Bl 29
29
Jakôp oei kơ Lêa păng Rachel kon adruh La'ban
1Đơ̆ng noh Jakôp sư yak năm dĭng truh tơ tơring lu kon pơlei gah hơlĕch. 2Sư lăng, 'bôh đei minh pôm sơlŭng đak lăm thŭng dơnă, tơ noh đei pêng khŭl triu oei bun pơdơh, yua kơ anih noh, anih đe ngăl juăt kơ pơnhă triu. Đei tơnglơ̆p đe klơ̆p đak sơlŭng păng tơmo tih dêh. 3Lu khŭl triu akŭm tơ noh, na lu sư tơgrŏl pơih lê̆ tơmo đơ̆ng đơ̆p sơlŭng, wă pơnhă triu; đang kơ pơnhă boih lu sư klơ̆p dơ̆ng thoi đêl.
4Jakôp jet lu bơngai wei triu. Ơ Lu đe 'nhŏng, lu iĕm đơ̆ng yơ?
Lu sư tơl thoi âu: Nhôn đơ̆ng Charan.
5Sư jet: Lu iĕm hăm băt kơ La'ban sâu Nahôr ưh? Lu sư tơl: Lu nhôn băt.
6Sư jet dơ̆ng: Sư hăm oei liĕm akâu?
Lu sư tơl: Sư oei liĕm akâu mơ̆n păng tơ to Rachel, kon adruh sư, mă oei puh lu triu năm tơ âu to.
7Jakôp khan: 'Nâu oei hrôih tam trŏ kơ triu akŭm; lu iĕm jah pơnhă triu lu iĕm wăi, na jah achăng lê̆ lu sư chă sa dơ̆ng.
8Lu sư tơl: Nhôn ưh kơ gơh pơm thoi noh ôh; athei gô hơdai mă tôm kơ triu akŭm tơ âu 'mơ̆i, na lu nhôn tơgrŏl pơih tơmo tơnglơ̆p sơlŭng noh na pơnhă khŭl triu.
9Na 'nâu; kơplah sư oei pơma dơnuh hăm đe noh, blư kơ Rachel truh chông lu triu 'bă sư, yua kơ sư bơngai wei triu. 10Kơplah sư 'bôh Rachel, kon adruh La'ban mih sư, na sư năm hloi tơ sơlŭng tơlơ̆ tơmo mă đêl klơ̆p 'măng sơlŭng, na pơnhă hloi lu triu La'ban, mih sư. 11Jakôp chŭm Rachel, sư nhơ̆m. 12Đơ̆ng noh sư roi ăn kơ Rachel băt sư kơtum, kôn mon La'ban. Sư kon tơdăm Rê'bêka, na Rachel kơdâu roi kơ 'bă sư băt.
13'Nao kơtơ̆ng roi khan Jakôp, kon tơdăm oh sư, na La'ban kơdâu truh kuăr păng chŭm na chông pơtơm ba mơ̆t tơ hnam sư. Jakôp roi ăn kơ mih sư La'ban băt dôm tơdrong truh kơ sư. 14La'ban drơ̆ng sư: Tơpă boih, mon jơ̆ bơngai mă mih 'mêm. Đơ̆ng noh Jakôp oei hơdai mih sư tơ noh minh khei.
15Đang kơ noh La'ban khan kơ Jakôp thoi âu: Yua kơ mon jơ̆ kôn mon inh, na mon bơ̆jang tơgŭm inh đĕch hă? Wă apah mon jang noh dôm yơ jah roi kơ mih.
16La'ban đei 'bar 'nu kon adruh, kon 'lŏ sư anăn Lêa, kon 'lơ̆p sư anăn Rachel. 17Lêa măt sư ưh kơ gan hơdah, gah Rachel 'lơ̆ng hơbŏ muh măt hơdah hơdong. 18Jakôp hưch kơ Rachel na sư khan thoi âu: Yua kơ oh inh Rachel kon adruch mih, mon gô jang tơgŭm mih lăm tơpơh sơnăm.
