Hebreos 12
12
Naga-e'pyájca Jesús
1Jinap ʉjtsat na-aguepcap mayo'c ampay jayajwat nas̈yajcajaway ejemplu nat nacupʉjcawa'n. Jemni'c nachi'tca nu'pʉjʉn cosa nas̈-u'tscapay, mit nu'pʉjʉn ma̱jlat nas̈ajca'ugapay, mit napujʉ'jca pa jʉpm en ayé carrera nas̈moygaway Dios, mit nagacutániga. 2Mit naga-e'pyájca Jesús, ni'c je' i-acchu̱chiu lo que nacupʉjcapay, mit je' nas̈acpichingáj oy. Je' ji'c ijo̱jt ni'c isalva̱tcʉs̈áj jayajwat, jemni'c je' imajmoy iguitunas̈ cunu̱s̈ni'c, mit igawatu cuenta jeme iguitucotscaway. Mit jinap je' tsʉ̱nap mʉjninʉmic i-oyimaycʉ'ni'c Dios mam je' imanda̱t.
3Nijáwiga lo que iwatway Jesús ni'c je' itunas̈ cuandu iguipʉctʉgʉygau maljayajwat, pa we'n miganicansa̱tcʉjʉ̱́j ne migadesmaya̱tcáj. 4Mijchat milucha̱tcap mit ma̱jlat, po inganitunas̈cap hasta pa in-o'jcawa'n. 5¿Mijchat inyijawiyo'tcaway nat is̈tsawigau Dios? ni'c je' is̈-e'pcap as̈am is̈wajyat. Mit inʉm ilibruni'c:
Hijo, wat cuenta cuandu el Señor is̈acyacs̈p pa pi jayaumay,
mit camdesmaya̱t cundu is̈che'cta'gáj.
6Ni'c el Señor jeme iwampay, i-acyacs̈áj,
mit nu'pʉjʉn iwayjatpay, icastiga̱táj.
7Mit oy pi majmoyga cuandu Dios is̈acyacs̈cáj, ni'c je' is̈-e'pcap as̈am is̈wajyat. Ni'c siempre tu'c jayau itp ti igui-acyacs̈wa'n iway pa ma jayaumay. 8Ni'c nu'pʉjʉn Dios iwajyat, je' i-acyacs̈cʉs̈p, mit te Dios is̈ca-acyacs̈cap mijchat, miyo'ygájate as̈am pejpejnat ni'c caje' Dios is̈wajyat. 9Natsʉ̱ngap en ayʉ̱́j mundu, na-aguepcap nate̱jtat, mit je'jat nas̈acyacs̈cap mit narespeta̱tcap je'jat. Jinap más oy najayaumáyga nate̱jtat Dios tsajpni'cway, mit natsʉ̱ngáj oy. 10Mit nate̱jtat nas̈acyacs̈cau pa tu'c tiempujyu natu je'jat iguijáwigaj. Po Dios nas̈acyacs̈cap pa natsʉ̱ngawa'n oy, pa we'n natsʉ̱ngáj aparta̱tic de nu'pʉjʉn mal as̈am je' itsʉ̱na. 11Cuandu meru nas̈acyacs̈cap Dios, caji'cp najo̱jtat, po cʉs̈wa'n ayé nas̈pichijnap más oy ni'c napʉctangap nas̈watcawa'n lo que iyacs̈ta'cway, mit natsʉ̱ngáj en paz mit Dios.
Jeme igapʉctsougapay Dios ifavor
12Jemni'c ni-animá̱tcʉjʉ mit moyga maj inhermanujat. 13Mit che'nga to̱u yacs̈icway mam inyo'ygawa'n, pa we'n jeme yo'ygapay desanima̱tic ma pʉjca maj, mit magapichinga yacs̈icto̱uni'c iyacway Dios.
14Siguiá̱tca intsʉ̱ngawa'n en paz minu'pʉjʉjnat, mit tsʉ̱nga-ey limpiu injo̱tni'jcat. Ni'c jeme catsʉ̱ngapay aparta̱tic de nu'pʉjʉn mal, ca-oyáj igui-e'pca el Señor Dios. 15Nicuidá̱tcʉjʉ nepʉn magacuyagui ayé favor iyacpay Dios, magaca's̈ʉ'c tu'c maljayau mam mijchat mit is̈actogoyda̱jcáj, mit oyap iguijimbʉ'n nu'pʉjʉn cupʉcpajyat. 16Maga-it mam mijchat tu'c malwatpayna', ne maga-itey tu'c jeme inijawiyo'támpay jaran Dios, as̈am iguiwajt Esaú, ni'c por tu'c cayan ito'ctʉgʉy iderechu pa iguimutanwa'n nu'pʉjʉn. 17Mit injawigap ni'c cʉs̈ iguiwajt we'n, ijawanatu ma iguibendiciona̱tac ite̱t, po ite̱t igajawanu iguipʉctsowáj. Mit caja-oyawu itigats lo que iwatway Esaú, mit je' jajʉyate.
