Jo 1
1
Jô̆ adrĕch Isơrael
1Năr mônh khei 'bar, sơnăm mă 'bar, đơ̆ng rŏng kơ adrĕch bơngai Isơrael lĕch hlôi đơ̆ng char Êyiptơ, Kră Yang khan kơ Môis oei lăm Bơsŭn Anih Akŭm tơ Thŭng glă Sinai: 2Ih athei chih jô̆ đĭ-đăng adrĕch adrung bơngai Isơrael, kiơ̆ kơ adrĕch, kơtum kơtŏng 'nhŏng oh gah 'bă, chih anăn rim 'nu lu kon drŏ-nglo, 3Ih păng Arôn gô chih jô̆ măt iŏk đơ̆ng 'bar-jĭt sơnăm tơ kơpal, wă khan đĭ-đăng kơ̆l bơngai lăm adrĕch Isơrael gơh kĕ năm tơblah. 4Bơngai kơdră pơgơ̆r lu adrĕch sư kơdih. Kư̆ lăm minh adrĕch athei đei minh 'nu bơ̆jang tơgŭm ih păng Arôn.
5'Nâu anăn lu bơngai wă jang hơdai păng tơgŭm lu iĕm:
Gah adrĕch Rubên đei Êlisur kon drŏ-nglo Sêdur;
6đơ̆ng adrĕch Simêôn đei Sêlumiel kon drŏ-nglo Surisadai;
7đơ̆ng adrĕch Juđa đei Nahsôn kon drŏ-nglo Aminađap;
8đơ̆ng adrĕch Isakar đei Nathanel kon drŏ-nglo Suar;
9đơ̆ng adrĕch Sabulôn đei Êliap kon drŏ-nglo Hêlôn;
10đơ̆ng adrĕch kon drŏ-nglo Jôsep,
adrĕch Êphraim đei Êlisama kon drŏ-nglo Amihut,
đơ̆ng adrĕch Manase đei Gamaliel kon drŏ-nglo Pêdasur;
11đơ̆ng adrĕch Bênjamin đei Abidan kon drŏ-nglo Gideôni;
12đơ̆ng adrĕch Đan đei Ahiser kon drŏ-nglo Amisadai;
13Đơ̆ng adrĕch Aser đei Pagiel kon drŏ-nglo Ôkran;
14đơ̆ng adrĕch Gat đei Êliasap kon drŏ-nglo Đêuel;
15đơ̆ng adrĕch Neptali đei Ahira kon drŏ-nglo Ênan.
16Lu đe âu đe rơih iŏk đơ̆ng lăm kon pơlei; lu sư âu boih lu kơdră pơgơ̆r adrĕch lu sư kơdih kiơ̆ kơ adrĕch 'bok lu sư păng jơ̆ yŏng pơgơ̆r linh bơngai Isơrael.
17Môis păng Arôn sơng iŏk lu bơngai mă đe đei chih anăn; 18Truh năr mônh khei 'bar krao akŭm đĭ-đăng kon pơlei, chih anăn lu sư kơdih iŏk đơ̆ng 'bar-jĭt sơnăm tơ kơpal na chih tơmơ̆t lăm sơ̆p hla bơar kiơ̆ kơ adrĕch adrung kơtum kơtŏng lu sư. 19Thoi noh Môis chih jô̆ tơmơ̆t lăm sơ̆p hla bơar tơ Thŭng glă Sinai, thoi Kră Yang Isơrael đei pơkă khan kơ sư.
20Kon sâu Rubên, kon kơdră drŏ-nglo Isơrael, kiơ̆ kơ adrĕch adrung sư, kiơ̆ kơ hnam dơnŏ 'bă sư kơdih, đe jô̆ chih rim anăn lu sư đĭ-đăng kon drŏ-nglo đơ̆ng 'bar-jĭt sơnăm tơ kơpal, wă khan lu kon sâu Rubên mă gơh năm tơblah 21đei puăn-jĭt tơdrâu-rơbâu pơđăm-hrĕng 'nu.
22Kon sâu Simêôn, adrĕch adrung, kiơ̆ kơ hnam dơnŏ 'bă sư kơdih, đe chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Simêôn gơh năm tơblah, 23đei pơđăm-jĭt tơsĭn-rơbâu pêng-hrĕng 'nu.
