ROMANOS 4
4
Ejemplo ta jtojoltik te jꞌAbrahame
1¿Tut ya kaltik te juꞌ yuꞌun te jꞌAbraham, te antibo jmeꞌ-jtatike?
2Jich jaꞌuk a juꞌ yuꞌun te jꞌAbraham te toj a spas sba ta stukel naxe, ya wan spas te ya stoy sba te jichuke. Pero ma spas ya stoy sba ta stojol Dios. 3Yuꞌun jich ya yal te Sjun Diose: “Te jꞌAbrahame la xchꞌuun Dios, y jaꞌ yuꞌun te Diose la yil jich tutꞌil te toj aye. 4Yan teme ay machꞌa aꞌtejemix, ma smajtanuk te taqꞌuin ya xꞌaꞌbote. Stojol yaꞌtel stukel.
5Pero teme ay machꞌa ya xchꞌuun te Diose, te libre ya yakꞌ yuꞌun smul te jmulawile, jaꞌ toj ya ilot yuꞌun Dios yuꞌun te xchꞌuunel yoꞌtane, aunke maꞌyuk tut spasoj te chapal a kꞌot yuꞌune. 6Mismo jDavid te la yal te jaꞌ ben tsaꞌam te machꞌa ya xꞌilot yuꞌun Dios jich tutꞌil te toj aye, ni jaꞌuk ya xꞌichꞌbot jkuenta te tut spasoje. 7La yal te jDavide:
“Ben tsaꞌam slekil te machꞌatik Dios ya xꞌaꞌbot perdon yuꞌun te tut ma tsaꞌamuk spasoje y sok te chꞌaybotix te smulike. 8Ben tsaꞌam slekil te winik te maꞌ naꞌbot smul yuꞌun te Kajwaltike”, xchi me.
9¿Me jaꞌ nax ben tsaꞌam slekil te machꞌatik yichꞌoj sirkunsisione? Maꞌuk. Jich ekꞌa te machꞌatik ma yichꞌojikuk sirkunsisione. La kaltikix te ta skuenta te xchꞌuunel yoꞌtane, toj a ilot yuꞌun Dios te jꞌAbrahame. 10¿Pero, tut ora toj a ilot yuꞌun Dios te jꞌAbrahame? ¿Ta patil te la yichꞌ sirkunsisione o nail? Ma patiluk, sinoke nail. 11Y ta patil te jꞌAbraham la yichꞌ sirkunsisione, yuꞌun jaꞌ seña te toj a ilotix yuꞌun Dios ta skuenta te xchꞌuunel yoꞌtane. Jaꞌ sluwar te jich aye. Te jꞌAbrahame jaꞌ tatil kꞌoem yuꞌun spisil te machꞌatik ay xchꞌuunel yoꞌtane, aunke me ma yichꞌojikuk te sirkunsisione. Y jich pajal ya xꞌilotik yuꞌun Dios jich tutꞌil toj ayike. 12Y te jꞌAbrahame jaꞌ tatil yuꞌun euk te machꞌatik yichꞌoj sirkunsisione teme jich ya xchꞌuunik Dios tutꞌil la xchꞌuun Dios te jꞌAbrahame te kꞌalal ma to yichꞌojuk a te sirkunsisione.
Te tut yaloj te Diose jaꞌ ya xkꞌot ta jkuentatik a ta skuenta te xchꞌuunel koꞌtantike
13Yuꞌun te Diose yalojix ta stojol jꞌAbraham te ya xꞌakꞌbot yuꞌunin sok ta stsꞌumbal te balmilale. Pero te jich albile, ma jaꞌuk ya xꞌakꞌtalanbot yuꞌun te juꞌem yuꞌun xchꞌuunel te mantaliletik te jꞌAbrahame. Jaꞌ nax yuꞌun te la yakꞌ xchꞌuunel yoꞌtan ta stojol Diose y jaꞌ yuꞌun ilot yuꞌun Dios jich tutꞌil te toj aye. 14Te yuꞌunuk jaꞌuk nax te machꞌatik xchꞌuunejik te mataliletik te ya xꞌaꞌbot yuꞌunin te balmilale, jich te xchꞌuunel-oꞌtanile lom nax te jichuke, sok tut yaloj te Diose, teꞌ chꞌay skꞌoplal a. 15Porke te mantaliletike ya me yakꞌ kastigo. Pero te ba maꞌyuk te mantalile, jich maꞌyuk tut ya xkꞌaxintayik a.
16Jaꞌ yuꞌun te tut japbil ta stojol te jꞌAbrahame jich me ya xꞌaꞌbot spisil te stsꞌumbale, jaꞌ te tut majtanil ya xꞌaꞌbot yuꞌun te xchꞌuunel-oꞌtanile. Te tut yaloj te Diose ma jaꞌuk nax yuꞌun te machꞌatik ya xchꞌuun te mantaliletike. Jaꞌ yuꞌun spisil euk te machꞌatik ya xchꞌuun jich tutꞌil la xchꞌuun te jꞌAbrahame. Jaꞌ sluwaril te jaꞌ tatil kꞌoem kuꞌuntik ta jpisiltik te jꞌAbrahame, 17jich tut ya yal te Sjun Diose: “Te jaꞌ kakꞌojat ta tatil yuꞌun bayal nasionetik”, xchi me. Jaꞌ to jaꞌ te Dios te la xchꞌuun te jAbraham te ya yaꞌbe xkuxlejal te machꞌatik chamenike. Y sok ya yakꞌ chiknajuk te tut ma chikanuk ta nail toe.
