Bɛ̈n 31
31
Atëët ke Paany de Mät
(Bɛ̈n 35:30–36:1)
1Go Bɛ̈nydït lɛ̈k Mothe an, 2“Yɛn ë Bedhalel lɔc wën ë Yuri, ku ye wën ë wën ë Ɣur, raan dhiën de Juda. 3Ku acä thiɔ̈ɔ̈ŋ në wëi ke Nhialic,#31:3: riɛl; nɔn wëi. ku gäm nɔm pɛl, ku tëët, ku riɛl bï yen këriëëc kɔɔr tëët looi ëbɛ̈n. 4Ke bï këriëëc kiëët ëbɛ̈n, ka loi keek në adhääp, ku ateek, ku maläŋ, 5ayï tem de joth, ku guëŋ de tiim, ku jɔ aa yen këriëëc ëbɛ̈n ke kɔɔr tëët. 6Ku Yɛn ë Yooliap lɔc wën de Aɣithamak, raan dhiën de Dan bïï luui ke yen. Ku atëët kɔ̈k juëc acä keek gäm riɛl ëbɛ̈n bï kek këriëëc cä lueel ëbɛ̈n looi. 7Abïk paany de mät looi kekë kakɛn tɔ̈u thïn kedhie. Ku loikï athänduŋ de mät kekë akumde. 8Ku paam kekë kake kedhie. Ku loikï kë ye manyalath cäp thar thïn në adhäm awai kekë kake kedhie. Ku loikï yïïŋ de nyum de wal ŋïr, 9ku yïïŋ de miɔ̈c ye nyop ëbɛ̈n kekë kake kedhie, ku thaaŋ de wɛ̈k kekë kunyde. 10Ku luikï Aron lupɔɔ piɛth kekë wɛ̈ɛ̈tke, lupɔɔ ɣeriic ke bäny ke kake Nhialic cï ŋiëc gut, bïk keek aa cieŋ të looi kek luɔi de bäny ke kake Nhialic. 11Ku loikï miök de tɔc, ku miök ë wɛ̈ɛ̈l ŋïr, miök de tëɣeric. Ë ke loi ee kakë kedhie cït man cän e lɛ̈k yïn.”
Thabath ee Kööl ë Lɔ̈ŋ
12Go Bɛ̈nydït Mothe yɔ̈ɔ̈k an, 13“lɛ̈kë kɔc ke Yithriɛl an, ‘Dɔ̈tkï Thabath, kööldiën de lɔ̈ŋ. Në baŋ yen kïn de mät në kaamdï wo week aɣet athɛɛr, kïn bï ye aa nyuɔɔth nɔn cän week tɔ ye kɔc ke nɔmdï Yɛn Bɛ̈nydït. 14Yak kööl ë Thabath döt, në luɔi yen kööl ɣeric. Raan ëbɛ̈n raan cïï ye lɔ döt, ku le luui thïn, ke näk. 15#Bɛ̈n 20:8-11; 23:12; 34:21; 35:2; Leb 23:3; Nyöŋ 5:12-14. Raan ade nɔm nïn kadhetem bï yen luɔɔide aa looi thïn. Ku kööl ye akööl dhorou ee kööl ë Thabath, kööl ɣeric cï gäm Ɛn. Raan ëbɛ̈n, raan lɔ dɛ luɔidɛn looi thïn, ke näk. 16Kɔc ke Yithriɛl ë ke döt kööl de Thabath ke ye kïn ë mät. 17#Bɛ̈n 20:11. Ee kïn bï tɔ̈u anande në kaamdï wo kɔc ke Yithriɛl. Në biäk ë cak Ɛn tënhial ku piny Yɛn Bɛ̈nydït në nïniic kadhetem. Ku në kööl ye akööl dhorou, ke Ya thök në luɔi, ku ja lɔ̈ŋ.’ ”
18Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.