24Kon sâu Gat, adrĕch adrung sư kiơ̆ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Gat gơh năm tơblah, 25đei puăn-jĭt pơđăm-rơbâu tơdrâu-hrĕng pơđăm-jĭt 'nu.
26Kon sâu Juđa, adrĕch adrung sư, kiơ̆ kơ hnam dơnŏ 'bă sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm lu kon sâu Juđa gơh năm tơblah, 27đei tơpơh-jĭt puăn-rơbâu tơdrâu-hrĕng 'nu.
28Kon sâu Isakar, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Isakar gơh năm tơblah, 29đei pơđăm-jĭt puăn-rơbâu puăn-hrĕng 'nu.
30Kon sâu Sabulôn, adrĕch drung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Sabulôn gơh năm tơblah, 31đei pơđăm-jĭt tơpơh-rơbâu puăn-hrĕng 'nu.
32Kon sâu Jôsep, noh kiơ̆ kon sâu Êphraim, adrĕch adrung sư, kiơ̆ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Êphraim gơh năm tơblah. 33Đei puăn-jĭt rơbâu pơđăm-hrĕng 'nu.
34Kon sâu Manase, adrĕch adrung sư kiơ̆ kơ hnam dơnŏ 'bă sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Manase gơh năm tơblah, 35đei pêng-jĭt 'bar-rơbâu 'bar-hrĕng 'nu.
36Kon sâu Bênjamin, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Bênjamin gơh năm tơblah. 37Đei pêng-jĭt pơđăm-rơbâu puăn-hrĕng 'nu.
38Kon sâu Đan, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Đan gơh năm tơblah. 39Đei tơdrâu-jĭt 'bar-rơbâu tơpơh-hrĕng 'nu.
40Kon sâu Aser, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Aser, gơh năm tơblah. 41Đei puăn mơjĭt-mônh rơbâu pơđăm-hrĕng 'nu.
42Kon sâu Neptali, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Neptali gơh năm tơblah, 43đei pơđăm-jĭt pêng-rơbâu puăn-hrĕng 'nu.
44'Nâu bơngai mă Môis, Arôn păng mơjĭt-'bar 'nu kơdră pơgơ̆r bơngai Isơrael đei chih jô̆; rim kơdră chih jô̆ adrĕch bơ̆n kơdih. 45Thoi noh đĭ-đăng lu bơngai lăm adrĕch adrung Isơrael đe đei chih tơmơ̆t lăm sơ̆p hla bơar jô̆ kơ̆l bơngai kiơ̆ kơ adrĕch kơdih, iŏk đơ̆ng 'bar-jĭt sơnăm tơ kơpal, wă khan lăm adrĕch kon sâu Isơrael gơh năm tơblah, 46đei tơdrâu-hrĕng pêng-rơbâu pơđăm-hrĕng pơđăm-jĭt 'nu.
47Lu bơngai Lêwi, kiơ̆ kơ adrĕch adrung lu sư kơdih, ưh kơ chih jô̆ hơdai hăm lu adrĕch adrung nai. 48Yua kơ Kră Yang đei khan kơ Môis thoi âu: 49Ih 'nĕ kơ chih jô̆ adrĕch adrung Lêwi păng kư̆m 'nĕ chih tơmơ̆t hơdai hăm adrĕch Isơrael; 50Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh. 51Tơdah Anih Akŭm păng khăn noh pôk tơ nai lu adrĕch bơngai Lêwi âu yuih, truh tơ anih boih lu sư gô tơiung pơdơ̆ng ming; lu adrĕch bơngai nai ưh kơ gơh năm jê̆ tơdah năm jê̆ đe gô pơlôch. 52Adrĕch bơngai Isơrael gô pơm bơsŭn oei kiơ̆ kơ adrĕch lu sư, rim 'nu kiơ̆ anih sư kiơ̆ kơ hla-kơ lu sư. 53Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.
54Lu kon pơlei bơngai Isơrael pơm kiơ̆ thoi nơ̆r Kră Yang đei pơkă boih hăm Môis.
Currently Selected:
Jo 1: bdq
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.
