Bɛ̈n 27
27
Yïk
(Bɛ̈n 38:1-7)
1Na wën, ke lëk ë Bɛ̈nydït Mothe an, “Yïk yïk në tim de aluii. Luöiyë aguuk kaŋuan. Tɔ bɛ̈ɛ̈r de yekɔ̈u ee mitïïr kaarou ku biäk. Ku tɔ dït ë yeyic ee mitïïr kaarou ku biäk ayadäŋ. Ku bɛ̈ɛ̈r de yekɔ̈u ke lɔ nhial tɔ ee mitïr ku biäk. 2Ku luöiyë nɔm tuŋ kaŋuan, ye tuŋ në keyiic tiëŋ nɔm aguk në aguukiic kaŋuan. Ku cuɛ̈ɛ̈cë keek në yïk guöp. Ku rɔth kekɔ̈ɔ̈th në maläŋ. 3Cuɛ̈cë thɛ̈k ke ŋeth, ku ka ye mac jok, ku thɛ̈k, ku thialtuŋ, ku abɔ̈c ke mac. Cuëc kake kedhie në maläŋ. 4Ku loi bɔi de maläŋ, ku luöiyë thok joth dhuɔɔkiic kaŋuan, në tuŋ thook kaŋuan, joth ke maläŋ bï yen aa ɣääc. 5Ku rɛkë bɔi në atheer ë yïk thar piny ke lɔ nhial abï lɔ kɔ̈ɔ̈c ë yïk kɔ̈u cil. 6Luöiyë yïk wai në tim de aluii bï ye aa ɣääc. Ku rɔth kekɔ̈ɔ̈th në maläŋ. 7Ku yak ke ɣaak ë joth cï dhookiic në yïk ŋeŋ të jɔt ë yen. 8Cuëc yïk në tiim ɣɔ̈ɔ̈ric thïn cït man cän e nyuöth yïn në kuur nɔm.
Kal de Paany de Mät
(Bɛ̈n 38:9-20)
9Ku lueel ë Bɛ̈nydït an, “Luöiyë paany kal në linɔn lɔ mot. Tɔ bɛ̈ɛ̈r de kal kɔ̈u ee mitïïr kathiërŋuan ku dhetem në biäk lɔ wöuwic. 10Ku luöiyë tiim kathiërrou, ku kuc ke maläŋ kathiërrou. Ku tääuwë joth ke ateek cï dhook nïïm ë tiim kɔ̈ɔ̈th ku thiliik. 11Ku loi kal baŋ të lɔ rut ayadäŋ cït ee kënë, loi bɛ̈ɛ̈r de yekɔ̈u ke ye mitïïr kathiërŋuan ku dhetem, ku luöiyë tiim kathiërrou, ku kuc ke maläŋ kathiërrou. Ku tääuwë joth ke ateek cï dhook nïïm ë tiim kɔ̈ɔ̈th, ku thiliik. 12Ku loi kal thar ciëën baŋ të lɔ aköl athɛ̈i ke ye mitïïr kathiërrou ku diäk, ku luöiyë tiim kathiëër ku kuc kathiëër. 13Ku loi kal thok baŋ të lɔ aköl amiäk ke ye mitïïr kathiërrou ku diäk. 14Ku gɔl në kal thok le agukic. Tɔ bɛ̈ɛ̈rde ee mitïïr kadhetem ku biäk, ku yiëkë tiim kadiäk, ku kuc kadiäk. 15Ku gɔl në kal thok baŋ däŋë le agukic, tɔ bɛ̈ɛ̈rde ee mitïïr kadhetem ku biäk ayadäŋ, ku tiim kadiäk ku kuc kadiäk. 16Ku luöiyë kal thok gëlgël në linɔn lɔ mot cï cuëëc në aräu, ku amujuŋ, ku lupɔ thith. Ku ë gut atën ŋic gut. Ku tɔ bɛ̈ɛ̈rde yekɔ̈u ee mitïïr kadhoŋuan. Ku luöiyë tiim kaŋuan ku kuc kaŋuan. 17Ku rek tiim ke kal kedhie në thiliik ke ateek, ku loi jothkɛn cï dhook nïïm kedhie në ateek, ku kuc ë ke loi keek në maläŋ. 18Kal ëbɛ̈n abï bɛ̈ɛ̈r ë yenkɔ̈u aa mitïïr kathiërŋuan ku dhetem. Ku dït ë yeyic abï aa mitïïr kathiërrou ku diäk. Ku bɛ̈ɛ̈rde ke lɔ nhial ë ye mitïïr kaarou ku biäk. Ku kal ë yïk kɔ̈u ëbɛ̈n në linɔn lɔ mot, ku kuc ë ke loi keek në maläŋ. 19Ku këriëëc ëbɛ̈n, kë ye luui në paanyic thïn, ayï kake kal ë ke loi keek në maläŋ.
Dön de Many alath
(Leb 24:1-4)
20“Yɔ̈ɔ̈kë kɔc ke Yithriɛl ë ke yïn yïn miök piɛth de olip, bïï ke many alath aa dɛ̈ɛ̈p aköölnyïïn kedhie. 21Aron kekë wɛ̈ɛ̈tke ë ke tɛ̈ɛ̈u manyëalath në paany de mätic në gëlgël kɔ̈u biic në athänduŋ de mät nɔm tueŋ. Ku ë ye tɔ dɛ̈p ë Yanɔm tueŋ ëtɛ̈ɛ̈n gɔl thëën agut cï run ë piny. Kɔc ke Yithriɛl ayï mïthkɛn bï lɔ̈ɔ̈k tɔ̈u në kecök ë ke döt ee löŋë ananden.”
