MARKO 1
1
Machilo gha Johane M'baputizi
(Mat. 3.1-12; Lk. 3.1-18; Joh. 1.19-28)
1Uku niko kuzoya kwaro Ilagho Jiboie ja Jesu Kristo, Mwana wa Mlungu, 2sa iji iandikilo chuonyi cha mlodi Isaya:
“Zighana, ini namduma mdumi wapo
ukirie imbiri kwako,
kuboisa chia yako.#Mlk. 3.1
3Lwaka lwa mndumu lwasikirika kireti:
‘Boisenyi chia ya Bwana,
ghoruonyi mivori yake.’”#Isa. 40.3
4Johane M'baputizi orechieghe kireti, ukichilia wandu wihee na kubaputizwa, wipate kulekwa kaung'a rawo. 5Niko wikamghendia wandu wose wa isanga ja Judea na wa Jerusalemu wose, wikirumiria na kuhea kaung'a rawo; nao ukawibaputiza modenyi ghwa Jordani.
6Johane orekoghe urwae nguwo ibonyero kwa mafuri gha ngamila, na mkowa ghwa mrongo kiwonunyi kwake. Vindo vake verekoghe zighe na wuki ghwa kireti.#2 Waz. 1.8 7Nao ukawichilia wandu ukighamba, “Kuchagha mundu nyuma yapo uwadie ndighi kunichumba ini, hata sifwane kughoghoma nifunguo kamba ra vadu vake. 8Ini nam'baputiza kwa machi, ela uo moni ucham'baputiza kwa Roho Mweli.”
Wubaputizo na matimo gha Jesu Kristo
(Mat. 3.13–4.11; Lk. 3.21-22; 4.1-13)
9Matuku ghaja gheni, Jesu orechieghe kufuma Nazareti, muzi ghwa Galilaya; ukabaputizwa ni Johane modenyi ghwa Jordani. 10Nao ahoeni ukifuma machinyi, ukawona mlungunyi kwafunukulwa, na Roho ukimseria aighu yake sa mbughi. 11Lwaka lukasikirwa kufuma mlungunyi, “Oho ko Mwana wapo, mkundwa, kuniboiagha loli-loli.”#Kuz. 22.2; Zab. 2.7; Isa. 42.1; Mat. 3.17; 12.18; Mk. 9.7; Lk. 3.22
12Ahoeni, Roho ukamghenja noko cha kireti. 13Ukakaia aho matuku mirongo ina, ukitimwa ni Shetani, ukakaianya na nyamandu ra isakenyi; ela weke malaika wikakaia wikimdumikia.
Jesu kuwiwanga wawadi samaki bana
(Mat. 4.12-22; Lk. 4.14-15; 5.1-11)
14Nyuma ya Johane kuwadwa na kungirwa kifungonyi, Jesu oreghendieghe Galilaya, ukichila Ilagho Jiboie ja Mlungu, 15ukighamba, “Ngelo yakatia na wuzuri ghwa Mlungu ghwavika kaavui; heenyi mjirumirie Ilagho Jiboie.”#Mat. 3.2
16Nao ukiida mbai mbai ya ndiwa ya Galilaya, ukawiwona wawadi samaki wawi, Simoni na mruna Andrea, wikikumba nyavu ndiwenyi. 17Jesu ukawizera, “Ninughenyi, na ini nicham'bonya mkaie wawadi wandu.” 18Shwa wori wikarisigha nyavu rawo, wikamnugha. 19Nao ukasughuda imbiri katini, ukawona sena mundu na mruna, Jakobo na Johane, wana wa Zebedayo, wiko mashuonyi wikiboisa nyavu rawo. 20Ahoeni Jesu ukawiwanga, nawo wikamsigha ndee wawo Zebedayo mashuonyi, ukwanye na wandu wa kazi, wikamnugha.
