Amo 7
7
Nyuuth de Kɔyɔm
1Kë ë nyuth ë Bɛ̈nydït Nhialic yɛn kï: Në nyuuthic yɛn cï Bɛ̈nydït tïŋ acak lunydïït de kɔyɔm. Në akööl ɣɔn cïï ë wal ke melik kɔn ŋeer. Ku jɔ wal piɛɛr bɛ nyɔk. 2Na wën ë nyuuthic, ke ya tïŋ kɔyɔm acï këriëëc tɔ̈c cam ëbɛ̈n në ee pinyë. Guɔ lɔ̈ŋ an, “Bɛ̈nydït Awärjäŋ, pälë kɔcku awänyden! Duëërkï pïïr adï? Keek akoorkï ku akɔ̈ckï?
3Go Bɛ̈nydït piɔ̈u kok, ku lueel an, “Në biäk de lɔ̈ŋdu, kë cï tïŋë acïï rɔt bï bɛ looi.
Nyuuth de Mac
4Go Bɛ̈nydït Nhialic yɛn nyuöth nyuuth däŋ, në nyuuthic, Bɛ̈nydït acï kïït nɔn bï En kɔcke luöi këtuc në mac. Go mac Abäpdit dït cam, ku ciɛm piny ëbɛ̈n. 5Guɔ Bɛ̈nydït Nhialic lɔ̈ŋ an, “Kääcë Bɛ̈nydït Awärjäŋ! Duëër kɔcku pïïr adï? Keek akoorkï ku akɔ̈ckï?
6Go Bɛ̈nydït këde bɛ pɔ̈l, ku lueel an, “Kënë, acïï rɔt bï bɛ looi aya.
Nyuuth de Awin ë Yïk
7Go Bɛ̈nydït ya bɛ tɔ nyuöth ë nyuöth däŋ. Në nyuöthic yɛn cï Bɛ̈nydït tïŋ akääc në päny lɔ̈ɔ̈m, päny cï yïk, ku amuk awin ye yïk käŋ them në Yeciin. 8Na wën, ke lop ɛn an, “Amoth, eeŋö cï tïŋ?
Guɔ puk nɔm an, “Ee awin ë yïk.
Go lueel an, “Tïŋ ë awin ë yïkë, athɛm ɛn Yithriɛl kɔckï, acïk ciët päny cï awin ë yïk tɛɛm wei, Yɛn cïï A nɔm bï bɛ waar në luɔi bän keek luöi këtuc. 9Ɣään thöny ɣɔn ye kuat de Yithaak lam thïn abïï ke nyääŋ piny. Ku ɣään ke läm ke Yithriɛl, abï ke dhuɔŋ piny. Ku riääk bääny de baai de melik Jerobowam në abätäu.
Amoth kekë Amadhia
10Go Amadhia, bɛ̈ny de kake Nhialic de Bethel thok tuöc Jerobowam, meliŋ de Yithriɛl, lueel an, “Amoth alui yïn kiɛɛr rac ë baai de Yithriɛl yic ëbɛ̈n. Jamde abï piny riɔ̈ɔ̈k. 11Aa ye Amoth lueel an, “Jerobowam abï thou në abätäu, ku kɔc ke Yithriɛl abï keek peec, jɔt keek pinyden, leerë keek piny lei.
12Go Amadhia lɛ̈k Amoth an, “Ë jɔ loi, monydaai! Jɔ yïnɔm bɛ pɔ̈k Juda, ku abä ke lɔ thiëc këcamdu ëtɛ̈ɛ̈n, ku lɔɔr bä bɛ lɔ cɔ̈ɔ̈r ëtɛ̈ɛ̈n. 13Du be cɔ̈ɔ̈r ë Bethel eenë taitai. Bethel ee yen nu tëɣeric ye melik lam thïn, ku ye luaŋ yaath de ciɛɛŋ.
14Go Amoth pɔ̈k nɔm Amadhia an, “Yɛn cie tiët ku cä ye wën ë tiët, yɛn ee tïn ë thök, ku ya tiim ke ŋaap döt. 15Go Bɛ̈nydït a jɔt tëdiën ë yan thök kuany cök, ku lëk ɛn an, ‘Lɔ Yithriɛl, lɔ jäämë kɔckï ëtɛ̈ɛ̈n.’ 16Ënɔɔnë në biäk ee kënë, piŋ jam ye Bɛ̈nydït lueel, acï lɛ̈k ɛn an, ‘Du cäär në Yithriɛl, ku du baai de Yithaak be wɛ̈ɛ̈t.
17Ku ënɔɔnë, aye Bɛ̈nydït lueel an, ‘Tiiŋdu abï aa akɔɔrröör wutic, ku wɛ̈ɛ̈tku ku duet ku mïthku abïk wïïk në abätäu, ku Pinydu abï tek në awiɛi. Ku yïn bï lɔ thou piny ë kɔc kuc Nhialic. Ku kɔc ke Yithriɛl abïï keek peec pinyden leerë keek piny lei.’ ”
Currently Selected:
Amo 7: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
