Romanos 2
2
Dios juzga̱táj yacs̈ic
1Culpa̱tic itsʉ̱nawa'n pʉmba'tu imalninʉmámpay jatu'c jayau, ni'c te imalninʉmp jatu'c jayau, je'yu nicondena̱jtʉp ni'c je' iwatpey ni-as̈amu. 2Najawigap ni'c Dios ijuzga̱tcʉs̈áj yacs̈ic jeme iwatcapay ayé mal cosajat. 3Po te tu'c jayau imalninʉmp jatu'c jayau jeme iwatpay ayé mal cosajat, mit te je' iwatpey ni-as̈amu, ¿is̈jawiga je' oyáj iguicupo'c Dios pa magatsʉ̱na juzga̱tic? 4Dios jayawano'cp mit nas̈majmoygap mit may calma, ¿mit is̈jawiga nayajcáj menus Dios? Ʉjtsat naganimoygʉjʉp cuenta ni'c Dios jayawano'cp ni'c iwamp nacuyáguiga nama̱lway to̱jwat. 5Te tu'c jayau copacmʉgʉc mit igacuyaguip ima̱lway to̱u, ayé jayau i-acmayip ima̱jlat, mit Dios iguicastiga̱táj en ayé s̈ʉjw ijuzga̱twa'n, mit wejpu'n najawigáj ni'c je' juzga̱táj yacs̈ic. 6Ni'c Dios i-actutso'gáj cada jayau as̈amu iguiwat. 7Dios imoygʉs̈áj vida cacʉs̈ámpay pa jeme iwatí̱jcapay oy, ni'c je'jat iche'ngap ayé lugar oymanacway mam igui-oyninʉmgawa'n Dios, mit jem ca-o'jcáj. 8Po Dios imu-awa'nigʉs̈áj jeme iwangapay nu'pʉjʉn pa je'jatu, mit icastiga̱tcʉs̈áj ni'c igawangap iyo'ygawa'n yacs̈ic. Mit to'ctʉgʉyic itsʉ̱nga, jemni'c iguiwatca mal. 9Itunas̈cáj mʉgʉc nu'pʉjʉn jayajwat iwatcapay mal, primeru judíujat mit we'ney jeme caje'jatway judíujat. 10Mit nu'pʉjʉn jayau iwatpay oy tsʉ̱náj mit Dios mam i-oymanagui, mit Dios igui-oyninʉmáj mit iguimo'áj paz. Ayʉ̱́j nʉmic primeru pa judíujat jeme iwatcapay oy, mit we'ney pa jeme caje'jatway judíujat.
11Dios niwe'nu igui-e'pcʉs̈ nu'pʉjʉn jayajwat. 12Ni'c nu'pʉjʉn jeme iwatcapay mal mit iga-is̈capcajap Moisés iley, togoygámpey po catsʉ̱ngáj juzga̱tic mit ayé ley. Mit nu'pʉjʉn jeme iwatcapay mal mit i-is̈capcap ayé ley, itujuzga̱tcáj nije'yu ley. 13Dios igapʉctsougʉs̈p jeme imaraugapayu ayé ley. Je' ipʉctsougʉs̈p jeme ijayaumaygapay ayé ley. 14Ni'c ayé jayajwat jeme caje'jatway judíujat ca-itcʉjʉp Moisés iley. Je'jat igani-is̈capcajap judíujat ilejyat, po majawe'naj i-entendia̱tcap ti imanda̱tpay ayé ley ni'c ijawigap jeme oyway mit jeme ma̱lway. 15Najawigap ni'c i-entendia̱tcap lo que inʉmpay ayé ley ni'c ijawigap jeme oyway mit jeme ma̱lway. Mit cada jayau ijawip ijo̱tni'c te iwatp oy o te iwatp mal, mit jemni'c jayajwat oyap ini-acusa̱tcʉjʉ mit oyapey inicowangʉjʉ. 16Dios ijuzga̱táj en ayé s̈ʉjw lo que jayajwat iwatcapay cuyu'tsic, mit iyac Jesucristu pa iguijuzga̱tcʉs̈wa'n, mit wename tʉs̈ajque's̈ en ayé oyway noticia.