18Te kꞌalal maꞌyukix tut ya smaliyik ae, te jꞌAbrahame la xchꞌuun te ya to xꞌayin te xnichꞌane, y juꞌ yuꞌun smaliyel. Y jicha kꞌot ta pasel te jaꞌ tatil kꞌoem yuꞌun bayal nasionetike. Jich tutꞌil albil yuꞌun te Diose: “Jich yipal ya xkꞌot te atsꞌumbale”, xchi me. 19Ma chojp te xchꞌuunel yoꞌtan jꞌAbrahame, aunke ayix sien jaꞌbil a te yaꞌbilale, y la snaꞌix a te nopol ya xchamikix a sok te Sarae, yuꞌun lom mamal-meꞌelikix a ma trateukix ya xꞌalaj-xnichꞌnajik a. 20Ma tuti yal yoꞌtan yuꞌun ni ma chꞌay xchꞌuunel yoꞌtan ta smaliyel te tut albil yuꞌun te Diose. Pero mas a yakꞌ xchꞌuunel yoꞌtan y seguro la smaliy. La yalbe kolayal Dios yuꞌun. 21Lom lek snaꞌoj y xchꞌuunej te Dios ay spoder yuꞌun ya yakꞌ kꞌotuk ta pasel te tut yaloje. 22Jaꞌ yuꞌun, jich ilot yuꞌun Dios jich tutꞌil toj aye.
23Y te jich a ilot yuꞌun te Diose, ma jaꞌuk nax a stsꞌibabe skꞌoplal te jAbrahame, 24la stsꞌibabotik jkꞌoplaltik euk. Yuꞌun ta skuenta xchꞌuunel koꞌtantik, Dios ya yilotik jich tutꞌil te toj ayotike, yuꞌun jchꞌuunejtik te Dios la xchaꞌkuses tal te Kajwaltik Jesuse, 25te akꞌot entregal ta lajel yuꞌun te jmultike y chaꞌkux tal yuꞌun ya yakꞌotik ta libre yuꞌun te jmultike.
Currently Selected:
ROMANOS 4: AMANNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Tzeltal de Amatenango © Sociedad Bíblica de México, 2006.
ROMANOS 4
4
Ejemplo ta jtojoltik te jꞌAbrahame
1¿Tut ya kaltik te juꞌ yuꞌun te jꞌAbraham, te antibo jmeꞌ-jtatike?
2Jich jaꞌuk a juꞌ yuꞌun te jꞌAbraham te toj a spas sba ta stukel naxe, ya wan spas te ya stoy sba te jichuke. Pero ma spas ya stoy sba ta stojol Dios. 3Yuꞌun jich ya yal te Sjun Diose: “Te jꞌAbrahame la xchꞌuun Dios, y jaꞌ yuꞌun te Diose la yil jich tutꞌil te toj aye. 4Yan teme ay machꞌa aꞌtejemix, ma smajtanuk te taqꞌuin ya xꞌaꞌbote. Stojol yaꞌtel stukel.
5Pero teme ay machꞌa ya xchꞌuun te Diose, te libre ya yakꞌ yuꞌun smul te jmulawile, jaꞌ toj ya ilot yuꞌun Dios yuꞌun te xchꞌuunel yoꞌtane, aunke maꞌyuk tut spasoj te chapal a kꞌot yuꞌune. 6Mismo jDavid te la yal te jaꞌ ben tsaꞌam te machꞌa ya xꞌilot yuꞌun Dios jich tutꞌil te toj aye, ni jaꞌuk ya xꞌichꞌbot jkuenta te tut spasoje. 7La yal te jDavide:
“Ben tsaꞌam slekil te machꞌatik Dios ya xꞌaꞌbot perdon yuꞌun te tut ma tsaꞌamuk spasoje y sok te chꞌaybotix te smulike. 8Ben tsaꞌam slekil te winik te maꞌ naꞌbot smul yuꞌun te Kajwaltike”, xchi me.
9¿Me jaꞌ nax ben tsaꞌam slekil te machꞌatik yichꞌoj sirkunsisione? Maꞌuk. Jich ekꞌa te machꞌatik ma yichꞌojikuk sirkunsisione. La kaltikix te ta skuenta te xchꞌuunel yoꞌtane, toj a ilot yuꞌun Dios te jꞌAbrahame. 10¿Pero, tut ora toj a ilot yuꞌun Dios te jꞌAbrahame? ¿Ta patil te la yichꞌ sirkunsisione o nail? Ma patiluk, sinoke nail. 11Y ta patil te jꞌAbraham la yichꞌ sirkunsisione, yuꞌun jaꞌ seña te toj a ilotix yuꞌun Dios ta skuenta te xchꞌuunel yoꞌtane. Jaꞌ sluwar te jich aye. Te jꞌAbrahame jaꞌ tatil kꞌoem yuꞌun spisil te machꞌatik ay xchꞌuunel yoꞌtane, aunke me ma yichꞌojikuk te sirkunsisione. Y jich pajal ya xꞌilotik yuꞌun Dios jich tutꞌil toj ayike. 12Y te jꞌAbrahame jaꞌ tatil yuꞌun euk te machꞌatik yichꞌoj sirkunsisione teme jich ya xchꞌuunik Dios tutꞌil la xchꞌuun Dios te jꞌAbrahame te kꞌalal ma to yichꞌojuk a te sirkunsisione.
