Le 36
36
Lu kon pơlei pơla pơyơ̆r tơmam lơ rơkah rơkai
1Bêsalel, Ôhôliap hăm đĭ-đăng bơngai mă Kră Yang ăn boih tơdrong tơchĕng đei đon hlôh wao gơh hơgei kơ pơm tôm tơdrong jang lăm anih rơgoh 'lơ̆ng, lu sư bơ̆jang dôm tơdrong kiơ̆ thoi Kră Yang đei pơkă khan boih:
2Môis krao Bêsalel, Ôhôliap păng lu bơngai gơh hơgei jang đei tơdrong tơchĕng mă Kră Yang ăn boih kơ lu sư mă đei jơhngơ̆m mơn pơdrŭt lu sư pơtơm năm bơ̆jang. 3Lu sư iŏk đơ̆ng Môis dôm tơmam pơyơ̆r đơ̆ng kon pơlei pơla Isơrael ba ăn wă yua pơm Bơsŭn Anih Akŭm rơgoh 'lơ̆ng. Rim pơgê đei bơngai năm ba tơ Môis tơmam pơyơ̆r kiơ̆ thoi tơdrong kăl yua. 4Thoi noh lu bơngai hơgei gơh pơm tôm tơdrong jang lăm anih noh, lu sư pơdơh 'bơ̆t anih lu sư oei jang. 5Na lu sư năm khan kơ Môis, lu kon pơlei pơla ăn tơmam lơ dêh rơkah rơkai lơ hloh kơ tơdrong jang wă yua, kiơ̆ thoi Kră Yang pơkă athei pơm.
6Thoi noh Môis pơkă athei, lu sư tơroi băl jơ̆p lăm anih lu sư oei lê̆ pă ăn pơyơ̆r dơ̆ng tơmam kơ pơm Bơsŭn Anih Akŭm, thoi noh đe khă pă ăn kon pơlei pơla năm ba tơmam pơyơ̆r dơ̆ng. 7Yua kơ tơmam đei noh tôm mah boih păng kư̆m rơkah mơ̆n kơ dôm tơdrong jang.
Pơdơ̆ng Bơsŭn Anih Akŭm
8Đĭ-đăng lu bơngai hơgei gơh jang pơm Bơsŭn Anih Akŭm iŏk mơjĭt blah che 'bui tanh păng brai se, brai jơk, 'brê gôh, 'brê hơhĭm, đei rup chêrubim, 'lơ̆ng dêh. 9Rim blah che 'bui kơjung sư 'bar-jĭt tơhngam hơgăt, wơ̆l sư să puăn hơgăt, rim blah să iĕ lei-lăi. 10Sư sĭt pơtrơp pơđăm blah pơm minh, kư̆m sĭt pơtrơp mơ̆n pơđăm blah nai pơm minh. 11Sư iŏk brai jơk sĭt pơm gơwŏk 'bơ̆t tơdrơi che pơtrơp mă minh, sư kư̆m sĭt pơm lei-lăi mơ̆n 'bơ̆t tơdrơi che pơtrơp mă 'bar. 12Lu sư sĭt pơđăm-jĭt kiơ̆ kơ trong jih tơdrơi che mă minh păng sư sĭt pơđăm-jĭt tơ tơdrơi jih kơ che mă 'bar, tơnăp sư tơ'bưh băl. 13Sư kư̆m pơm pơđăm-jĭt tŏ gơwŏk păng maih, wă kơ gơwŏk pơtrơp che 'nâu hăm che noh tơ'bưh jing minh.
14Đang kơ noh lu sư iŏk che sŏk bơbe sĭt pơtrơp mơjĭt-mônh blah wă klơ̆p tơ kơpal pơm bơbŭng Bơsŭn Anih Akŭm. 15Che kơjung lăm rim minh blah che noh pêng-jĭt hơgăt, să puăn hơgăt, mơjĭt-mônh blah che noh să iĕ lei-lăi băl.a 16Sư pơtrơp lăm pơđăm blah noh pơm minh, hăm tơdrâu blah che nai kư̆m pơm minh; 17Sĭt pơđăm-jĭt gơwŏk ter jih che tuch-luch kơ che mă minh, hăm pơđăm-jĭt tŏ gơwŏk 'bơ̆t jih che să mă 'bar. 18Sư pơm pơđăm-jĭt tŏ gơwŏk păng kong, gơwŏk tơ'bưh đĭ-đăng che bơbŭng noh jing minh. 19Lu sư kư̆m pơm 'bar blah che hăm akar triu tơno tong đak 'brê păng hăm akar ka tih.