18Jinap mijchat incutomigap Dios, caje' as̈am ampay jayajwat iguicutómigaj ayé copac Sinaí pa iguimaraugajawa'n Dios iley. Mit ayé copac icutomigaway tinin mʉgʉc, mit cʉs̈ chitimito'c itajn, mit chu̱chiu s̈e'mtu̱. 19Mit imaraugau ni'c ya̱s̈ trompeta, mit imaraugau ni'c Dios cots. Mit je'jat iyo'tcajau Dios ma iguigamucotscac más. 20Ni'c ca-oyawu iguimajmoyga lo que imanda̱tway Dios, ni'c inʉm te tu'c aníma̱t itute'mp ayé copac, ipojcajáj mit tsa', o icotcáj mit tu'c cujy jʉpacway. 21Mit igui-acpʉ̱tcau mʉgʉc lo que i-is̈caway, hasta Moisés inʉm: “Tʉpʉ̱to'cp mit hasta tʉyaratp.”
22Po jinap mijchat incutomigau ayé copac Sion mam i-ijtʉ inʉ'jcopac Dios jeme tsʉ̱napay pa siempre. Ayé inʉmo'jcʉp Jerusalén tsajpni'cway mam itsʉ̱nga miles de ángejlat apʉcmuguic pa igui-adora̱tcawa'n Dios. 23Mit jem itsʉ̱nga apʉcmuguic jeme Dios icupiugʉs̈way. Je'jat tsʉ̱ngap jem ni'c inʉ'jyat tsʉ̱ngap ja'ygu'tic en ayé libru ijtʉpay Dios. Mit jemey itsʉ̱na Dios jeme ijuzga̱tcʉs̈ámpay nu'pʉjʉn jayajwat, mit jemey itsʉ̱nga ayé jayajwat yacs̈ijcatway jeme pichingaway oy. 24Mit jemey itsʉ̱na Jesús jeme i-acchu̱chiway ayé nam acuerdu pa jayajwat ma tsʉ̱nga oy mit Dios. Mit je' i-acpujʉ'c inipin pa natsʉ̱nga perdona̱tic, mit ayé caje' as̈am Abel inipin, ni'c ayé iyo't pa jayajwatitsʉ̱ngawa'n castiga̱tic.
25Jinap márauga cuandu is̈mucotscap Dios. Ni'c ayé ampay jayajwat igamaraugawu Dios, mit ca-oyawu iguicupo'jca ayé castigu, mit Dios itsawigʉs̈ yam na̱s̈ni'c. Mit ʉjtsat más ca-oyáj napo'jca te nagamaraugap Dios jeme nas̈tsawigapay desde tsajpni'c. 26Ayé tiempu icojts Dios hasta i-acyʉgʉn na̱s̈, po jinap iprometia̱t, mit inʉm ilibruni'c: “Jatu'mbac tʉnacyʉgʉnáj na̱s̈ mit tʉnacyʉgʉnámpey tsajp.” 27Mit cuandu iguinʉm jatu'mbac i-acyʉgʉnáj na̱s̈ mit tsajp, ayé inʉmo'jcʉp ni'c Dios i-actogoyáj nu'pʉjʉn cosa catanámpay pa siempre, ni'c cʉs̈áj nu'pʉjʉn cosa waticway na̱s̈ni'c mit tsajpni'c, pa we'n tanáj ayé cosajat jeme nunca cacʉs̈pay. 28Mit jinap napʉctsougau tu'c lugar catogoypay mam Dios imanda̱t tsajpni'c, mit jemni'c nanʉmí̱jcaja Dios ni'ctiyu̱s̈. Mit naserviá̱tcaja Dios, napʉ̱́tca je' mit narespetá̱tca as̈am je' iguiwa'n. 29Ni'c Dios as̈am tu'c jʉjn jeme ino'cpay nu'pʉjʉn ma̱jlat.