Currently Selected:
Bɛ̈n 27: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Bɛ̈n 27
27
Yïk
(Bɛ̈n 38:1-7)
1Na wën, ke lëk ë Bɛ̈nydït Mothe an, “Yïk yïk në tim de aluii. Luöiyë aguuk kaŋuan. Tɔ bɛ̈ɛ̈r de yekɔ̈u ee mitïïr kaarou ku biäk. Ku tɔ dït ë yeyic ee mitïïr kaarou ku biäk ayadäŋ. Ku bɛ̈ɛ̈r de yekɔ̈u ke lɔ nhial tɔ ee mitïr ku biäk. 2Ku luöiyë nɔm tuŋ kaŋuan, ye tuŋ në keyiic tiëŋ nɔm aguk në aguukiic kaŋuan. Ku cuɛ̈ɛ̈cë keek në yïk guöp. Ku rɔth kekɔ̈ɔ̈th në maläŋ. 3Cuɛ̈cë thɛ̈k ke ŋeth, ku ka ye mac jok, ku thɛ̈k, ku thialtuŋ, ku abɔ̈c ke mac. Cuëc kake kedhie në maläŋ. 4Ku loi bɔi de maläŋ, ku luöiyë thok joth dhuɔɔkiic kaŋuan, në tuŋ thook kaŋuan, joth ke maläŋ bï yen aa ɣääc. 5Ku rɛkë bɔi në atheer ë yïk thar piny ke lɔ nhial abï lɔ kɔ̈ɔ̈c ë yïk kɔ̈u cil. 6Luöiyë yïk wai në tim de aluii bï ye aa ɣääc. Ku rɔth kekɔ̈ɔ̈th në maläŋ. 7Ku yak ke ɣaak ë joth cï dhookiic në yïk ŋeŋ të jɔt ë yen. 8Cuëc yïk në tiim ɣɔ̈ɔ̈ric thïn cït man cän e nyuöth yïn në kuur nɔm.
Kal de Paany de Mät
(Bɛ̈n 38:9-20)
9Ku lueel ë Bɛ̈nydït an, “Luöiyë paany kal në linɔn lɔ mot. Tɔ bɛ̈ɛ̈r de kal kɔ̈u ee mitïïr kathiërŋuan ku dhetem në biäk lɔ wöuwic. 10Ku luöiyë tiim kathiërrou, ku kuc ke maläŋ kathiërrou. Ku tääuwë joth ke ateek cï dhook nïïm ë tiim kɔ̈ɔ̈th ku thiliik. 11Ku loi kal baŋ të lɔ rut ayadäŋ cït ee kënë, loi bɛ̈ɛ̈r de yekɔ̈u ke ye mitïïr kathiërŋuan ku dhetem, ku luöiyë tiim kathiërrou, ku kuc ke maläŋ kathiërrou. Ku tääuwë joth ke ateek cï dhook nïïm ë tiim kɔ̈ɔ̈th, ku thiliik. 12Ku loi kal thar ciëën baŋ të lɔ aköl athɛ̈i ke ye mitïïr kathiërrou ku diäk, ku luöiyë tiim kathiëër ku kuc kathiëër. 13Ku loi kal thok baŋ të lɔ aköl amiäk ke ye mitïïr kathiërrou ku diäk. 14Ku gɔl në kal thok le agukic. Tɔ bɛ̈ɛ̈rde ee mitïïr kadhetem ku biäk, ku yiëkë tiim kadiäk, ku kuc kadiäk. 15Ku gɔl në kal thok baŋ däŋë le agukic, tɔ bɛ̈ɛ̈rde ee mitïïr kadhetem ku biäk ayadäŋ, ku tiim kadiäk ku kuc kadiäk. 16Ku luöiyë kal thok gëlgël në linɔn lɔ mot cï cuëëc në aräu, ku amujuŋ, ku lupɔ thith. Ku ë gut atën ŋic gut. Ku tɔ bɛ̈ɛ̈rde yekɔ̈u ee mitïïr kadhoŋuan. Ku luöiyë tiim kaŋuan ku kuc kaŋuan. 17Ku rek tiim ke kal kedhie në thiliik ke ateek, ku loi jothkɛn cï dhook nïïm kedhie në ateek, ku kuc ë ke loi keek në maläŋ. 18Kal ëbɛ̈n abï bɛ̈ɛ̈r ë yenkɔ̈u aa mitïïr kathiërŋuan ku dhetem. Ku dït ë yeyic abï aa mitïïr kathiërrou ku diäk. Ku bɛ̈ɛ̈rde ke lɔ nhial ë ye mitïïr kaarou ku biäk. Ku kal ë yïk kɔ̈u ëbɛ̈n në linɔn lɔ mot, ku kuc ë ke loi keek në maläŋ. 19Ku këriëëc ëbɛ̈n, kë ye luui në paanyic thïn, ayï kake kal ë ke loi keek në maläŋ.
Dön de Many alath
(Leb 24:1-4)
20“Yɔ̈ɔ̈kë kɔc ke Yithriɛl ë ke yïn yïn miök piɛth de olip, bïï ke many alath aa dɛ̈ɛ̈p aköölnyïïn kedhie. 21Aron kekë wɛ̈ɛ̈tke ë ke tɛ̈ɛ̈u manyëalath në paany de mätic në gëlgël kɔ̈u biic në athänduŋ de mät nɔm tueŋ. Ku ë ye tɔ dɛ̈p ë Yanɔm tueŋ ëtɛ̈ɛ̈n gɔl thëën agut cï run ë piny. Kɔc ke Yithriɛl ayï mïthkɛn bï lɔ̈ɔ̈k tɔ̈u në kecök ë ke döt ee löŋë ananden.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.