Romanos 12
12
Pyʌcpa wa'ytyʌ ndumʌtzocoy ndzi'oquia'tamu nwin Dioscʌsi
1Te'cotoya, atzita'm, como Diojsismij ñdyo'ya'ŋʌytyamba, aŋnʌctza'mʌytyamba'ʌsmij wa'mis ndzi'oquia'tamu mista'm ŋgüerpo Dioscʌsi, jujcha' chi'oquia'yajpašej inʌc ñchowambe wa'y yajca'yaju. Pero te' mista'm ŋgüerpo tzi'oquia'tamʌ quenbapʌ y cowajupʌ y yajtzocopyacpapʌ's Dios. Yʌ'wʌte' te' mista'm wiyuŋšejpʌ ŋgʌna'tzʌ'oquiuy. 2Uy tzʌctame chʌquiajpašej te' ja'n wyʌ'aŋjamyapyʌ's Dios, sino que jomecoquipsoytyamʌ ndzoco'yojmo wa'mis ŋgacpʌ'octuctamu nwin. Te'šej mis wa'y mustamu te' oyepʌ šu'noquiuy Diojsisñe', te' cota'nupʌ y ñʌ'ombapʌ ñe'cʌ's.
3Diojsisʌj tzi'u yajya'moquiuy, y te'wʌpit ʌsmij ndzamjaytyamba tumduma'ŋbʌn: Umis mujsoyešej ŋgomʌ'ytyamu nwin, sino que pyʌcpaše'ŋ, y cʌme'tztamʌ ne' ŋguipsoquiuy. Yʌ'šej tzʌctamʌ te' wʌ'aŋjamgupyit Diojsismij ñchi'tamuše'ŋ tumduma'ŋbʌn. 4Jujcha'ndʌ ŋgüerpo's wʌwʌ tiyʌta'm ijtu, pero tumdumʌpʌ tiyʌ's eya'eyaco yoscuy chʌcpa, 5te'šej tʌta'm, jujche'ŋdʌ nwʌ'aŋjamdamba Cristo, wʌwʌta'mdʌ, pero tumʌpʌ cuerpošejtʌ, y tumduma'ŋbʌn yospa tiyʌ'iwʌcʌsi.
6Te'šej jeque, tumduma'ŋbʌ'nis ijtu wi'ni eya quene chi'ʌtʌjcuy yajya'moquiupyit, te' Diojsistʌ tzi'tamušej. Te'cotoya juca iwʌ's ijtu chi'ʌtʌjcuy wa'y cha'maŋwaju Diojsis chame, yajtza'maŋwa'oya myuctzi'uše'ŋ Diojsis te' wʌ'aŋjamgupyit. 7Juca ijtu chi'ʌtʌjcuy wa'y quiotzoŋu wʌ'aŋja'moyeta'm, yajcotzoŋya, y juca aŋma'yoquiuquiʌsi, ya'aŋma'yoya. 8Iwʌ aŋnʌctza'mopya oyepʌ tiyʌcʌsi, ya'aŋnʌctza'moya. Iwʌ's šajpa tiyʌ'iwʌ, yajsayʌ tumʌtzocoy. Juca chi'pa Diojsis aŋgui'mʌtʌjcuy, tzi'ŋdzi'ŋba'c yajtzʌcʌ. Juca chi'u wa'y tyo'ya'ŋʌ'oyu, oma'oma'c yajtzʌcʌ.
Tiyʌta'm pyʌcpa wa'y chʌjcu te' wʌ'aŋja'moye's
9Su'noytyamʌ ndumʌtzocoy. Qui'nistamʌ yacha'cuy, coquendamʌ ndzoco'yojmo te' oyepʌ tiyʌ. 10Našunʌtʌjtamʌ ne'co'mo jujcha' našunʌtʌjyajpapʌ atzita'm. Mʌja'ŋgomʌ'ytyamʌ ndʌwʌ ne'co'mota'm.
11Tziŋitzʌctamʌ nwin, uy mocha'tame. Ndumʌtzocoy tzijpana-yosjaytyamʌ tʌ Ngomi.
12Oma'oma jo'ctamʌ tʌ Ngomi. Pʌ'mgopajcʌytyamʌ toyapʌjcuy. Oto'ŋʌytyamʌ Dios mumu jama.