20Sư yua tơ̆r 'long keo (sitim) pơm 'long dơ̆ng tơnăr Bơsŭn Anih Akŭm noh. 21Lăm rim hlak tơ̆r mơjĭt hơgăt kơjung, minh hơgăt minh puăt wơ̆l sư.b 22Rim hlak tơ̆r athei kao tŏk-bŏk đei 'bar pah wă kơ pơkăp hơdai tơ rơnuh sư pơm thoi noh kơ đĭ-đăng tơ̆r lăm Bơsŭn anih akŭm. 23Thoi âu lu sư yua tơ̆r lăm Bơsŭn: 'Bar-jĭt hlak tơ̆r tơ gah gơal. 24Lu sư pơm puăn-jĭt tŏ bơlôh rơnuh păng hu, kơ 'bar-jĭt hlak tơ̆r, 'bar tŏ bơlôh rơnuh kơ minh hlak tơ̆r 'măn 'bar pah wă pơkăp sư păng 'bar tŏ bơlôh rơnuh kơ tơ̆r nai 'măn 'bar pah wă kơ pơkăp sư. 25Sư pơm 'bar-jĭt hlak tơ̆r tơ gah yă-nơ̆m kơ hnam, 26păng puăn-jĭt bơlôh rơnuh pơm păng hu 'bar tŏ bơlôh rơnuh pơm pơkăp kơ minh hlak tơ̆r păng 'bar tŏ bơlôh rơnuh tơ minh hlak nai. 27Gah rŏng kơ Bơsŭn til bơmơ̆t sư pơm tơdrâu hlak tơ̆r. 28Păng 'bar pah mum gah rŏng sư pơm hăm 'bar hlak tơ̆r. 29'Bar pah mum 'bar hlak tơ̆r pơkăp dih băl khĕp đơ̆ng ala truh tơ kơpal đei khuen gơwŏk băl, 'bar pah mum pơm lei-lăi mơ̆n. 30Đei tơhngam hlak tơ̆r hăm mơjĭt-tơdrâu tŏ bơlôh rơnuh pơm păng hu, ala kơ rim hlak tơ̆r noh đei 'bar tŏ bơlôh rơnuh.
31Lu sư kư̆m pơm pơđăm tŏ 'long hơbăt, hăm 'long keo wă pơ̆ng pơkăp tơ tơ̆r tơ gah âu kơ Bơsŭn. 32Pơđăm tŏ 'long hơbăt nai tơ gah to păng pơđăm tŏ 'long hơbăt nai dơ̆ng tơ gah rŏng, wă khan tơ gah bơmơ̆t. 33Lu sư kư̆m pơm 'long hơbăt tŏk-bŏk găn đĭ tơ̆r đơ̆ng kơ̆l pah âu truh tơ kơ̆l pah to, 34păng lom păng maih rim lu tơ̆r noh, sư pơm khuen hăm maih, wă sôr 'long hơbăt, rim lu 'long hơbăt lom păng maih ngăl. 35Sư pơm minh blah che hăm brai jơk, 'brê gôh, 'brê hơhĭm păng che 'bui tanh brai se, tanh rup chêrubim 'lơ̆ng dêh. 36Sư pơm puăn tŏ jrăng 'long keo lom hăm maih păng pơm gơwŏk hăm maih bŏk hling puăn tŏ bơlôh rơnuh păng wă pơkăp jrăng. 37Sư pơm 'bơ̆t 'măng wă mơ̆t tơ Bơsŭn Anih Akŭm minh blah che brai jơk, 'brê gôh păng 'brê hơhĭm, che tanh rup 'brông hơdah. 38Păng sư pơm pơđăm tŏ jrăng lom kơ̆l păng maih păng pơđăm tŏ bơlôh rơnuh pơm păng kong lu gơwŏk sư păng maih.
Currently Selected:
Le 36: bdq
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.
