Luɔi 22
22
1“Week, wɛ̈ɛ̈tkewäär ku wärkuɔ, piɛŋkï këdiën luɛɛl ë wenïïm ënɔɔnë. 2Na wën, aa cïk e piŋ nɔn jiɛɛm en ke keek në thoŋ de Ɣeberuu. Ke ke lɔ lik aläldïïtë, go lueel an:
3 #
Luɔi 5:34-39. “Yɛn ë Judai nɔm ëgɔk, ku yɛn aa dhiëëth ë Tartho ë Kilikia, ku yɛn aa muk ë pänydïïtëyic, ke ya piɔ̈ɔ̈c ë Gamaliɛl, ku ye ya wɛ̈ɛ̈t ë täu de löŋ de kuarkuɔ, täu a gɔk, aguɔ yic lɛ̈th në këde Nhialic, acït man ë wek wedhie ëköölë. 4#Luɔi 8:3; 26:9-11. Yɛn aaye kɔc cath ë Kueerë yɔŋ athou kek, ku aake ya duut, ku mac keek ë aloc yiic, röör ayï diäär. 5Bɛ̈nydïït ë kake Nhialic ee cäätɔdï në ëcöökë aya, ayï röördït ëbɛ̈n. Awereek acä ke nööm tëde keek aya, awerek bä yiɛ̈n wäthii, guɔ lɔ Damathko, la kɔc ë tɔ̈u ëtɛ̈ɛ̈n lɔ bɛ̈ɛ̈i Jeruthalem, ke ke rɛk, abïk këdɛn tuc bɛ̈n yök.
Paulo Ajam në Biäk de Gämde
(Luɔi 9:1-19; 20:12-18)
6“Na wën, aa cath kueer, ku cä ɣeet tëthiɔ̈k kekë Damathko, të kɛ̈ɛ̈c akɔ̈l cil, ke këdïït ɣeer ë piny riaau go tuöl ë yalɔ̈ɔ̈m ëthiäu, këɣeer bɔ̈ nhial. 7Guɔ wïïk, ku piɛŋ röl lëkkë yɛn an, ‘Thaulo, Thaulo! Eeŋö yöŋë yɛn?’ 8Guɔ thiëëc an, ‘Ee yïn ŋa, Bɛ̈nydït?’ Go an, ‘Ee Yɛn Yecu de Nadhareth, raan yɔŋë.’ 9Go kɔc cath ë yɛn gokï këɣer tïŋ, agokï riɔ̈ɔ̈c, ku kënkï röl ë raan jam ke yɛn piŋ. 10Go thiëëc an, ‘Eeŋö bä looi, Bɛ̈nydït?’ Go Bɛ̈nydït lueel an, ‘Jɔt rɔt, lɔ Damathko, ka bä dhil looi abï ke lɛ̈k yïn ëtɛ̈ɛ̈n, käŋ kedhie.’ 11Na wën, aa cä ciën të daai në riaau cï këɣeerë a riaau nyin, ke ya dɔm cin ë kɔc wën cath ë yɛn, thelkï ya, guɔ jɔ bɛ̈n Damathko.
12“Ku ade raan cɔl Anania, raan riëëu Nhialic ku döt löŋ, ku ye raan piɛth rin tëde Judai wään rɛ̈ɛ̈r ëtɛ̈ɛ̈n kedhie, 13raanë ë jɔ bɛ̈n tëde yɛn, bï ku kɛ̈ɛ̈c ë yalɔ̈ɔ̈m, go a yɔ̈ɔ̈k an, ‘Thaulo, mɛnhkäi, bɛyë yïn!’ Guɔ yïn ënɔnthiinë, ku wɔi guöp. 14Go lueel an, ‘Nhialic de wärkuɔ acï yï lɔc, bä këde piɔ̈nde bɛ̈n ŋic, ago Raan piɛthpiɔ̈uwë tïŋ, ku jɔ jam ë yenthok piŋ. 15Yïn bï aa cäätɔde ë kɔc yiic kedhie, në ka cï tïŋ ku piŋ ke. 16Ku ënɔɔnë, eeŋö gäu yï? Jɔt rɔt, ke yï baptith, abä karɛcku waak wei, ku jɔ rin ke Bɛ̈nydït cɔɔl.’