Mundu uko na pepo ya makakala
(Lk. 4.31-37)
21Wikavika muzi ghwa Kafarnaumu; hata iji javika ituku ja Sabato, Jesu ukangia andenyi ya sunagogi, ukafundisha. 22Wikashinulwa ni mafundisho ghake, angu nderefundishireghe sa walimu wa Sharia anduangi, ela orefundishireghe sa mundu uwadie nguma.#Mat. 7.28-29
23Ahoeni sunagoginyi, orekoghe mundu uko na pepo ya makakala, nao ukakema, 24ukighamba, “Isi dawadieki kwako, Jesu wa Nazareti? Kwaacha kuditotesha? Nakuichi oho nani; ni uja Mweli wa Mlungu.” 25Jesu ukaikania ukighamba, “Nyama kima, kufume kwake.” 26Niko ija pepo ya makakala imeria kumkuna uja mundu, na kukema kwa lwaka lubaa, ikamfuma. 27Wose wikashinika, wikakotiana wikighamba, “Ni ilaghoki iji? Si mafundisho mawishi agha? Kwa nguma, walaghira pepo ra makakala, naro ramsikira.” 28Nao ahoeni sare yake ikaera isangenyi kose Galilaya, na mbai-mbai yaro.
Jesu kuboisa wandu wengi
(Mat. 8.14-17; Lk. 4.38-41)
29Hata iji Jesu na wanughi wake wameria kufuma sunagoginyi, wikaghenda na kungia nyumbenyi kwa Simoni na Andrea, wikwanye andwamweri na Jakobo na Johane. 30Nao mkekwake Simoni orekoghe walala wulinyi, uko na homa; niko wikamghoria Jesu. 31Nao ukacha, ukammbwada mkonu, ukammbusira na homa ikamsigha; ukawidumikia.
32Luma lwa kenyi iruwa jiendaswa, wikamredia wakongo wose na awo werekoghe na pepo. 33Wandu wose wa muzi ghuja werekwanyikieghe mnyangonyi. 34Nao ukawiboisa wose werekoghe na makongo mazima-mazima, ukariwinga pepo nyingi, ukarighiria pepo risakededa angu reremmanyireghe.
Jesu kuchila Galilaya
(Lk. 4.42-44)
35Nao nakesho, Jesu ukawuka kokesho kio, ukafuma, ukaghenda andu kusewadie wandu, kulomba Mlungu. 36Nao Simoni na awo werekwanyeghe, wikafuma wikimlola; 37hata iji wammbona wikamzera, “Ola-lee, wandu wose wawuyakulola.” 38Jesu ukawizera, “Diighendie mizi mizima nipate kuwichilia, angu agha nigho ghereniredieghe.” 39Niko ukaghenda andu kose Galilaya, ukangia sunagoginyi rawo, ukichila na kuwinga pepo.#Mat. 4.23; 9.35
Jesu kuboisa mundu uko na sima
(Mat. 8.1-4; Lk. 5.12-16)
40Mndumu uko na sima, ukamchea, ukamdungia ngokoro na kumvoya ukimzera, “Ngera kwakunda, kwadima kunielesha.” 41Jesu ukawadwa ni wughoma, ukaghorua mkonu ghwake, ukamuadada ukimzera, “Nakunda, eleshwa oho.” 42Ahoeni sima yake ikainjika, ukaeleshwa. 43Nao Jesu ukamlaghira nandighi ughende shwa wori, 44ukimzera, “Manya kusemghorie mndungi; ela ghenda kwa mkohani, kukuwonyere kumoni kwake, kufunye vizongona va kueleshwa kwako, sa iji koni verelaghiriloghe ni Musa, ghupate kukaia wushuhuda kwawo.”#Wal. 14.1-32 45Ela ukafuma, ukazoya kueresha ilagho jija andu kose, hata Jesu nderedimieghe kungia mzinyi worinyi anduangi, ela ukakaia shighadi kivisonyi andu kusewadie wandu. Ela hata huwo saki, wikamchea kufuma andu kose.
Currently Selected:
MARKO 1: TAITA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1997
All rights reserved.
