1 Kor 15
15
Jön de rɔt de Kërtho
1Ku week, mïthëkɔckuɔ, wek aa tɔ ŋic wëlpiɛth cä kɔn guiëër week, wël wään cäk dɔm ayadäŋ, ku yek we tɔ kääc aya. 2Ku yek wël cï we kony wëi ë keek, të ya wek jam cä guiëër week cök ë mɔ̈k wek e, të kën wek pëër gamic tei.
3 #
Yith 53:5-12. Yɛn ë jam kɔn yiɛ̈n week ɣɔn, jam cä nööm ayadäŋ, jam ë thon cï Kërtho thou në biäk de karɛckuɔ acït man cï këcïgɔ̈ɔ̈r e lueel, 4#Diɛt 16:8-10; Math 12:40; Luɔi 2:24-32. ku luɔi cï e tɔ̈ɔ̈u, ku luɔi cï en rɔt bɛ jɔt ë kööl ee kek diäk acït man cï kacïgɔ̈ɔ̈r e lueel, 5#Luk 24:34; Math 28:16,17; Mak 16:14; Luk 24:36; Jɔn 20:19. ku luɔi cï en tïc tëde Kepath, na wën, ke tiëc tëde tuuc kathiëër ku rou. 6Na wën, ke jɔ tïŋ, ë mïthëkɔckuɔ, kɔc wär bot kadhïc ë raantök, ku të dït ë keek anu aɣet cï ënɔɔnë, kɔc kɔ̈k ë keek acïk lɔ tɔ̈c tei. 7Na wën, ke tiëc tëde Jakop, ku jɔ tïc tëde tuuc kedhie.
8 #
Luɔi 9:3-6. Na wën, ë kɔc cök kedhie, ke jɔ tïc tëde yɛn ayadäŋ, acït man ë kë ë dhiëth ke ye athɔ̈ɔ̈rbei.#15:8: kë ë dhiëth ke ye athɔ̈ɔ̈rbei; nɔn kën ë dhiëth ke aköölke ë ke ŋoot. 9#Luɔi 8:3. Luɔi ee yɛn koor ee tuuc kedhie, ku yɛn cïï röŋ në luɔi bï a tɔ ye tuc, luɔi aa yɛn ɣön ë Nhialic yɔŋ. 10Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn. 11Ku ënɔɔnë, nɔn ee yen ɛn, ku nɔn ee keek, wok ee wël guiir alë, ku we cï gam alë.
Jön de Rɔtda
12Ku të cï e guiëër kɔc ë këde Kërtho nɔn cï en rɔt jɔt ë kɔc cï thou yiic, ku na kɔc kɔ̈k ë weyiic, yek lueel adï, an, cïn jöt nu jön bï kɔc cï thou röt jɔt? 13Ku të cïn en jön bï kɔc cï thou röt jɔt nu, ke Kërtho ayadäŋ, ka kën rɔt jɔt, 14ku të kënë Kërtho rɔt jɔt, ke guiëër guiir wok wël ee këɣɔ̈ric, ayï gäm gäm wek ee këɣɔ̈ric ayadäŋ. 15Yeka, ku wo cï yök aye cäätɔɔ ke Nhialic cäätɔɔ aluɛth, në luɛl cï wok e lueel ë këde Nhialic an, cï Kërtho jat nhial, ku tëë kɔc cï thou ë ke cïï röt ee jɔt, ka kën jat nhial. 16Ku të cïï kɔc cï thou röt ee jɔt, ke Kërtho ayadäŋ ka kën rɔt jɔt. 17Ku të kënë Kërtho rɔt jɔt, ke gämdun ee këɣɔ̈ric, wek ŋoot ë wek tɔ̈u ë karɛckun yiic. 18Ku jɔ kɔc cï niin ë Kërthoyic määr aya. 19Të de wok aŋäth ŋɛ̈ɛ̈th wok Kërtho në pïïr ënɔɔnë tei,#15:19: Të de wok aŋäth ŋɛ̈ɛ̈th wok Kërtho në pïïr ënɔɔnë tei; nɔn Na ye këdan nu ee pïïrë yic ëbɛ̈n ee aŋäthda në Kërthoyic. ke wok ee kɔc kuanynyïïn në kɔc kedhie.