Paulo acï Cɔɔl bï Juöör lɔ Wɛ̈ɛ̈t
17“Na wën, të cän a nɔm bɛ dhuöny Jeruthalem, ke ya läŋ ë Luaŋdïtic, ku ja käŋ tïŋ ke ya nyuöth, 18guɔ Bɛ̈nydït tïŋ ke yöök ɛn an, ‘Dap jäl ë Jeruthalem ënɔnthiinë, jamduön ee lueel ë këdï acïkï bï gam.’ 19Guɔ lueel an, ‘Bɛ̈nydït, aŋickï nɔn cän kɔc gam yïn tɔ mac, ku ya ke dui ë ɣööt ke Nhialic yiic kedhie. 20#Luɔi 7:58. Ku wään lëuwë riɛm ë Thepano cäätɔduön wään cï nɔ̈k, ke yɛn aa kääc ëtɛ̈ɛ̈n aya, ku gam thönde, guɔ lupɔɔ ke kɔc näk en tiit.’ 21Go ya yɔ̈ɔ̈k an, ‘Jël tei, yïn bä tuɔɔc tëmec ya të nu ë Juöör.”’
22Gokï ka lueel Paulo piŋ aɣet jamë, na wën, ke ke jɔt keröt, aluelkï an, “Nyaaiyë raan cït ee kënë ë piny nɔm, acïï piɛth luɔi bï en pïïr!” 23Na wën, ke ke cöt arëët abïk lupɔɔken cuat piny, ku deenykï abuui nhial aya. 24Ku jɔ bɛ̈nydït de rem de tɔŋ lueel an, bï Paulo lɛɛr në aloocic, ku lueel, an, bï luɔp në dui bï e dui ë waat, ke bï thar ë kë ye kɔc cööt aya ŋic. 25Na wën, aa dutkï yen ë wïïn, ke Paulo thiëc bɛ̈ny de rem, bɛ̈ny kääc ë yelɔ̈ɔ̈m an, “Cï päl week nɔn bä wek raan dui ë waat ku ye Romai, të ŋoot en ke kënë yiëk yeth gääk?”
26Të cï en ee kënë piŋ, ke bɛ̈ny de rem jɔ lɔ lɛ̈k bɛ̈nydïït de rem de tɔŋ an, “Tïŋ rɔt ë kë loi, raanë ee Romai!”
27Go bɛ̈nydïït de rem de tɔŋ bɛ̈n, ku jɔ thiëëc an, “Lɛ̈kë yɛn, ye Romai?”
Go an, “Ɣɛɛ.”
28Go bɛ̈nydïït de rem de tɔŋ bɛ̈ɛ̈r an, “Yɛn ë wëu juëc tääu piny në biäk bän aa dïl.”
Go Paulo lueel an, “Ku yɛn ë dhiëth ke ya ye dïl.”
29Go kɔc jäl ë yelɔ̈ɔ̈m ënɔnthiinë, kɔc wën, an, bïk e luɔp në dui, go bɛ̈nydïït de rem ë tɔŋ riɔ̈ɔ̈c aya, të cï en e ŋic nɔn ee yen Romai, wën cï en ë tɔ dutë.
Paulo anu në Gɔny Nɔm
30Na ɣɔn amiäk, nɔn de yen piɔ̈u luɔi bï en thar ë këdäŋ ŋic ëgɔk, kë gɔɔnyë Judai ye, ke jɔ Paulo lony ë joth yiic, ku cɔɔl bänydït ke ka ke Nhialic kekë kɔc ke löŋ kedhie an, bïk bɛ̈n. Go Paulo bɛ̈ɛ̈i, ku tɛ̈ɛ̈uwë ë kenïïm.