19La'ban drơ̆ng sư: Kơtrơ̆m ăn sư oei kơ mon 'lơ̆ng hloh kơ sư oei kơ bơngai nai; lei oei bĕ hăm mih păng jang tơpơh sơnăm. 20Thoi noh, Jakôp yua kơ Rachel, na sư lăng tơpơh sơnăm noh dang lăp 'bar pêng năr.
21Đơ̆ng noh Jakôp khan kơ La'ban thoi âu: Sơnăm đêl pơkă tôm boih; apinh mih jah ăn akăn inh kơ inh, wă kơ inh oei hơdai sư.
22Na La'ban hloi wơ̆n lu kon pơlei, pơih minh năr et sa; 23truh kơsơ̆ măng, sư rôp ăn Lêa, kon adruh 'lŏ sư, kơ Jakôp, na Jakôp oei hơdai Lêa. 24La'ban kư̆m ăn đam sư Silpa kiơ̆ awih awăn kơ Lêa, kon adruh sư.
25Truh pơgê, na băt kơ Lêa, Jakôp jet La'ban dơ̆ng: Lơliơ mih hơlĕnh kơ inh?
26La'ban tơl: Tơdrong juăt nhôn thoi âu, ưh kơ gơh ăn oh hơdruch đei klo adrol kơ mŏ ôh. 27Oei hơdai bĕ hăm mŏ lăm minh 'măng giĕng, đơ̆ng noh inh gô ăn hloi oh dai; gah oh noh kon athei jang tơgŭm mih pă tơpơh sơnăm dơ̆ng 'mơ̆i.
28Jakôp chu kiơ̆ nơ̆r mih na oei hơdai Lêa truh minh 'măng giĕng, đơ̆ng noh La'ban rôp ăn Rachel, kon hơdruch sư kơ Jakôp. 29Păng kư̆m jao đam sư Bila kiơ̆ awih awăn kơ Rachel kon adruh sư. 30Jakôp oei hơdai Rachel, sư hưch kơ Rachel hloh kơ Lêa. Thoi noh sư jang tơgŭm hnam dơnŏ La'ban thim tơpơh sơnăm dơ̆ng.
Lêa tơpŭ ăn kơ Jakôp đei puăn 'nu kon drŏ-nglo
31Kră Yang 'bôh Jakôp ưh kơ 'mêm kơ Lêa, ăn kơ sư đei pơjing hơ'lơ̆p, gah Rachel hơwŏng hơwŏ. 32Lêa anăp tơpŭ kơ minh 'nu kon drŏ-nglo krao anăn sư Rubên, a yua kơ đei khan Kră Yang 'bôh tơdrong inh pơmat-tat; na dang ei klo inh gô 'mêm hưch kơ inh.
33Sư đei anăp dơ̆ng tơpŭ kơ minh 'nu kon drŏ-nglo dơ̆ng, anăn sư Simêôn;b păng khan thoi âu; Kră Yang kơtơ̆ng păng băt kơ klo inh ưh kơ 'mêm kơ inh, na ăn thim kơ inh kon 'nâu.
34Sư đei anăp dơ̆ng kư̆m tơpŭ kơ minh 'nu kon drŏ-nglo, sư khan thoi âu: Đơ̆ng âu kơnh klo inh gô bơwei inh, yua kơ inh đei pơjing ăn kơ sư đei pêng 'nu kon drŏ-nglo boih; yua kơ thoi noh na krao anăn kon sư Lêwi.c
35Sư anăp dơ̆ng, tơpŭ kơ minh 'nu kon drŏ-nglo păng khan thoi âu: Dang ei inh bơnê kơ Kră Yang, yua kơ thoi noh na krao anăn kon sư noh Juđa.d Đơ̆ng noh lăm hơdôm sơnăm sư ưh pă đei anăp dơ̆ng.
