2 Kor 1
1
1 #
Luɔi 18:1. Yɛn Paulo, tuny ë Yecu Kërtho në këde piɔ̈n ë Nhialic, wokë Timotheo mɛnhkënëda.
Awerek en gɛ̈ɛ̈rku ɣön ë Nhialic nu Korinth, kekë kɔc ɣerpiɔ̈ɔ̈th kedhie kɔc nu Akaya ëbɛ̈n:
2Ë dhuëëŋdepiɔ̈u kekë mät në ke tɔ̈u ë weyiic, në ke bɔ̈ tëde Nhialic Wääda kekë Bɛ̈nydït Yecu Kërtho.
Paulo Alec Nhialic
3Thieithieei Nhialic yen Wun Bɛ̈nydan Yecu Kërtho, Wun kokdepiɔ̈u ku ye Nhialic de muŋdepiɔ̈u ëbɛ̈n! 4Raan ë wo muk piɔ̈ɔ̈th në ka dhal wook ëbɛ̈n, luɔi bï wo kɔc ŋiëc muk piɔ̈ɔ̈th kɔc cïï këdäŋ dhal, në muŋ cï wo muk piɔ̈ɔ̈th në Nhialic wogup. 5Ku acït man juëc katuc gumku në biäk de Kërtho, en a dïïtë muŋ ee wo muk piɔ̈ɔ̈th aya në Kërtho. 6Ku na dhal käŋ wook, ee këde muŋ bï we muk piɔ̈ɔ̈th ayï kuny bï we kony wëi, ku aye ke luöi week në ruöt aa wek wepiɔ̈ɔ̈th ruut në ka guömkï, ka kït ë ka gumku ayadäŋ: ku të cï wo muk piɔ̈ɔ̈th, ee këde muŋ bï we muk piɔ̈ɔ̈th aya ku kuny bï we kony wëi. 7Ku aŋäth ŋäthku ë biäkdun ee yic agɔk, luɔi ŋic wok ee kënë an, acït man aa wek kɔc ë rɔm ëtök në muŋdepiɔ̈u aya.
8 #
1 Kor 15:32. Ku wo cïn piɔ̈ɔ̈th luɔi bä wek ka cï dhal kuc, wek mïthëkɔckuɔ, ka cuk yök ë Athia, yïk cï wo yiëk piɔ̈ɔ̈th këthiek ëdot, ke cuku duëër lëu ë guöm, arëk acuk röt kuöc pïïr. 9Ee yic, wok aa rɛ̈ɛ̈r ë wo ye kɔc ë röt ŋiëc thuɔɔu, luɔi cïï wo röt ee ŋɔ̈ɔ̈th, ee Nhialic en abuk dhil aa ŋɔ̈ɔ̈th, Raan ee kɔc cï thou jat nhial. 10Raan ë wo luök në thon dïït yïnya,#1:10: në thon dïït yïnya; këcïgɔ̈ɔ̈r däŋ ade yic thon rac. ku ŋoot ke ye wo luök: ku yen aŋäthku luɔi bï en ŋoot ke luäk wook aya, 11ku week ayadäŋ we bï wo kony ëtök në läŋ aa wek lɔ̈ŋ në biäkda, na miäk, të cï wo käŋ yök në lɔ̈ŋ cïï kɔc juëc lɔ̈ŋ, ka bï kɔc juëc lueel an, Thieithieei, në biäkda.
Paulo Awaar Kïïtde
12Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k 13Acïn wël kɔ̈k gɛ̈ɛ̈rku week, ee wël kuɛnkï ënɔɔnë kapäc, ku yek wël cäk gam aya, ku yɛn de piɔ̈u luɔi bä wek ke gam athöökë käŋ: 14acït man cä wek wo kɔn gam ë biäk an, yok lɛcduön aa wek röt leec, cït man aa wek lɛcda ayadäŋ ëkööl ë Bɛ̈nydan Yecu.
