Hebreos 7
7
Ayé mʉjpa̱nij Melquisedec
1Mit Melquisedec tsʉ̱nau rey nʉ'jcopac Salem, mit Dios yucmay iguiyac de mʉjpa̱nij. Mit je' pichin iguipa̱jtsou Abraham cuandu iguivencia̱tcʉs̈ ayé rejyat. Mit Melquisedec ibendiciona̱t Abraham. 2Mit Abraham i-aparta̱t ayé biejnat i-actsʉ̱naway en ayé tsuguin, mit imoy tu'c parte Melquisedec pa diezmu. Mit Melquisedec inʉ'jy inʉmo'jcʉp tu'c rey iwatpay iyacs̈ta'cway, mit we'ney tsʉ̱nau rey Salem, mit ayé inʉmo'jcʉp tu'c rey iyacpay paz. 3Mit nepʉn igajawip pʉn ima̱m mit pʉn ite̱t, mit ifamiliajat catsʉ̱ngap ja'ygu'tic Dios ilibruni'c, mit nepʉn igajawip mu̱tij i-ijt ne mu̱tij i-o'jc, mit tsʉ̱nau as̈am Dios iway ni'c tan mʉjpa̱nij pa siempre.
4E'pca nat itsʉ̱na mʉjninʉmic Melquisedec, hasta iguimoy Abraham nate̱jtat diezmu, tu'c parte de ayé biejnat i-actsʉ̱naway en ayé tsuguin. 5Mit solo jeme pichingaway Leví ifamiliani'c icupiugau pa itangawa'n de mʉjpa̱nij, mit je'jat itcʉjʉu orden pa iguipʉctsougawa'n diezmujat, ni'c we'n iguinʉjm Moisés iley. Mit ayé diezmu iyajcau nije'yu ifamiliajat, ni'c je'jat pichingau Abraham ifamiliani'c mit obliga̱tic iguiyajcawa'n diezmu. 6Po Melquisedec capichinu Leví ifamiliani'c, po majawe'naj je' ipʉctsojwau Abraham idiezmu, mit ibendiciona̱t Abraham jeme ipʉctso̱way ayé promesa. 7Najawigap ni'c Melquisedec más mʉjninʉmic que Abraham, ni'c más mʉjninʉmic jeme bendiciona̱tpay que jeme ipʉctso̱pay ayé bendición. 8Mit Leví ifamiliajat ipʉctsougau diezmujat, mit je'jat o'jcau. Po Melquisedec ipʉctso̱u diezmu, mit inʉm Dios ilibruni'c ni'c je' tsʉ̱nap as̈am ca-o'guicway. 9Mit oyapey nas̈nʉm ni'c as̈am Abraham iguimojy diezmu Melquisedec, nu'pʉjʉn Leví ifamiliajat casi imoygawey diezmu Melquisedec, mit je'jatate ayé ipʉctsougámpay diezmujat. 10Ni'c wejpu'n Leví cani-itp cuandu Melquisedec oy iguipa̱jtsou Abraham, ni'c Leví pichin Abraham ifamiliani'c.
11Ayé pa̱nijat jeme pichingaway Leví ifamiliani'c iyajcajau ley ma jayaumayga ayé jayajwat. Ma pichingate oy ayé pa̱nijat mit jeme ipʉctsougaway ayé ley, ¿tini'c ica's̈ʉ'cwa'n jatu'c mʉjpa̱nij as̈am Melquisedec, mit caje' as̈am Aarón itajn mʉjpa̱nij? 12Po como Dios itigats ayé mʉjpa̱nijat, it ti iguitigajtsey ayé ley. 13Mit el Señor Jesucristu ayé mʉjpa̱nij jeme tsʉ̱napay as̈am Melquisedec, mit je' pichin en jatu'c familia, mit ayé familia ca-ijtʉwu derechu iguisacrifica̱tcawa'n aníma̱jtat pa Dios, as̈am ayé pa̱nijat iguiwátcaj jeme pichingaway Leví ifamiliani'c. 14Najawigap ni'c el Señor Jesucristu pichin Judá ifamiliani'c, mit Moisés iganʉmu ni'c Judá ifamiliajat pichingáj mʉjpa̱nijat.
15Mit jinap najawigap más claru, ni'c pichin jatu'c mʉjpa̱nij as̈amu Melquisedec. 16Ni'c Jesús cajatu mʉjpa̱nij as̈am imanda̱t Moisés iley, ni'c ayé ley inʉm ni'c ma pichinga pa̱nijat Leví ifamiliani'c. Po Jesús jat mʉjpa̱nij ni'c Dios iguimoy poder pa igacʉs̈wa'n nunca. 17Ni'c Dios inʉjmau je':
Mi̱ mimʉjpa̱nij pa siempre,
as̈am itajn mʉjpa̱nij Melquisedec.
18Mit tamp togoyda'guic ayé mandamientu itway primeru, ni'c ca-oyawu nas̈majyigap ne ca-ijtʉwu provechu. 19Mit como ayé ley nas̈ca-acpichingawu oy, jinap na-atsʉ̱ngap tu'c cosa más oyway ni'c Cristu nas̈ajcoygáj mam Dios.