Currently Selected:
Hebreos 12: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
Hebreos 12
12
Naga-e'pyájca Jesús
1Jinap ʉjtsat na-aguepcap mayo'c ampay jayajwat nas̈yajcajaway ejemplu nat nacupʉjcawa'n. Jemni'c nachi'tca nu'pʉjʉn cosa nas̈-u'tscapay, mit nu'pʉjʉn ma̱jlat nas̈ajca'ugapay, mit napujʉ'jca pa jʉpm en ayé carrera nas̈moygaway Dios, mit nagacutániga. 2Mit naga-e'pyájca Jesús, ni'c je' i-acchu̱chiu lo que nacupʉjcapay, mit je' nas̈acpichingáj oy. Je' ji'c ijo̱jt ni'c isalva̱tcʉs̈áj jayajwat, jemni'c je' imajmoy iguitunas̈ cunu̱s̈ni'c, mit igawatu cuenta jeme iguitucotscaway. Mit jinap je' tsʉ̱nap mʉjninʉmic i-oyimaycʉ'ni'c Dios mam je' imanda̱t.
3Nijáwiga lo que iwatway Jesús ni'c je' itunas̈ cuandu iguipʉctʉgʉygau maljayajwat, pa we'n miganicansa̱tcʉjʉ̱́j ne migadesmaya̱tcáj. 4Mijchat milucha̱tcap mit ma̱jlat, po inganitunas̈cap hasta pa in-o'jcawa'n. 5¿Mijchat inyijawiyo'tcaway nat is̈tsawigau Dios? ni'c je' is̈-e'pcap as̈am is̈wajyat. Mit inʉm ilibruni'c:
Hijo, wat cuenta cuandu el Señor is̈acyacs̈p pa pi jayaumay,
mit camdesmaya̱t cundu is̈che'cta'gáj.
6Ni'c el Señor jeme iwampay, i-acyacs̈áj,
mit nu'pʉjʉn iwayjatpay, icastiga̱táj.
7Mit oy pi majmoyga cuandu Dios is̈acyacs̈cáj, ni'c je' is̈-e'pcap as̈am is̈wajyat. Ni'c siempre tu'c jayau itp ti igui-acyacs̈wa'n iway pa ma jayaumay. 8Ni'c nu'pʉjʉn Dios iwajyat, je' i-acyacs̈cʉs̈p, mit te Dios is̈ca-acyacs̈cap mijchat, miyo'ygájate as̈am pejpejnat ni'c caje' Dios is̈wajyat. 9Natsʉ̱ngap en ayʉ̱́j mundu, na-aguepcap nate̱jtat, mit je'jat nas̈acyacs̈cap mit narespeta̱tcap je'jat. Jinap más oy najayaumáyga nate̱jtat Dios tsajpni'cway, mit natsʉ̱ngáj oy. 10Mit nate̱jtat nas̈acyacs̈cau pa tu'c tiempujyu natu je'jat iguijáwigaj. Po Dios nas̈acyacs̈cap pa natsʉ̱ngawa'n oy, pa we'n natsʉ̱ngáj aparta̱tic de nu'pʉjʉn mal as̈am je' itsʉ̱na. 11Cuandu meru nas̈acyacs̈cap Dios, caji'cp najo̱jtat, po cʉs̈wa'n ayé nas̈pichijnap más oy ni'c napʉctangap nas̈watcawa'n lo que iyacs̈ta'cway, mit natsʉ̱ngáj en paz mit Dios.
Jeme igapʉctsougapay Dios ifavor
12Jemni'c ni-animá̱tcʉjʉ mit moyga maj inhermanujat. 13Mit che'nga to̱u yacs̈icway mam inyo'ygawa'n, pa we'n jeme yo'ygapay desanima̱tic ma pʉjca maj, mit magapichinga yacs̈icto̱uni'c iyacway Dios.
14Siguiá̱tca intsʉ̱ngawa'n en paz minu'pʉjʉjnat, mit tsʉ̱nga-ey limpiu injo̱tni'jcat. Ni'c jeme catsʉ̱ngapay aparta̱tic de nu'pʉjʉn mal, ca-oyáj igui-e'pca el Señor Dios. 15Nicuidá̱tcʉjʉ nepʉn magacuyagui ayé favor iyacpay Dios, magaca's̈ʉ'c tu'c maljayau mam mijchat mit is̈actogoyda̱jcáj, mit oyap iguijimbʉ'n nu'pʉjʉn cupʉcpajyat. 16Maga-it mam mijchat tu'c malwatpayna', ne maga-itey tu'c jeme inijawiyo'támpay jaran Dios, as̈am iguiwajt Esaú, ni'c por tu'c cayan ito'ctʉgʉy iderechu pa iguimutanwa'n nu'pʉjʉn. 17Mit injawigap ni'c cʉs̈ iguiwajt we'n, ijawanatu ma iguibendiciona̱tac ite̱t, po ite̱t igajawanu iguipʉctsowáj. Mit caja-oyawu itigats lo que iwatway Esaú, mit je' jajʉyate.