MARKO 1
1
Machilo gha Johane M'baputizi
(Mat. 3.1-12; Lk. 3.1-18; Joh. 1.19-28)
1Uku niko kuzoya kwaro Ilagho Jiboie ja Jesu Kristo, Mwana wa Mlungu, 2sa iji iandikilo chuonyi cha mlodi Isaya:
“Zighana, ini namduma mdumi wapo
ukirie imbiri kwako,
kuboisa chia yako.#Mlk. 3.1
3Lwaka lwa mndumu lwasikirika kireti:
‘Boisenyi chia ya Bwana,
ghoruonyi mivori yake.’”#Isa. 40.3
4Johane M'baputizi orechieghe kireti, ukichilia wandu wihee na kubaputizwa, wipate kulekwa kaung'a rawo. 5Niko wikamghendia wandu wose wa isanga ja Judea na wa Jerusalemu wose, wikirumiria na kuhea kaung'a rawo; nao ukawibaputiza modenyi ghwa Jordani.
6Johane orekoghe urwae nguwo ibonyero kwa mafuri gha ngamila, na mkowa ghwa mrongo kiwonunyi kwake. Vindo vake verekoghe zighe na wuki ghwa kireti.#2 Waz. 1.8 7Nao ukawichilia wandu ukighamba, “Kuchagha mundu nyuma yapo uwadie ndighi kunichumba ini, hata sifwane kughoghoma nifunguo kamba ra vadu vake. 8Ini nam'baputiza kwa machi, ela uo moni ucham'baputiza kwa Roho Mweli.”
Wubaputizo na matimo gha Jesu Kristo
(Mat. 3.13–4.11; Lk. 3.21-22; 4.1-13)
9Matuku ghaja gheni, Jesu orechieghe kufuma Nazareti, muzi ghwa Galilaya; ukabaputizwa ni Johane modenyi ghwa Jordani. 10Nao ahoeni ukifuma machinyi, ukawona mlungunyi kwafunukulwa, na Roho ukimseria aighu yake sa mbughi. 11Lwaka lukasikirwa kufuma mlungunyi, “Oho ko Mwana wapo, mkundwa, kuniboiagha loli-loli.”#Kuz. 22.2; Zab. 2.7; Isa. 42.1; Mat. 3.17; 12.18; Mk. 9.7; Lk. 3.22
12Ahoeni, Roho ukamghenja noko cha kireti. 13Ukakaia aho matuku mirongo ina, ukitimwa ni Shetani, ukakaianya na nyamandu ra isakenyi; ela weke malaika wikakaia wikimdumikia.
Jesu kuwiwanga wawadi samaki bana
(Mat. 4.12-22; Lk. 4.14-15; 5.1-11)
14Nyuma ya Johane kuwadwa na kungirwa kifungonyi, Jesu oreghendieghe Galilaya, ukichila Ilagho Jiboie ja Mlungu, 15ukighamba, “Ngelo yakatia na wuzuri ghwa Mlungu ghwavika kaavui; heenyi mjirumirie Ilagho Jiboie.”#Mat. 3.2
16Nao ukiida mbai mbai ya ndiwa ya Galilaya, ukawiwona wawadi samaki wawi, Simoni na mruna Andrea, wikikumba nyavu ndiwenyi. 17Jesu ukawizera, “Ninughenyi, na ini nicham'bonya mkaie wawadi wandu.” 18Shwa wori wikarisigha nyavu rawo, wikamnugha. 19Nao ukasughuda imbiri katini, ukawona sena mundu na mruna, Jakobo na Johane, wana wa Zebedayo, wiko mashuonyi wikiboisa nyavu rawo. 20Ahoeni Jesu ukawiwanga, nawo wikamsigha ndee wawo Zebedayo mashuonyi, ukwanye na wandu wa kazi, wikamnugha.