20Jesús tan mʉjpa̱nij ni'c Dios we'n ijura̱jt. 21Po ayé ampay jayajwat cuandu itángaj de pa̱nijat, ca-itu nejʉmay juramentu. Po Jesús Dios iguijura̱jtau, as̈am iguinʉjm ilibruni'c:
El Señor Dios jura̱t, mit igatigatsáj lo que inʉmway:
“Mi̱ mimʉjpa̱nij pa siempre,
as̈am itajn mʉjpa̱nij Melquisedec.”
22Jemni'c itanwa'n más seguru ayé nam acuerdu iwatway Jesús, mit ayé acuerdu más oy que ayé ampay ley. 23Ni'c ámbanu mayo'c jeme tangaway de pa̱nijat, ca-oyawu isiguia̱tca ni'c o'jcau. 24Po Jesús tan de mʉjpa̱nij pa siempre, mit ayé nunca catigatsáj ni'c je' ca-o'gáj. 25Jemni'c je' oyap iguisalva̱tcʉs̈ pa siempre nu'pʉjʉn jayajwat icutomigapay Dios ni'c je'jat imutʉgʉygau Jesús. Mit Jesús nas̈majyigap, ni'c je' siempre tsʉ̱nap pa iguiyo'jtawa'n Dios pa ʉjtsat.
26Jinap natsʉ̱ngap oy ni'c na-aguepcap tu'c mʉjpa̱nij as̈amay Jesús, ni'c je' limpiu, iga-is̈capu nejʉmay mal, camancha̱tic mit mal, catsʉ̱nap mit maljayajwat, mit je' tsʉ̱nap más mʉjninʉmic tsajpni'c. 27Mit Jesús caje' as̈am ayé mʉjpa̱nijat ámbanuway, ni'c je'jat iyaguí̱jcau aníma̱tnipin, primeru pa je'jat ima̱jlat, mit cʉs̈ iyajcawatu pa jayajwat ima̱jlat. Po Jesús tu'mbagu iguiyajc inipin ni'c ni-entrega̱jtʉu pa i-o'cwa'n pa ʉjtsat. 28Moisés iley iyac mʉjpa̱nijat jeme capichingaway oy, po más después de ayé ley, Dios jura̱t pa iguiyacwa'n iway de mʉjpa̱nij, mit je' pichin oy pa siempre.
Currently Selected:
Hebreos 7: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
Hebreos 7
7
Ayé mʉjpa̱nij Melquisedec
1Mit Melquisedec tsʉ̱nau rey nʉ'jcopac Salem, mit Dios yucmay iguiyac de mʉjpa̱nij. Mit je' pichin iguipa̱jtsou Abraham cuandu iguivencia̱tcʉs̈ ayé rejyat. Mit Melquisedec ibendiciona̱t Abraham. 2Mit Abraham i-aparta̱t ayé biejnat i-actsʉ̱naway en ayé tsuguin, mit imoy tu'c parte Melquisedec pa diezmu. Mit Melquisedec inʉ'jy inʉmo'jcʉp tu'c rey iwatpay iyacs̈ta'cway, mit we'ney tsʉ̱nau rey Salem, mit ayé inʉmo'jcʉp tu'c rey iyacpay paz. 3Mit nepʉn igajawip pʉn ima̱m mit pʉn ite̱t, mit ifamiliajat catsʉ̱ngap ja'ygu'tic Dios ilibruni'c, mit nepʉn igajawip mu̱tij i-ijt ne mu̱tij i-o'jc, mit tsʉ̱nau as̈am Dios iway ni'c tan mʉjpa̱nij pa siempre.
4E'pca nat itsʉ̱na mʉjninʉmic Melquisedec, hasta iguimoy Abraham nate̱jtat diezmu, tu'c parte de ayé biejnat i-actsʉ̱naway en ayé tsuguin. 5Mit solo jeme pichingaway Leví ifamiliani'c icupiugau pa itangawa'n de mʉjpa̱nij, mit je'jat itcʉjʉu orden pa iguipʉctsougawa'n diezmujat, ni'c we'n iguinʉjm Moisés iley. Mit ayé diezmu iyajcau nije'yu ifamiliajat, ni'c je'jat pichingau Abraham ifamiliani'c mit obliga̱tic iguiyajcawa'n diezmu. 6Po Melquisedec capichinu Leví ifamiliani'c, po majawe'naj je' ipʉctsojwau Abraham idiezmu, mit ibendiciona̱t Abraham jeme ipʉctso̱way ayé promesa. 7Najawigap ni'c Melquisedec más mʉjninʉmic que Abraham, ni'c más mʉjninʉmic jeme bendiciona̱tpay que jeme ipʉctso̱pay ayé bendición. 8Mit Leví ifamiliajat ipʉctsougau diezmujat, mit je'jat o'jcau. Po Melquisedec ipʉctso̱u diezmu, mit inʉm Dios ilibruni'c ni'c je' tsʉ̱nap as̈am ca-o'guicway. 9Mit oyapey nas̈nʉm ni'c as̈am Abraham iguimojy diezmu Melquisedec, nu'pʉjʉn Leví ifamiliajat casi imoygawey diezmu Melquisedec, mit je'jatate ayé ipʉctsougámpay diezmujat. 10Ni'c wejpu'n Leví cani-itp cuandu Melquisedec oy iguipa̱jtsou Abraham, ni'c Leví pichin Abraham ifamiliani'c.