15Ku gäm cän ee kënë gam yen aa luɛɛl ɛn en ë yapiɔ̈u wään, nɔn bän bɛ̈n tëde week, luɔi bä wek këpiɛth bɛ yök raanrou. 16#Luɔi 19:21. Ku nɔn bän tëëk ë welɔ̈m ke ya lɔ Makedonia, aguɔ a nɔm pɔ̈k Makedonia bä tëde week, ke we bï a ruac kueer lɔ Juda. 17Löŋ cä lueel ë yapiɔ̈u aya, cä lueel ë ya wiël piɔ̈u? Ayï löŋ ë ya lueel, ee këde guöp en luɛɛl ɛn en, cït man en ë lööŋ kaarou an, “Ɣɛɛ, ɣɛɛ,” ku, an, “Ei, ei?” 18Ku në dön ee Nhialic adöt, jamda wokë week acie Ɣɛɛ ku be aa Ei. 19#Luɔi 18:5. Wën ë Nhialic, Yecu Kërtho, raan ë wok rinke guiir ë weyiic, wo wokë Thiluano ku Timotheo, yen aacïï ye “Ɣɛɛ” ku be aa “Ei,” käŋ ayek “Ɣɛɛ” tëde yen. 20Ku të de en ka cï Nhialic lueel an, bï ke gäm kɔc, “Ɣɛɛ” yen aye këde, ku ye “Amiin” këde, ke Nhialic bï dhuëëŋ yök në wook. 21Ku Raan ë wo tɔ kääc aril ë Kërtho yic wokë week ëtök, ku cï wo tɔc gup, yen aye Nhialic. 22Raan cï wo gäär piɔ̈ɔ̈th rinke aya, ago wo gäm Wëidït ë wopiɔ̈ɔ̈th, ke ye biäk de kë buk yök rial.
23Ku yɛn cɔl Nhialic bï aa cäätɔdï në këde yɛnpiɔ̈u an, Päl päl ɛn week en a ŋuɔɔt ɛn ke ya kën bɛ̈n Korinth. 24Ku acie luɔi ee wok week cieŋ, wok ee kɔc ee week kony në miɛt bä we piɔ̈ɔ̈th miɛt: ee gämdun en a kääc wek.
Currently Selected:
2 Kor 1: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
2 Kor 1
1
1 #
Luɔi 18:1. Yɛn Paulo, tuny ë Yecu Kërtho në këde piɔ̈n ë Nhialic, wokë Timotheo mɛnhkënëda.
Awerek en gɛ̈ɛ̈rku ɣön ë Nhialic nu Korinth, kekë kɔc ɣerpiɔ̈ɔ̈th kedhie kɔc nu Akaya ëbɛ̈n:
2Ë dhuëëŋdepiɔ̈u kekë mät në ke tɔ̈u ë weyiic, në ke bɔ̈ tëde Nhialic Wääda kekë Bɛ̈nydït Yecu Kërtho.
Paulo Alec Nhialic
3Thieithieei Nhialic yen Wun Bɛ̈nydan Yecu Kërtho, Wun kokdepiɔ̈u ku ye Nhialic de muŋdepiɔ̈u ëbɛ̈n! 4Raan ë wo muk piɔ̈ɔ̈th në ka dhal wook ëbɛ̈n, luɔi bï wo kɔc ŋiëc muk piɔ̈ɔ̈th kɔc cïï këdäŋ dhal, në muŋ cï wo muk piɔ̈ɔ̈th në Nhialic wogup. 5Ku acït man juëc katuc gumku në biäk de Kërtho, en a dïïtë muŋ ee wo muk piɔ̈ɔ̈th aya në Kërtho. 6Ku na dhal käŋ wook, ee këde muŋ bï we muk piɔ̈ɔ̈th ayï kuny bï we kony wëi, ku aye ke luöi week në ruöt aa wek wepiɔ̈ɔ̈th ruut në ka guömkï, ka kït ë ka gumku ayadäŋ: ku të cï wo muk piɔ̈ɔ̈th, ee këde muŋ bï we muk piɔ̈ɔ̈th aya ku kuny bï we kony wëi. 7Ku aŋäth ŋäthku ë biäkdun ee yic agɔk, luɔi ŋic wok ee kënë an, acït man aa wek kɔc ë rɔm ëtök në muŋdepiɔ̈u aya.