Currently Selected:
Bɛ̈n 31: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Bɛ̈n 31
31
Atëët ke Paany de Mät
(Bɛ̈n 35:30–36:1)
1Go Bɛ̈nydït lɛ̈k Mothe an, 2“Yɛn ë Bedhalel lɔc wën ë Yuri, ku ye wën ë wën ë Ɣur, raan dhiën de Juda. 3Ku acä thiɔ̈ɔ̈ŋ në wëi ke Nhialic,#31:3: riɛl; nɔn wëi. ku gäm nɔm pɛl, ku tëët, ku riɛl bï yen këriëëc kɔɔr tëët looi ëbɛ̈n. 4Ke bï këriëëc kiëët ëbɛ̈n, ka loi keek në adhääp, ku ateek, ku maläŋ, 5ayï tem de joth, ku guëŋ de tiim, ku jɔ aa yen këriëëc ëbɛ̈n ke kɔɔr tëët. 6Ku Yɛn ë Yooliap lɔc wën de Aɣithamak, raan dhiën de Dan bïï luui ke yen. Ku atëët kɔ̈k juëc acä keek gäm riɛl ëbɛ̈n bï kek këriëëc cä lueel ëbɛ̈n looi. 7Abïk paany de mät looi kekë kakɛn tɔ̈u thïn kedhie. Ku loikï athänduŋ de mät kekë akumde. 8Ku paam kekë kake kedhie. Ku loikï kë ye manyalath cäp thar thïn në adhäm awai kekë kake kedhie. Ku loikï yïïŋ de nyum de wal ŋïr, 9ku yïïŋ de miɔ̈c ye nyop ëbɛ̈n kekë kake kedhie, ku thaaŋ de wɛ̈k kekë kunyde. 10Ku luikï Aron lupɔɔ piɛth kekë wɛ̈ɛ̈tke, lupɔɔ ɣeriic ke bäny ke kake Nhialic cï ŋiëc gut, bïk keek aa cieŋ të looi kek luɔi de bäny ke kake Nhialic. 11Ku loikï miök de tɔc, ku miök ë wɛ̈ɛ̈l ŋïr, miök de tëɣeric. Ë ke loi ee kakë kedhie cït man cän e lɛ̈k yïn.”
Thabath ee Kööl ë Lɔ̈ŋ
12Go Bɛ̈nydït Mothe yɔ̈ɔ̈k an, 13“lɛ̈kë kɔc ke Yithriɛl an, ‘Dɔ̈tkï Thabath, kööldiën de lɔ̈ŋ. Në baŋ yen kïn de mät në kaamdï wo week aɣet athɛɛr, kïn bï ye aa nyuɔɔth nɔn cän week tɔ ye kɔc ke nɔmdï Yɛn Bɛ̈nydït. 14Yak kööl ë Thabath döt, në luɔi yen kööl ɣeric. Raan ëbɛ̈n raan cïï ye lɔ döt, ku le luui thïn, ke näk. 15#Bɛ̈n 20:8-11; 23:12; 34:21; 35:2; Leb 23:3; Nyöŋ 5:12-14. Raan ade nɔm nïn kadhetem bï yen luɔɔide aa looi thïn. Ku kööl ye akööl dhorou ee kööl ë Thabath, kööl ɣeric cï gäm Ɛn. Raan ëbɛ̈n, raan lɔ dɛ luɔidɛn looi thïn, ke näk. 16Kɔc ke Yithriɛl ë ke döt kööl de Thabath ke ye kïn ë mät. 17#Bɛ̈n 20:11. Ee kïn bï tɔ̈u anande në kaamdï wo kɔc ke Yithriɛl. Në biäk ë cak Ɛn tënhial ku piny Yɛn Bɛ̈nydït në nïniic kadhetem. Ku në kööl ye akööl dhorou, ke Ya thök në luɔi, ku ja lɔ̈ŋ.’ ”
18Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.