20Ku ënɔɔnë Kërtho acï rɔt jɔt ë kɔc cï thou yiic, ago aa kë cï kɔn luɔk ë kɔc cï niin yiic. 21Ku luɔi ee yen raan yen ë bïï thuɔɔu, ka ye raan aya yen ë bïï jönërɔt ë kɔc cï thou. 22Acït man ë thouwë kɔc kedhie në Adam, yen acït pïïr bï kɔc tɔ pïïr kedhie në Kërtho. 23Ku raan ëbɛ̈n ŋɛk ke kööldɛn röŋ ke ye: Kërtho ee kë cï kɔn luɔk, miäk, ke kɔc ke Kërtho abïk röt lɔ̈ɔ̈k jɔt ëkööl bï en bɛ̈n. 24Ku jɔ thök ë käŋ bɛ̈n, të cï en ciɛɛŋ de piny tääu ë Nhialic Wun cin, kööl cï en ciɛɛŋ tɔ cïn naamde ëbɛ̈n, ayï bɛ̈ɛ̈ny ëbɛ̈n, ayï riɛl ëbɛ̈n. 25#Diɛt 110:1. Ku yen abï piny dhil cieŋ, aɣet të cï en kɔc de ater ë yen tuɛɛl ë yecök yiic piny. 26Raan de ater raan bï tɔ cïn naamde ë käŋ cök ciëën, yen aye thuɔɔu. 27#Diɛt 8:6. Ë këriëëc tääu ë yecök yiic piny. Ku të lueel en en an, “Cï këriëëc tääu ë yecök yiic piny.” Ku cöökë abï dhil ŋic an, Raan ë tɛ̈ɛ̈u käŋ ë yecök yiic piny akënë mat thïn. 28Ku të cï këriëëc ëbɛ̈n guɔ tääu ë yecök, ke Wënde guöp aya abï jɔ tääu ë Raandïït cök Raan ë tɛ̈ɛ̈u këriëëc ëbɛ̈n ë yecök, ago Nhialic aa käŋ kedhie ku nu ë käŋ yiic kedhie.
29Ku të cïï kɔc cï thou röt jɔt, ke kɔc cï baptith në këde kɔc cï thou bïk looi adï? Ku jɔ aa ŋö, kë lui ë keek baptith në këde kɔc cï thou? 30Ku wook, eeŋö ye wo cath ke wo ye kɔc cï thou ëcaŋɣɔn? 31Yeka, në lɛc aa yɛn rɔt leec ë këdun ë Kërtho Yecu Bɛ̈nydïïtda yic, ee yic en luɛɛl an, Yɛn ee cath ke ya cï thou ë aköölnyïïn kedhie. 32#Yith 22:13. Të cän piɔ̈t wokë läi roor Epetho cït man ë kɔc, eeŋö bä yök thïn të cïï kɔc cï thou röt jɔt? “Aŋuän luɔi duëër wo cam, ku dëkku, në luɔi bï wo thou miäk.”
33Duökï röt tɔ mɛthë: män mɛtë raan ke kɔc rac, yen aye ciɛɛŋ piɛth riɔ̈ɔ̈k. 34Jakï pääc në piɔ̈n piɛth, ku duökï kërac ee looi, kɔc kɔ̈k acïn ŋïny de Nhialic cath ke keek: yɛn luel cöökë, ke we bï yäär.
Jön ë rɔt de Guöp
35Ku abï dɛ raan töŋ thiëc an, “Kɔc cï thou yek röt jɔt adï? Ku bïk bɛ̈n ë guöpou?” 36Yïn piɔl piɔ̈u! Na kë cï com, yïn, acie pïïr, të ŋoot en ke kën kɔn thou. 37Ku kë com, acie guöp bï nu en com, ee nyin tei, nyin cïn kɔ̈u käŋ, nɔn ee yen agamɔ, nɔn ee kek rɛɛp kɔ̈k tei. 38Ku Nhialic yen aye gäm guöp cït man nu yen ë yepiɔ̈u, ku gɛ̈m käu ëbɛ̈n guöp de yenguöp.
