HOSEA 4
4
Mashitakio gha BWANA kwa Israeli
1BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu. 2Waawuyabonya malaghiro na kughichikanya; waawuyaghora tee, kubwaghwa, na kuiwa, na kulaka. Wachua kuchikanya sharia, na kuchuria kubwagha. 3Kwa wundu ugho isanga jaoma, na wandu wose wiko andenyi yaro wichatota; nyamandu na nyonyi na samaki richafwa.”
BWANA kushitaki Wakohani
4BWANA waghamba, “Mndungi userede mashitakio aighu ya wandu, kwa kukaia mashitakio ghapo gheeka aighu enyu inyo Wakohani. 5Mwaawuyakuwa kio na dime, na mloli waawuyakuwa chiaimweri nenyo. Kwa huwo nichamtotesha mayo Israeli. 6Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.
7“Sa iji inyo wakohani mwawuyachurikia, ni huwo koni mwawuyachuria kunibonyera kaung'a. Kwa huwo nichaghalusa ishima jenyu jiwuye waya. 8Mwawuyafugha kwa wundu ghwa kaung'a rawuyabonywa ni wandu wapo; nenyo mwaawuyaboilwa iji wachuria kubonya kaung'a. 9Mchapatwa ni ikabo karakara na wandu. Nichamkaba; nani nicham'bonya mkabo kwa wundu ghwa ugho wuwiwi mwawuyaghubonya. 10Mchaja ifungu jenyu ja vizongona, ela ndemchaaghuda. Mchalala na waka wengi, ela ndemchaakaia na wana, kwa kukaia mwaghulukie mkanilegha ini BWANA, mkanugha milungu mizima.”
BWANA kutanya wutasi milimu
11BWANA waghamba, “Divei ikaiagha ya kala angu mbishi yaawuyanona akili ra wandu wapo. 12Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya. 13Waawuyafunya vizongona vawo aighu mighondinyi, na kufukira marumba ghawo aighu ya mighondi mitini, na aisi ya midi ikambie angu iko na viju viboie.
“Kwa huwo wai wenyu waawuyalaka sa waka wa wana wenyu. 14Ela sichaawikaba wai wenyu iji wawuya malaya, hata waka wa wana wenyu iji walaka; kwa kukaia inyo mmbeni mwaawuyaghenda na malaya gha Hekalu#4.14 Malaya gha Hekalu: waka awa werewonekieghe andenyi ya Hekalu ra Kanaani andu milimu ya makuwido eretaswagha. Ederumirikia wei kulaka na agha malaya kuchareda mvono mbuwenyi, na mfugho wori. na kufunya vizongona chia imweri nawo. Sa iji mfwano ghoghoragha, ‘Wandu wisewadie kumanya wichatota.’
15“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’ 16Wandu wa Israeli weeka sa ng'ombe ing'etere; da ini BWANA nidima kumlela wada sa wana wa ng'ondi a mlambenyi? 17Wandu wa Israeli weekuranganya na milimu, wisighenyi wiekeri. 18Wikameria kunywa divei waghenda imbiri na wumalaya ghwawo. Wasaghua kufushwa waya. 19Wichainjwa sa kudukwa ni mbeo, nawo wichafwa waya kwa wundu ghwa vizongona vawo va milimu.
Currently Selected:
HOSEA 4: TAITA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1997
All rights reserved.
HOSEA 4
4
Mashitakio gha BWANA kwa Israeli
1BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu. 2Waawuyabonya malaghiro na kughichikanya; waawuyaghora tee, kubwaghwa, na kuiwa, na kulaka. Wachua kuchikanya sharia, na kuchuria kubwagha. 3Kwa wundu ugho isanga jaoma, na wandu wose wiko andenyi yaro wichatota; nyamandu na nyonyi na samaki richafwa.”
BWANA kushitaki Wakohani
4BWANA waghamba, “Mndungi userede mashitakio aighu ya wandu, kwa kukaia mashitakio ghapo gheeka aighu enyu inyo Wakohani. 5Mwaawuyakuwa kio na dime, na mloli waawuyakuwa chiaimweri nenyo. Kwa huwo nichamtotesha mayo Israeli. 6Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.
7“Sa iji inyo wakohani mwawuyachurikia, ni huwo koni mwawuyachuria kunibonyera kaung'a. Kwa huwo nichaghalusa ishima jenyu jiwuye waya. 8Mwawuyafugha kwa wundu ghwa kaung'a rawuyabonywa ni wandu wapo; nenyo mwaawuyaboilwa iji wachuria kubonya kaung'a. 9Mchapatwa ni ikabo karakara na wandu. Nichamkaba; nani nicham'bonya mkabo kwa wundu ghwa ugho wuwiwi mwawuyaghubonya. 10Mchaja ifungu jenyu ja vizongona, ela ndemchaaghuda. Mchalala na waka wengi, ela ndemchaakaia na wana, kwa kukaia mwaghulukie mkanilegha ini BWANA, mkanugha milungu mizima.”
BWANA kutanya wutasi milimu
11BWANA waghamba, “Divei ikaiagha ya kala angu mbishi yaawuyanona akili ra wandu wapo. 12Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya. 13Waawuyafunya vizongona vawo aighu mighondinyi, na kufukira marumba ghawo aighu ya mighondi mitini, na aisi ya midi ikambie angu iko na viju viboie.
“Kwa huwo wai wenyu waawuyalaka sa waka wa wana wenyu. 14Ela sichaawikaba wai wenyu iji wawuya malaya, hata waka wa wana wenyu iji walaka; kwa kukaia inyo mmbeni mwaawuyaghenda na malaya gha Hekalu#4.14 Malaya gha Hekalu: waka awa werewonekieghe andenyi ya Hekalu ra Kanaani andu milimu ya makuwido eretaswagha. Ederumirikia wei kulaka na agha malaya kuchareda mvono mbuwenyi, na mfugho wori. na kufunya vizongona chia imweri nawo. Sa iji mfwano ghoghoragha, ‘Wandu wisewadie kumanya wichatota.’
15“Hata ngera inyo wandu wa Israeli mwasowa wuloli kwapo, Juda usebonye kaung'a sa inyo. Msebonye wutasi aho Gilgali, hata Beth-aveni; sena msebonye ilaghiro mkighamba, ‘Naghema kwa BWANA uko moyo.’ 16Wandu wa Israeli weeka sa ng'ombe ing'etere; da ini BWANA nidima kumlela wada sa wana wa ng'ondi a mlambenyi? 17Wandu wa Israeli weekuranganya na milimu, wisighenyi wiekeri. 18Wikameria kunywa divei waghenda imbiri na wumalaya ghwawo. Wasaghua kufushwa waya. 19Wichainjwa sa kudukwa ni mbeo, nawo wichafwa waya kwa wundu ghwa vizongona vawo va milimu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1997
All rights reserved.