Filipenses 3
3
Natsʉ̱́nga oy mit Dios
1Jinap hermanujat, ma ji'c injo̱jtat ni'c incupʉjcap el Señor. Ʉ̱ tʉganicansa̱jtʉp te tʉja'ygʉs̈apatu we'n, mit ayé oy pa mijchat. 2Nicuidá̱tcʉjʉ mit ayé malwatpayna'jat ni'c je'jat yo'ygap as̈am tacna'jat. Nicuidá̱tcʉjʉ-ey mit ayé jayajwat ni'c je'jat itʉ'tsmarca̱tcapu tu'c jayau icuerpuni'c. 3Ʉjtsat ayé natsʉ̱ngapay marca̱tic iyacs̈ta'cway ni'c nacupʉjcap Cristu Jesús najo̱tni'jcat, mit na-adora̱tcapey Dios mit nu'pʉjʉn najo̱jtat, mit ji'cp najo̱jtat ni'c namutʉgʉygau Cristu Jesús, mit naganiconfia̱tcʉjʉp ʉjtsatu. 4Ʉ̱ oyapate tʉniconfia̱jtʉ ʉ̱jyu. Te tambʉn niconfia̱jtʉp je'yu, ʉ̱ más tʉnaguep derechu. 5Tʉs̈aguejp ocho s̈ʉjw tʉs̈marca̱tcau. Ʉ̱ tʉIsraelway mit tʉpichin Benjamín ifamiliani'c. Tʉnte̱t hebreu mit ʉ̱ we'ney. Mit como tʉfariseuate, tʉncupʉc mʉgʉc ayé ley. 6Tʉnwano'c tʉs̈cuida̱twa'n tʉnlejyat hasta tʉmpo'ctangʉs̈au Cristu icupʉcpajyat. Tʉyo'y yacs̈ic mit ayé ley, mit nepʉnate tʉs̈caculpa̱tu. 7Po ayé cosajat tʉnaguepwayate oy pa ʉ̱, jinap tʉnaguep ayé por togoyic ni'c más tʉnwamp Cristu. 8Iyacs̈ta'cway nu'pʉjʉn cosajat tʉnaguep por togoyic ni'c más oy tʉs̈-is̈capwa'n Cristu Jesús el Señor. Jinap tʉncuyaguiway nu'pʉjʉn ni'c tʉnwamp Cristu, mit tʉn-ámpay vida ayé as̈am pu̱tsputs tʉncuyaguiu pa tʉs̈pʉctsowa'n Cristu. 9Mit jinap tʉnmutʉgʉy Cristu ni'c ʉ̱jyu ca-oyawu tʉniyacs̈icninʉ́jmʉ mit ayé ley, po tʉyacs̈icninʉmic ni'c tʉncupʉcp Cristu, mit Dios nas̈yacs̈icninʉmgap te nacupʉjcap Cristu. 10Ʉ̱ más tʉnwamp tʉs̈-is̈capwa'n Cristu, mit tʉnwamp tʉs̈mo'áj maj ni'c je' jutucta̱c mit jinap ijtʉp poder. Tʉnwamp tʉs̈tunas̈wa'n as̈am je' iguitunas̈, mit tʉnwamp tʉ-o'cwa'n as̈am je' i-o'jc. 11Mit tʉnwampey tʉjutucta'cwa'n mam itsʉ̱nga á̱nimajat.
Nasiguiá̱tca pa jʉpm
12Po tʉnganicojyap nu'pʉjʉn ayé cosajat tʉs̈mo'ámpay Dios, ne tʉganipichimp oy, po tʉsiguia̱tp pa jʉpm hasta tʉs̈cʉs̈wa'n tʉnyos̈ tʉs̈moyway Cristu Jesús, ni'c Cristu tʉs̈actan pa tʉyos̈watwa'n mit je'. 13Hermanujat, tʉnganʉmp ni'c tʉncʉs̈way nu'pʉjʉn tʉnyos̈, po tʉnwatp tu'c cosa, tʉnyijawiyo't nu'pʉjʉn jeme tanway mugus̈á̱m mit tʉniwajtʉp mʉgʉc pa tʉsiguia̱twa'n pa jʉpm. 14Dios tʉs̈ya̱s̈ pa tʉs̈actsʉ̱nawa'n tu'c premiu mit ayé premiu inʉmo'jcʉp vida cacʉs̈ámpay, mit tʉsiguia̱tp pa jʉpm hasta tʉs̈cojyawa'n ayé. Mit Dios nas̈moygáj ayé premiu ni'c nacupʉjcap Cristu Jesús.
