Santiago 4
4
Jeme iwangapay mal itpay en ayʉ̱́j mundu
1¿Nat ichu̱chi tu'c tsuguin mit tini'c inyi-ago'jcʉjʉ mijchat? Is̈actuwatcap mal lo que iyo'tpay injo̱jtat. 2Mijchat inyijatcap tu'c cosa hasta mi-ago'jcap pa is̈aguepcawa'n lo que inwangapay. Inwangap jayje' mit mitsuguinwatcap ni'c ca-oyap is̈pʉctsouga lo que inwangapay. Inga-aguepcap neti ni'c ingayo'tcajap Dios. 3Inyo'tcap po ingapʉctsougap, ni'c inyo'tcap mal pa is̈malgasta̱tcawa'n mit ti inwangapay. 4Mijchat ingajatcap cumplia̱tca. Oy pi jawiga ni'c te inwangap mal itpay en ayʉ̱́j mundu, inyajcap Dios as̈am inmutsuguijnat. Pʉmba'tu jeme i-amigujatpay jayajwat iwangapay mal itpay en ayʉ̱́j mundu, ayé Dios imutsuguin. 5Injawigap ni'c caje' jalmanu jeme tsʉ̱napay ja'yic Dios ilibruni'c: “Ayé Espíritu Santu jeme tsʉ̱napay najo̱tni'c, iwamp nawánga je'.” 6Je' nas̈wangap mit nas̈moygap favor. Jemni'c itsʉ̱na ja'yic Dios ilibruni'c: “Dios igapʉctsougʉs̈p jeme nimʉjninʉmgʉjʉpay, po imoygʉs̈p may favor pa jeme canimʉjninʉmgʉjʉpay.” 7Ni-entregá̱tcʉjʉ mit Dios. Majmóyga is̈tenta̱tcáj Awayagatsna', mit je' is̈cupo'jcáj. 8Cutómiga Dios, mit Dios is̈cutomigáj mijchat. Maljayajwat, camjawatca mal. Mijchat jeme impensa̱tcapay mechc cosa, yo'tcaja Dios pi is̈limpia̱tcac. 9Mijchat jeme inwatcapay mal pi tsʉ̱nga triste, ma tu'nga injo̱jtat, pi jʉyga may. Te mis̈i̱jcapate, jinap jʉ́yga. Te ji'cpate injo̱jtat, jinap tsʉ̱́nga triste. 10Camnimʉjninʉmgʉjʉ mam Dios is̈-e'pcáj, mit je' is̈mʉjninʉmgáj.
Nagamalninʉm nahermanu
11Hermanujat, camnitucotscʉjʉ mijchat. Jeme itucotsámpay mit imalninʉmámpay ihermanu, itucojtsap mit imalninʉjmap Dios iley. Po te mijchat inmalninʉmgap ley, ingajayaumaygap ley, miniwatcʉjʉp as̈am juezat iyajcapay ley. 12Itp tu'c jeme iyacway ley mit ayé Dios, mit je' ayé Juez. Je' oyap iguisalva̱t mit oyap igui-actogoy jeme iguigajayaumaypay. Mijchat migaje'jat juezat pa is̈malninʉmgawa'n inmupro̱wije̱way.
Nagamʉjninʉm lo que nawatámpay
13Mijchat inyʉmgap: “Jinap o jobom nanʉs̈cáj en tu'c nʉ'jcopac mit natsʉ̱ngáj tu'c s̈iwit, mit najuygáj tanti pa nas̈to'jcawa'n, mit na-actsʉ̱ngáj may tumi̱n.” 14Mit ingajawigap ti jatámpay jobom. Ni'c ¿as̈am ti ayé navida? Navida as̈am tu'c ma̱nic ni'c que's̈p s̈ʉ̱n, cʉs̈wa'n togoypatu. 15Po más oy pi nʉmga: “Te Dios iwamp, na-aguepcáj vida, mit nawatcáj ayʉ̱́jway o jatu'c cosa.” 16Po jinap mijchat minimʉjninʉmgʉjʉp. Malo'c nanimʉjninʉ́jmʉ we'n. 17Te tu'c jayau ijawip pa iguiwatwa'n oy po igawatp, ayé jayau iwatp mal.