Te tut yaloj te Diose jaꞌ ya xkꞌot ta jkuentatik a ta skuenta te xchꞌuunel koꞌtantike
13Yuꞌun te Diose yalojix ta stojol jꞌAbraham te ya xꞌakꞌbot yuꞌunin sok ta stsꞌumbal te balmilale. Pero te jich albile, ma jaꞌuk ya xꞌakꞌtalanbot yuꞌun te juꞌem yuꞌun xchꞌuunel te mantaliletik te jꞌAbrahame. Jaꞌ nax yuꞌun te la yakꞌ xchꞌuunel yoꞌtan ta stojol Diose y jaꞌ yuꞌun ilot yuꞌun Dios jich tutꞌil te toj aye. 14Te yuꞌunuk jaꞌuk nax te machꞌatik xchꞌuunejik te mataliletik te ya xꞌaꞌbot yuꞌunin te balmilale, jich te xchꞌuunel-oꞌtanile lom nax te jichuke, sok tut yaloj te Diose, teꞌ chꞌay skꞌoplal a. 15Porke te mantaliletike ya me yakꞌ kastigo. Pero te ba maꞌyuk te mantalile, jich maꞌyuk tut ya xkꞌaxintayik a.
16Jaꞌ yuꞌun te tut japbil ta stojol te jꞌAbrahame jich me ya xꞌaꞌbot spisil te stsꞌumbale, jaꞌ te tut majtanil ya xꞌaꞌbot yuꞌun te xchꞌuunel-oꞌtanile. Te tut yaloj te Diose ma jaꞌuk nax yuꞌun te machꞌatik ya xchꞌuun te mantaliletike. Jaꞌ yuꞌun spisil euk te machꞌatik ya xchꞌuun jich tutꞌil la xchꞌuun te jꞌAbrahame. Jaꞌ sluwaril te jaꞌ tatil kꞌoem kuꞌuntik ta jpisiltik te jꞌAbrahame, 17jich tut ya yal te Sjun Diose: “Te jaꞌ kakꞌojat ta tatil yuꞌun bayal nasionetik”, xchi me. Jaꞌ to jaꞌ te Dios te la xchꞌuun te jAbraham te ya yaꞌbe xkuxlejal te machꞌatik chamenike. Y sok ya yakꞌ chiknajuk te tut ma chikanuk ta nail toe.
18Te kꞌalal maꞌyukix tut ya smaliyik ae, te jꞌAbrahame la xchꞌuun te ya to xꞌayin te xnichꞌane, y juꞌ yuꞌun smaliyel. Y jicha kꞌot ta pasel te jaꞌ tatil kꞌoem yuꞌun bayal nasionetike. Jich tutꞌil albil yuꞌun te Diose: “Jich yipal ya xkꞌot te atsꞌumbale”, xchi me. 19Ma chojp te xchꞌuunel yoꞌtan jꞌAbrahame, aunke ayix sien jaꞌbil a te yaꞌbilale, y la snaꞌix a te nopol ya xchamikix a sok te Sarae, yuꞌun lom mamal-meꞌelikix a ma trateukix ya xꞌalaj-xnichꞌnajik a. 20Ma tuti yal yoꞌtan yuꞌun ni ma chꞌay xchꞌuunel yoꞌtan ta smaliyel te tut albil yuꞌun te Diose. Pero mas a yakꞌ xchꞌuunel yoꞌtan y seguro la smaliy. La yalbe kolayal Dios yuꞌun. 21Lom lek snaꞌoj y xchꞌuunej te Dios ay spoder yuꞌun ya yakꞌ kꞌotuk ta pasel te tut yaloje. 22Jaꞌ yuꞌun, jich ilot yuꞌun Dios jich tutꞌil toj aye.
23Y te jich a ilot yuꞌun te Diose, ma jaꞌuk nax a stsꞌibabe skꞌoplal te jAbrahame, 24la stsꞌibabotik jkꞌoplaltik euk. Yuꞌun ta skuenta xchꞌuunel koꞌtantik, Dios ya yilotik jich tutꞌil te toj ayotike, yuꞌun jchꞌuunejtik te Dios la xchaꞌkuses tal te Kajwaltik Jesuse, 25te akꞌot entregal ta lajel yuꞌun te jmultike y chaꞌkux tal yuꞌun ya yakꞌotik ta libre yuꞌun te jmultike.
Nuevo Testamento Tzeltal de Amatenango © Sociedad Bíblica de México, 2006.