39Rïŋ ëbɛ̈n acïï kït: rïïŋ de raan pei, ku rïïŋ de läi pei, ku rïïŋ de rec pei, ku rïïŋ de diɛt pei.
40Ku ade gup ke ka ke paannhial, ku gup ke ka ke piny nɔm: ku dhuëëŋ de ka ke paannhial anu pei, ku nu dhuëëŋ de ka ke piny nɔm pei. 41Dhuëëŋ de akɔ̈l pei, ku dhuëëŋ de pɛɛi pei, ku dhuëëŋ de kuɛl pei, ayï kuelë ku kuelë, ŋɛk acath ke dhuëëŋde pei.
42Yen acït jön ë rɔt ë kɔc cï thou aya. Aye com ke ye kë bï dhiap, ee rɔt jɔt ke ye kë cïï bï dhiap. 43Aye com ë ke cï biɔɔn, ku jɔt rɔt ke cath ke dhuëëŋ, aye com në kɔ̈cde, ku jɔt rɔt në riɛl: 44aye com ë guöp de piny nɔm, ku jɔt rɔt ë guöp de wëi. Guöp de piny nɔm anu, ku guöp de wëi anu. 45#Cäk 2:7. Yen aa gɛ̈ɛ̈rë ë yen aya an, “Adam raan tueŋ acï aa piɔ̈n pïïr.” Ku Adam raan ciëën acï aa wëi, wëi ë kɔc tɔ pïïr. 46Ku këde wëi acïï nu tueŋ, ee kë de piny nɔm en anu tueŋ, na miäk ke këde wëi ë jɔ lɔ. 47Raan tueŋ aa bɔ̈ piny, ee këde piny: raan lɔ ë yecök, ee Bɛ̈nydït bɔ̈ paannhial. 48Ku cït man tɔ̈uwë kë de piny, yen aye täu tɔ̈uwë kɔc ke piny ayadäŋ: ku cït man tɔ̈uwë raan ë paannhial, yen aye täu tɔ̈uwë kɔc ke paannhial. 49Ku cït man ë ye wo cath në cuɛ̈c de raan ë piny, yen abï wo cath ayadäŋ#15:49: yen abï wo cath ayadäŋ; këcïgɔ̈ɔ̈r däŋ ade yic ciɛthku. në cuɛ̈c de raan ë paannhial.
50Ku kënë en aluɛɛl, wek mïthëkɔckuɔ an, rïŋ kekë riɛm acïkï ciɛɛŋ de Nhialic duëër lɔ̈ɔ̈k lak, ayï kë bï dhiap, acïï kë cïï bï dhiap duëër lɔ̈ɔ̈k lak.
51Wɔikï, wek nyuöth këcïmoony an, wo cïï bï niin wodhie, wo bï röt puk wodhie, 52#1 Theth 4:15-17. ëthiäu, cït man anieu de nyin, të koothë kaaŋ ciëën: kaaŋ abï kooth, go kɔc cï thou röt jɔt ke ke cïï bï dhiap, ka wo bï röt puk. 53Ku dhiapë abï kë cïï bï dhiap dhil cieŋ cït man ë lupɔ, ku bï këde thuɔɔuwë kë cïï bï thou dhil cieŋ. 54#Yith 25:8. Na miäk, acï dhiapë kë cïï bï dhiap guɔ cieŋ, ku cï këde thuɔɔuwë kë cïï bï thou guɔ cieŋ, yen abï jam aa yic jam cï gɔ̈ɔ̈r an, “Thuɔɔu aye guɔ liek në tiëm cï e tiaam!”
55 #
Ɣodh 13:14 (LXX). “Yïn thuɔɔu, winhduön ee yïn kɔc moc akou?
Ayïk yïn, yïn raan ë thuɔɔu, tiëm tiɛɛm yïn kɔc akou?”
56Winh ë thuɔɔu en aye kërac, ku riɛl ë kërac yen aye löŋ. 57Ku ënɔɔnë, Thieithieei në Nhialic, Raan ë wo tɔ tiam käŋ në Bɛ̈nydït Yecu Kërtho!
58Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.