13Tzi'ya te' wʌ'aŋja'moye tyiyʌta'm ja'ndiyʌ. Tzi'oquiu'yajtamʌ jejcuy.
14Wʌcotzamdamʌ te' nyacsnutzʌctambapʌ'smij. Wʌcotzamdamʌ y uy yatzicotzamyay.
15Omdzocopyactamʌ omdzocopyaquiajpapʌji'ŋ, y jʌytyamʌ jʌyajpapʌji'ŋ.
16Tumʌquipsoytyamʌ ne'co'mo. Uy mʌja'ŋgomʌ'ytyame nwin, pero yumijcotzʌctamʌ nwin yumijta'mbʌji'ŋ. Uy mujsoyešej comʌ'ytyame nwin.
17Juca iwʌ'smij ñchʌcjaytyamba yacha'cuy, uy yacha'cuy yajwitu'tame, pero tzʌcme'tztamʌ wa'mis ndzʌctamu te' más oyeta'mbʌ tiyʌ mumu pʌ'nis wyi'naŋdʌjqui. 18Ne'cʌmis ŋgowindzʌmdambaše'ŋ tzʌcme'tztamʌ wa'mis sʌ'mnayu'c ittamu mumu pʌnji'ŋ. 19Tʌwʌy, uy yajnʌco'aŋgʌytyame ne'cʌ, sino que tzactamʌ wa'y Diojsis ñacšaju maŋba'ca yajnʌco'aŋgʌyaju. Porque yʌ'šej ja'yʌyu: Ʌste' maŋba nyajnʌco'aŋgʌyaju, nʌmba tʌ Ngomi, y ʌs maŋba nyajcoyojyaju. 20Te'cotoya, juca nʌ yu'u te' ŋgui'nispapʌ'smij, tzi'ʌ cu'tcuy. Y juca nʌ yoctʌjtzu, tzi'ʌ nʌ'. Juca te'šej mis ndzʌcpa maŋba jyucʌtʌcpo'u tza'ajcu'yis. 21Uy tzi'i lugar wa'mij nwyʌyu yacha'cu'yis, sino que ne'cʌ wʌyʌ oye'ajcupyit.
Currently Selected:
Romanos 12: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
Romanos 12
12
Pyʌcpa wa'ytyʌ ndumʌtzocoy ndzi'oquia'tamu nwin Dioscʌsi
1Te'cotoya, atzita'm, como Diojsismij ñdyo'ya'ŋʌytyamba, aŋnʌctza'mʌytyamba'ʌsmij wa'mis ndzi'oquia'tamu mista'm ŋgüerpo Dioscʌsi, jujcha' chi'oquia'yajpašej inʌc ñchowambe wa'y yajca'yaju. Pero te' mista'm ŋgüerpo tzi'oquia'tamʌ quenbapʌ y cowajupʌ y yajtzocopyacpapʌ's Dios. Yʌ'wʌte' te' mista'm wiyuŋšejpʌ ŋgʌna'tzʌ'oquiuy. 2Uy tzʌctame chʌquiajpašej te' ja'n wyʌ'aŋjamyapyʌ's Dios, sino que jomecoquipsoytyamʌ ndzoco'yojmo wa'mis ŋgacpʌ'octuctamu nwin. Te'šej mis wa'y mustamu te' oyepʌ šu'noquiuy Diojsisñe', te' cota'nupʌ y ñʌ'ombapʌ ñe'cʌ's.
3Diojsisʌj tzi'u yajya'moquiuy, y te'wʌpit ʌsmij ndzamjaytyamba tumduma'ŋbʌn: Umis mujsoyešej ŋgomʌ'ytyamu nwin, sino que pyʌcpaše'ŋ, y cʌme'tztamʌ ne' ŋguipsoquiuy. Yʌ'šej tzʌctamʌ te' wʌ'aŋjamgupyit Diojsismij ñchi'tamuše'ŋ tumduma'ŋbʌn. 4Jujcha'ndʌ ŋgüerpo's wʌwʌ tiyʌta'm ijtu, pero tumdumʌpʌ tiyʌ's eya'eyaco yoscuy chʌcpa, 5te'šej tʌta'm, jujche'ŋdʌ nwʌ'aŋjamdamba Cristo, wʌwʌta'mdʌ, pero tumʌpʌ cuerpošejtʌ, y tumduma'ŋbʌn yospa tiyʌ'iwʌcʌsi.