Currently Selected:
Luɔi 22: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
Luɔi 22
22
1“Week, wɛ̈ɛ̈tkewäär ku wärkuɔ, piɛŋkï këdiën luɛɛl ë wenïïm ënɔɔnë. 2Na wën, aa cïk e piŋ nɔn jiɛɛm en ke keek në thoŋ de Ɣeberuu. Ke ke lɔ lik aläldïïtë, go lueel an:
3 #
Luɔi 5:34-39. “Yɛn ë Judai nɔm ëgɔk, ku yɛn aa dhiëëth ë Tartho ë Kilikia, ku yɛn aa muk ë pänydïïtëyic, ke ya piɔ̈ɔ̈c ë Gamaliɛl, ku ye ya wɛ̈ɛ̈t ë täu de löŋ de kuarkuɔ, täu a gɔk, aguɔ yic lɛ̈th në këde Nhialic, acït man ë wek wedhie ëköölë. 4#Luɔi 8:3; 26:9-11. Yɛn aaye kɔc cath ë Kueerë yɔŋ athou kek, ku aake ya duut, ku mac keek ë aloc yiic, röör ayï diäär. 5Bɛ̈nydïït ë kake Nhialic ee cäätɔdï në ëcöökë aya, ayï röördït ëbɛ̈n. Awereek acä ke nööm tëde keek aya, awerek bä yiɛ̈n wäthii, guɔ lɔ Damathko, la kɔc ë tɔ̈u ëtɛ̈ɛ̈n lɔ bɛ̈ɛ̈i Jeruthalem, ke ke rɛk, abïk këdɛn tuc bɛ̈n yök.
Paulo Ajam në Biäk de Gämde
(Luɔi 9:1-19; 20:12-18)
6“Na wën, aa cath kueer, ku cä ɣeet tëthiɔ̈k kekë Damathko, të kɛ̈ɛ̈c akɔ̈l cil, ke këdïït ɣeer ë piny riaau go tuöl ë yalɔ̈ɔ̈m ëthiäu, këɣeer bɔ̈ nhial. 7Guɔ wïïk, ku piɛŋ röl lëkkë yɛn an, ‘Thaulo, Thaulo! Eeŋö yöŋë yɛn?’ 8Guɔ thiëëc an, ‘Ee yïn ŋa, Bɛ̈nydït?’ Go an, ‘Ee Yɛn Yecu de Nadhareth, raan yɔŋë.’ 9Go kɔc cath ë yɛn gokï këɣer tïŋ, agokï riɔ̈ɔ̈c, ku kënkï röl ë raan jam ke yɛn piŋ. 10Go thiëëc an, ‘Eeŋö bä looi, Bɛ̈nydït?’ Go Bɛ̈nydït lueel an, ‘Jɔt rɔt, lɔ Damathko, ka bä dhil looi abï ke lɛ̈k yïn ëtɛ̈ɛ̈n, käŋ kedhie.’ 11Na wën, aa cä ciën të daai në riaau cï këɣeerë a riaau nyin, ke ya dɔm cin ë kɔc wën cath ë yɛn, thelkï ya, guɔ jɔ bɛ̈n Damathko.
12“Ku ade raan cɔl Anania, raan riëëu Nhialic ku döt löŋ, ku ye raan piɛth rin tëde Judai wään rɛ̈ɛ̈r ëtɛ̈ɛ̈n kedhie, 13raanë ë jɔ bɛ̈n tëde yɛn, bï ku kɛ̈ɛ̈c ë yalɔ̈ɔ̈m, go a yɔ̈ɔ̈k an, ‘Thaulo, mɛnhkäi, bɛyë yïn!’ Guɔ yïn ënɔnthiinë, ku wɔi guöp. 14Go lueel an, ‘Nhialic de wärkuɔ acï yï lɔc, bä këde piɔ̈nde bɛ̈n ŋic, ago Raan piɛthpiɔ̈uwë tïŋ, ku jɔ jam ë yenthok piŋ. 15Yïn bï aa cäätɔde ë kɔc yiic kedhie, në ka cï tïŋ ku piŋ ke. 16Ku ënɔɔnë, eeŋö gäu yï? Jɔt rɔt, ke yï baptith, abä karɛcku waak wei, ku jɔ rin ke Bɛ̈nydït cɔɔl.’