Currently Selected:
1 Kor 15: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
1 Kor 15
15
Jön de rɔt de Kërtho
1Ku week, mïthëkɔckuɔ, wek aa tɔ ŋic wëlpiɛth cä kɔn guiëër week, wël wään cäk dɔm ayadäŋ, ku yek we tɔ kääc aya. 2Ku yek wël cï we kony wëi ë keek, të ya wek jam cä guiëër week cök ë mɔ̈k wek e, të kën wek pëër gamic tei.
3 #
Yith 53:5-12. Yɛn ë jam kɔn yiɛ̈n week ɣɔn, jam cä nööm ayadäŋ, jam ë thon cï Kërtho thou në biäk de karɛckuɔ acït man cï këcïgɔ̈ɔ̈r e lueel, 4#Diɛt 16:8-10; Math 12:40; Luɔi 2:24-32. ku luɔi cï e tɔ̈ɔ̈u, ku luɔi cï en rɔt bɛ jɔt ë kööl ee kek diäk acït man cï kacïgɔ̈ɔ̈r e lueel, 5#Luk 24:34; Math 28:16,17; Mak 16:14; Luk 24:36; Jɔn 20:19. ku luɔi cï en tïc tëde Kepath, na wën, ke tiëc tëde tuuc kathiëër ku rou. 6Na wën, ke jɔ tïŋ, ë mïthëkɔckuɔ, kɔc wär bot kadhïc ë raantök, ku të dït ë keek anu aɣet cï ënɔɔnë, kɔc kɔ̈k ë keek acïk lɔ tɔ̈c tei. 7Na wën, ke tiëc tëde Jakop, ku jɔ tïc tëde tuuc kedhie.
8 #
Luɔi 9:3-6. Na wën, ë kɔc cök kedhie, ke jɔ tïc tëde yɛn ayadäŋ, acït man ë kë ë dhiëth ke ye athɔ̈ɔ̈rbei.#15:8: kë ë dhiëth ke ye athɔ̈ɔ̈rbei; nɔn kën ë dhiëth ke aköölke ë ke ŋoot. 9#Luɔi 8:3. Luɔi ee yɛn koor ee tuuc kedhie, ku yɛn cïï röŋ në luɔi bï a tɔ ye tuc, luɔi aa yɛn ɣön ë Nhialic yɔŋ. 10Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn. 11Ku ënɔɔnë, nɔn ee yen ɛn, ku nɔn ee keek, wok ee wël guiir alë, ku we cï gam alë.
Jön de Rɔtda
12Ku të cï e guiëër kɔc ë këde Kërtho nɔn cï en rɔt jɔt ë kɔc cï thou yiic, ku na kɔc kɔ̈k ë weyiic, yek lueel adï, an, cïn jöt nu jön bï kɔc cï thou röt jɔt? 13Ku të cïn en jön bï kɔc cï thou röt jɔt nu, ke Kërtho ayadäŋ, ka kën rɔt jɔt, 14ku të kënë Kërtho rɔt jɔt, ke guiëër guiir wok wël ee këɣɔ̈ric, ayï gäm gäm wek ee këɣɔ̈ric ayadäŋ. 15Yeka, ku wo cï yök aye cäätɔɔ ke Nhialic cäätɔɔ aluɛth, në luɛl cï wok e lueel ë këde Nhialic an, cï Kërtho jat nhial, ku tëë kɔc cï thou ë ke cïï röt ee jɔt, ka kën jat nhial. 16Ku të cïï kɔc cï thou röt ee jɔt, ke Kërtho ayadäŋ ka kën rɔt jɔt. 17Ku të kënë Kërtho rɔt jɔt, ke gämdun ee këɣɔ̈ric, wek ŋoot ë wek tɔ̈u ë karɛckun yiic. 18Ku jɔ kɔc cï niin ë Kërthoyic määr aya. 19Të de wok aŋäth ŋɛ̈ɛ̈th wok Kërtho në pïïr ënɔɔnë tei,#15:19: Të de wok aŋäth ŋɛ̈ɛ̈th wok Kërtho në pïïr ënɔɔnë tei; nɔn Na ye këdan nu ee pïïrë yic ëbɛ̈n ee aŋäthda në Kërthoyic. ke wok ee kɔc kuanynyïïn në kɔc kedhie.