18Jinap mijchat incutomigap Dios, caje' as̈am ampay jayajwat iguicutómigaj ayé copac Sinaí pa iguimaraugajawa'n Dios iley. Mit ayé copac icutomigaway tinin mʉgʉc, mit cʉs̈ chitimito'c itajn, mit chu̱chiu s̈e'mtu̱. 19Mit imaraugau ni'c ya̱s̈ trompeta, mit imaraugau ni'c Dios cots. Mit je'jat iyo'tcajau Dios ma iguigamucotscac más. 20Ni'c ca-oyawu iguimajmoyga lo que imanda̱tway Dios, ni'c inʉm te tu'c aníma̱t itute'mp ayé copac, ipojcajáj mit tsa', o icotcáj mit tu'c cujy jʉpacway. 21Mit igui-acpʉ̱tcau mʉgʉc lo que i-is̈caway, hasta Moisés inʉm: “Tʉpʉ̱to'cp mit hasta tʉyaratp.”
22Po jinap mijchat incutomigau ayé copac Sion mam i-ijtʉ inʉ'jcopac Dios jeme tsʉ̱napay pa siempre. Ayé inʉmo'jcʉp Jerusalén tsajpni'cway mam itsʉ̱nga miles de ángejlat apʉcmuguic pa igui-adora̱tcawa'n Dios. 23Mit jem itsʉ̱nga apʉcmuguic jeme Dios icupiugʉs̈way. Je'jat tsʉ̱ngap jem ni'c inʉ'jyat tsʉ̱ngap ja'ygu'tic en ayé libru ijtʉpay Dios. Mit jemey itsʉ̱na Dios jeme ijuzga̱tcʉs̈ámpay nu'pʉjʉn jayajwat, mit jemey itsʉ̱nga ayé jayajwat yacs̈ijcatway jeme pichingaway oy. 24Mit jemey itsʉ̱na Jesús jeme i-acchu̱chiway ayé nam acuerdu pa jayajwat ma tsʉ̱nga oy mit Dios. Mit je' i-acpujʉ'c inipin pa natsʉ̱nga perdona̱tic, mit ayé caje' as̈am Abel inipin, ni'c ayé iyo't pa jayajwatitsʉ̱ngawa'n castiga̱tic.
25Jinap márauga cuandu is̈mucotscap Dios. Ni'c ayé ampay jayajwat igamaraugawu Dios, mit ca-oyawu iguicupo'jca ayé castigu, mit Dios itsawigʉs̈ yam na̱s̈ni'c. Mit ʉjtsat más ca-oyáj napo'jca te nagamaraugap Dios jeme nas̈tsawigapay desde tsajpni'c. 26Ayé tiempu icojts Dios hasta i-acyʉgʉn na̱s̈, po jinap iprometia̱t, mit inʉm ilibruni'c: “Jatu'mbac tʉnacyʉgʉnáj na̱s̈ mit tʉnacyʉgʉnámpey tsajp.” 27Mit cuandu iguinʉm jatu'mbac i-acyʉgʉnáj na̱s̈ mit tsajp, ayé inʉmo'jcʉp ni'c Dios i-actogoyáj nu'pʉjʉn cosa catanámpay pa siempre, ni'c cʉs̈áj nu'pʉjʉn cosa waticway na̱s̈ni'c mit tsajpni'c, pa we'n tanáj ayé cosajat jeme nunca cacʉs̈pay. 28Mit jinap napʉctsougau tu'c lugar catogoypay mam Dios imanda̱t tsajpni'c, mit jemni'c nanʉmí̱jcaja Dios ni'ctiyu̱s̈. Mit naserviá̱tcaja Dios, napʉ̱́tca je' mit narespetá̱tca as̈am je' iguiwa'n. 29Ni'c Dios as̈am tu'c jʉjn jeme ino'cpay nu'pʉjʉn ma̱jlat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].