6Te'šej jeque, tumduma'ŋbʌ'nis ijtu wi'ni eya quene chi'ʌtʌjcuy yajya'moquiupyit, te' Diojsistʌ tzi'tamušej. Te'cotoya juca iwʌ's ijtu chi'ʌtʌjcuy wa'y cha'maŋwaju Diojsis chame, yajtza'maŋwa'oya myuctzi'uše'ŋ Diojsis te' wʌ'aŋjamgupyit. 7Juca ijtu chi'ʌtʌjcuy wa'y quiotzoŋu wʌ'aŋja'moyeta'm, yajcotzoŋya, y juca aŋma'yoquiuquiʌsi, ya'aŋma'yoya. 8Iwʌ aŋnʌctza'mopya oyepʌ tiyʌcʌsi, ya'aŋnʌctza'moya. Iwʌ's šajpa tiyʌ'iwʌ, yajsayʌ tumʌtzocoy. Juca chi'pa Diojsis aŋgui'mʌtʌjcuy, tzi'ŋdzi'ŋba'c yajtzʌcʌ. Juca chi'u wa'y tyo'ya'ŋʌ'oyu, oma'oma'c yajtzʌcʌ.
Tiyʌta'm pyʌcpa wa'y chʌjcu te' wʌ'aŋja'moye's
9Su'noytyamʌ ndumʌtzocoy. Qui'nistamʌ yacha'cuy, coquendamʌ ndzoco'yojmo te' oyepʌ tiyʌ. 10Našunʌtʌjtamʌ ne'co'mo jujcha' našunʌtʌjyajpapʌ atzita'm. Mʌja'ŋgomʌ'ytyamʌ ndʌwʌ ne'co'mota'm.
11Tziŋitzʌctamʌ nwin, uy mocha'tame. Ndumʌtzocoy tzijpana-yosjaytyamʌ tʌ Ngomi.
12Oma'oma jo'ctamʌ tʌ Ngomi. Pʌ'mgopajcʌytyamʌ toyapʌjcuy. Oto'ŋʌytyamʌ Dios mumu jama.
13Tzi'ya te' wʌ'aŋja'moye tyiyʌta'm ja'ndiyʌ. Tzi'oquiu'yajtamʌ jejcuy.
14Wʌcotzamdamʌ te' nyacsnutzʌctambapʌ'smij. Wʌcotzamdamʌ y uy yatzicotzamyay.
15Omdzocopyactamʌ omdzocopyaquiajpapʌji'ŋ, y jʌytyamʌ jʌyajpapʌji'ŋ.
16Tumʌquipsoytyamʌ ne'co'mo. Uy mʌja'ŋgomʌ'ytyame nwin, pero yumijcotzʌctamʌ nwin yumijta'mbʌji'ŋ. Uy mujsoyešej comʌ'ytyame nwin.
17Juca iwʌ'smij ñchʌcjaytyamba yacha'cuy, uy yacha'cuy yajwitu'tame, pero tzʌcme'tztamʌ wa'mis ndzʌctamu te' más oyeta'mbʌ tiyʌ mumu pʌ'nis wyi'naŋdʌjqui. 18Ne'cʌmis ŋgowindzʌmdambaše'ŋ tzʌcme'tztamʌ wa'mis sʌ'mnayu'c ittamu mumu pʌnji'ŋ. 19Tʌwʌy, uy yajnʌco'aŋgʌytyame ne'cʌ, sino que tzactamʌ wa'y Diojsis ñacšaju maŋba'ca yajnʌco'aŋgʌyaju. Porque yʌ'šej ja'yʌyu: Ʌste' maŋba nyajnʌco'aŋgʌyaju, nʌmba tʌ Ngomi, y ʌs maŋba nyajcoyojyaju. 20Te'cotoya, juca nʌ yu'u te' ŋgui'nispapʌ'smij, tzi'ʌ cu'tcuy. Y juca nʌ yoctʌjtzu, tzi'ʌ nʌ'. Juca te'šej mis ndzʌcpa maŋba jyucʌtʌcpo'u tza'ajcu'yis. 21Uy tzi'i lugar wa'mij nwyʌyu yacha'cu'yis, sino que ne'cʌ wʌyʌ oye'ajcupyit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.