20Ku ënɔɔnë Kërtho acï rɔt jɔt ë kɔc cï thou yiic, ago aa kë cï kɔn luɔk ë kɔc cï niin yiic. 21Ku luɔi ee yen raan yen ë bïï thuɔɔu, ka ye raan aya yen ë bïï jönërɔt ë kɔc cï thou. 22Acït man ë thouwë kɔc kedhie në Adam, yen acït pïïr bï kɔc tɔ pïïr kedhie në Kërtho. 23Ku raan ëbɛ̈n ŋɛk ke kööldɛn röŋ ke ye: Kërtho ee kë cï kɔn luɔk, miäk, ke kɔc ke Kërtho abïk röt lɔ̈ɔ̈k jɔt ëkööl bï en bɛ̈n. 24Ku jɔ thök ë käŋ bɛ̈n, të cï en ciɛɛŋ de piny tääu ë Nhialic Wun cin, kööl cï en ciɛɛŋ tɔ cïn naamde ëbɛ̈n, ayï bɛ̈ɛ̈ny ëbɛ̈n, ayï riɛl ëbɛ̈n. 25#Diɛt 110:1. Ku yen abï piny dhil cieŋ, aɣet të cï en kɔc de ater ë yen tuɛɛl ë yecök yiic piny. 26Raan de ater raan bï tɔ cïn naamde ë käŋ cök ciëën, yen aye thuɔɔu. 27#Diɛt 8:6. Ë këriëëc tääu ë yecök yiic piny. Ku të lueel en en an, “Cï këriëëc tääu ë yecök yiic piny.” Ku cöökë abï dhil ŋic an, Raan ë tɛ̈ɛ̈u käŋ ë yecök yiic piny akënë mat thïn. 28Ku të cï këriëëc ëbɛ̈n guɔ tääu ë yecök, ke Wënde guöp aya abï jɔ tääu ë Raandïït cök Raan ë tɛ̈ɛ̈u këriëëc ëbɛ̈n ë yecök, ago Nhialic aa käŋ kedhie ku nu ë käŋ yiic kedhie.
29Ku të cïï kɔc cï thou röt jɔt, ke kɔc cï baptith në këde kɔc cï thou bïk looi adï? Ku jɔ aa ŋö, kë lui ë keek baptith në këde kɔc cï thou? 30Ku wook, eeŋö ye wo cath ke wo ye kɔc cï thou ëcaŋɣɔn? 31Yeka, në lɛc aa yɛn rɔt leec ë këdun ë Kërtho Yecu Bɛ̈nydïïtda yic, ee yic en luɛɛl an, Yɛn ee cath ke ya cï thou ë aköölnyïïn kedhie. 32#Yith 22:13. Të cän piɔ̈t wokë läi roor Epetho cït man ë kɔc, eeŋö bä yök thïn të cïï kɔc cï thou röt jɔt? “Aŋuän luɔi duëër wo cam, ku dëkku, në luɔi bï wo thou miäk.”
33Duökï röt tɔ mɛthë: män mɛtë raan ke kɔc rac, yen aye ciɛɛŋ piɛth riɔ̈ɔ̈k. 34Jakï pääc në piɔ̈n piɛth, ku duökï kërac ee looi, kɔc kɔ̈k acïn ŋïny de Nhialic cath ke keek: yɛn luel cöökë, ke we bï yäär.
Jön ë rɔt de Guöp
35Ku abï dɛ raan töŋ thiëc an, “Kɔc cï thou yek röt jɔt adï? Ku bïk bɛ̈n ë guöpou?” 36Yïn piɔl piɔ̈u! Na kë cï com, yïn, acie pïïr, të ŋoot en ke kën kɔn thou. 37Ku kë com, acie guöp bï nu en com, ee nyin tei, nyin cïn kɔ̈u käŋ, nɔn ee yen agamɔ, nɔn ee kek rɛɛp kɔ̈k tei. 38Ku Nhialic yen aye gäm guöp cït man nu yen ë yepiɔ̈u, ku gɛ̈m käu ëbɛ̈n guöp de yenguöp.