Paulo acï Cɔɔl bï Juöör lɔ Wɛ̈ɛ̈t
17“Na wën, të cän a nɔm bɛ dhuöny Jeruthalem, ke ya läŋ ë Luaŋdïtic, ku ja käŋ tïŋ ke ya nyuöth, 18guɔ Bɛ̈nydït tïŋ ke yöök ɛn an, ‘Dap jäl ë Jeruthalem ënɔnthiinë, jamduön ee lueel ë këdï acïkï bï gam.’ 19Guɔ lueel an, ‘Bɛ̈nydït, aŋickï nɔn cän kɔc gam yïn tɔ mac, ku ya ke dui ë ɣööt ke Nhialic yiic kedhie. 20#Luɔi 7:58. Ku wään lëuwë riɛm ë Thepano cäätɔduön wään cï nɔ̈k, ke yɛn aa kääc ëtɛ̈ɛ̈n aya, ku gam thönde, guɔ lupɔɔ ke kɔc näk en tiit.’ 21Go ya yɔ̈ɔ̈k an, ‘Jël tei, yïn bä tuɔɔc tëmec ya të nu ë Juöör.”’
22Gokï ka lueel Paulo piŋ aɣet jamë, na wën, ke ke jɔt keröt, aluelkï an, “Nyaaiyë raan cït ee kënë ë piny nɔm, acïï piɛth luɔi bï en pïïr!” 23Na wën, ke ke cöt arëët abïk lupɔɔken cuat piny, ku deenykï abuui nhial aya. 24Ku jɔ bɛ̈nydït de rem de tɔŋ lueel an, bï Paulo lɛɛr në aloocic, ku lueel, an, bï luɔp në dui bï e dui ë waat, ke bï thar ë kë ye kɔc cööt aya ŋic. 25Na wën, aa dutkï yen ë wïïn, ke Paulo thiëc bɛ̈ny de rem, bɛ̈ny kääc ë yelɔ̈ɔ̈m an, “Cï päl week nɔn bä wek raan dui ë waat ku ye Romai, të ŋoot en ke kënë yiëk yeth gääk?”
26Të cï en ee kënë piŋ, ke bɛ̈ny de rem jɔ lɔ lɛ̈k bɛ̈nydïït de rem de tɔŋ an, “Tïŋ rɔt ë kë loi, raanë ee Romai!”
27Go bɛ̈nydïït de rem de tɔŋ bɛ̈n, ku jɔ thiëëc an, “Lɛ̈kë yɛn, ye Romai?”
Go an, “Ɣɛɛ.”
28Go bɛ̈nydïït de rem de tɔŋ bɛ̈ɛ̈r an, “Yɛn ë wëu juëc tääu piny në biäk bän aa dïl.”
Go Paulo lueel an, “Ku yɛn ë dhiëth ke ya ye dïl.”
29Go kɔc jäl ë yelɔ̈ɔ̈m ënɔnthiinë, kɔc wën, an, bïk e luɔp në dui, go bɛ̈nydïït de rem ë tɔŋ riɔ̈ɔ̈c aya, të cï en e ŋic nɔn ee yen Romai, wën cï en ë tɔ dutë.
Paulo anu në Gɔny Nɔm
30Na ɣɔn amiäk, nɔn de yen piɔ̈u luɔi bï en thar ë këdäŋ ŋic ëgɔk, kë gɔɔnyë Judai ye, ke jɔ Paulo lony ë joth yiic, ku cɔɔl bänydït ke ka ke Nhialic kekë kɔc ke löŋ kedhie an, bïk bɛ̈n. Go Paulo bɛ̈ɛ̈i, ku tɛ̈ɛ̈uwë ë kenïïm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.