Jo 1
1
Jô̆ adrĕch Isơrael
1Năr mônh khei 'bar, sơnăm mă 'bar, đơ̆ng rŏng kơ adrĕch bơngai Isơrael lĕch hlôi đơ̆ng char Êyiptơ, Kră Yang khan kơ Môis oei lăm Bơsŭn Anih Akŭm tơ Thŭng glă Sinai: 2Ih athei chih jô̆ đĭ-đăng adrĕch adrung bơngai Isơrael, kiơ̆ kơ adrĕch, kơtum kơtŏng 'nhŏng oh gah 'bă, chih anăn rim 'nu lu kon drŏ-nglo, 3Ih păng Arôn gô chih jô̆ măt iŏk đơ̆ng 'bar-jĭt sơnăm tơ kơpal, wă khan đĭ-đăng kơ̆l bơngai lăm adrĕch Isơrael gơh kĕ năm tơblah. 4Bơngai kơdră pơgơ̆r lu adrĕch sư kơdih. Kư̆ lăm minh adrĕch athei đei minh 'nu bơ̆jang tơgŭm ih păng Arôn.
5'Nâu anăn lu bơngai wă jang hơdai păng tơgŭm lu iĕm:
Gah adrĕch Rubên đei Êlisur kon drŏ-nglo Sêdur;
6đơ̆ng adrĕch Simêôn đei Sêlumiel kon drŏ-nglo Surisadai;
7đơ̆ng adrĕch Juđa đei Nahsôn kon drŏ-nglo Aminađap;
8đơ̆ng adrĕch Isakar đei Nathanel kon drŏ-nglo Suar;
9đơ̆ng adrĕch Sabulôn đei Êliap kon drŏ-nglo Hêlôn;
10đơ̆ng adrĕch kon drŏ-nglo Jôsep,
adrĕch Êphraim đei Êlisama kon drŏ-nglo Amihut,
đơ̆ng adrĕch Manase đei Gamaliel kon drŏ-nglo Pêdasur;
11đơ̆ng adrĕch Bênjamin đei Abidan kon drŏ-nglo Gideôni;
12đơ̆ng adrĕch Đan đei Ahiser kon drŏ-nglo Amisadai;
13Đơ̆ng adrĕch Aser đei Pagiel kon drŏ-nglo Ôkran;
14đơ̆ng adrĕch Gat đei Êliasap kon drŏ-nglo Đêuel;
15đơ̆ng adrĕch Neptali đei Ahira kon drŏ-nglo Ênan.
16Lu đe âu đe rơih iŏk đơ̆ng lăm kon pơlei; lu sư âu boih lu kơdră pơgơ̆r adrĕch lu sư kơdih kiơ̆ kơ adrĕch 'bok lu sư păng jơ̆ yŏng pơgơ̆r linh bơngai Isơrael.
17Môis păng Arôn sơng iŏk lu bơngai mă đe đei chih anăn; 18Truh năr mônh khei 'bar krao akŭm đĭ-đăng kon pơlei, chih anăn lu sư kơdih iŏk đơ̆ng 'bar-jĭt sơnăm tơ kơpal na chih tơmơ̆t lăm sơ̆p hla bơar kiơ̆ kơ adrĕch adrung kơtum kơtŏng lu sư. 19Thoi noh Môis chih jô̆ tơmơ̆t lăm sơ̆p hla bơar tơ Thŭng glă Sinai, thoi Kră Yang Isơrael đei pơkă khan kơ sư.
20Kon sâu Rubên, kon kơdră drŏ-nglo Isơrael, kiơ̆ kơ adrĕch adrung sư, kiơ̆ kơ hnam dơnŏ 'bă sư kơdih, đe jô̆ chih rim anăn lu sư đĭ-đăng kon drŏ-nglo đơ̆ng 'bar-jĭt sơnăm tơ kơpal, wă khan lu kon sâu Rubên mă gơh năm tơblah 21đei puăn-jĭt tơdrâu-rơbâu pơđăm-hrĕng 'nu.
22Kon sâu Simêôn, adrĕch adrung, kiơ̆ kơ hnam dơnŏ 'bă sư kơdih, đe chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Simêôn gơh năm tơblah, 23đei pơđăm-jĭt tơsĭn-rơbâu pêng-hrĕng 'nu.