Currently Selected:
Bl 29: bdq
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.
Bl 29
29
Jakôp oei kơ Lêa păng Rachel kon adruh La'ban
1Đơ̆ng noh Jakôp sư yak năm dĭng truh tơ tơring lu kon pơlei gah hơlĕch. 2Sư lăng, 'bôh đei minh pôm sơlŭng đak lăm thŭng dơnă, tơ noh đei pêng khŭl triu oei bun pơdơh, yua kơ anih noh, anih đe ngăl juăt kơ pơnhă triu. Đei tơnglơ̆p đe klơ̆p đak sơlŭng păng tơmo tih dêh. 3Lu khŭl triu akŭm tơ noh, na lu sư tơgrŏl pơih lê̆ tơmo đơ̆ng đơ̆p sơlŭng, wă pơnhă triu; đang kơ pơnhă boih lu sư klơ̆p dơ̆ng thoi đêl.
4Jakôp jet lu bơngai wei triu. Ơ Lu đe 'nhŏng, lu iĕm đơ̆ng yơ?
Lu sư tơl thoi âu: Nhôn đơ̆ng Charan.
5Sư jet: Lu iĕm hăm băt kơ La'ban sâu Nahôr ưh? Lu sư tơl: Lu nhôn băt.
6Sư jet dơ̆ng: Sư hăm oei liĕm akâu?
Lu sư tơl: Sư oei liĕm akâu mơ̆n păng tơ to Rachel, kon adruh sư, mă oei puh lu triu năm tơ âu to.
7Jakôp khan: 'Nâu oei hrôih tam trŏ kơ triu akŭm; lu iĕm jah pơnhă triu lu iĕm wăi, na jah achăng lê̆ lu sư chă sa dơ̆ng.
8Lu sư tơl: Nhôn ưh kơ gơh pơm thoi noh ôh; athei gô hơdai mă tôm kơ triu akŭm tơ âu 'mơ̆i, na lu nhôn tơgrŏl pơih tơmo tơnglơ̆p sơlŭng noh na pơnhă khŭl triu.
9Na 'nâu; kơplah sư oei pơma dơnuh hăm đe noh, blư kơ Rachel truh chông lu triu 'bă sư, yua kơ sư bơngai wei triu. 10Kơplah sư 'bôh Rachel, kon adruh La'ban mih sư, na sư năm hloi tơ sơlŭng tơlơ̆ tơmo mă đêl klơ̆p 'măng sơlŭng, na pơnhă hloi lu triu La'ban, mih sư. 11Jakôp chŭm Rachel, sư nhơ̆m. 12Đơ̆ng noh sư roi ăn kơ Rachel băt sư kơtum, kôn mon La'ban. Sư kon tơdăm Rê'bêka, na Rachel kơdâu roi kơ 'bă sư băt.
13'Nao kơtơ̆ng roi khan Jakôp, kon tơdăm oh sư, na La'ban kơdâu truh kuăr păng chŭm na chông pơtơm ba mơ̆t tơ hnam sư. Jakôp roi ăn kơ mih sư La'ban băt dôm tơdrong truh kơ sư. 14La'ban drơ̆ng sư: Tơpă boih, mon jơ̆ bơngai mă mih 'mêm. Đơ̆ng noh Jakôp oei hơdai mih sư tơ noh minh khei.
15Đang kơ noh La'ban khan kơ Jakôp thoi âu: Yua kơ mon jơ̆ kôn mon inh, na mon bơ̆jang tơgŭm inh đĕch hă? Wă apah mon jang noh dôm yơ jah roi kơ mih.
16La'ban đei 'bar 'nu kon adruh, kon 'lŏ sư anăn Lêa, kon 'lơ̆p sư anăn Rachel. 17Lêa măt sư ưh kơ gan hơdah, gah Rachel 'lơ̆ng hơbŏ muh măt hơdah hơdong. 18Jakôp hưch kơ Rachel na sư khan thoi âu: Yua kơ oh inh Rachel kon adruch mih, mon gô jang tơgŭm mih lăm tơpơh sơnăm.