Mundu uko na pepo ya makakala
(Lk. 4.31-37)
21Wikavika muzi ghwa Kafarnaumu; hata iji javika ituku ja Sabato, Jesu ukangia andenyi ya sunagogi, ukafundisha. 22Wikashinulwa ni mafundisho ghake, angu nderefundishireghe sa walimu wa Sharia anduangi, ela orefundishireghe sa mundu uwadie nguma.#Mat. 7.28-29
23Ahoeni sunagoginyi, orekoghe mundu uko na pepo ya makakala, nao ukakema, 24ukighamba, “Isi dawadieki kwako, Jesu wa Nazareti? Kwaacha kuditotesha? Nakuichi oho nani; ni uja Mweli wa Mlungu.” 25Jesu ukaikania ukighamba, “Nyama kima, kufume kwake.” 26Niko ija pepo ya makakala imeria kumkuna uja mundu, na kukema kwa lwaka lubaa, ikamfuma. 27Wose wikashinika, wikakotiana wikighamba, “Ni ilaghoki iji? Si mafundisho mawishi agha? Kwa nguma, walaghira pepo ra makakala, naro ramsikira.” 28Nao ahoeni sare yake ikaera isangenyi kose Galilaya, na mbai-mbai yaro.
Jesu kuboisa wandu wengi
(Mat. 8.14-17; Lk. 4.38-41)
29Hata iji Jesu na wanughi wake wameria kufuma sunagoginyi, wikaghenda na kungia nyumbenyi kwa Simoni na Andrea, wikwanye andwamweri na Jakobo na Johane. 30Nao mkekwake Simoni orekoghe walala wulinyi, uko na homa; niko wikamghoria Jesu. 31Nao ukacha, ukammbwada mkonu, ukammbusira na homa ikamsigha; ukawidumikia.
32Luma lwa kenyi iruwa jiendaswa, wikamredia wakongo wose na awo werekoghe na pepo. 33Wandu wose wa muzi ghuja werekwanyikieghe mnyangonyi. 34Nao ukawiboisa wose werekoghe na makongo mazima-mazima, ukariwinga pepo nyingi, ukarighiria pepo risakededa angu reremmanyireghe.
Jesu kuchila Galilaya
(Lk. 4.42-44)
35Nao nakesho, Jesu ukawuka kokesho kio, ukafuma, ukaghenda andu kusewadie wandu, kulomba Mlungu. 36Nao Simoni na awo werekwanyeghe, wikafuma wikimlola; 37hata iji wammbona wikamzera, “Ola-lee, wandu wose wawuyakulola.” 38Jesu ukawizera, “Diighendie mizi mizima nipate kuwichilia, angu agha nigho ghereniredieghe.” 39Niko ukaghenda andu kose Galilaya, ukangia sunagoginyi rawo, ukichila na kuwinga pepo.#Mat. 4.23; 9.35
Jesu kuboisa mundu uko na sima
(Mat. 8.1-4; Lk. 5.12-16)
40Mndumu uko na sima, ukamchea, ukamdungia ngokoro na kumvoya ukimzera, “Ngera kwakunda, kwadima kunielesha.” 41Jesu ukawadwa ni wughoma, ukaghorua mkonu ghwake, ukamuadada ukimzera, “Nakunda, eleshwa oho.” 42Ahoeni sima yake ikainjika, ukaeleshwa. 43Nao Jesu ukamlaghira nandighi ughende shwa wori, 44ukimzera, “Manya kusemghorie mndungi; ela ghenda kwa mkohani, kukuwonyere kumoni kwake, kufunye vizongona va kueleshwa kwako, sa iji koni verelaghiriloghe ni Musa, ghupate kukaia wushuhuda kwawo.”#Wal. 14.1-32 45Ela ukafuma, ukazoya kueresha ilagho jija andu kose, hata Jesu nderedimieghe kungia mzinyi worinyi anduangi, ela ukakaia shighadi kivisonyi andu kusewadie wandu. Ela hata huwo saki, wikamchea kufuma andu kose.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1997
All rights reserved.