Judíujat mit ley
17Tu'c judíu ni-oyninʉjmʉp ni'c je' judíu, mit ni-oyninʉjmʉp ni'c i-is̈cajpap Moisés iley, mit nimʉjninʉjmʉp ni'c tsʉ̱nap oy mit Dios. 18Tu'c judíu ijawip lo que iwampay Dios, mit ijawip cosa oyway ni'c we'n igui-ajque's̈ap ley. 19Je' tsʉ̱nap seguru ni'c oyap igui-ajque's̈cʉs̈a jeme iga-entendia̱tcapay, mit oyapey igui-actupʉctangʉs̈ jeme iga-is̈capcapay neti. 20Je' i-ajque's̈cʉs̈ap jeme igajatcapay mit i-actupʉctangʉs̈p qui'chwájat. Je' inʉmp ni'c ijtʉp nu'tsic nu'pʉjʉn ley, mit ijawip nu'pʉjʉn cosa oyway. 21Te tu'c judíu i-ajque's̈ap jatu'c jayau, ¿tini'cpaj je'yu iguigapʉctajnʉ'c? Te inʉmdacyo'yp ni'c naganu'mwit, ¿is̈jawiga je' oyap inu'm? 22Je' inʉmp ni'c nagachajyo'ywit, mit ¿is̈jawiga je' oyap ichajyo'y? Je' igawamp tiyu̱s̈at, po inu'mgʉs̈ap itpay itempluni'jcat jeme iga-is̈capcapay Dios. 23Je' nimʉjninʉjmʉp ni'c ijtʉp Dios iley, po iyacp Dios menus ni'c igajayaumayp ayé ley. 24As̈am itsʉ̱na ja'yic Dios ilibruni'c: “Jeme caje'jatway judíujat itucotscap Dios ni'c judíujat cayo'ygap yacs̈ic.”
25Tu'c judíu oy ma nimarca̱jtʉ icuerpuni'c te ijayaumayp ley, po te igajayaumayp ley, jalmanu inimarca̱jtʉ. 26Mit te tu'c jayau camarca̱ticway ijayaumayp lo que imanda̱tpay ley, ayé jayau as̈am marca̱ticwayey. 27Mit jeme camarca̱ticway icuerpuni'c po te ijayaumajyap Dios iley, je' icondena̱táj tu'c judíu, ni'c ayé judíu ijtʉp Dios iley as̈am itsʉ̱na ja'yic, mit je' marca̱tic, po igajayaumayp ayé ley. 28Tu'c jayau jeme ye'cway judíu, je' caje' tu'c judíu iyacs̈ta'cway. Te tu'c jayau marca̱tic icuerpuni'gu caje' marca̱tic iyacs̈ta'cway. 29Po ayé tu'c judíu iyacs̈ta'cway jeme icupʉcpay Dios mit nu'pʉjʉn ijo̱jt, mit limpiu itsʉ̱na ijo̱tni'c. Je' ijtʉp Espíritu Santu ijo̱tni'c mit caje' tu'c ley ja'yicway. Tu'c jayau ipensa̱tpay we'n, iwamp igui-oyninʉmáj Dios, mit caje' jayajwat.
Currently Selected:
Romanos 2: PSNT
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
Romanos 2
2
Dios juzga̱táj yacs̈ic
1Culpa̱tic itsʉ̱nawa'n pʉmba'tu imalninʉmámpay jatu'c jayau, ni'c te imalninʉmp jatu'c jayau, je'yu nicondena̱jtʉp ni'c je' iwatpey ni-as̈amu. 2Najawigap ni'c Dios ijuzga̱tcʉs̈áj yacs̈ic jeme iwatcapay ayé mal cosajat. 3Po te tu'c jayau imalninʉmp jatu'c jayau jeme iwatpay ayé mal cosajat, mit te je' iwatpey ni-as̈amu, ¿is̈jawiga je' oyáj iguicupo'c Dios pa magatsʉ̱na juzga̱tic? 4Dios jayawano'cp mit nas̈majmoygap mit may calma, ¿mit is̈jawiga nayajcáj menus Dios? Ʉjtsat naganimoygʉjʉp cuenta ni'c Dios jayawano'cp ni'c iwamp nacuyáguiga nama̱lway to̱jwat. 5Te tu'c jayau copacmʉgʉc mit igacuyaguip ima̱lway to̱u, ayé jayau i-acmayip ima̱jlat, mit Dios iguicastiga̱táj en ayé s̈ʉjw ijuzga̱twa'n, mit wejpu'n najawigáj ni'c je' juzga̱táj yacs̈ic. 6Ni'c Dios i-actutso'gáj cada jayau as̈amu iguiwat. 7Dios imoygʉs̈áj vida cacʉs̈ámpay pa jeme iwatí̱jcapay oy, ni'c je'jat iche'ngap ayé lugar oymanacway mam igui-oyninʉmgawa'n Dios, mit jem ca-o'jcáj. 8Po Dios imu-awa'nigʉs̈áj jeme iwangapay nu'pʉjʉn pa je'jatu, mit icastiga̱tcʉs̈áj ni'c igawangap iyo'ygawa'n yacs̈ic. Mit to'ctʉgʉyic itsʉ̱nga, jemni'c iguiwatca mal. 9Itunas̈cáj mʉgʉc nu'pʉjʉn jayajwat iwatcapay mal, primeru judíujat mit we'ney jeme caje'jatway judíujat. 10Mit nu'pʉjʉn jayau iwatpay oy tsʉ̱náj mit Dios mam i-oymanagui, mit Dios igui-oyninʉmáj mit iguimo'áj paz. Ayʉ̱́j nʉmic primeru pa judíujat jeme iwatcapay oy, mit we'ney pa jeme caje'jatway judíujat.