11Ayé pa̱nijat jeme pichingaway Leví ifamiliani'c iyajcajau ley ma jayaumayga ayé jayajwat. Ma pichingate oy ayé pa̱nijat mit jeme ipʉctsougaway ayé ley, ¿tini'c ica's̈ʉ'cwa'n jatu'c mʉjpa̱nij as̈am Melquisedec, mit caje' as̈am Aarón itajn mʉjpa̱nij? 12Po como Dios itigats ayé mʉjpa̱nijat, it ti iguitigajtsey ayé ley. 13Mit el Señor Jesucristu ayé mʉjpa̱nij jeme tsʉ̱napay as̈am Melquisedec, mit je' pichin en jatu'c familia, mit ayé familia ca-ijtʉwu derechu iguisacrifica̱tcawa'n aníma̱jtat pa Dios, as̈am ayé pa̱nijat iguiwátcaj jeme pichingaway Leví ifamiliani'c. 14Najawigap ni'c el Señor Jesucristu pichin Judá ifamiliani'c, mit Moisés iganʉmu ni'c Judá ifamiliajat pichingáj mʉjpa̱nijat.
15Mit jinap najawigap más claru, ni'c pichin jatu'c mʉjpa̱nij as̈amu Melquisedec. 16Ni'c Jesús cajatu mʉjpa̱nij as̈am imanda̱t Moisés iley, ni'c ayé ley inʉm ni'c ma pichinga pa̱nijat Leví ifamiliani'c. Po Jesús jat mʉjpa̱nij ni'c Dios iguimoy poder pa igacʉs̈wa'n nunca. 17Ni'c Dios inʉjmau je':
Mi̱ mimʉjpa̱nij pa siempre,
as̈am itajn mʉjpa̱nij Melquisedec.
18Mit tamp togoyda'guic ayé mandamientu itway primeru, ni'c ca-oyawu nas̈majyigap ne ca-ijtʉwu provechu. 19Mit como ayé ley nas̈ca-acpichingawu oy, jinap na-atsʉ̱ngap tu'c cosa más oyway ni'c Cristu nas̈ajcoygáj mam Dios.
20Jesús tan mʉjpa̱nij ni'c Dios we'n ijura̱jt. 21Po ayé ampay jayajwat cuandu itángaj de pa̱nijat, ca-itu nejʉmay juramentu. Po Jesús Dios iguijura̱jtau, as̈am iguinʉjm ilibruni'c:
El Señor Dios jura̱t, mit igatigatsáj lo que inʉmway:
“Mi̱ mimʉjpa̱nij pa siempre,
as̈am itajn mʉjpa̱nij Melquisedec.”
22Jemni'c itanwa'n más seguru ayé nam acuerdu iwatway Jesús, mit ayé acuerdu más oy que ayé ampay ley. 23Ni'c ámbanu mayo'c jeme tangaway de pa̱nijat, ca-oyawu isiguia̱tca ni'c o'jcau. 24Po Jesús tan de mʉjpa̱nij pa siempre, mit ayé nunca catigatsáj ni'c je' ca-o'gáj. 25Jemni'c je' oyap iguisalva̱tcʉs̈ pa siempre nu'pʉjʉn jayajwat icutomigapay Dios ni'c je'jat imutʉgʉygau Jesús. Mit Jesús nas̈majyigap, ni'c je' siempre tsʉ̱nap pa iguiyo'jtawa'n Dios pa ʉjtsat.
26Jinap natsʉ̱ngap oy ni'c na-aguepcap tu'c mʉjpa̱nij as̈amay Jesús, ni'c je' limpiu, iga-is̈capu nejʉmay mal, camancha̱tic mit mal, catsʉ̱nap mit maljayajwat, mit je' tsʉ̱nap más mʉjninʉmic tsajpni'c. 27Mit Jesús caje' as̈am ayé mʉjpa̱nijat ámbanuway, ni'c je'jat iyaguí̱jcau aníma̱tnipin, primeru pa je'jat ima̱jlat, mit cʉs̈ iyajcawatu pa jayajwat ima̱jlat. Po Jesús tu'mbagu iguiyajc inipin ni'c ni-entrega̱jtʉu pa i-o'cwa'n pa ʉjtsat. 28Moisés iley iyac mʉjpa̱nijat jeme capichingaway oy, po más después de ayé ley, Dios jura̱t pa iguiyacwa'n iway de mʉjpa̱nij, mit je' pichin oy pa siempre.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].