Currently Selected:
Santiago 4: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
Santiago 4
4
Jeme iwangapay mal itpay en ayʉ̱́j mundu
1¿Nat ichu̱chi tu'c tsuguin mit tini'c inyi-ago'jcʉjʉ mijchat? Is̈actuwatcap mal lo que iyo'tpay injo̱jtat. 2Mijchat inyijatcap tu'c cosa hasta mi-ago'jcap pa is̈aguepcawa'n lo que inwangapay. Inwangap jayje' mit mitsuguinwatcap ni'c ca-oyap is̈pʉctsouga lo que inwangapay. Inga-aguepcap neti ni'c ingayo'tcajap Dios. 3Inyo'tcap po ingapʉctsougap, ni'c inyo'tcap mal pa is̈malgasta̱tcawa'n mit ti inwangapay. 4Mijchat ingajatcap cumplia̱tca. Oy pi jawiga ni'c te inwangap mal itpay en ayʉ̱́j mundu, inyajcap Dios as̈am inmutsuguijnat. Pʉmba'tu jeme i-amigujatpay jayajwat iwangapay mal itpay en ayʉ̱́j mundu, ayé Dios imutsuguin. 5Injawigap ni'c caje' jalmanu jeme tsʉ̱napay ja'yic Dios ilibruni'c: “Ayé Espíritu Santu jeme tsʉ̱napay najo̱tni'c, iwamp nawánga je'.” 6Je' nas̈wangap mit nas̈moygap favor. Jemni'c itsʉ̱na ja'yic Dios ilibruni'c: “Dios igapʉctsougʉs̈p jeme nimʉjninʉmgʉjʉpay, po imoygʉs̈p may favor pa jeme canimʉjninʉmgʉjʉpay.” 7Ni-entregá̱tcʉjʉ mit Dios. Majmóyga is̈tenta̱tcáj Awayagatsna', mit je' is̈cupo'jcáj. 8Cutómiga Dios, mit Dios is̈cutomigáj mijchat. Maljayajwat, camjawatca mal. Mijchat jeme impensa̱tcapay mechc cosa, yo'tcaja Dios pi is̈limpia̱tcac. 9Mijchat jeme inwatcapay mal pi tsʉ̱nga triste, ma tu'nga injo̱jtat, pi jʉyga may. Te mis̈i̱jcapate, jinap jʉ́yga. Te ji'cpate injo̱jtat, jinap tsʉ̱́nga triste. 10Camnimʉjninʉmgʉjʉ mam Dios is̈-e'pcáj, mit je' is̈mʉjninʉmgáj.
Nagamalninʉm nahermanu
11Hermanujat, camnitucotscʉjʉ mijchat. Jeme itucotsámpay mit imalninʉmámpay ihermanu, itucojtsap mit imalninʉjmap Dios iley. Po te mijchat inmalninʉmgap ley, ingajayaumaygap ley, miniwatcʉjʉp as̈am juezat iyajcapay ley. 12Itp tu'c jeme iyacway ley mit ayé Dios, mit je' ayé Juez. Je' oyap iguisalva̱t mit oyap igui-actogoy jeme iguigajayaumaypay. Mijchat migaje'jat juezat pa is̈malninʉmgawa'n inmupro̱wije̱way.
Nagamʉjninʉm lo que nawatámpay
13Mijchat inyʉmgap: “Jinap o jobom nanʉs̈cáj en tu'c nʉ'jcopac mit natsʉ̱ngáj tu'c s̈iwit, mit najuygáj tanti pa nas̈to'jcawa'n, mit na-actsʉ̱ngáj may tumi̱n.” 14Mit ingajawigap ti jatámpay jobom. Ni'c ¿as̈am ti ayé navida? Navida as̈am tu'c ma̱nic ni'c que's̈p s̈ʉ̱n, cʉs̈wa'n togoypatu. 15Po más oy pi nʉmga: “Te Dios iwamp, na-aguepcáj vida, mit nawatcáj ayʉ̱́jway o jatu'c cosa.” 16Po jinap mijchat minimʉjninʉmgʉjʉp. Malo'c nanimʉjninʉ́jmʉ we'n. 17Te tu'c jayau ijawip pa iguiwatwa'n oy po igawatp, ayé jayau iwatp mal.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].