15Ʉjtsat natsʉ̱ngapay mʉgʉc mit Dios, napensá̱tca ni-as̈amu nasiguia̱tcawa'n mʉgʉc. Mit te migapensa̱tcap we'n, Dios is̈majyigáj pa impensa̱tcawa'n oy. 16Po ʉjtsat más oy najayaumáyga lo que najawiganupay, mit nagapítujca pa mugus̈á̱m.
17Hermanujat, wátca as̈am ʉ̱ tʉs̈wat, mit pʉ́jca ejemplu mit jeme yo'ygapay yacs̈ic as̈am ʉjtsat tʉyo'yga. 18Tʉnʉmgʉs̈away mayo'c viaje, jinap tʉnʉmgʉs̈apatu hasta tu'mp tʉnjo̱jt, ni'c itp mayo'c jayajwat igawangapay iguisiguia̱tcajawa'n Cristu jeme o'cway cunu̱s̈ni'c. 19Ayé jayajwat togoygáj ni'c iche'ngap pa je'jatu itsʉ̱ngawa'n oy. Je'jat i-oyninʉmgap mal cosajat mit cawinchu̱gagap. Je'jat más iwatcap cuenta nu'pʉjʉn itpay en ayʉ̱́j mundu. 20Po ʉjtsat más nawatcap cuenta itpay tsajpni'c, ni'c najayaumaygap Dios. Mit na-atsʉ̱ngap hasta imi'nwa'n tsajpni'c el Señor Jesucristu jeme nas̈salva̱tcaway. 21Mit je' nas̈tigatscajáj nacuerpujat jeme togoyámpay, mit najatcáj as̈am Cristu i-oymanagui mit nagajatogoygáj. Mit iwatáj we'n ni'c ijtʉp poder pa iguidomina̱twa'n nu'pʉjʉn cosajat.
Currently Selected:
Filipenses 3: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
Filipenses 3
3
Natsʉ̱́nga oy mit Dios
1Jinap hermanujat, ma ji'c injo̱jtat ni'c incupʉjcap el Señor. Ʉ̱ tʉganicansa̱jtʉp te tʉja'ygʉs̈apatu we'n, mit ayé oy pa mijchat. 2Nicuidá̱tcʉjʉ mit ayé malwatpayna'jat ni'c je'jat yo'ygap as̈am tacna'jat. Nicuidá̱tcʉjʉ-ey mit ayé jayajwat ni'c je'jat itʉ'tsmarca̱tcapu tu'c jayau icuerpuni'c. 3Ʉjtsat ayé natsʉ̱ngapay marca̱tic iyacs̈ta'cway ni'c nacupʉjcap Cristu Jesús najo̱tni'jcat, mit na-adora̱tcapey Dios mit nu'pʉjʉn najo̱jtat, mit ji'cp najo̱jtat ni'c namutʉgʉygau Cristu Jesús, mit naganiconfia̱tcʉjʉp ʉjtsatu. 4Ʉ̱ oyapate tʉniconfia̱jtʉ ʉ̱jyu. Te tambʉn niconfia̱jtʉp je'yu, ʉ̱ más tʉnaguep derechu. 5Tʉs̈aguejp ocho s̈ʉjw tʉs̈marca̱tcau. Ʉ̱ tʉIsraelway mit tʉpichin Benjamín ifamiliani'c. Tʉnte̱t hebreu mit ʉ̱ we'ney. Mit como tʉfariseuate, tʉncupʉc mʉgʉc ayé ley. 6Tʉnwano'c tʉs̈cuida̱twa'n tʉnlejyat hasta tʉmpo'ctangʉs̈au Cristu icupʉcpajyat. Tʉyo'y yacs̈ic mit ayé ley, mit nepʉnate tʉs̈caculpa̱tu. 7Po ayé cosajat tʉnaguepwayate oy pa ʉ̱, jinap tʉnaguep ayé por togoyic ni'c más tʉnwamp Cristu. 8Iyacs̈ta'cway nu'pʉjʉn cosajat tʉnaguep por togoyic ni'c más oy tʉs̈-is̈capwa'n Cristu Jesús el Señor. Jinap tʉncuyaguiway nu'pʉjʉn ni'c tʉnwamp Cristu, mit tʉn-ámpay vida ayé as̈am pu̱tsputs tʉncuyaguiu pa tʉs̈pʉctsowa'n Cristu. 9Mit jinap tʉnmutʉgʉy Cristu ni'c ʉ̱jyu ca-oyawu tʉniyacs̈icninʉ́jmʉ mit ayé ley, po tʉyacs̈icninʉmic ni'c tʉncupʉcp Cristu, mit Dios nas̈yacs̈icninʉmgap te nacupʉjcap Cristu. 10Ʉ̱ más tʉnwamp tʉs̈-is̈capwa'n Cristu, mit tʉnwamp tʉs̈mo'áj maj ni'c je' jutucta̱c mit jinap ijtʉp poder. Tʉnwamp tʉs̈tunas̈wa'n as̈am je' iguitunas̈, mit tʉnwamp tʉ-o'cwa'n as̈am je' i-o'jc. 11Mit tʉnwampey tʉjutucta'cwa'n mam itsʉ̱nga á̱nimajat.