24Kon sâu Gat, adrĕch adrung sư kiơ̆ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Gat gơh năm tơblah, 25đei puăn-jĭt pơđăm-rơbâu tơdrâu-hrĕng pơđăm-jĭt 'nu.
26Kon sâu Juđa, adrĕch adrung sư, kiơ̆ kơ hnam dơnŏ 'bă sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm lu kon sâu Juđa gơh năm tơblah, 27đei tơpơh-jĭt puăn-rơbâu tơdrâu-hrĕng 'nu.
28Kon sâu Isakar, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Isakar gơh năm tơblah, 29đei pơđăm-jĭt puăn-rơbâu puăn-hrĕng 'nu.
30Kon sâu Sabulôn, adrĕch drung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Sabulôn gơh năm tơblah, 31đei pơđăm-jĭt tơpơh-rơbâu puăn-hrĕng 'nu.
32Kon sâu Jôsep, noh kiơ̆ kon sâu Êphraim, adrĕch adrung sư, kiơ̆ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Êphraim gơh năm tơblah. 33Đei puăn-jĭt rơbâu pơđăm-hrĕng 'nu.
34Kon sâu Manase, adrĕch adrung sư kiơ̆ kơ hnam dơnŏ 'bă sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Manase gơh năm tơblah, 35đei pêng-jĭt 'bar-rơbâu 'bar-hrĕng 'nu.
36Kon sâu Bênjamin, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Bênjamin gơh năm tơblah. 37Đei pêng-jĭt pơđăm-rơbâu puăn-hrĕng 'nu.
38Kon sâu Đan, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Đan gơh năm tơblah. 39Đei tơdrâu-jĭt 'bar-rơbâu tơpơh-hrĕng 'nu.
40Kon sâu Aser, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Aser, gơh năm tơblah. 41Đei puăn mơjĭt-mônh rơbâu pơđăm-hrĕng 'nu.
42Kon sâu Neptali, adrĕch adrung sư, kiơ̆ kơ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Neptali gơh năm tơblah, 43đei pơđăm-jĭt pêng-rơbâu puăn-hrĕng 'nu.
44'Nâu bơngai mă Môis, Arôn păng mơjĭt-'bar 'nu kơdră pơgơ̆r bơngai Isơrael đei chih jô̆; rim kơdră chih jô̆ adrĕch bơ̆n kơdih. 45Thoi noh đĭ-đăng lu bơngai lăm adrĕch adrung Isơrael đe đei chih tơmơ̆t lăm sơ̆p hla bơar jô̆ kơ̆l bơngai kiơ̆ kơ adrĕch kơdih, iŏk đơ̆ng 'bar-jĭt sơnăm tơ kơpal, wă khan lăm adrĕch kon sâu Isơrael gơh năm tơblah, 46đei tơdrâu-hrĕng pêng-rơbâu pơđăm-hrĕng pơđăm-jĭt 'nu.
47Lu bơngai Lêwi, kiơ̆ kơ adrĕch adrung lu sư kơdih, ưh kơ chih jô̆ hơdai hăm lu adrĕch adrung nai. 48Yua kơ Kră Yang đei khan kơ Môis thoi âu: 49Ih 'nĕ kơ chih jô̆ adrĕch adrung Lêwi păng kư̆m 'nĕ chih tơmơ̆t hơdai hăm adrĕch Isơrael; 50Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh. 51Tơdah Anih Akŭm păng khăn noh pôk tơ nai lu adrĕch bơngai Lêwi âu yuih, truh tơ anih boih lu sư gô tơiung pơdơ̆ng ming; lu adrĕch bơngai nai ưh kơ gơh năm jê̆ tơdah năm jê̆ đe gô pơlôch. 52Adrĕch bơngai Isơrael gô pơm bơsŭn oei kiơ̆ kơ adrĕch lu sư, rim 'nu kiơ̆ anih sư kiơ̆ kơ hla-kơ lu sư. 53Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.
54Lu kon pơlei bơngai Isơrael pơm kiơ̆ thoi nơ̆r Kră Yang đei pơkă boih hăm Môis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.