8 #
1 Kor 15:32. Ku wo cïn piɔ̈ɔ̈th luɔi bä wek ka cï dhal kuc, wek mïthëkɔckuɔ, ka cuk yök ë Athia, yïk cï wo yiëk piɔ̈ɔ̈th këthiek ëdot, ke cuku duëër lëu ë guöm, arëk acuk röt kuöc pïïr. 9Ee yic, wok aa rɛ̈ɛ̈r ë wo ye kɔc ë röt ŋiëc thuɔɔu, luɔi cïï wo röt ee ŋɔ̈ɔ̈th, ee Nhialic en abuk dhil aa ŋɔ̈ɔ̈th, Raan ee kɔc cï thou jat nhial. 10Raan ë wo luök në thon dïït yïnya,#1:10: në thon dïït yïnya; këcïgɔ̈ɔ̈r däŋ ade yic thon rac. ku ŋoot ke ye wo luök: ku yen aŋäthku luɔi bï en ŋoot ke luäk wook aya, 11ku week ayadäŋ we bï wo kony ëtök në läŋ aa wek lɔ̈ŋ në biäkda, na miäk, të cï wo käŋ yök në lɔ̈ŋ cïï kɔc juëc lɔ̈ŋ, ka bï kɔc juëc lueel an, Thieithieei, në biäkda.
Paulo Awaar Kïïtde
12Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k 13Acïn wël kɔ̈k gɛ̈ɛ̈rku week, ee wël kuɛnkï ënɔɔnë kapäc, ku yek wël cäk gam aya, ku yɛn de piɔ̈u luɔi bä wek ke gam athöökë käŋ: 14acït man cä wek wo kɔn gam ë biäk an, yok lɛcduön aa wek röt leec, cït man aa wek lɛcda ayadäŋ ëkööl ë Bɛ̈nydan Yecu.
15Ku gäm cän ee kënë gam yen aa luɛɛl ɛn en ë yapiɔ̈u wään, nɔn bän bɛ̈n tëde week, luɔi bä wek këpiɛth bɛ yök raanrou. 16#Luɔi 19:21. Ku nɔn bän tëëk ë welɔ̈m ke ya lɔ Makedonia, aguɔ a nɔm pɔ̈k Makedonia bä tëde week, ke we bï a ruac kueer lɔ Juda. 17Löŋ cä lueel ë yapiɔ̈u aya, cä lueel ë ya wiël piɔ̈u? Ayï löŋ ë ya lueel, ee këde guöp en luɛɛl ɛn en, cït man en ë lööŋ kaarou an, “Ɣɛɛ, ɣɛɛ,” ku, an, “Ei, ei?” 18Ku në dön ee Nhialic adöt, jamda wokë week acie Ɣɛɛ ku be aa Ei. 19#Luɔi 18:5. Wën ë Nhialic, Yecu Kërtho, raan ë wok rinke guiir ë weyiic, wo wokë Thiluano ku Timotheo, yen aacïï ye “Ɣɛɛ” ku be aa “Ei,” käŋ ayek “Ɣɛɛ” tëde yen. 20Ku të de en ka cï Nhialic lueel an, bï ke gäm kɔc, “Ɣɛɛ” yen aye këde, ku ye “Amiin” këde, ke Nhialic bï dhuëëŋ yök në wook. 21Ku Raan ë wo tɔ kääc aril ë Kërtho yic wokë week ëtök, ku cï wo tɔc gup, yen aye Nhialic. 22Raan cï wo gäär piɔ̈ɔ̈th rinke aya, ago wo gäm Wëidït ë wopiɔ̈ɔ̈th, ke ye biäk de kë buk yök rial.
23Ku yɛn cɔl Nhialic bï aa cäätɔdï në këde yɛnpiɔ̈u an, Päl päl ɛn week en a ŋuɔɔt ɛn ke ya kën bɛ̈n Korinth. 24Ku acie luɔi ee wok week cieŋ, wok ee kɔc ee week kony në miɛt bä we piɔ̈ɔ̈th miɛt: ee gämdun en a kääc wek.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.