Le 36
36
Lu kon pơlei pơla pơyơ̆r tơmam lơ rơkah rơkai
1Bêsalel, Ôhôliap hăm đĭ-đăng bơngai mă Kră Yang ăn boih tơdrong tơchĕng đei đon hlôh wao gơh hơgei kơ pơm tôm tơdrong jang lăm anih rơgoh 'lơ̆ng, lu sư bơ̆jang dôm tơdrong kiơ̆ thoi Kră Yang đei pơkă khan boih:
2Môis krao Bêsalel, Ôhôliap păng lu bơngai gơh hơgei jang đei tơdrong tơchĕng mă Kră Yang ăn boih kơ lu sư mă đei jơhngơ̆m mơn pơdrŭt lu sư pơtơm năm bơ̆jang. 3Lu sư iŏk đơ̆ng Môis dôm tơmam pơyơ̆r đơ̆ng kon pơlei pơla Isơrael ba ăn wă yua pơm Bơsŭn Anih Akŭm rơgoh 'lơ̆ng. Rim pơgê đei bơngai năm ba tơ Môis tơmam pơyơ̆r kiơ̆ thoi tơdrong kăl yua. 4Thoi noh lu bơngai hơgei gơh pơm tôm tơdrong jang lăm anih noh, lu sư pơdơh 'bơ̆t anih lu sư oei jang. 5Na lu sư năm khan kơ Môis, lu kon pơlei pơla ăn tơmam lơ dêh rơkah rơkai lơ hloh kơ tơdrong jang wă yua, kiơ̆ thoi Kră Yang pơkă athei pơm.
6Thoi noh Môis pơkă athei, lu sư tơroi băl jơ̆p lăm anih lu sư oei lê̆ pă ăn pơyơ̆r dơ̆ng tơmam kơ pơm Bơsŭn Anih Akŭm, thoi noh đe khă pă ăn kon pơlei pơla năm ba tơmam pơyơ̆r dơ̆ng. 7Yua kơ tơmam đei noh tôm mah boih păng kư̆m rơkah mơ̆n kơ dôm tơdrong jang.
Pơdơ̆ng Bơsŭn Anih Akŭm
8Đĭ-đăng lu bơngai hơgei gơh jang pơm Bơsŭn Anih Akŭm iŏk mơjĭt blah che 'bui tanh păng brai se, brai jơk, 'brê gôh, 'brê hơhĭm, đei rup chêrubim, 'lơ̆ng dêh. 9Rim blah che 'bui kơjung sư 'bar-jĭt tơhngam hơgăt, wơ̆l sư să puăn hơgăt, rim blah să iĕ lei-lăi. 10Sư sĭt pơtrơp pơđăm blah pơm minh, kư̆m sĭt pơtrơp mơ̆n pơđăm blah nai pơm minh. 11Sư iŏk brai jơk sĭt pơm gơwŏk 'bơ̆t tơdrơi che pơtrơp mă minh, sư kư̆m sĭt pơm lei-lăi mơ̆n 'bơ̆t tơdrơi che pơtrơp mă 'bar. 12Lu sư sĭt pơđăm-jĭt kiơ̆ kơ trong jih tơdrơi che mă minh păng sư sĭt pơđăm-jĭt tơ tơdrơi jih kơ che mă 'bar, tơnăp sư tơ'bưh băl. 13Sư kư̆m pơm pơđăm-jĭt tŏ gơwŏk păng maih, wă kơ gơwŏk pơtrơp che 'nâu hăm che noh tơ'bưh jing minh.
14Đang kơ noh lu sư iŏk che sŏk bơbe sĭt pơtrơp mơjĭt-mônh blah wă klơ̆p tơ kơpal pơm bơbŭng Bơsŭn Anih Akŭm. 15Che kơjung lăm rim minh blah che noh pêng-jĭt hơgăt, să puăn hơgăt, mơjĭt-mônh blah che noh să iĕ lei-lăi băl.a 16Sư pơtrơp lăm pơđăm blah noh pơm minh, hăm tơdrâu blah che nai kư̆m pơm minh; 17Sĭt pơđăm-jĭt gơwŏk ter jih che tuch-luch kơ che mă minh, hăm pơđăm-jĭt tŏ gơwŏk 'bơ̆t jih che să mă 'bar. 18Sư pơm pơđăm-jĭt tŏ gơwŏk păng kong, gơwŏk tơ'bưh đĭ-đăng che bơbŭng noh jing minh. 19Lu sư kư̆m pơm 'bar blah che hăm akar triu tơno tong đak 'brê păng hăm akar ka tih.