11Dios niwe'nu igui-e'pcʉs̈ nu'pʉjʉn jayajwat. 12Ni'c nu'pʉjʉn jeme iwatcapay mal mit iga-is̈capcajap Moisés iley, togoygámpey po catsʉ̱ngáj juzga̱tic mit ayé ley. Mit nu'pʉjʉn jeme iwatcapay mal mit i-is̈capcap ayé ley, itujuzga̱tcáj nije'yu ley. 13Dios igapʉctsougʉs̈p jeme imaraugapayu ayé ley. Je' ipʉctsougʉs̈p jeme ijayaumaygapay ayé ley. 14Ni'c ayé jayajwat jeme caje'jatway judíujat ca-itcʉjʉp Moisés iley. Je'jat igani-is̈capcajap judíujat ilejyat, po majawe'naj i-entendia̱tcap ti imanda̱tpay ayé ley ni'c ijawigap jeme oyway mit jeme ma̱lway. 15Najawigap ni'c i-entendia̱tcap lo que inʉmpay ayé ley ni'c ijawigap jeme oyway mit jeme ma̱lway. Mit cada jayau ijawip ijo̱tni'c te iwatp oy o te iwatp mal, mit jemni'c jayajwat oyap ini-acusa̱tcʉjʉ mit oyapey inicowangʉjʉ. 16Dios ijuzga̱táj en ayé s̈ʉjw lo que jayajwat iwatcapay cuyu'tsic, mit iyac Jesucristu pa iguijuzga̱tcʉs̈wa'n, mit wename tʉs̈ajque's̈ en ayé oyway noticia.
Judíujat mit ley
17Tu'c judíu ni-oyninʉjmʉp ni'c je' judíu, mit ni-oyninʉjmʉp ni'c i-is̈cajpap Moisés iley, mit nimʉjninʉjmʉp ni'c tsʉ̱nap oy mit Dios. 18Tu'c judíu ijawip lo que iwampay Dios, mit ijawip cosa oyway ni'c we'n igui-ajque's̈ap ley. 19Je' tsʉ̱nap seguru ni'c oyap igui-ajque's̈cʉs̈a jeme iga-entendia̱tcapay, mit oyapey igui-actupʉctangʉs̈ jeme iga-is̈capcapay neti. 20Je' i-ajque's̈cʉs̈ap jeme igajatcapay mit i-actupʉctangʉs̈p qui'chwájat. Je' inʉmp ni'c ijtʉp nu'tsic nu'pʉjʉn ley, mit ijawip nu'pʉjʉn cosa oyway. 21Te tu'c judíu i-ajque's̈ap jatu'c jayau, ¿tini'cpaj je'yu iguigapʉctajnʉ'c? Te inʉmdacyo'yp ni'c naganu'mwit, ¿is̈jawiga je' oyap inu'm? 22Je' inʉmp ni'c nagachajyo'ywit, mit ¿is̈jawiga je' oyap ichajyo'y? Je' igawamp tiyu̱s̈at, po inu'mgʉs̈ap itpay itempluni'jcat jeme iga-is̈capcapay Dios. 23Je' nimʉjninʉjmʉp ni'c ijtʉp Dios iley, po iyacp Dios menus ni'c igajayaumayp ayé ley. 24As̈am itsʉ̱na ja'yic Dios ilibruni'c: “Jeme caje'jatway judíujat itucotscap Dios ni'c judíujat cayo'ygap yacs̈ic.”
25Tu'c judíu oy ma nimarca̱jtʉ icuerpuni'c te ijayaumayp ley, po te igajayaumayp ley, jalmanu inimarca̱jtʉ. 26Mit te tu'c jayau camarca̱ticway ijayaumayp lo que imanda̱tpay ley, ayé jayau as̈am marca̱ticwayey. 27Mit jeme camarca̱ticway icuerpuni'c po te ijayaumajyap Dios iley, je' icondena̱táj tu'c judíu, ni'c ayé judíu ijtʉp Dios iley as̈am itsʉ̱na ja'yic, mit je' marca̱tic, po igajayaumayp ayé ley. 28Tu'c jayau jeme ye'cway judíu, je' caje' tu'c judíu iyacs̈ta'cway. Te tu'c jayau marca̱tic icuerpuni'gu caje' marca̱tic iyacs̈ta'cway. 29Po ayé tu'c judíu iyacs̈ta'cway jeme icupʉcpay Dios mit nu'pʉjʉn ijo̱jt, mit limpiu itsʉ̱na ijo̱tni'c. Je' ijtʉp Espíritu Santu ijo̱tni'c mit caje' tu'c ley ja'yicway. Tu'c jayau ipensa̱tpay we'n, iwamp igui-oyninʉmáj Dios, mit caje' jayajwat.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].