Nasiguiá̱tca pa jʉpm
12Po tʉnganicojyap nu'pʉjʉn ayé cosajat tʉs̈mo'ámpay Dios, ne tʉganipichimp oy, po tʉsiguia̱tp pa jʉpm hasta tʉs̈cʉs̈wa'n tʉnyos̈ tʉs̈moyway Cristu Jesús, ni'c Cristu tʉs̈actan pa tʉyos̈watwa'n mit je'. 13Hermanujat, tʉnganʉmp ni'c tʉncʉs̈way nu'pʉjʉn tʉnyos̈, po tʉnwatp tu'c cosa, tʉnyijawiyo't nu'pʉjʉn jeme tanway mugus̈á̱m mit tʉniwajtʉp mʉgʉc pa tʉsiguia̱twa'n pa jʉpm. 14Dios tʉs̈ya̱s̈ pa tʉs̈actsʉ̱nawa'n tu'c premiu mit ayé premiu inʉmo'jcʉp vida cacʉs̈ámpay, mit tʉsiguia̱tp pa jʉpm hasta tʉs̈cojyawa'n ayé. Mit Dios nas̈moygáj ayé premiu ni'c nacupʉjcap Cristu Jesús.
15Ʉjtsat natsʉ̱ngapay mʉgʉc mit Dios, napensá̱tca ni-as̈amu nasiguia̱tcawa'n mʉgʉc. Mit te migapensa̱tcap we'n, Dios is̈majyigáj pa impensa̱tcawa'n oy. 16Po ʉjtsat más oy najayaumáyga lo que najawiganupay, mit nagapítujca pa mugus̈á̱m.
17Hermanujat, wátca as̈am ʉ̱ tʉs̈wat, mit pʉ́jca ejemplu mit jeme yo'ygapay yacs̈ic as̈am ʉjtsat tʉyo'yga. 18Tʉnʉmgʉs̈away mayo'c viaje, jinap tʉnʉmgʉs̈apatu hasta tu'mp tʉnjo̱jt, ni'c itp mayo'c jayajwat igawangapay iguisiguia̱tcajawa'n Cristu jeme o'cway cunu̱s̈ni'c. 19Ayé jayajwat togoygáj ni'c iche'ngap pa je'jatu itsʉ̱ngawa'n oy. Je'jat i-oyninʉmgap mal cosajat mit cawinchu̱gagap. Je'jat más iwatcap cuenta nu'pʉjʉn itpay en ayʉ̱́j mundu. 20Po ʉjtsat más nawatcap cuenta itpay tsajpni'c, ni'c najayaumaygap Dios. Mit na-atsʉ̱ngap hasta imi'nwa'n tsajpni'c el Señor Jesucristu jeme nas̈salva̱tcaway. 21Mit je' nas̈tigatscajáj nacuerpujat jeme togoyámpay, mit najatcáj as̈am Cristu i-oymanagui mit nagajatogoygáj. Mit iwatáj we'n ni'c ijtʉp poder pa iguidomina̱twa'n nu'pʉjʉn cosajat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].