20Sư yua tơ̆r 'long keo (sitim) pơm 'long dơ̆ng tơnăr Bơsŭn Anih Akŭm noh. 21Lăm rim hlak tơ̆r mơjĭt hơgăt kơjung, minh hơgăt minh puăt wơ̆l sư.b 22Rim hlak tơ̆r athei kao tŏk-bŏk đei 'bar pah wă kơ pơkăp hơdai tơ rơnuh sư pơm thoi noh kơ đĭ-đăng tơ̆r lăm Bơsŭn anih akŭm. 23Thoi âu lu sư yua tơ̆r lăm Bơsŭn: 'Bar-jĭt hlak tơ̆r tơ gah gơal. 24Lu sư pơm puăn-jĭt tŏ bơlôh rơnuh păng hu, kơ 'bar-jĭt hlak tơ̆r, 'bar tŏ bơlôh rơnuh kơ minh hlak tơ̆r 'măn 'bar pah wă pơkăp sư păng 'bar tŏ bơlôh rơnuh kơ tơ̆r nai 'măn 'bar pah wă kơ pơkăp sư. 25Sư pơm 'bar-jĭt hlak tơ̆r tơ gah yă-nơ̆m kơ hnam, 26păng puăn-jĭt bơlôh rơnuh pơm păng hu 'bar tŏ bơlôh rơnuh pơm pơkăp kơ minh hlak tơ̆r păng 'bar tŏ bơlôh rơnuh tơ minh hlak nai. 27Gah rŏng kơ Bơsŭn til bơmơ̆t sư pơm tơdrâu hlak tơ̆r. 28Păng 'bar pah mum gah rŏng sư pơm hăm 'bar hlak tơ̆r. 29'Bar pah mum 'bar hlak tơ̆r pơkăp dih băl khĕp đơ̆ng ala truh tơ kơpal đei khuen gơwŏk băl, 'bar pah mum pơm lei-lăi mơ̆n. 30Đei tơhngam hlak tơ̆r hăm mơjĭt-tơdrâu tŏ bơlôh rơnuh pơm păng hu, ala kơ rim hlak tơ̆r noh đei 'bar tŏ bơlôh rơnuh.
31Lu sư kư̆m pơm pơđăm tŏ 'long hơbăt, hăm 'long keo wă pơ̆ng pơkăp tơ tơ̆r tơ gah âu kơ Bơsŭn. 32Pơđăm tŏ 'long hơbăt nai tơ gah to păng pơđăm tŏ 'long hơbăt nai dơ̆ng tơ gah rŏng, wă khan tơ gah bơmơ̆t. 33Lu sư kư̆m pơm 'long hơbăt tŏk-bŏk găn đĭ tơ̆r đơ̆ng kơ̆l pah âu truh tơ kơ̆l pah to, 34păng lom păng maih rim lu tơ̆r noh, sư pơm khuen hăm maih, wă sôr 'long hơbăt, rim lu 'long hơbăt lom păng maih ngăl. 35Sư pơm minh blah che hăm brai jơk, 'brê gôh, 'brê hơhĭm păng che 'bui tanh brai se, tanh rup chêrubim 'lơ̆ng dêh. 36Sư pơm puăn tŏ jrăng 'long keo lom hăm maih păng pơm gơwŏk hăm maih bŏk hling puăn tŏ bơlôh rơnuh păng wă pơkăp jrăng. 37Sư pơm 'bơ̆t 'măng wă mơ̆t tơ Bơsŭn Anih Akŭm minh blah che brai jơk, 'brê gôh păng 'brê hơhĭm, che tanh rup 'brông hơdah. 38Păng sư pơm pơđăm tŏ jrăng lom kơ̆l păng maih păng pơđăm tŏ bơlôh rơnuh pơm păng kong lu gơwŏk sư păng maih.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.