19La'ban drơ̆ng sư: Kơtrơ̆m ăn sư oei kơ mon 'lơ̆ng hloh kơ sư oei kơ bơngai nai; lei oei bĕ hăm mih păng jang tơpơh sơnăm. 20Thoi noh, Jakôp yua kơ Rachel, na sư lăng tơpơh sơnăm noh dang lăp 'bar pêng năr.
21Đơ̆ng noh Jakôp khan kơ La'ban thoi âu: Sơnăm đêl pơkă tôm boih; apinh mih jah ăn akăn inh kơ inh, wă kơ inh oei hơdai sư.
22Na La'ban hloi wơ̆n lu kon pơlei, pơih minh năr et sa; 23truh kơsơ̆ măng, sư rôp ăn Lêa, kon adruh 'lŏ sư, kơ Jakôp, na Jakôp oei hơdai Lêa. 24La'ban kư̆m ăn đam sư Silpa kiơ̆ awih awăn kơ Lêa, kon adruh sư.
25Truh pơgê, na băt kơ Lêa, Jakôp jet La'ban dơ̆ng: Lơliơ mih hơlĕnh kơ inh?
26La'ban tơl: Tơdrong juăt nhôn thoi âu, ưh kơ gơh ăn oh hơdruch đei klo adrol kơ mŏ ôh. 27Oei hơdai bĕ hăm mŏ lăm minh 'măng giĕng, đơ̆ng noh inh gô ăn hloi oh dai; gah oh noh kon athei jang tơgŭm mih pă tơpơh sơnăm dơ̆ng 'mơ̆i.
28Jakôp chu kiơ̆ nơ̆r mih na oei hơdai Lêa truh minh 'măng giĕng, đơ̆ng noh La'ban rôp ăn Rachel, kon hơdruch sư kơ Jakôp. 29Păng kư̆m jao đam sư Bila kiơ̆ awih awăn kơ Rachel kon adruh sư. 30Jakôp oei hơdai Rachel, sư hưch kơ Rachel hloh kơ Lêa. Thoi noh sư jang tơgŭm hnam dơnŏ La'ban thim tơpơh sơnăm dơ̆ng.
Lêa tơpŭ ăn kơ Jakôp đei puăn 'nu kon drŏ-nglo
31Kră Yang 'bôh Jakôp ưh kơ 'mêm kơ Lêa, ăn kơ sư đei pơjing hơ'lơ̆p, gah Rachel hơwŏng hơwŏ. 32Lêa anăp tơpŭ kơ minh 'nu kon drŏ-nglo krao anăn sư Rubên, a yua kơ đei khan Kră Yang 'bôh tơdrong inh pơmat-tat; na dang ei klo inh gô 'mêm hưch kơ inh.
33Sư đei anăp dơ̆ng tơpŭ kơ minh 'nu kon drŏ-nglo dơ̆ng, anăn sư Simêôn;b păng khan thoi âu; Kră Yang kơtơ̆ng păng băt kơ klo inh ưh kơ 'mêm kơ inh, na ăn thim kơ inh kon 'nâu.
34Sư đei anăp dơ̆ng kư̆m tơpŭ kơ minh 'nu kon drŏ-nglo, sư khan thoi âu: Đơ̆ng âu kơnh klo inh gô bơwei inh, yua kơ inh đei pơjing ăn kơ sư đei pêng 'nu kon drŏ-nglo boih; yua kơ thoi noh na krao anăn kon sư Lêwi.c
35Sư anăp dơ̆ng, tơpŭ kơ minh 'nu kon drŏ-nglo păng khan thoi âu: Dang ei inh bơnê kơ Kră Yang, yua kơ thoi noh na krao anăn kon sư noh Juđa.d Đơ̆ng noh lăm hơdôm sơnăm sư ưh pă đei anăp dơ̆ng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.