic. 23#Bɛ̈n 22:19; Leb 20:15,16; Nyöŋ 27:21. Du tɔ̈c wekë lɛ̈i, ku jɔ rɔt riɔ̈ɔ̈k në yen, ku tik ë cïï tɔ̈c kekë lɛ̈i, bïï ë lɛ̈i yen niɛɛn, kënë ee luɔi rac.
24Duökï röt riɔ̈k në ciɛɛŋ cït ee kakë, në biäk ee yen luɔi cït ee luɔiyë, yen aa riɔ̈ɔ̈kë juöör, juöör ɣɔn cuɔp wei ënɔɔnthiinë në wenïïm. 25Ayï piny aya, acï riääk, aguɔ kuum në biäk de kërɛɛcde, ago piny kɔc ceŋ en ŋak wei.
26Ku wek bï wëëtdï dhil muk ku mɔ̈kkï lööŋkï. Raan de Yithriɛl ku raan bï rɛ̈ɛ̈r në weyiic, ë cïn kërɛɛc töŋ bï looi në ë kakë yiic. 27Në luɔi cïï kɔc wään tueŋ kɔn ee pinyë ceŋ në wenïïm tueŋ, kakë looi kedhie, ago piny guɔ riääk.
28Ku na lak piny lɔ riɔ̈ɔ̈k. Abï week ŋak wei, cït man ɣɔn kɔn en juöör wään tɔ̈u ë wenïïm tueŋ ŋak wei. 29Raan ëbɛ̈n raan lɔ kërɛɛc tök looi në ee karɛckë yiic, yen ee raanë, abï dhil nyaai në kɔcken yiic.
30Dɔ̈tkï lööŋkï ku duökï ciɛɛŋ rɛɛcë kuany yic, ciɛɛŋ ɣɔn ë kuany yic ë kɔc ɣɔn tɔ̈u wenïïm tueŋ, aguɔkï bɛ̈n. Duökï röt be riɔ̈ɔ̈k në keek, ee Yɛn Bɛ̈nydït Nhialicdun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.