39Rïŋ ëbɛ̈n acïï kït: rïïŋ de raan pei, ku rïïŋ de läi pei, ku rïïŋ de rec pei, ku rïïŋ de diɛt pei.
40Ku ade gup ke ka ke paannhial, ku gup ke ka ke piny nɔm: ku dhuëëŋ de ka ke paannhial anu pei, ku nu dhuëëŋ de ka ke piny nɔm pei. 41Dhuëëŋ de akɔ̈l pei, ku dhuëëŋ de pɛɛi pei, ku dhuëëŋ de kuɛl pei, ayï kuelë ku kuelë, ŋɛk acath ke dhuëëŋde pei.
42Yen acït jön ë rɔt ë kɔc cï thou aya. Aye com ke ye kë bï dhiap, ee rɔt jɔt ke ye kë cïï bï dhiap. 43Aye com ë ke cï biɔɔn, ku jɔt rɔt ke cath ke dhuëëŋ, aye com në kɔ̈cde, ku jɔt rɔt në riɛl: 44aye com ë guöp de piny nɔm, ku jɔt rɔt ë guöp de wëi. Guöp de piny nɔm anu, ku guöp de wëi anu. 45#Cäk 2:7. Yen aa gɛ̈ɛ̈rë ë yen aya an, “Adam raan tueŋ acï aa piɔ̈n pïïr.” Ku Adam raan ciëën acï aa wëi, wëi ë kɔc tɔ pïïr. 46Ku këde wëi acïï nu tueŋ, ee kë de piny nɔm en anu tueŋ, na miäk ke këde wëi ë jɔ lɔ. 47Raan tueŋ aa bɔ̈ piny, ee këde piny: raan lɔ ë yecök, ee Bɛ̈nydït bɔ̈ paannhial. 48Ku cït man tɔ̈uwë kë de piny, yen aye täu tɔ̈uwë kɔc ke piny ayadäŋ: ku cït man tɔ̈uwë raan ë paannhial, yen aye täu tɔ̈uwë kɔc ke paannhial. 49Ku cït man ë ye wo cath në cuɛ̈c de raan ë piny, yen abï wo cath ayadäŋ#15:49: yen abï wo cath ayadäŋ; këcïgɔ̈ɔ̈r däŋ ade yic ciɛthku. në cuɛ̈c de raan ë paannhial.
50Ku kënë en aluɛɛl, wek mïthëkɔckuɔ an, rïŋ kekë riɛm acïkï ciɛɛŋ de Nhialic duëër lɔ̈ɔ̈k lak, ayï kë bï dhiap, acïï kë cïï bï dhiap duëër lɔ̈ɔ̈k lak.
51Wɔikï, wek nyuöth këcïmoony an, wo cïï bï niin wodhie, wo bï röt puk wodhie, 52#1 Theth 4:15-17. ëthiäu, cït man anieu de nyin, të koothë kaaŋ ciëën: kaaŋ abï kooth, go kɔc cï thou röt jɔt ke ke cïï bï dhiap, ka wo bï röt puk. 53Ku dhiapë abï kë cïï bï dhiap dhil cieŋ cït man ë lupɔ, ku bï këde thuɔɔuwë kë cïï bï thou dhil cieŋ. 54#Yith 25:8. Na miäk, acï dhiapë kë cïï bï dhiap guɔ cieŋ, ku cï këde thuɔɔuwë kë cïï bï thou guɔ cieŋ, yen abï jam aa yic jam cï gɔ̈ɔ̈r an, “Thuɔɔu aye guɔ liek në tiëm cï e tiaam!”
55 #
Ɣodh 13:14 (LXX). “Yïn thuɔɔu, winhduön ee yïn kɔc moc akou?
Ayïk yïn, yïn raan ë thuɔɔu, tiëm tiɛɛm yïn kɔc akou?”
56Winh ë thuɔɔu en aye kërac, ku riɛl ë kërac yen aye löŋ. 57Ku ënɔɔnë, Thieithieei në Nhialic, Raan ë wo tɔ tiam käŋ në Bɛ̈nydït Yecu Kërtho!
58Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.