Jon 2
2
Lɔ̈ŋ de Jona ë Rɛ̈c Yäc
1Ku ëtɛ̈ɛ̈n Jona ë Bɛ̈nydït Nhialicde lɔ̈ŋ në rɛ̈c yäc, Lueel an,
2“Bɛ̈nydït në guömdï yic, Yïn cä cɔɔl
ku Yïn ë këdï bɛ̈ɛ̈r.
Tëthuth paan ë thuɔɔu
yen aa päl ɛn arɔ̈ɔ̈l ke ya kɔɔr kuɔɔny, ku Yïn cï röldï bɛ̈n piŋ.
3Yïn ë yɛn cuat ya tëthuth
ë wɛ̈ɛ̈r thar piny,
të cïï ya tuɔɔk ë piääu ëbɛ̈n,
ku jɔ apiɔ̈ŋduön dït rɔt aa lɔɔr ë yanɔm.
4Aa cä thɔ̈ɔ̈ŋ an cï ya cuɔp wei ë Yïlɔ̈ɔ̈m,
ku cä luaŋduön ɣeric bï bɛ nyɔk në tïŋ.
5Pïïu aake cï ya thiaan nɔm ku kumkï ya piny taitai,
abïï ciën luɔi wɛ̈ɛ̈i yɛn,
ku jɔ nyaal de wɛ̈ɛ̈r rɔt aa dɛɛr ë yanɔm.
6Yɛn aa ɣet piny ya në mei ke kur thäär,
të ye athïïnke thiöök aɣet athɛɛr.#2:6: piny ye athïïnke thiöök aɣet athɛɛr: Ajam në biäk de paan de thuɔɔu (tïŋ 2:2).
Ku Yïn Bɛ̈nydït Nhialicdï,
Yïn ë ya dɔ̈k nɔm ciëën tëthuth ke ya pïïr.
7Wën yɔ̈k ɛn rɔt ke ya ye raan thou,
Bɛ̈nydït, Yïn cä bɛ̈n lɔ̈ŋ,
ku Yïn ë lɔ̈ŋdï bɛ̈n piŋ luaŋduön ɣeric yic.
8Kɔc ee yiëth cïn naamden lam,
acïk jäl në riëëuwic, riëëudɛn ye kek Yïn riëëu.
9Ku yɛn bï kit lëk Yïn thieithieei,
Yïn bä gäm miɔ̈c ye nɔ̈k
ku luɔi kë cän gutguut lueel.
Kony de wëi ee këde Bɛ̈nydït.
10Go Bɛ̈nydït rɛ̈cdït yɔ̈ɔ̈k, go rɛ̈cdït Jona lɔ ŋak biic në agör nɔm.
Currently Selected:
Jon 2: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
